هوارة الوضع اللبناني..

لقيت إنو الطرافة و التنكيت أحسن وسيلة للتعبير بهالموضوع........

هوّر يا بو الهوّارة-----هون بلاد الحضارة

صارت عشرة كيلو و نص-----تحوي اتنعشر إمارة

يا لبناني فتّح عين-----ان ضلّينا عا هالأحوال

خبّرني بدنا من وين؟-----نردّ النسمة و العرزال

صرنا بالداخل فوجين-----عم نحكي بالإستقلال

عمّرنا مستعمرتين-----بين القيل و بين القال

نزلنا بحرب الآذارين----و كل مين استقوى برجال

رْياض الصلح المالو اتنين-----رحنالو على التمثال

فرّقنا الساحة بخطّين-----و لولا هالشويّة عِقّال...

كنّا تقاسمنا بكيسين-----عضمات الشيخ بشارة

و هوّر يا بو الهوّارة.....

و هالإعلام الما بيملّ-----اسمالله عالموضوعيّة

محطّة فاقت قبل الكل-----نشرتها برّانية

محطّة نشرتها بتضل-----تبرم متل الشمسية

محطّة شاشتها عالحل-----حرب و دم و حرّية

محطّة بتنشر عرض الكل-----متل لسان النوريّة

لك وحياة الرب المنجّل-----بهالعطلة الأسبوعية

مش حاضر إلا تي ألTL -----و فوتبول و باب الحارة

و هوّر يا بو الهوّارة...

و السياسة عالأخبار-----صارت متل الحزّورة

و المواكب عالمطار-----عم بتودّع مقهورة

إن ما عقلْتو يا أهل الدار-----و تبدّل لون الصورة

بدو بكرا يطل نهار-----التوبة ما إلها ضْرورة

و نسيّج داير من دار-----من حلبا للناقورة

و نكتب: متحف للآثار-----و شرفو لعنّا زيارة!!

إبراهيم ياسين

هور يا بو الهوارة ____ يا دين بويا الهواره
كلماتك ما في منين _____ بهل الأمة المحتارة

رأيس المجلس زعلان***والنواب المعتصمين
ولا نايب عنّا سألان***ولا الوزراء الموجودين
جايتنا دعمة من فلان***والله يساعدنا ويعين
الحق بنعرف عا الطليان***الضربة على الشعب المسكين
وما في زلمي بالدكان ***ألا مديون ملايين
الحكمونا منهم خوتان***اللي انتخبوهنّي مجانين
وكيف بدنا نعيش بلبنان***ومبارح غلّو البنزين
والهوارة يا اخوان***بتخفف عنا التعصيب
وشاركونا بالهوارة

يلا شباب كل واحد بيت عا الماشي

» عيد الجيش اللبناني
» نفخ نفخ.. من روائع الأدب اللبناني
» بماذا يؤمن اللبناني
» من " اهضم شعراء الزجل اللبناني