عيد الجيش اللبناني

يا نجوم شعّي عا كتف غاب القمر****يا سيوف ضوّي عتم ليلة عالشّجر
يا تراب زلزل تحت رنجر عسكري****بساح الوغى دعسات بتخلّي أثر
لولا القيادي الصالحة وجيش البري****ما كان ذنب الشغب يوم بينغفر
لولا عيون السهر بدها تفتري ****نامت جفون الزل وارتاح السهر
لولا ما جندي الحق صد الهمشري****كنّا بمآسي ظالمي وداب الوتر
لولا ما دم السلم بعروقو جري ****بعدا سيوف الظلم عم تاكل بشر
بحلف بشرع الدين دم الناصري ****يا جيش الله ينصرك يومك عشر
ويبقى جبينك مجد أرزة جابري ****ويدق قلبك كل ما دقّ النفير
وتغمر قلب بالحب عمرو ما انغمر

بحر الزجل بو شربل

وقّفت بين النار والبارود
وضليّت متل النور ضاويينا
أنتي الأمل يا جيشنا الموعود
وغير ك ما بدنا جيش يحمينا
اختلفوا السياسين والمقصود
قلنا بأنّو الرب ناسيينا
تاري وجودك بالسياسي وجود
وما تركت نار الحرب تكويينا

*************
يمكن يقولوا ليش ما تدخّل
يناصر فريق ويقصف التاني
مش عارفينك بعدك الأعقل
وعندك ولاءك صرف لبناني
نحنا بوطنّا بظن ما بنقبل
يحطّوك بين الناس تا تعاني
لازم تضل كبيير يا مجوقل
وايّياك تدخل بين أخوتنا
ألا بسلام وحزم أنساني

كل عيد وجيش وطنا بخير

بحر الزجل

» نفخ نفخ.. من روائع الأدب اللبناني
» بماذا يؤمن اللبناني
» هوارة الوضع اللبناني..
» من " اهضم شعراء الزجل اللبناني