طمّني يا عمّار

موضوع: طمّني يا عمّار السبت مايو 10, 2008 10:34 am

مبارح على الأخبار شفت النار
ودخان منّو طالع بغفلي
قررت أسأل صاحبي عمّار
كيف الوضع بالشعر يوصفلي

كيف الوضع عندك يا أغلا رفيق
بدي بقصيدة شعر ...طمنّي
أحكي شو صاير بس بالتدقيق
بتشيل حمل الكايني عنّي

بيروت رجعت تحترق وتموت
وكل اللي قالو بيحرسوها خوت
وبقاعنا انشالله بعيد شوي
وما يكون واصلّو جمر بيروت

ناطر قصيدة من القلب والروح
عا محل انتي بتعرفو تا تروح
تطفي قلب محروق عا الأحباب
كتبها برسالة خاصة ولا تهاب
بتكون مرهم عاطفة عا جروح

نشاللاه بيطمن حكي عمار
و بتطمن الاحباب عالاوضاع
يمكن كأني سمعت انو النار
حرقت قلب بيروت والاضلاع

فاقت الأرزة وصاحت شلوحي
التفريق فيهم شتت الملهم
ومين بدو يمرهم جروحي
وجرح الوطن مافي إلو مرهم

المشكل بدي من بعد الحكومة
أخذت قرار بشبكة الهاتف
وأمن المطار لقائدو بتومي
تا الصوت صار بها الفصل هاتف

إلغوا القرار يطالبوا بنهار
وبين أربطعش الشتم وثماني
الطرقات سدوا وشعلوا بالنار
بيظهر مافي بالأصل لبناني

ونسيوا وطنا كلنا بيساع
وحوض المحبة ساع جوري وفل
النيران مدوا شمالها وبقاع
وجنوبنا حتى تطال الكل

بيروت عني خبري شو صار
فجأة وعيتي بسرعة البرقة
عم يحرقوكي ولادك ! وعمار
بقلبو زيادة شعلت الحرقة

وليش الرسالة خاصة وما بخاف
وشو بعد بدو يصير فصلّي
ومتلك انت ماشفت خييك شاف
وذات الصلا تاتروق منصلي

============

بنخاف انو يهجموا علينا
ويشلحونا قلامنا تا نبيع

افكارنا البدموع عينينا
انكتبت بصدر الفلسفي مواضيع

ياما بحرب لبنان قضيّنا
وقفنا بوج الغدر ومشاريع

تا يقسمونا بعز ضليّنا
نقاوم جنون العاصفة ونزيع

لبنان الله فيه حبيّنا
ودم الشهادةعيب انو يضيع

زهور المحبة بين ايدينا
وعا النت يا عمّار خليّنا
بيوت القصيدة تسد أكبر نييييييييييع

من السياسيين اكيد

يا حسرتي عالناس مكشوفي
لعبة دول للعالم بجللو
حامل معي لهموم عاكفوفي
خبر الغالي و شو بوصلو

****************

انو الوطن تعبان يا شعار
ويا ناس ما في ناس فرحاني
بقلو عاجمر الناس يا عمار
لهيئة في روس كتير دفياني

********************

الله يحمي الجيش للاوطان
و يحفظ مجد لبنان بالعالي
تطمن سلامك صار بالحفظان
و طمنت قلب الكل عالغالي

لبنان

مهما علينا تئآمروا القادة
وصوت السياسي زاد ترهيبو
مش رح منترك أرضك بلادي
وعالم غريبة محلنا يجبوا

نحنا مرقنا بحرب متمادي
والكل ذاقوا طعم تأديبو
والما تعلّم كف بزيادة
من الصعب كل العمر تهذيبو

لاتخاف نخسر دم الشهادي
خاف الوطن تايروح ونعيبو
جعبةّ جروحو ما لها عيادي
من وين بدنا نعيد تقطيبو

لبنان جنة بزهرها النادي
نشالله جروحو ع الصلا يطيبوا
ومش حق ينسى العاقل الهادي
جهنم بيردّو انراد تخريبو

قلام الصحافة قلام قرادي
أصوات حرة مش رح يغيبوا
لكن الآلآم تصير بإيادي
بيمضوا مذاهب ريتن يسيبوا

وعن موطني ومن أرض اجدادي
يفل اللي بدو وحبّ تحزيبو
لبنان للي عايش حيادي
وتم اللي بدو بتفرقة ينادي
علينا بقول الشعر تقطيبو

طمّنت قلبي كتير يا عمّار
وفرجيتني أنو الشعب جبّار
بيحمول جروحو عا كفوفو دموع
وبيهب يحمي الأرز متل النار

مارق علينا مية ألف قطوع
وبالعز كللنا المجد بالغار
وقديش صرلي كاتب الموضوع
حسيّت اني كاتبو من نهار

وعرفت أنو الشعب عندو ضلوع
حفظت قلب لبنان مهما صار
من هيك بطلب بس من يسوع
يحمي الأهالي من قسا الحكّام
وابعد يا الله الشر والأشرار

بحر الزجل

مشرف عدد الرسائل : 519 تاريخ التسجيل : 15/03/2008

شو بدو يطمن عمــــار = من الصعب يلحّق أخبار
آخر نشرة فيها الحرف = عم يحرق قلب الشـــعار
===================

نعست وهلق رايح نــام = وبـــغيابي فوتوا تسلــوا
من بكرة وكل الايـــــام = بطلت المشـــــــكل حلــو
نحنا ع المنبر أخصــام = ولو سيف الحرف بسلو
بيخاف يزيدوا الايتــام = البـيّـاتون لعبوا بالنــــار
===================

رح ضل طقّك وين ما بتروح
تا تحس بالأبداع ببيوتي
وتا كنت شلّك من بيوتك روح
ويصير عندك كم منحوتي

****
لكن عدم بالشعر تتقدّم
وتصير شاعر موقع ومشهور
بيتك بقصف قصايدي تهدّم
وما ضل منّو حجار يا أمور

****
عمّار قلّك حاجتك تفشيط
وحسّون قلك عيب تتركنا
هربان من بحري على الغبيّط
مطرح ما ضفدع من سني تركنا

ههههههههه
قاقي يا قرقة مطرح البتحب
ومحل ما بدّك انا موجود
بتضل بحقول القصيدة دب
بتلعب على الحبلين متل قرود

خخخخخخ
بحياة ربّك قوم يا عمّار
كسّر حروف وفهّمو الحرّوف
ما فيه يوم يكون مع الكبار
الموزون ما بيقبل حرف محروف

ههههههه
ولك رووووووووح ما فيك تهرب جبااااااااااان

بحر الزجل

7arf كتب:: شو بدو يطمن عمــــار = من الصعب يلحّق أخبار
آخر نشرة فيها الحرف = عم يحرق قلب الشـــعار
===================

نعست وهلق رايح نــام = وبـــغيابي فوتوا تسلــوا
من بكرة وكل الايـــــام = بطلت المشـــــــكل حلــو
نحنا ع المنبر أخصــام = ولو سيف الحرف بسلو
بيخاف يزيدوا الايتــام = البـيّـاتون لعبوا بالنــــار
===================

تركت الموقع ساعة ونص***لقيت الموقع بغيابي
مفوّت حرف الكلمة مقص***وعم بيقصقص بتيابي
عرفتك فايت متل اللص***وعامل معنا أرهابي
واللي بايدو حامل أص***غير اللي بيحمول ختيار

هههههههههههههههههههههههههههههههههههههههههه

العم يحرق اعصاب الغـير = وبيقفز من شباكــــــــو
ضفدع ماشي بعكس السير = القوة حامل بحناكـــــو
ولامرة عابواب الخيـــــــر = حروفك دقوا وتزاكـوا
فال القعق وشؤم اللطـــيــر = ياحرف بشوفك ثرثار

ههههههههههههههههههههههههههههههههههههه

مشرف عدد الرسائل : 519 تاريخ التسجيل : 15/03/2008

جاييكن حرف الخـلاّق = بردو أسرع من برقـــــا

موزع بالشعر الإخلاق = وقدموس بحرفو بيرقى

والعبالو يفــــــت وراق = بقلبو مابطفّي الحرقـــــا

تايصفي متلي عمــلاق = مايعمل لعيّب قمـــــــــار
===================
ياويلي عليكوووووووووووووون

ياموقع عمرنا حروف***وما أكلنا للشاعر حق
وانتي لسانك يا حرّوف***ضفدع ومعوّد عا النق
وهالعالم صارت بتشوف***قديش بموقع منطق
مني ومن عمار كفوف***وبيقولوا عنك منشار
ههههههههههههههه
يا حرام بتاكل كفوف بالروحة وبالرجعة منشااااار ههههههههههه

مشرف عدد الرسائل : 519 تاريخ التسجيل : 15/03/2008

معوّد مابغدر باالــــــــوج = والصاع بـــردّو عشـرة
واحدكن من دربي هــــج = بتخافوا بتـــرم الحـشرة
من دعساتي الكون ارتـج = وللمنبر قــــدّم بشـــــرة
وثالوث الزجلي يــــــادج = سليمان وحرف وعمار
====================
آخر مرة بخلي الضفدع يحمل مويي يطفي النار بيناتنا انتبه

» الى الصديق عمّار
» كتّرتها ها القد يا عمّار
» تعارف مع الشاعر عمّار البراضعي
» تعرف مع عمّار على اليوم الذي خلقت فيه