صياد الدبق بين عمار وسليمان

عمار
بعدو زغيَّير وواسع مجــالو ... بيقدر يطير وينفش بحالو
الخالق عطاه وعايش النقلات ... مابيين غصن وغصن تحلالو
-
ومن كتر ماصوتو حلو بالذات ... الخلاق بيمجّد يانـيـالو
مسكين مش عارف ورا النيات ... شو في ؟ بقلب القاعد قبالو
-
ومين السمحلك توضع الدبقات ... يللي صليت الدبق كرمالو
تاتحبسـو وتقـفّـل الدرفات ... وتحكم عليه مأبد بلا جرم

داخل قفص ماكان ع بالو

********
الحسـون الله خالقو تايطير ... ماتحبسو تاتسمعـــو زقزق
وقنبز تجبلو وتعمل مشاوير ... وتشوف حالك صاحب معنزق
-
بيكفيك عامل متل النواطير ... وبوبو عيونك فاتح مبرزق

كلما مرقلو رف وعصافير ... بتكمش حدا تاتوقعو بمأزق
-
باب القفص افتح إلو بكير ... مازال لوحة ببيتك ملزق

آية عليها حكمةّ التفكير ... المخلوق لو كنو بقلب البحر

لاتخاف الله الخالقو بيرزق

***************************

والحبس للمجرم حلو بغمرة ... مش طير تبقى تكتف جناحو

إحبس بقلبك حب للسمرة ... إحبس سرارا الـما بيـنباحو

وحبس الخوابي عتق الخمرة ... تاتصب منو مزمز قداحــو

وحبس الجروح البعدها حمرة ... كلما مقاتل للوطن منشوف

المفروض فينا نحبس جراحو

***************************

والفرق شافو المهتدي وعالِم ... وجاهل مارجّح كفةّ الميزان

هيك الحبس بيكون ياظالم ... مش متل ماعامل انت سجان

حبس الجرح رجّع بطل سالم ... وحبس القفص بيكسر الجنحان

توعى بيكفي حاجتك حالم ... نفسك حبسها للصلا وللعلم

تاتهتدي وتحمل قلب إنسان

************************
سليمان

بالمنتدى قناديل شعرك نووسو.....وخرزات ضهرك عا المنابر قووسو
ما فيك تقتل طير يا عيبي عليك....وبو الحن زاتو ما قدرت تا تقووسو

************************************
عمار
مين السمحلك تكتب معنـى ... بمطرح مانسر القافية غنى

فاقد صوابك صرت عقلك جن ... بدك طبيب يعالجك مـنــــــــا

وغنيت للطير الحلو وبحـــــــنّ ... ع طير قدك بعد مـــــاتهنى

روح استحي ع هيك كلمة كِن ... نحنا جبابرةّ الشعر بـــــنـــا

يمكن ماخصك بالشعر والفــن ... استنى لحتى قلك استنى

مزبوط مابقوس على بو الحــن ... وعنو انت لمـــــا تصير كبير

برشّك رشق كلما بتتمنى

******************************
سليمان

لا تحرج الشعار يا تشتوش......راسك تكسر كاحلك مفكووش
وجايي مع الصياد عا سليمان....تقووس بجفت القافيي المغشوش

معروف عني سيد القصدان.....وملكوت من خلى الزمان يطوش
وانت ضعيف الشعر بالميدان.....تا نشحطك بدنا شي سبع اونوووش

يا مدعي بالصيد يا تعبان.....الحقلي ملاني بالليالي وحوش
أفضل تخبا رووح مع صيصان....لا الجفت عندك قادر على الصيد
ولا بجعبتك شايف معك خرطوووش

******************************
عمار

ناصب إلك بالشـــــــــعر قنديفي ... فـيــهــــا بزتك صرت ع كيفي

كل الدني غنت معي بإحـــــــراج ... وجو الوحي مخلوق من طيفي

تشتشتك على صحن ايدي وحاج ... تشتوش تحكي عليك ياحيفي

لا شفت بشعارك حُلا وديـبـــــاج ... ولا في رجـــــــولة فيك نتيفة

كسرتك وبدك عصا المهبـــــــاج ... تكــــرم عيونك ياجدي صيفي

وتاتشوفني لابس بعرشي التـاج ... طريدة زغيرة صار ابن طــــــراد

وبدال جفتي جبت نقيفة

********************************
سليمان

شو باك جايي بكل أحساسك.....من فرد ضربة اقطعت أنفاسك
والجفت عندك خايب تشييكي.....صياد يغزا العين عا قواسك

يا صوص جايي ناطرك ديكي......مغطس ببركي وكل الحللاسك
قمح الصليبي غير لفريكي....تتدوق كفي وطبش ضراسك

عا حمار ماشي ولاحق بويكي......خليك خلفي نويت عا كباسك
تلبكت فيي وهيك تلبيكي....ونقيفتك كلما قصدت تشيل
ما تشوف ألا البحص عا راسك

*************************
عمار
للشعر كلما منفلش قياسو ... عمـــــــار مافي خصم بقياسو

وكل الشبيبة شاهدة بتكون ... مين اللي جايي وقاطع انفاسو

فكرت رح تعمل انت نيـــرون ... وهيكل فنوني معاكس القاسو

بالعكس عن روما صنت صيدون ... وثاني أســـــرحدّون بلباسو

بنقيفتي قلّعت فيـــك عيون ... وللشعــــــر ياما مدوّر عراسو

وحتى بعزاك الأجر ياسلمون ... إرثيــــــــك مع إكليل من آسو

بيظهر كأنـــــو ناقصك ميرون ... وللحرب كلمـــا نزلت متراسو

طير الفنيقي بيصرخ وممنون ... ياخجلتو سوسو رجع مضروب

بحجار من سجيل ع راسو
*******************************
سليمان

شو باك ما عندك ولا دكي.......بكلمات فيها الصخر بتبكي
لانك من الشعار يا مغرور......وتراان شعرك ضييع السكي

جايي تا تصطاد.الأسد بازور....راسك بفجو بثانيي بتكي
عا الكوع لازم تضرب الزمور....لا تشك عا المهوار شي شكي

بها العيد يا عمار روح وزور.....مكي الشريفة وتووب بيمكي
وان كان عندك مال يا فرفور....مفروض عن مالك بقا تزكي

سليمان نسر وطير مش مأجور.....ولبوة شعر لولا فتحت فكي
ببلع عمالقة الزجل وبثور.......وبالشعر مهما تكون يا عمار
بخليك مرمي من فرد دكي
****************************
عمار

شو باك واقع صرت بالنقــــطة ... وأسود سجلك من فرد نقطة

حسابك كل ما إحسب تسقط ... التسعة عم بتسعى بكل سقطة

لا تهجم ع نمر كاسر منــــقط ... وياريتك بالطرايـــــــد كنت لقطة

ضغاب الأرنبة بغابــــــو تلـقـط ... مـــارح تفلت بعد من هيك لقطة

وعلى مكي انقصد رقمي المفقط ... يضحي فيك يا أفعى الرقطة

بتبلع بلع من سمــــــــــــــك تبقط ... وع لحم سباع لاتقرب لأنـــو

بتآكل بالشعر مليون بقطة

*********************************
سليمان

الله شو ها الشعر يا عمموور........خليت دمي بالحقيقة يفور
ما عرفت أنك أشتل وبهلي......وبدك سنين سنين يا مغرور

ضليت سبع شهور تندهلي.....وتقول دخلك طل يا شحرور
ما بحب أهجم ليك عا وهلي....وانتي بتعرف عقصة الدبور

يا ما عشت بالعز عا مهلي.....وما كان شعري مطحبش ومكسوور
وأياك تحسب موتي سهلي....ولا تدق بالشعار أحسنلك
رح أمعصك ما في معي زمووووووور
*******************************
عمار

سليمان جايي وشعرك مشقّر ... حتى عيونك قلّع وفـــــقـــــر

أعمى البصيرة والبصر ياحيـف ... وصوتك نقيق ووجّك منـــقـــر

من عادتي إضحك بوج الضيـف ... وإحكي معو تايضل متوقــــــر

للسيف ما شفتك أنا وللضيف... ع قد ما نفسيتك محــــقـــــر

أنت طلبت غني معك بالصيـف ... وداريك حتى عليك مــــاصـقّر

لاتسحب عويسيتك ع السيف ... حلسي بحطك خلف باب القبر

تاتصير هيكل عظم بتدقر

*******************************

منقول من منتديات الزجل اللبناني على هالرابط

صيّاد جاهز والجفت موجود***وحسّون غاطط فوق شجرة تين
والشمس صارت تغمز العنقود***ويحمّر وجّو...؟ بيستحي تخمين
******
االغايي...!!! قعد يتأمل الصيّاد***ويسمع أغاني وصدّقو...؟ مدهوش
وبتعرفوا الصيّاد....!!! مش معتاد***يترك بجفتو يبرد الخرطوش
*******
ومن بعد سحبة من الغناني...!!! طار***تا يغطّ فوق القرقشي ويرتاح
أالا ونسر ...!!!بيطّل متل النار***الله ينجّي....!!! بيخطف الأرواح
********
هوني وعي الصياد..؟ وانتابو***شعورالظلم من حكم نسر كبير
ومن فرد دكّي بالجفت صابو***وخلّص من الأعدام طير زغير
********
من هيك لازم بالحقيقة نفوت***ونطلب العدل بكل أستعداد
وما نترك طيور الطبيعة تموت***ولوكان حامي...!!! حقوقها صيّاد
*******
الحسّون الله خالقو بجنّة ***أول مغنّي ...!!!ما بيقبض مال
همّو الوحيد بعرسنا يهنّي***وببلاش...!!! صوتو بينهدر شلّال
غير المغنّي....؟ الراح تا يغنّي***ويسرق حلا من ضحكة الأطفال
وبيقول عندو مستوا فنّي***وعند الحقيقة ....!!!!تاجر...؟ ودجّال

بداية موفقة لعمار في حرية الطير وكأنه يحاور معنا في صفحة " رأينا في الحرية"، غير أن هجوم سليمان متمرجلا على ال بو حن، أم هي شبكة الصياد تلقى في وجه عمار والطعم شي" تكتيكي"، أو "سن المنجل"...
وفجأة زمط بو الحن من عمار، ومع أنه كان " صالي" على عفصات بو الحن، وبجفت دك عا شكل " التسعة ميلي"، وفجأة ظهر السلاح التقيل، وراجمات صواريخ الشعر والمعنى والهدف شاعر كبير متل سليمان تا يوقاع عا يد صياد كبير متل عمار العم بيقول:

"مزبوط مابقوس على بو الحــن ... وعنو انت لمـــــا تصير كبير

برشّك رشق كلما بتتمنى"

كشف سليمان، عمار الحنون على الطيور، - القاصد الطير سليمان- وكأنه يقول له: " لست بو الحن، أو "تكتيكة البلان"، أنا باشق كبير، وبدأ يخيفه بكلام قوي أظن أن عمار لن يتأثر به كثيرا وقال سليمان:
"يا مدعي بالصيد يا تعبان.....الحقلي ملاني بالليالي وحوش
أفضل تخبا رووح مع صيصان....لا الجفت عندك قادر على الصيد
ولا بجعبتك شايف معك خرطوووش"

وبدات المعركة وصار الهجوم الشعري من كر وفر بين الشاعرين الكبيرين، ونجمي المنتدى بلا منازع، وفجأة نرى عمار يحقق اصابة مباشر في جانح سليمان فتطاير الريش وملأ الفضاء، حين قال:"وبيظهر كأنوا ناقصك ميرون" وكل الذين شاهدو الريش متطايرا قالوا: " راحت على هالباشق لحلق بالعالي كتير"، ولكن سليمان " زمط" لأنو ما طلع باشق، طلع نسر متل ما قال، أو في سر تاني ما بنعرفوا:

"سليمان نسر وطير مش مأجور.....ولبوة شعر لولا فتحت فكي"

وعلى هذه الأبيات الجميلة والقوية لعمار:
"أعمى البصيرة والبصر ياحيـف ... وصوتك نقيق ووجّك منـــقـــر
...
للسيف ما شفتك أنا وللضيف... ع قد ما نفسيتك محــــقـــــر
...
لاتسحب عويسيتك ع السيف ... حلسي بحطك خلف باب القبر

تاتصير هيكل عظم بتدقر"

رد سليمان بقصيدة عصماء وبمقدمة رائعة جاء فيها:

"
صيّاد جاهز والجفت موجود***وحسّون غاطط فوق شجرة تين
والشمس صارت تغمز العنقود***ويحمّر وجّو...؟ بيستحي تخمين"

وتستمر العركة، وسلي دبوق الشعر

عصفور ومفرفــــر على التوتة = حــامل بقلبو عطــف بنوتي
تايجيــــــــب غلة براس منقادو = ويشــــبع زغاليـــلو بفتفوتي

زقزق وغرّد لــــــــــحن ببلادو = خلاّ الطبـــيعة تصير ياقوتة
وعّى الفجر ع صـــوت انشادو = بلوحة خيال ونحت منحوتة

وصياد عتقي زايد عنـــــــــادو = نايم ورا تلة بلا تخـــــــوتي
غدار للعصفور صـــــــــــــيادو = مرّ فوقو يصّبحو بالخــــير
وعليه رد بنار الجفوتي
=========

حلوي منك يا عمار مقارنة قوية بين العصفور الضعيف ولكنه يملاء الفضاء بألحان عذبة ويجعل المكان جميلا جداً ،وبين الصياد القاسي الذي لن يرحم ضعف العصفور ولن ينظر إلى جماله وجمال صوته.
انظروا معي إلى هذا البيت الرائع:

"وصياد عتقي زايد عنـــــــــادو = نايم ورا تلة بلا تخـــــــوتي"

انظروا معي إلى هذه الصورة الجميلة التي رسمها عن الصياد، وهذه التعابير القوية الدالة: " عتقي"، " نايم ورا تلة بلا تخوتي"

انظروا إلى هذه المقارنة القوية جداً:

"

زقزق وغرّد لــــــــــحن ببلادو = خلاّ الطبـــيعة تصير ياقوتة

وعّى الفجر ع صـــوت انشادو = بلوحة خيال ونحت منحوتة"

مع

"غدار للعصفور صـــــــــــــيادو = مرّ فوقو يصّبحو بالخــــير
وعليه رد بنار الجفوتي"

لقد انطبق على أبياتك القليلة هذه القول القائل: " خير الكلام ما قل ودل"
لقد ابدعت يا عمار، وفهل يَسلَم سليمان أو يستسلم?!!!

» صياد الدبق
» طلال وسليمان
» حكي وصمت بين حرف وسليمان
» الثنائي حرف وسليمان
» عمار كتبلي