وين مسوّد أبو بسينات ..وما في خطوط حمر

ما زال الطق ماشي يا شبيبي***وشعر حسّان فلتاتو رهيبي
وميلو شاعر وبدو تأني***وفادي يتقن شوي الكتيبي
وكامل متل أبني بالتبنّي***ألو ردّات حلوي ومش عجيبي
جدّو كان من دون التجنّي***شاعر كل ابياتو مصيبي
وانت يا شامخ بعزّك لأني***وابوك بغربتي خيي وحبيبي
بعتلي شخص مكتوب ائتمني***وقلّي ليش عدّلت الكتيبي
ان كنت مشرف ما فيك تكون أني***وبقلب المنتدى بتدفع ضريبي
احترم حسّان متلك عم يغنّي***ما طوّل كل ردّو ارتجالي
وانت يا صاحبي هاوي هريبي

واخونا بو زكي شاعر زمانو***عمل مع شامخ العركي وتفانو
لكن ليش مع حسّان طوّل***ألو يومين ردّاتو ما بانو
يمكن خاف من صوت المعدّل***وعرف حسّان شاعر عنفوانو
ترك شمّوخ متحسّر مبهدل***لأنو الزل ما بيركب حصانو
وانا من غيرتي عا الشعر بسأل***وين مسوّد يمكن يا جماعة
الفارة بغيبتو اكلت لسانو

يا ابو شربل مترست خلف البحور****وودي قذايف للنفوس المفعمي
بارود وزع عالسحور وعالفطور ****النيران خلّي بالأعالي مضرمي
عا مشربك هلّو الفوارس والطيور****وشافو الأوادم مين ابن الآدمي
يا مبوشق بأعلى الأعالي عانسور**** بحر القوافي فيك صارت مغرمي
سلطان غربي وبالوطن مافي قصور****عا منظر الخلّاب بيتك مرتمي
وبيت القصيد بموضعه هد القصور ****وشرّع عوايد طول عمرا محرّمي
بالحبر عنّك أرّخ الكاتب سطور****وجاي أبو أنطون يكتب ملحمي
بيّض ولمّع بالغزل كل القدور ****وقلا ارفعي الايدين هوني أسلمي
وركّع وطحبش بالزجل كل الصدور****وقلا يا شمس الضهر هلّق عتمي
قرّص عجين المرجلي وبيد الغرور****وانده يا نفس تألّمي وتكلّمي
يمكن بزيدا شوي ب نبش القبور****وبسكب قوافي بالسواد ملتّمي
وبترك المقتي تا يخشّب للبذور ****وبشرب كاسات الموت فيها بحتمي
بسكّر بكاسي من الحلى كل الزهور****حتّى الذكي من قوة السكرة عمي
الغيرة مهمّي وداير الندوة غيور ****الحقوق كلّا موزّعة ومقسّمي
هلّي بدق الباب جاي عالشرور ****صعبة يشوف نياب حوله مبسّمي
يا أرز اشهد ب عمادك عالجزور****ويا جيال كلّك هالحقيقة تعلّمي
ويعلم الغايب بالقضية والحضور****بنبه النايم تحت عتبي مجرمة
بكتب أنا سليمان بحفر عالصخور****بقدس عطايامن المواهب ملهمي
بمشي معك عالموت ما بيدي سلاح****بحلف يميني عالكتاب المريمي

بكل تواضع أبو أنطونيوس

يعيني على التكسير قال شو و بكل تواضع هههههههههههههههههههه
يعني تخايل تشوف بحالك يا مغرور ولك روووووح عمول متل النعامي اذا مارق من حد الشعر الموزون انت شاعر قصايد مكسرة و مخلخلي متل عقلاتك
شامخمعمحبتي

ولك يا شامخ زدتا كتير وبربك وين الكسر فرجينا يا خواجا

سليمان يا سليمان بعترفلك انو حسان شاعر ارتجالي سريع بس حضرتك لازم يدعوك على التصحيح بالدولة لانك اسرع من الحاسوب بالتصليح واكيد بتعرف الفرق بين تصحيح و تصليح و اذا لأ من فسرها بعدين ولا يهمك
روح يا شيخ شو مفكر العالم نايمة على ودانها

صحح يا بو شربل بالادارة ****تا توعا عقول سبقتها الحضارة
تاتنما نفوس بلياني سقيمي ****عملوا الشعر من ربح التجارة
مرّت عالوطن مدّة أليمة ****فيها صخب وجليد وحرارة
لولا دعم شعّار العظيمة ****كانت هويت بشعبا العمارة
صار العاقل وجوده جريمة**** وحرب الفكر ما بدها شرارة
شنّوالحرب عالضيعة بشتيمة****ما بدنا من الحكومي ولا وزارة
ونرجع نبرز كلام اللئيمة ****ونحكي الصدق اسلام ونصارى
هلّي بينبش قبور القديمة **** مشرف قسم محتل الصدارة
تا يحكي كلام ممروضة دميمة****آخدها جد عاداني بجدارة
خيّ بالشعر هوّي زعيمي ****لولا زرت كرمالو النظارة
بودّع وعد ما برجّع حليمه****لبيب بيفهم بأول اشارة
بدنا ناقد بينقد بقيمة ****بنرشق ورد راشقنا بحجارة
خسارة تزعّل النفس الكريمة****صلّح نفسك بتكسب زمالي
كريم النفس مابيهوى الخسارة

يا عيني عا ربك يا بو انطونيو هيك الشعر وانا رديت دغري عا القصيدة احلا ما يقول الأستاذ شامخ عدلها حسان
رهيبي القصيدة حلو

مررت بالصدفة وأنا أراجع صفحات هذا المنتدى وقرأت جديد الاستاذ حسان عكاري، ولا أقدر إلا أن اهنئه على هذا الشعر الجميل، ودعني أقول لك يا استاذ حسان أننا ننتظر منك شعر من هذا المستوى فلا تخيب ظننا، واترك كل من يسب ويلعن ولا ترد على أحد، نريد أن نسمع منك شعرا راقيا وأنت " قدا وقدود"

يسلم تمك يا حسان ---- يا مرهف بالمشاعر
شعرك توضيح البيان---- تسلم يا أحسن شاعر

أنا مشكور يا رفاق الزمالي****ب شلح جديد رح علّق آمالي
انتو بلسم قلوب الجريحة ****عصرة فكر من خمر الدوالي
انتو القلم والكلمة الصريحة****فيكم صارة الندوي أعالي
انا وضّاح ما بحب الفضيحة****فيكم بقشع بنود العدالي
بدكم شعر رح نمّي الاريحة****قاشع موقعي بعرف مجالي
هللي بيسلك بدرب الصحيحة ****هاوي شعر مش هاوي رزالي

حلووووووو يا حسان واكيد يا ست ليلى حسان ما بقا يكتب الا من ها المستوى بس حسان كان عم بيفرفك مناخير هههههههههههههه

و الله يا حسّان بلّشت تتحسّن يعني بالنسبة للصّور الشعريّة بعترفلك فيها امّا بالنسبة للتكسير ما فينا نحكم بعد لان المدير ما شاء الله سريع كتير بس اذا متل ما عن يقول انو ما عدّل شي فا مقبولي هالقصيدة و عن جدّ عن تتقدّم و انا بلّشت اقتنع انّك بتنفع تكون شاعر

الله يقوّيك و دلّك هيك عن تكتب شعررررررر

انا اللي منطقي وعندي قناعة **** وهاوي شعر من بعد الزراعة
بشكر نائب الندوة ومديــــره **** وناقد رحب بصدرو وســـــاعة
طنين الشك عم بسمع هديره **** بو شربل ربها بي كل ســــــاعة
حبيب القلب دوما بستشــيره **** عديني وصار في عندي مناعة
بخطّه الشعر يتقرر مصــيره **** تا يعدي قلوب خنقتها لوداعــــة
وزر الورد لو وزّع عبيـــره **** بيفرح واحد بيزعل جمـــــــاعة
وشوك الورد لا توقع اسيره **** بتغفى صدق وبتوعا اشاعــــــة
الاطاعة الكل قدمها لأمــيره **** ل أميره قدّم الشعّار طاعـــــــــة
الطّباعة حنيت لهمسة زئيره **** المثل بيقولها وللشعب حكـــــمة
التطبّع غير أطباع وتباعة

رجعنا يا شباب وشفت بالصدفي قصيدة حسان وبعدني جايي من السفر جديد وشفت شاعر عم يتألق

قلتلكون حسّان شاعر منبري***ويا دل دلّو الحب مرّة يفتري
وانتا يا شامخ شاعر ولكن عنيد***بدّك وقت تفهم بمعدن جوهري
حسّان خييك بالمعنى وبالقصيد***ولو كان قاسي وكان طبعو عنتري
بيضل قلبو أبيض وعندو رصيد***المرحوم بييّو كان أستاذ الأدب
وشاعر ب برحليون منّو عنصري

حلووووووووووويا بو انطونيوس برافو شوف الشعار كيف بينقل نقلي نوعيي من محل لمحل

مشرف عدد الرسائل : 519 تاريخ التسجيل : 15/03/2008

يابو شربل الك مني تحية = وحمدنا الرب برجعوك ياخيي
لأنو المنتدى بيعرف مديرو = راجع متل راعي للرعية

انا ع غيابك الموقع بديرو = ومشرف للزجل عندي هوية
انربط بمفاصلي الشعر ومصيرو = وبنهداتي انمضا صك الوصية

وشفت حسان مع شامخ بيطيروا = نسور تنين بالزرقا العلية
بعد ما الحرب دقولوا نفيرو = وعطيونا معاني جوهرية

التحدي بنار زادولو سعيرو = تايعطوا دروس فيها واقعيي
وبعد ماشحم كانوا ع فطيرو = إخوي تنين رجعوا بطيب نية

خلونا الورد ننشق عبيرو = وع خير محاورة بعلق شوية
اذا شعار بغيابك بيصيروا = نشالله بعزك بيبقوا وحضورك
أقطاب وملوك الشاعرية
=======================

اكيدي صح يا حرف اللطافي***يا ورد العاطفي وبي الثقافي
انتي وصاحبي عمار اكتر ***عليي بتسألو و ب لساني دافي
وانا يا حبايبي مشتاق اسكر***عا رنة قافيي وعا جو صافي
شعر حسان صفا متل جوهر***وشامخ شامخ وعندو رهافي
واخونا بو زكي علينا تأخر***بعرف شغلتو يقيس المسافي
قطع عا الصين رحلة وراح دوّر***انشالله بيرجع وما في مخافي
وكامل كامل اللي غاب أشعر***وفادي ليش بطّل عم يجافي
واميل الكان يكتب فوق دفتر***تقدّم جاد يعطيه العوافي
ومحمد صار بفلسطين عنتر***ونجيب الشاعريي بشرح شافي
كتب بالروح والأيمان سطّر***ومحي بالورد زركشة الحفافي
وشعر برهوم مرهم جرح سكّر***دخل عا الروح روح بأعترافي
ويا متذوق زجلنا مين فكّر***أنو النت جمّعنا سويي
ومتل ما بنزرع بنحصد قوافي

حرف الحقيقة كان من ماضي الزمان***يحفر معاني الواضحة بنص البيان
وحرف بخياله صار للعالم كلام *** كلمة وجملة شرّعت أصل الكيان
خِط الحقيقة واضحة متل السهام ***وخلّد زكر أحباب شاعر ما ستهان
حط النقط عا حروف ضلّك بالأمام*** التاريخ أرّخ بالزمان وبالمكان
شاعر نظم اجمل مشاعر عالنظام *** فيك الثقة بتقول هون العنفوان
انشر حروف النور تاتبيد الظلام ***تا يطل فجر جديد عالشعر العظيم
وتحل بركة منبري عليها الامان

مشرف عدد الرسائل : 519 تاريخ التسجيل : 15/03/2008

ما اعتاد حرف الخـــاطر يداري = بدر الحقيقة البلسما جــــــاري
هوي وانا خلقنا ســــوا جـــيران = ونورو معادل نور أفكـــــاري

حكيت بصراحة ترجّح المــيزان = وقصر الخورنق شايف بداري
شامخ حسبت بداخلو ورهــــــان = وع صاحبو سلطت أنـــواري

تركت الجبيلي المن قبل خلقـــان = وكفيت ع عكار مشـــــــواري
ومن قبل ما اوصل شفت حسان = متسجد بجنب الحرف للشــعر
قدموس ثاني بإبن عكاري

= = = = = = = = = = = = = = = = = =

انا مسود يا بسينات روقوا*****الزجل عالنت عن بيهر سوقو
ما فيكن تقدروا عليي ستنوا*****و بكرا قتلتي لازم تدوقوا
===========================================
ما فيكن تقدروا عليي ستنوا*****لاني للزجل محسوب جنو
و يمكن تخوتوا يما تجنوا*****على مسود ما بتقدر بسيني
و انا للمنتدا برجع حقوقو
===========================================
على مسود ما بتقدر بسيني*****متل حسان او شامخ يا عيني
و حرف الجر جريتو بديني*****و مدير المنتدا لح شيل راسو
بسيف الموهبة قطع عروقو

""""""""""""""""""""""""""""""""""""""""""""""""""""""""""""""""""""""""""""""""
شامخ قرقة و يخزل عين*****و حسان دجاجة و قفي
و سليمان و حرف تنين*****ما بيلقو نفخط كفي
===========================================
يا حسان القن كبير*****انت و شامخ بتساعو
مبارح جبنا شوال شعير*****نقودتو تلات رباعو
و حرف لبلش بالتشبير*****ما منعتب عا اطباعو
لاكن بعتب عالمدير*****لخلا الموقع قن دجاج
و زمرة صيصان ملفي

مشرف عدد الرسائل : 519 تاريخ التسجيل : 15/03/2008

ع حام اللي سِّـود كتير وجـــو = تعوا وراق النعي بحرفي تهجوا
البدو يشن ع الشـــعـار غــارة = مـــاينسى القبل منو كيف هجوا

قسم حبستهم جــــــــوا النزارة = وقسم بالحيط ع النفخة بِـِطجـوا
وقسم فايت ع قمحات الكــوارة = متل النمل ورفــــــاقو احتجـوا

يامسود الوجه في هيك حــارة = المدير وحرف امثـــالك بينجـوا
ودعس حسان ع ذيلك جكــارة = وراس العنـفـصة شامخ بيفـجو

وعدت رجعت من بعد الخسارة = بحـــــــر الفن تاتغطس بـلـجو
ياحسرة عندما شفناك فـــــــارة = جـمـعـنا بـسـسـنـا الشـاعريــة
الدياصم خوف بقبالا ترجوا
===============

عملنا الموقع قن دجاج........عرفنا جايي يا دجاجي
و شوال شعير منحتاج.........و يمكن ما يكفي الحاجي
قبلك فاتو لعنا فواج.............و هربوا فوق الدراجي
انكنك جايي للازعاج...........بفرم راسك متل اللفت
و حسان عليك يكفي
***************************************
بعيد الردة و بلبس تاج............ما بيلمس راسك تاجي
برققص عضمك عالكرباج..........و من لحمك بعمل ماجي

مسود سوعر راجع ونبضه قوي ****ومعّئ بعد ما كان بالماضي عوي
اللحمة طريةوعازم عليها الشباب****الصورة دليلة بلّشت فيك الشوي
______________________________________
يا راعي الكرم المشهور****ومتلطّى خلف القلعة
صورة شخصية ساعور****يعني محدّر من شلعة
ندوتنا متل الساطور ****انكنّو جلدك عم يرعى
بتتعلّق فوق المعبور ****راسك عن جسمك مفصول
تا دمّك كلّو يصفّي
________________________________________
________________________________________
انت ساعور عم يرعى رعاية****ونحنا للشعر درب الهداية
هجومك كان عا زاتك يا حسرة****نطوح نفسك بزات المراية
*********
هجومك كان عا زاتك يا حسرة****بيشمخ حرف بسليمان اسرة
الندوة بصولجانا عرش كسرى****أنا راعي القوافي يا مشوعر
بحصة عالدّرب انت ورايي

*********

رائع يا حسان

بالمنتدا كترو لقطاط و بس كيف

بمعص بسين كبير دمو مش خفيف

حسان شامخ حرف عا شكل القطط

و ما ضل غير بسين للعركة عريف

حسان شامخ حرف عا شكل القطط

و ما ضل غير بسين بري ما نلقط

يمكن هرب يمكن فزع يمكن سقط

بالمي او بالنار ما بتفرق معي

لا تخاف يا مسود بلش بالشقيف
"""""""""""""""""""""""""""""""""""""""""""""""""""""""""""""""""""""""""""""""
هجتوا عليي تلات قطاط******و ما قدرتوا مرة عليي
و جبرتوني فك قشاط********و اعمل قتلة يوميي
و حرف شويي دماغو شاط*****متل البسي البريي
و راسو لحسون من بلاط******بلاط الدوش المجليي
و ناقص للمشهد خطاط*******يعمل تحفة فنيي
يعملن اوضة بشباط*********و نحنا منعملن ز فة

مميز عدد الرسائل : 42 تاريخ التسجيل : 16/03/2008

حلو كتير ياmeswad هيك ضل أنا معك