وين مسوّد أبو بسينات ..وما في خطوط حمر

مشرف عدد الرسائل : 519 تاريخ التسجيل : 15/03/2008

عطشو الضفادع بعد ما زادوا العطش = وزادت ضفادع شعركم كل النقيق
وحبل المودة الكان مع حرف انقطش = من معـاوية شعرة مابدو بهالطريق
سليمان وين وصاحبو الفكرو انخطش = عمار اسـمو وعاملو جنبو صديق
واحد فيوزو خوف من حرف انلطش = وواحد بثانـي منتدى رميتو بضيق
وماقصدت برحليون اتلاقى بــ طـش = مسّود اسمــو مـتل قلبو من الخنيق
شامخ بعد مافيه بحـــــــروبـو بطـش = وحسان شفنـا نتفو وحرف العريق

===========================

ماتهجمنا على بيسنات = لوما شفناك مشربط
تهيجنا غزينا فريخات = هيي فينا بتتعربط
ومع حرف الحاكي ايات = اياك بشعر تخربط
قرقة بتربخ ع البيضات = وفوق القن زبارة كتير
لاففها بخصرك لفة

=====================

تقلّتها عن جد يا مسوّد***يا فحمة العا النار مشلوحة
قرقة المنبر انت من كل بد***وبتضل قرقة بس شرشوحة
شو باك من حسان عم تحتد***ودماغك بساطور مفتوحة
وشامخ بسيفو جلد عضمك قد***وحرّوف خلّى الزلم مبطوحة
بدك نصيحة روح نيعك سد***ولاتعتب الشعار مجروحة
وبغير موقع لو كنت عن جد***ابياتك من زمان ممسوحة
لكن انا الأعضاء بعرف قد***الحملي التقيلي متل مرجوحة
بيّن يا بو بسينات قد الرد***شعّار شلتلن خطوط الحمر
بعركات ومسبّات مسموحة

والله يا بو بسينات ما كنت بدي رد بس رح فرجيك قيمتك مع اعضاء المنتدى وما رح خلي خطوط حمر والزلمي يهدي مسموح كل شي بس بلا قلة اخلاق
لسان فالت بس ضمن المعقول

بسترخص فيك العلفات ===== هيدا من زمان البلا
عا ندوتنا مسوّد فات ===== نعتقلو غراب الفلا
عنزي بوسط العنزات ===== مقامو انحط وما اعتلا
عذرك يا أبو سويعات ===== عنا شوية كرسني
مألد إنا بتكفي

]قشّوع بعدك يا ساعور المزربي****ب رعاية الكرمات عندك موهبي
بانطق غير الماعء ما عندك حكي****نضّف لسانك ب بقايا مشربي
_______________________________________
بالنطق غير الماعء ما عندك حكي****يا غابة الفرسان للشعر الزكي
ان كنت عا شي جم بعدك متكي ****جايب الك مجروش من حب الدرة
عامل عا دبحك للحبايب مأدبي
_______________________________________
نحنا هجمنا عالشحتول****وفعرنا بوجه فعرة
عم يرعى بالسيرة شتول****وجاي عالارض الوعرة
ون كنّو قرنك مفتول****بعدو هادي عا شعرة
ما ترضى الا ومقتول ****ومعلّق فوق الحفّي

نووّى البسين شباط بعدو ما إجى***مكاري ...?يا أهلا طل يا بدر الدجا
ما خلّص من شباط غيرك يا بطل***ولا بسين من مسود بالعركي نجا
""""""""""""""""""""""""""""""""""""""""""""
ما خلّص من شباط غيرك يا بطل***دمعك عاخدك متل مجرور وهطل
توقّى لساني مبرد وفكرك سطل***يا بسين بري رجاع مش قد الهجا

""""""""""""""""""""""""""""""""""""""""""""

ليش القطة بتعمل بس***وبتتحركش بالسبعة
وبسين البري بنحس***إنو أرواحو سبعة
لكن عن أرواح النس***الجايني متل الضبعة
كلما ب تمو الجمرة يدس***بترجع مقروطة الشفي

مسود سمّي خصمك وحاجي حكي****وتشقيع فوق وتحت قبل المعركي
سرحو دموعك قبل ما نشن الهجوم****دموع الحزن بتهون من بعد البكي
_____________________________________
سرحو دموعك قبل ما نشن الهجوم****والضهر فيك سود تا شفت النجوم
نجوم الشعر عا منبر الكلمة خصوم****ونجم المنابرطل تا يبيد الظلام
ويمحي غشم بيقول عن حاله ذكي
_____________________________________
يا مدسوس لخلف رجاع****في ماضي بيني وبينك
سماع الكلمي ومنّي قناع****حاجي محمرّة عينك
والمبرد للعندو باع ****من باعك يسأل وينك
دماغي صخرة للمقلاع****يا لابس توب العفّي

نصيحة بعملها لمسود +++++ طول هالقمر ما بان
هجيتو، لكن بحكي جد+++++ ناطر ردو عا حسان
يمكن بسكوتك في رد +++++ لازم تعرف يا إنسان
لتعدى، حطللو حد +++++ نصيحة مني ما تأفي

وينك يا بو بسينات طوّلت الغياب***شو صار قلي وشو جرى سكّرت باب
مبيّن في عندك بالهريبي مرجلي ***وفزعان يا مزرّق من بطش الشباب

**********