| مشتاق طق كفوف | |
|
|
|
كاتب الموضوع | رسالة |
---|
سليمان المدير العام
عدد الرسائل : 2970 تاريخ التسجيل : 13/03/2008
| موضوع: مشتاق طق كفوف الأربعاء مايو 28, 2008 7:42 pm | |
| ي براضعي مشتاق تا طقك كفوف***اشتاقوا المنابر للأكابر والدفوف مداميك شعري جاهزة تا ترفعك***تا تصير يا عمار عالي عا الرفوف | |
|
| |
عمار البراضعي مشرف مميز
عدد الرسائل : 234 العمر : 56 الموقع : موقع ومنتدى الزجل اللبناني المزاج : زجل تاريخ التسجيل : 15/03/2008
| موضوع: رد: مشتاق طق كفوف الأربعاء مايو 28, 2008 7:49 pm | |
| عالرف عليني كتاب بطيتو = حامل سرار الكون كلو وميتو مداميك شعرك بهدم انهز الاساس = تاتصير تتفيا بجانح فيتو * * * * | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: مشتاق طق كفوف الأربعاء مايو 28, 2008 7:51 pm | |
| امتين كنا بفيتك نرتاح حاج***تحكي مع الأوهام وتضّوي السراج المدماك هوّي بيرفع اساس البنا***وعا السطح بس بينقشع صوص الدجاج
عدل سابقا من قبل سليمان في الخميس مايو 29, 2008 4:07 pm عدل 1 مرات | |
|
| |
عمار البراضعي مشرف مميز
عدد الرسائل : 234 العمر : 56 الموقع : موقع ومنتدى الزجل اللبناني المزاج : زجل تاريخ التسجيل : 15/03/2008
| موضوع: رد: مشتاق طق كفوف الأربعاء مايو 28, 2008 7:54 pm | |
| معروف عني بالشعر بدر الدجى = سليمان ياما نخ ع ركابي ارتجى
تاحل عنو وشو نفع ايا اساس = بيرفع البدر البسما عيب الهجا
* * * * * * * * * | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: مشتاق طق كفوف الأربعاء مايو 28, 2008 8:02 pm | |
| لوما السهر ما في حبيبي ولا حبيب***وشو نفع بدر البسما المانو قريب نور القمر عا الأرض دلفي ونازلي***والليل بحر العاطفة وموجو رهيب | |
|
| |
عمار البراضعي مشرف مميز
عدد الرسائل : 234 العمر : 56 الموقع : موقع ومنتدى الزجل اللبناني المزاج : زجل تاريخ التسجيل : 15/03/2008
| موضوع: رد: مشتاق طق كفوف الأربعاء مايو 28, 2008 8:04 pm | |
| بتحكي بحيبية وشعرك بجهل انغمر = يا ألف عيب الشوم تا تهجي القمر لوما وجود النـــــور بالليل الرهيب = ماتعانقوا الأحباب بالليالي السمر
* * * * * * * | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: مشتاق طق كفوف الخميس مايو 29, 2008 10:28 am | |
| ما بين فوق وتحت حددت البنود***ونسيت تحت لسانك بتقطع عهود فكرّت حالك صرت من بين الأسود***وفوق المنابر ديك يا بو عيون سود عا الطاولة من فوقها بيعطوا وعود***والشعب تحت وضل مؤمن بالصمود ظروف السياسي فوق ومصالح دول***وتحت القيادة جنود بتصون الحدود | |
|
| |
عمار البراضعي مشرف مميز
عدد الرسائل : 234 العمر : 56 الموقع : موقع ومنتدى الزجل اللبناني المزاج : زجل تاريخ التسجيل : 15/03/2008
| |
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: مشتاق طق كفوف الخميس مايو 29, 2008 10:22 pm | |
| قبل الحكي بلا معرفي يا افلطون*** شرشف الصفرة بينوضع تحت الصحون ومن تحت يا عمار ما اندكت حصون***وان كنت شمس وفوقنا تحتك أزون واقف حرس يحمي الطبيعة والعيون*** من شر تاريخ التقدم والجنون وتحت الجفن موجود ببو يا حلو***ومن دون ببو العين شو نفع الجفون | |
|
| |
عمار البراضعي مشرف مميز
عدد الرسائل : 234 العمر : 56 الموقع : موقع ومنتدى الزجل اللبناني المزاج : زجل تاريخ التسجيل : 15/03/2008
| |
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: مشتاق طق كفوف الجمعة مايو 30, 2008 8:05 am | |
| بعدك بنظم القافية وتحليلها***فوق النقد تاتضل راعي جيلها شوف الحكومي من تحت تشكيلها***ومن فوق بوش وريس عم توميلها وان كنت متل القنبلة بتعطيلها ***من تحت مش من فوق قص فتيلها وما زال در القافية ب بحر العقول***مجبور تغطس من تحت تا تشيلها | |
|
| |
عمار البراضعي مشرف مميز
عدد الرسائل : 234 العمر : 56 الموقع : موقع ومنتدى الزجل اللبناني المزاج : زجل تاريخ التسجيل : 15/03/2008
| موضوع: رد: مشتاق طق كفوف الجمعة مايو 30, 2008 8:17 am | |
| لوما العقل بي راسك زيادة عِلي = بتتفركش بمخك بي ساعات البلي فوق وتحت شو خصنا بها المسألة = كل الدول متــــئآمرة ع الطاولة ولوما على الدوحة ماطلعوا هرولي = وطاروا بطيارة ماحلوا المشكلة خلي مصالح موطنك فوق الدّول = ولا يضحكوا عليك بسياسة مُخجلة =========================== | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: مشتاق طق كفوف الجمعة مايو 30, 2008 2:42 pm | |
| ما زال عارف بالسياسي واجبك ***ليش الشعب من تحت قلي شاجبك رح ضل متل البدر تحتك حاجبك***ان عاجبك يا شمس او مش عاجبك ولو كنت ملك وتاج در محجبك***بيضل عرشك تحت اسأل حاجبك لسان السفاهة ضل فوق القاعدة***وعين الحيا بتضل تحت حواجبك | |
|
| |
عمار البراضعي مشرف مميز
عدد الرسائل : 234 العمر : 56 الموقع : موقع ومنتدى الزجل اللبناني المزاج : زجل تاريخ التسجيل : 15/03/2008
| موضوع: رد: مشتاق طق كفوف الجمعة مايو 30, 2008 7:20 pm | |
| صوتي هزيم الرعد بالعالي رعد = وصوت الفحيح بوكــــــرها تحتو ارتـعد وشوف الرئيس اللي اعتلا الكرسة وقعد = لوما إجا من فوق شعبـو ما سَعَد الناجح بيبقى فوق والراسب بَعَد = والتحت عـــايش ذل ........ لازم ينبـعد وتايصيرفرق الأفضلية للصـــعود = المصلوب دشــــــّر تحت والزرقا صـعد ============================
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: مشتاق طق كفوف الجمعة مايو 30, 2008 7:58 pm | |
| من فوق حاجي تشبّر وتعمل رقيب***مفروض تنزل ل تحت تا نستجيب تحت الأشعة بيفحص المرضا الطبيب***وفوق المعدل ان طلع ضغطك عجيب وعا الدين فوق وتحت أفهم يا لبيب***شو صار هيكي قال يوحنا الحبيب لمّا اتمسمر ربّنا فوق الخشب *** كانت العدرا واقفي تحت الصليب | |
|
| |
عمار البراضعي مشرف مميز
عدد الرسائل : 234 العمر : 56 الموقع : موقع ومنتدى الزجل اللبناني المزاج : زجل تاريخ التسجيل : 15/03/2008
| موضوع: رد: مشتاق طق كفوف الأحد يونيو 01, 2008 12:12 am | |
| بالضغط .فوق وتحت قدامك قطوع = ومن فوق إطلب مغفرة الله بخشوع انصليت فوق النار وضويت الشموع = من فوق يمكن يستجبلك بالولوع بتعرف يوحنا العمدو ل ربك يسوع = شو قال عن مريم العذرة للجموع تحت الصليب وقوفها وروحا معو = وبدموع حمرة عيونها تنظر طلوع ===========================
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: مشتاق طق كفوف الأحد يونيو 01, 2008 10:20 am | |
| من دون درجة سلّمي مالك وصول***من تحت لازم تطلع وهيك الأصول ومن تحت ايد الواسطة بتطلع خجول***وعا الراس فوق بيطلع بسرعة الكحول كانو بزمان اللي مضا فوق الفحول***واليوم صار الفحل مخصي والعجول فوق العروش كروش وهروش الشرف***وتحت اللفافي البيض في شيوخ العقول | |
|
| |
عمار البراضعي مشرف مميز
عدد الرسائل : 234 العمر : 56 الموقع : موقع ومنتدى الزجل اللبناني المزاج : زجل تاريخ التسجيل : 15/03/2008
| موضوع: رد: مشتاق طق كفوف الأحد يونيو 01, 2008 3:52 pm | |
| تفرج بشهر المريمي وشوف الشاشــــات = مشعال نور بيرفعوا رجـــال وبنات تحت الحضيرة وعكسها الحضرة بسمات = ترفـّــع لاتنزل للحمــــاقة بسـيـئـات ومن فـــــــــوق ياسليمان ودوّلك ايـــات = بلـفّـات بيض وسـود عن عقل وثبات بس الربط جســـمــــو تحت أرض العدم = غير الرهنو الروحـ فـوق حبل الحياة =============================== | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: مشتاق طق كفوف الإثنين يونيو 02, 2008 11:35 am | |
| لوما ل موسى تنزل وصايا العشر***والشعب تحت يضل علمو ما انتشر ويا ما عا كعب الأرز أسماء انحفر***ومن تحت مش من فوق بيقصّوا الشجر وتحت الصدف بالبحر بتلاقي الدرر***وفوق الطبيعة جنون وعواصف ضرر نزول الوحي عا الراس شرقط موهبي***وغيمة شباط الفوق كذبت عا البشر | |
|
| |
عمار البراضعي مشرف مميز
عدد الرسائل : 234 العمر : 56 الموقع : موقع ومنتدى الزجل اللبناني المزاج : زجل تاريخ التسجيل : 15/03/2008
| موضوع: رد: مشتاق طق كفوف الإثنين يونيو 02, 2008 1:21 pm | |
| خليك متل الشمس بي وج النـــــهار = ولاتكون متل العقربة تحت الغـمار ولوما غيوم الفوق ماعرفت المطار = وما كان زرعك تحت بـيردّ البذار والله فــــــــوق كل الخلايق والكبـار = وتحتو العبيد وفــوق بيدوم الوقار الباقي تحت مش رح بيدرس فلسفة = والفوق عايش علّم اللي تحت صار =========================== | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: مشتاق طق كفوف الإثنين يونيو 02, 2008 8:01 pm | |
| يا فوق العا سطح الله وغيومو***نزلوا من فوق بالواجب وقوموا مرقوا عا مغارة المولود مرقة***ل مجوس من الفضا سحبت نجوموا
انا تحت الليالي متل برقة***عصرت الضو للفجر وقدومو وانت فوق المنابر متل قرقة***عليها الديك رح يعلن هجومو
ويا عمار ن عملنا يوم فرقة***الدفّ التحت ايدك لا تلومو لووم الفوق منبر صار خرقة***وبتمّ القافيي قطّر سمومو
طبشواالحاكمين اليوم سرقة***الكراسي فوقها وما عد يقوموا وضهرالشعب تحتن طق برقة***حكمو وما قدر يحمل همومو
القلم من فوق جسم الروح ورقة***البشر من تحت للخالق بيصوموا ان كنت متل النسورة بقرص زرقا***انا صيّاد حامل جفت تحتك منعت نسور اوهامك يحوموا
شكرا عا المحاورة الرائعة وللتنويه هذه المحاورة غير محضرة هيك طلع عا بالي طق كفوف انشالله تكونوا استمتعتوا
عدل سابقا من قبل سليمان في الأحد نوفمبر 03, 2013 9:54 pm عدل 1 مرات | |
|
| |
عمار البراضعي مشرف مميز
عدد الرسائل : 234 العمر : 56 الموقع : موقع ومنتدى الزجل اللبناني المزاج : زجل تاريخ التسجيل : 15/03/2008
| موضوع: رد: مشتاق طق كفوف الثلاثاء يونيو 03, 2008 3:24 pm | |
| الشهامة عايشة فــــوق العـــدالي = المذلة تحـت للعــــــــايش خذالة المماسح تحت فيها الأرض تمِسح = وغيــوم البلسما بتمسح جهــــالة واذا سليمان وجــّــــو تحت تمسَح = ونسي بالجو فوقو النور هـــــالة ثقل الدم تحتو الوزن رجـّـــــــــح = وكبر النفس فوق ومش نـــــذالة
وبوقت مصارعة مافيك تبــــــطح = عمار اللي تحـتو صرت بــــالي وتاتعلى بالشعر ع هــــيك مسرح = بجي من فــوق باعثلك مقـــــالي
مسيح الحق لما تحت صـــــــرّح = وحمل للدين من فوق الرســــالة انصلب والصخر بمغارة تزحـزح = ترك تحت وصعد فوق الأعــــالي
واذا بيوضاس جايي مــــابـتـنـجح = مجوسي وكافر وضد الأهـــالي تعـلّـــــــق تحت تينة وعيب تفرح = نتيجةّ تحت آخرتك ياغــــــــالي
ولوما العقل فــــــوق بكل مطرح = ماخلـقـــو ربنا بالراس عــــالي ومتلو البدر مش رح عــود إشرح = عطاك النور بنـصــاص الليالي
تافوق بيادري تســــــــرح وتمرح = نمـلة . ووكرها تحـــت ومثالي كلما جـــــــــاعت بتطلع بتـسـرح = تزق القمح من فـــــوق الحقالي
وعلى لبنان طِـيـر وحـــــاج تسبح = وجيب معارض وجيب الموالي بدعــــايـــــــــات الكتابة مـابتربح = وقت مــاتحت مني رح بحطك وفوقك خش دفي إرتجالي ======================
| |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: مشتاق طق كفوف السبت يونيو 05, 2010 11:24 pm | |
| الله عا هاك الإيام يا عمار
بحر الزجل | |
|
| |
سليمان المدير العام
عدد الرسائل : 2970 تاريخ التسجيل : 13/03/2008
| موضوع: رد: مشتاق طق كفوف الأحد يوليو 04, 2010 12:19 am | |
| الله عا ها الأيام يا عمّار ***راحت ما بعرف ليش ما بترجع عم اشتغل يا رفيق ليل نهار***وبالليل بس بطلّ عا الموقع قربت يا الله أرجع على الدار***واغمر تراب بلادنا وأدمع وبتصدّقوني يا بشر محتار***وخايف ما تنسا ضيعتي سليمان ووهم وخسارة رجعتي تطلع
بحر الزجل | |
|
| |
باسكال عضو جديد
عدد الرسائل : 10 العمر : 44 العمل/الترفيه : سكرتيرة المزاج : شاعرية تاريخ التسجيل : 09/08/2010
| موضوع: رد: مشتاق طق كفوف الإثنين أغسطس 09, 2010 3:05 pm | |
| سليمان اوعى تخاف او شي نهار تترك الضيعة بغيبتك تنهار الضيعة بحاجي الكل شب وبنت تركوا بلدهم للولاد الزغار تركوا البلاد لناس جهلانين خلوا ليالينا تصير نهار تركوا البلاد لناس مكتفيين يقضوا نهارن عالبحر ولببار سليمان اوعى بهالدني تحتار ترجع على لبنان لو مشوار الضيعة اكيدة ما بتنساكم الضيعة وفية الكل هالشعار ما تستحي بالشغل ليل نهار شغلك حلال وعيشتك جبار بشغلك افتخر وقول يا سليمان عرق جبيني عرق ومكللة بالغار [b] | |
|
| |
| مشتاق طق كفوف | |
|