مسابفة شعريّة

أعزائي الشعراء .
أتمنى أن يشارك كل شاعر بما يوحي له هذا الموضوع من إبداع
أما هذه الفكرة فهي مقتبس عن الشاعر خليل روكز والشاعرمارون كرم في قصيدة ....شعرك لكان يلفني ونام......
إنا الشروط نفسهاالموضوع يجب التقيد فيه والقافية الأصلية كذلك الردة
ويترك حرية إختيار القوافي الأخرة....وبما أنا وطننا يمر في ظروف صعبة لذلك اخترت موضوع وطني كيف نرى الحل نحنا الشعراء والقافية هي وحدتتاالوطنية
لعلنا نفلح تحياتي ونتمنا النجاح

أيمتين بدك يا وطن ترتاح



أيمتين بدك يا وطن ترتاح ***ومـا يضل يخسر شعبنا أرواح
تلتين شعبك هاجــــر البرا ***وكل اللي بقيوا يا وطن أشباح

يمكن علينا قاسية يا ظـــــروف ***صرنا متل تاريخنا المعروف
مننطر الصيف مناطرة تانشوف *** أيمـتين بدهم يرجعوا السياح

ما في حدا من بلادنا ناسـي *** قديش قضـــــــــــينا من مآسي
وأيمتين بدنا نفيق يا قاســي *** وما نشوف غير الهم عنا نزاح

كانوا يقولوا مرقد العــــنزي ***بيســــــوى الدني وبفية الأرزة
مسلم مسيحي بالوطن درزي ***عاشوا سوى ولو جنت الأرياح

صار الشمالي يخوون جنوبي ***وعناالسياسي كذب مقلوبي
واحد أجلك لاحق اللوبــــي ***وواحد بيفوت ب؟؛...تعيش لعروبي
وبتضل يا لبنان ألعوبــــــي *** وكيف الضحية بتحتمي بسفاح

كترو بوطنا مراكز التدريـــب***بيدربو أفـــــــــراد للتخريب
نحنا ما بدنا سلاح للترهيــــب ***بوج اليهودي بس بدنا سلاح

كانوا يقولوا بلادنا خضـــــــرا ***ونطلب شفاعة إمنا العدرا
بالأرض صرنا نطمر الخضرة *** وبين الزبالي نشلح التفاح

مفروض يبقى حبنا مونــــي *** وما يضل عنا نــاس مغبوني
إبن الجنوب يعمر بجونــــي *** وإبن الشمال يعــــمر الشياح

صارت حياتك يا وطن قرفي ***وكل الدول لو فيك معترفي
كانت ما بلفت شعــــــبنا بلفي*** مننقل من المزراب للدلـفي
واحد بيعطي البيت والغرفـي***وواحد بإيدو ســلم المفتـاح

لا تصدقوا التاريخ كلـو زور ***صفحة حقيقة مزيفي بسطـــور
ما في شعب لوما الظلم بيثور *** ولا في سيادة بترجع بلا كفاح

فاق الغرب عا بلادنا ودعما *** مبحلق عيونو وشعبنا أعمى
وعنا قيادة غافية وزعـــــما *** من غير شر بيحسبوا الأرباح

ويا جيشناالمجروح تقبـــــــرني ***خلف البحر ها الوضع جابرني
ويا بن الأرز لاتلومني اعزرني *** برفض حيـــــادي كون بالقرني
وان كان عندك حل خبرنــــــي ***يما اسألي محـــــضر الأرواح

لبنان جني ؟؛بدون ..حكامو ***وجيشو وفي والنصر قدامو
وشــاعر معنى الأرز إلهامو ***مفـــتح زرار الورد بكمامو
وكلما الشـــاعر تزهر قلامو *** بننشق عبــير بلادنا الفواح
ولا تخاف يا لبنان لح ترتاح
وما يضل غير الجيش عنا جناح

عمار
أيمتين بدك يا وطن ترتـــــاح ... ومع غير جيشك مايضل سلاح
جارك عليك كتير عم بيجــور ... وساعـــــةّ مابدو أرضك بيجتاح

وقديش بدها ياوطن تاتـــهون ... ومايضل شعبك للغُرب مرهون
بيكفيك خلوا مصرفك مديـون ... وبكل صيف بيمنعــــوا السواح

ولما عليك توحــــــــم المحتل ... وربع القرن ندعي تاعنا فــــــل
دشّر مشاكل صعب فيها الحل ... والسر جهرو من الفزع مانباح

وحكامك اسمالله بمزح وجــــد ... ساعــــة رواق وساعتين بحد
كل فرد منهم صار مجرم قـــــد ... ثاني جمال الباشوي السفاح

وغول الحرب لم بلش التهديد ... وفرفــط بأيدو حبوب لعناقيد
صار الأمل يصرخلنا من جديد ... وطير المحبة صار عندو جناح


ان جينا انعد الهاجروا وفلــوا ... أكثـــــــــر من اللّي بلوطن ضلوا
بكرة بيهاجر شعبنا كـلـــــــو ... والخـــــوف مايبقى سِوا أشباح

وياريت هالأشباح بتســــافر ... يشوفــــــوا العيش البدني وافر
بيتعلموا عا طبع مش نــافــر ... حب الوطـــــن كيف بطبع سمّاح

لازم نصفي كلنا النــــــــــية ... إسلام ودروز ومسيـــــــــــحية
وبكل يوم تقوم جمعـــــــــية ... فيها السلام تأسس الصـــــلاّح


وياجيشنا ياصـــــاحب الهمة ... انت الضمانـــــة وصاحب الذمة
نحتجتني بفديك في دمـــي ... جاهز انا وقـــلام شعري رماح

وساحة الشهدا بإسم حرية ... كــــــانت وحيدة عن صفى نية
واليوم كل ساحاتنا ســــوية ... بتحمل شهيد بكل حي وسـاح

لبنان جنة عالأرض لبـنـــــان ... من قبل ابنــــــــو كرّم الضيفان
وآدم قتالو للحرب خلقــــــان ... وحـــــوا سلامو مطلقة التفاح

ورضوان حتى يعود عابوابـــو ...نقفل حدودو بـوج إرهـــــــــابو
الشاعر العاش مقدس ترابو ... بيصير للجنة معــــــــو المفتاح

لبنان لما نصـــــــــوّن حدودو ... من شـــــــــط بحرو لآخر جرودو
وكل السلاح يكـــون لجنودو ...العتمة يزيحوا يشعشعوا المصباح

ولبنان حتى يعـــــود يابلادي ... دين الســــــــما خلوه عاحيادي
منصير الله نعبد زيـــــــــادي ... نحطـــــــــوا بروما صورة الهادي
وحطوا بمكة صورة الفــــادي ... يزيح الحرب عنـــــا الصخرو زاح
في وقتها يمكن سوا منرتاح
وغيم الظلم عن موطني بينزاح