فتاة تغصبها امها على الإغتصاب !!!

مشرف عدد الرسائل : 519 تاريخ التسجيل : 15/03/2008

تقول الفتاة: استأذنت أمي وأخبرتها عن عدم رغبتي في الذهاب هذا اليوم

للمدرسة لأني كنت أشعر ببعض الصداع وكانت أمي ترقبني بنظرة لم

اعهدها.

شيئا ما كان يدور في أعماق تفكيرها كنت لا اعلمه؟ لكني سمعتها تتحدث

في الهاتف مع رجل وكانت تقول له: لحسن الحظ لم تذهب للمدرسة هذا

اليوم سأحضرها لك.

هذا ما سمعت من الحوار

وبعد حوالي الساعة رن جرس الهاتف فأحسست بانقباض لم اعهده في

جسدي، يا الله ما الذي يخبئه لي القدر؟

تظاهرت بأنى نائمة ولن أصحو مهما يحدث لأني كنت ساعتها أتمنى أن

تعود الساعة للخلف كي ارحل بنفسي للمدرسة و أنجو من الأمر الذي أنا

مقبلة عليه.

فجأة أحسست بان أقدام امي تقترب من حجرتي وتنادي باسمي

وقالت لي : هل لا زلتي متعبة يا أبنتي؟

فقلت لها: لا الأمر مطمئن قليل من الصداع وبدأ يتلاشى

فقالت لي: عليك بتجهيز نفسك فسوف نذهب في مشوار قريب.

قلت لها: هل سيذهب بنا أبي ؟

قالت: لا ولكنه على علم بالمكان الذي سوف نذهب إليه.

اخيرا رضخت لطلب امي لانني لم اشك انني سافقد في هذا اليوم شئ غالي

على نفسي.

خرجنا وكان السائق بانتظارنا

لقد كان كل شئ جاهز وليس هناك مايعيقنا.

الشوارع كانت ولأول مرة في حياتي أجدها غير مزدحمة.

وصلنا الى مكان ذلك الرجل وكان قد لبس اجمل ملابسه ويجلس بانتظارنا

وترك رسالة أن لا يقوم أحد بإزعاجه عند وصولنا.

دخلنا فاستقبلنا بحرارة، ثم قدم لنا العصير

طلب مني ان اقترب منه قليلا وبدأ يسألني بعض الأسئلة المتفرقه بحد

قوله من باب التعارف. ومن ثم طلب مني أن انتقل معه للغرفة الآخري

فخفت وتمسكت بأمي وطلبت من أمي الحضور معنا ولكنها قالت لي:

أذهبي معه وسوف أنتظركماهنا.

قال لا تخافي فسوف لن تشعري بالألم!!

بدات بالشعور بالخوف من ذلك الرجل وهو يبتسم أبتسامة غامضة.

وعندما ذهبت إلى الغرفة معه طلب مني النوم على السرير وبعد ذلك لم

أشعر بشئ.

وعندما استيقظت وجدة قطعة من الشاش ملفوفة عليها بقع دم.

سمعت الرجل يقول: الجرح بسيط وسوف يندمل بمرور الايام، وسوف

تنسى الامر

رجعنا الى البيت وأنا احمل هموم الدنيا على كاهلي ..

وصلنا البيت وبسرعة البرق اسرعت الى حجرتي واخذت ابكي وابكي لأني

بدأت أشعر بألم مافعله بي ذلك الرجل.

وأخذت اصرخ وأقول: ماذا فعلت بي يا أماه.

أخذت قطعة القماش وأنا أرى عمري كله وأحلامي قد تمزقت في هذه

القطعة.

ففتحت القطعة وإذا بأحد أسناني الأمامية قد خلعت

فعرفت بأنني كنت عند طبيب الأسنان

في بنت كانت عنبتحكي تسمعوا***18 عمري والشباب بمطلعو
فتنا عاأوضة مشيت خلفو بتبعو***وسكر الباب وخفت إني أمنعو
ومحل شو حساس دقرو بأصبعو***حسيت إنو هز أشيا تزعزعوا
ومني طلب جسمي شوي إرفعو***يمكن تعب هوي تاغير موضعو
ومن شان أظهرلو كبيري وإقنعو***حملت الوجع تا صرت ريقي إبلعو
و صاروا عيوني يا جماعة يدمعوا***وآهات آخ وآخ مني يطلعو
وحياة الله قالت لدكتورها***هي أول المرات ضرسي بقبعو

هي القصة يا حرف

حلو الإبداع يا جماعة، بالحقيقة يا عزيزي سليمان أنت رائع، لقد جعلتني اقف على أعصابي، وأراحتني هذه النهاية السعيدة.
هذا بحق هو السهل الممتنع

موضوع: ملك الحرف الإثنين يونيو 23, 2008 5:40 pm

دعوني أهنأ حرف ايضا، فلقد حدثت أن قرأت القصيدة أولاً وها أنا أحصل على ابداع نثري آخر، ذهبت ظنوني بعيدا في النثر فإذا به كالشعر.
والحرف ملك الحرف

مشرف عدد الرسائل : 519 تاريخ التسجيل : 15/03/2008

سليمان لما فكارك بقصة وعـــــــــــــــــوا = اهتز الشعور وحرف طل يوزعـــــــو
ليلى منشكر ع المرور بموضــــــــــــعـــو = ومنعود تانحكي حكايا تطــلعــــــــــوا
في ألف قصة وألف خبرية اسمعــــــــــــوا = تانشوف حرف الشعر شو بيطلع معو
في بنت كان مارقة وقال اسرعــــــــــــوا = بقينا وشفنا خلفها تلاتي سِــــــــــعـــوا
فاتت ع دكانة ووراها تجـــــمـــــــعـــــــوا = وبالغصب فاتوا يآخذوها تشجـــــعوا
صارت تنــــــــادي بحق الله امنـــــــعــــوا = البدهن غصيبة يخطفوني إردعـــــــوا
بوصلةّ شهم والصوت دغري بيرفعـــــــو = بيسحب مسدس خوف ديهن يرفـعـوا
بيصرخ بوجهن ع الأرض دغري اركعوا = مش عارف البنت وعيونو دمــــعـوا
ولما مع الدمعات بنتو شــــــــــــــــــــــافها = ماــتوا التلاتي وطهر بنتو رجعــــــو
==============================
وهاي قصة تاني ياسليمان كمان روح

مش هيك صارت قصة البنت اسمعوا***ومن حرف اوعى بهيك قصة تقنعوا

قصة البنت رفاقها اللي تجمعوا***تا تروح عا حفلة وبيّا تقنعو
وهوني شعور البي ما بتمرق معو***لعبة بنات بعصر ربّو مضيعو

راحت لوحدا بس اهلا ما وعوا***سرقة وهريبي جيل زفت بمطلعو
وبحفلة الديسكو الشبيبي اللي اندعوا***صارو عليها بلا أدب يتطلعوا

وكل شب ما خلّى ضميرو يردعو***وتخزقوا تياب الصبيي تقطعوا
الا بيطلع شخص بالعتمي معو***فرد وصرخ يا ولاد بلوطة اركعوا

هوني البنت صاروا عيونا يدمعوا***وتطلب رضا من بي حبت تخدعوا
وفهمت بأنو بيّها بابا الحنان***واللي بيرافق جيل زفت بينزعو

وهيك صارت القصة يا حرّوف شوف

مشرف عدد الرسائل : 519 تاريخ التسجيل : 15/03/2008

ولا هيك صارت قصةّ البنت اقنعوا = والا لحرف بهالحكي لا تسمعوا

القصة في عندا عقد مزمن موضعو = قصدت لجوهرجي لحتى تلـمّـــعو
وصــارت ع رقبتها بمحلو توضعو = وتقول عم يرهج حلا ما أروعو
قرّب الصـــايغ حد منــــــها بمطمعو = والفار بي عبو لعب تايخدعـــــو
بيقلها أجمل في عندي وواضـــــــعو = بالبيت لصحاب الجمال مصـنعو
وراحت لأجل العقد تتفرج مـعـــــــو = وع البيت فاتوا والبواب تمدفعوا
زغزغ النية وقـــــــال لحظة بطلّــعو = تاتغمضي عيونك عليه بيوقعوا
قرّب عليها باســــــــها !! وبتصفعو = مفكر بأنو مغمضة ومابتقـشــعو
وبتشيل من جزدانها الفرد الزغــــير = بتركعو وحق الخطـــايا تدفّـــعو

===========================
وهيك صارت القصة كمان ياسلّو بس مع وحدة تانية

حلو الإبداع يا شباب، بس أنا مش متأكدة إنو القصة صارت هيك، يمكن يا حرف ملحتها وبهرتها، خليني اسأل سليمان، كيف صارت القصة يا استاذنا.

يا ست ليلى حرف الله ينزعو***ألّف القصة ومين غيري بيمنعو

كل اللي صار البنت بيّا بتخدعو***وبتروح تسهر بالمقاهي الشعشعو
ومرة أبوها البنت حبّت تقنعو***أنو عملها بيفرض عليها اسمعوا
تسهرلوج الصبح مع ناس اندعوا***وقالت مدوبل للأجار بيدفعوا
وبالعتم شافت شخص حرّك اصبعوا***وعا قلب اوضة راحت تصلّي معو
ولمّا دخل شافت الفرد براسها***دخلك يا بيّي ستور ...؟؟؟!!!فردو لعلعو

هيك صارت يا انسة ليلى شو حرّوف بتعرف ها القصة

مشرف عدد الرسائل : 519 تاريخ التسجيل : 15/03/2008

يا آنسة ليلى وابو شربل تعــــــــــــــوا = مع حرف ع أصول الكلام تسمــــعوا
سليمان لو بدّل القصة بموقــعـــــــــــو = ليلى بعد والذيب مش مارق معـــــــو
ولو حرف رش بهار شعرو وابدعــو = بيشلفط البيقول بدو يمــنــــــــــــعــــو
وتانعود للقصة وشو رح تتوقـــــعـوا = آخر خبر من شعــر حرف ومطـلـعـو

في بنت عشرة سنين عمرا اتطلـــعو = بتتعرض لحـــــــــادث أنا ما بصنـعو
من بعد ماتوفت الأم تضعضـــــــعــوا = وفيـــــــــــها تحرّش بيها ومابتردعو
ومن بعد ماكبرت وفهمت شو حصل = رصاص الفرد في صدر بيّا بتزرعو

=============================
ياسلّو مش ع طول تعمل الحق ع البنات شوف هاالأب بعيد عنك قداي مرت
وهالقصة واقعية مش خيالية بالفعل.

تحية لملوك الشعر والقافيه ، يعطيكن ألف عافيي
"ولو حرف رش بهار شعرو وابدعــو = بيشلفط البيقول بدو يمــنــــــــــــعــــو"
بس بهارات حرف Black peper
يا شباب مانا مختلفين وأنا بلشت كون قناعة عا هلي صار، بس يا حروف معقول ما تكون زودتا شوي عا هالبي المسكين، سليمان أنا سمعت بالخبريي، بس سمعت انها اشاعة، شو الحقيقة يا ملوك الشعر?
ولو تكونوا جيراني لعزمتكن عا أطيب صحن ورق عنب شغل هالديات.

تسلم أيديكي بس ريقي شط***امي ومرتي سافروا ....؟بلبنان
وعندي أبن خيي الصفرة ن حط***من غيّر نفس بقول مش جوعان

**************************************
وهلق تا أرجع رد عا حرّوف***وقلو القصة هيك ...!!!مش معروف
لا تخترع اخبار ومواويل***تزكّر في أنترنيت عم بتشوف

كانت البنت تحط حمرة تشيل***والبي يقشع جسمها وملهوف
والكل عارف عدّة التجميل***بدهامصاري وكلها مصروف

والبي نحنا بنعرفو زنكيل***جرّب تا يغري البنت عا المكشوف
وقلّا تيابك كلها شباشيل***بجبلك من فرنسا تياب الصوف

عا شرط أمك ...؟؟؟بلّش التقبيل***والبنت تضرب عا الخدود كفوف
والأم راحت عا الخزانة تشيل ***فرد وبراسو تفرّغ...!!1المنتوف

وقالت يا بنتي غلطت حملي تقيل***تزوجت عا بيّك وكانو ظروف
والعلم هوني بلّش التحليل***وعرفوا ما كان البي زوج الأم
زلمي مريض مخدّر ومحروف
********************

يا حروف القصة هيك يا حبيب القلب تهمت البي حرام كان زوج الأم حرام عليك استغفر من ربك هههههه

مشرف عدد الرسائل : 519 تاريخ التسجيل : 15/03/2008

الى الاخت ليلى
=========

هالمنتدى المن قلـبنا بـودو = مشرف اذا مــــــــاحطِك بـهدّو
الأشرافها بيكون من ينبوع = عم نستـــــقي من فكرها وردو

بشعر بكلماتك كرم وولـوع = نشالله برجوعك عيشنا انمدوا
لما بموطنا بترم الرجــــوع = أجمل لقى كرمــــــــــالك انعدو
=============
وياابو شربل عارفك مقـطوع = وبخير بدعي شملك تـــردو
لكن مابدي ساعةّ البتجــــــوع = تهدم لحرف البيت وتـهـــدو

مين السمحلك تبدل الموضوع = والبي زوج الوالدة تـعــــــدو
مخدّر مريض بتعملو ومنزوع = تايصير شـعرك متل مــابدو

القصة حقيقة والخبر مفجـــوع = وكثار متلو يمـكن تعــــــدوا
ع بنت بعدا بأول المطـــــلوع = بتجهل حقيقةّ بــــيــها وجدو

وتانقول مش بيا بحكي متبوع = رصاصاتها للقتل ما اشتدوا
ولا صار قتلو بعينها مشـروع = ولو كان حتى بس زوج الأم
صلي معي اللـــَـــــــّـه لايردو
========================
بكرت ياسلمون ع القصيدة كان فيه بعد كتير خبريات يلا الله يسامحك ولاتنسى هالمثل

ضلك عن حرف تحرا = الما في متلو بالمرة
كيف ما بدو الفاخوري = بيعمل ذينين الجرة
=========================
والى اللقاء في الحلقة القادمة

أف أف أف أف يا شباب ولعت،
يمكن يا حرف المدهب أنت لامست طرف الحقيقة، بس ما تقلي ما كان هالبي سكران عا جرة عرق بلدي أصيل، شو قولك، ويا سليمان يا ملك، قصتك فيها من المنطق كتير كتير. بس تا اقتنع بديي حجج أكتر، وولعي يا قريحة.
بكرا بدي أعمل محشي ملفوف، ولقمتين زيادي كرمال أحلى شاعرين بهل المنتدى( مع احترامنا للبقية اكيد).
ليش يا استاذنا سليمان كان زوج الأم عم بحشش، وشو دور مرتو بهل الأمر.
يا حروف، رح صلي معك الله لا يردو ها ها ها

كانت الأم بتخلق مشاوير***ومـــــــــــا بتلبس غير عا الموضة
ومن بعد زوجا ..؟تقصّر تنانير***عليها ما في ولا قيود مفروضة
ساعات عا الطرقات تمشي كتير***ساعات بالحفلات معروضة
تخلع برقصة تكتّر التشبير***وعقلاتها عن جد منفوضة
ومنشان تتشبّه بالمشاهير***بأجسام وبأرواح ممروضة
ومن بعد ما عاشت على التخدير***ومفروض ليلى نقّلها شو صار
ما ضل فرشي تعتب وأوضة
*********
وهيدي قصة الأم يا انسة ليلى انشالله يكون حرّف اقتنع

********
غصون بيوتي مخضّرة***وعن شعري لا تتحرّة
وساعة البّدي يا حرّوف***بكسّر عا الراس الجرّة
*************
تحريّت عليك ومطلوب***بالعالم عميّل ضروب
واللي متلك يا حبّوب***بيفتكروا اخترعوا الذرة

مشرف عدد الرسائل : 519 تاريخ التسجيل : 15/03/2008

سليمان لاتلعب بأعصــــــــــابي = مـــــافيك تبقى تعاند جوابي
اللي حكيت عنها بالفعل مش إم = عنــــــها قريت كتير بكتابي

ومش إم يلّي كتير فيــــــها السم = وفيها الأرجل ضيعوا حسابي
بإم إربعين وأربعـــــــة بتهـتـــم = ومــــــافيك تقنع سبع هالغابة

وفي إم كــــــــــــانت شملها بتلم = وزوجــا توفى بحرب غلاّبة
صارت بمربى ولادهـــــــا تنهم = وتقول فضيوا البيت وجيابي

لكن في عندا موهبـــــــــة والغم = كــــــــانت لمخرج قبل عرابة
بيقلها صوتك حـــــــــــلو والهم = آخر عصــــــــــور الفن كذابة

قبّل يديـــــــــــها بالترجي وشم = تغني طرب مــابيعرف عيابة
راحت تقدّم قـــــــــال علّي الكم = وتا تنجحي تنورتك قصّي
ردت مابرضى قصّر ثيابي
============
قلتك عــــــــنـي تحرى = بتتعلم تحكي درة
رحت تفكّر بالتخصيب = منك بدي إتبرى
=================
شوبدك فيه يا آنسة ليلى هيك القصة صارت وكرمالك رح ضلني ورا تاإقنعو
يلا ياسليمان وراك وراك والزمن طويل !!!!!

ناقص بيت يا مستر حرف
عمول معروف كمّل الرد

مشرف عدد الرسائل : 519 تاريخ التسجيل : 15/03/2008

مابينقص حرف الأشعار = القصدانو جوا وبرا
هيذي غير الرد بهــــــــار = وقاف عليها وتمرا
====================
شو القصة مجاوب تقطيع = وقلبك ع الخوف توقف
عطيناك الردة بتشجـــــيع = حتى منــــــــــــها تتثقف
لا شاري القصة ولا بّـيع = بسجن مواضيعي موقّف
كتبتلك هيي تـــــــــاتضيع = بين النـــقـــــــشة والترة
====================

ولع التحدي ولع.. الأم عند سليمان عاملي السبعة ودمتها، والحق على ألأم التي بطريقتها نزعت ابنتها، أما حرف فالأم كانت إمرأة تعيسة ولكن فاضلة، أنا أنتظر بقيت القصة لأستطيع تكوين حكم. رفعت الجلسة.
محكمة... بدات الجلسة، ليتقدم الشهود،
الأستاذ سليمان هات ما عندك

ها المخرج الي راحت تزورو***وعندا قناعة جيابها تملي
مش عارفي رجال وغرورو***ما بينخدع باللووك والطلي
فاتت لعندو تجاهل شعورو***بفسطان كشكش جسمها مملي
ولو تعرفوا شو صار بحضورو***شلحت تيابا وصوتها تعلي
وقالت ما بقبض غير باليوورو***وألا معك مابصير فنانة
قلها يا بنتي تضبضبي وفلي

هيدي القصة الحقيقة يا انسة ليلى ما تصدقي حرف واذا بتحبي تتأكدي معي تلفون المخرج طلع بروفسيونال شريف نضيف مش متل ما بيقول مستر حرف

بتتزكر لم دار الطق***بموقع عمار المشهور
طوشتلي راسي من النق***وتقلي ركبلي سطور
صدرك من هالقصة انشق***وبعرف من ليلى مقهور
ليلى عم تشهد للحق***وليش عيونك محمرة

حلوي منك يا سليمان. بس شو قولك يا حرف مش عم بيزيدا(بيناتنا)،
أنا ناطرة الرد بهل المبارات المهمة.
هلق سليمان بحب يتفلسف، وأنا راقبتو بمعركة " فوق وتحت"، عندو شطحات فلسفية، بس مش عا ليلى ومش عا حرف!!!
(أنا رح غيب كم يوم بسبب زيارة لأختي، بس راجعة وما تقولوا دارت ضهرها، بدي شوف كل كلمة عم نتكتب، وقارن بالمنطق تا شوف وين الحق من الباطل)
راجعة هه

مشرف عدد الرسائل : 519 تاريخ التسجيل : 15/03/2008

شو قصتك بلّشت تـشـــــــــــهد زور = شاهد الزور بيلحقــــو ضرورة
عنك سألت.بضيعتك مشهـــــــــــور = وصيتك موصّل قال لشتــــورة

لاتقول من ليلى الزكي مقهـــــــــــور = مابيكره الشطوّر شطــــــــــوّرة
وبخير ترجع تاتشوف سطـــــــــور = ع رخام حق بصدق محفـــورة

وحتى نخلّي طابقك مستــــــــــــــور = وحتى الدعوة تضل مستــــورة
تانكمّل القصة بشــــــــــــعر وشعور = ونحكي مانتهم إم مغـــــــــدورة

لما حكـــــــــــــاها المخرج المغرور = حتى تقصّر هيك تـــنــــــــــورة
راحت عم بتبكي ع حلـــــــــم البور = وتحمي شرفها وتنذر نــــذورة

وتقول دخل الأنبية دستـــــــــــــور = لاقي شغل تاعيش مســـــرورة
من ميل شمعة تحترق بخـــــــــــور = ومن ميل تبكي بروح مقهــورة

وفجأة لقاها بـــــــــــــــــايع المنثور = واقعة ع الدرب بالجـــــــــــورة
يمكن خــــــــاطرها بيعرفو مكسور = حب يساعدها ودمعـــها نهورة

الغـــــــــاية وضعها خادمة بقصور = تمسح وتجلي وتقبــــض اجورة
مش عارفة صحاب القصر والدُور = المخرج بيكـــون الشوّه الصورة

بيدخل ع غرفتها بصباح النــــــور = بتـفــــــــــــز متل النار مذعورة
بتهرب بتشـــــــحذ بالدني وبتدور = وبتقول من شهرةّ طرب صفيت
متل النورية كتير مشهورة
===========================

والله حرام عليك تظلم الأمهات وتصدق مخرج فناص
=================
بموقع عمار الجــــبار = صـــــــــدقني كنا نمزح
ساعة تركبلي اشعـــار = وساعـة علّـيك بمسرح
لكن هلق شواللي صار = بشوفك بقبالي مكرسح
خايف مني رد التـــار = انشالله ما تعيد الكرة
===========================