أهلا بنجدي حاطوم

مبارح فتحت النت قالولي
نجدي أبن حاطوم متسجّل
لفيّت قلبي بشرشف ميولي
وراح الوحي عا الموقع معجّل

*****
أهلا بنجدي...!!جيت عا بيّتك
تجدد بمعرض شعرنا الرسّمي
بموقع حبيب القلب ...!!حسيّتك
عا شفاف طفل القافية بسمة
من كل قلبي ..جد....!!!حبيّتك
نعمة وحي وعا الروح منقسمي
فاح العطر بالموقع ...!!لقيّتك
عامل قناطر للوفا وجسور
وجسر الهوى بيطقّ من نسمة

هلا بالغوالي

هون القوافي بتلتقي بأهلا
وهون النبض بالقلب يندهلا
بعمار كلما رندح
القصدان
وبيجاوبو..
من محبتو سليمان
ومارد الشعر
بيطلب النجدة
تابنهدتي اكتب إلو
ووجدي
أهلا بشاعرنا
ابن حاطوم
سلالو ملاني
من حلا الكروم
وحولو نسور الشعر
عم بتحوم
حتى تقلو ياهلا
بنجدي ......
ومش بس اهلا
يا ألف سهلا
========
نورت المنتدى بقدومك

عزيزي نجدي شرفت هذا المنتدى الذي ينتظر الشعراء الأفذاذ ليسمعونا عطر الشعر وفوح أريجه، أنني كغيري منتظرة قلائد شعرك، فبالله عليك لا تبخل علينا بها، وها ت أحلى ما عندك.