محاسبة جهاد

موضوع: محاسبة جهاد الخميس أغسطس 21, 2008 7:41 am

اخواني بطلب من الجميع هـ الصفحه الي ولجهاد فقط

مع المحبّه

ي عطر الحب اطلع من بيوتي = انا الإلهام شيّدلي بيوتي

وسقيتو كاس قلبي بليل داجي = ومازا من حلا عزمي وثبوتي

ع مفرق رحلة الأحلام حاجي = ي بدر بدمعتك تحرق كروتي

انا باقي بأرضي السحر ناجي = واغزل بالودى فراشي وتخوتي

انا شاعر أصيل العدل راجي = ضميري يخمّرو بطهري اللاهوتي

ي جيجي روق يا غنج الدجاجه = لا تقرب خيط شعري العنكبوتي

ي فلّين اصطفاك اليوم عاجي = ت صدرك قدّح بدون الجفوته

انا ضدّك وضد ألفين باجي = بحرب الشعر والوهج النحوتي

ومناقب عفّتي ع صحاب حاجه = متلك عم بتعطف من غناها

ي فقر الوزن ببرادة نعوته

سليمان خيي بشعرك انسابو = دموع المجد يا طيب عنّابو

انت نوعيّة رجال الأصايل = وشاعر عظيمه الروح بخطابو

حرام الجوج عاشق للخمايل = بكفّي تكحّل بقهرو عذابو

ورغم ما انت عاملّو عمايل = انا رح ورّمو وزرّق جنابو

ت يتعلّم يزوّر والجدايل = يلفلف عا صبا جرحو وشبابو

ول ثورة كلمتي شوفو الدلايل = ومن بطشي جبال الصخر ذابو

ومتلي رجال ع المنبر قلايل = بأرض الشرق وبأفق المجرّه

بمدى هـ الكون وبعتمة ضبابو

مرحب يا جهاد الكفر مرحب = ي زارع حقلتك من قحط مر حب

وقاعد بالحكي تهجي الحديقه = اللي بفنّي ت روحك قوم اسحب

اذا بتضل شاعل بالطبيقه = بحنكة فكرتي بتسود تشحب

بفرجي كل شعّار الخليقه = ع شكلك وانت بالآلام تنحب

انا بالشعر مارد للحقيقه = وانت مشلول او خلقان احدب

نصيحه بجولة الريح الطليقه = ي عيني الوهم بكواخك لا تصحب

ي طعجة ريم بالمرجه رشيقه = انا ضيغم نبوغ بجرد شعري

م فيي إرحمك أو معك إلعب

وعن الموضوع والحذف الحقودي = انا تفاجأت من عدوان قاسي

وحيثك كنت متجاهل بنودي = وطيشك معبد ودينك سياسه

انت طلبت حذفو من الودوده = يا روح المابتعرف شو القداسه

وهلّق بالتحدّي من جنودي = تعا تعلّم الخبره والدراسه

البلاغه والثقافه اللي بحدودي = وأبعاد الوزن من كنز راسي

موضوع: رد: محاسبة جهاد الخميس أغسطس 21, 2008 2:39 pm

بناء على طلب مدير المنتدى نعلق من أرض المعركة

ما هذه القصيدة والطلة الموفقة للشاعر علي عامر، وقد بدأ المحاسبة دون هوادة، ولكن السؤال المحير الذي يطرح نفسه بقوة، هل سيسكت جهاد? هل سيتغاضى عن هذا الهجوم? هل سينهزم من الجولة الأولى ويقول في نفسه " الهريبي تلتين المراجل" أنا لا أعتقد! كأن الرد المدوي يتحضر، وهكذا سنستمتع بمبارات شعرية من الطراز الرفيع، وسنرى لمن تكون الغلبة?

بسم الله الرحمن الرحيم
اليوم ( الجمعة )
في حدود الرّابعة والثلث كانت دخلتي على المنتدى منذ أيام ..
وأول رؤية لي لهذا الموضوع
إجمالا
>>>>>>>>>>د
ما بحب كتر الحكي
المعركة بلّشت

موضوع: رد: محاسبة جهاد السبت أغسطس 23, 2008 2:02 pm

علي عامر كتب:: اخواني بطلب من الجميع هـ الصفحه الي ولجهاد فقط

مع المحبّه

ي عطر الحب اطلع من بيوتي = انا الإلهام شيّدلي بيوتي

وسقيتو كاس قلبي بليل داجي = ومازا من حلا عزمي وثبوتي

ع

تعال تعال
غبت عنّك يوم قعدت تلعلع ؟
مفكّر ماليش شغلة غيرك ؟
إجمالا ما طوّلت كتير بالقصايد ..
ع قدّك بتعرف يعني
خخخخخخخ

تفضّل ... معزوم عا جنازتَك

طَلّ عوعو.. وين كنِت غايِب ؟ = تسجيلَك بهالمنتدى صايِب
لكِن قَبِل مَا تِصْدِر الأحْكام؛ = قَلْبي عَلَيك معَذَّب وذايِب
قلّي شُ صَار بجَمرة الإلْهام = والصّومعة .. و بَرْد الغفا الهايِب
و عَتْم الضّبَاب ولَهْفِة الشّمّام = وْ شَوْك الرّبيع الأزْرَق الشّايِب
هالهَلْوَسات بشِعْرَك المقدام = إحْدى عوامل شَكْلَك الخَايِب
تْمَنّيت تِطْلَع من شَقا الأوهام = بَعْدَك مِن التخبيص مِش طايِب
بدّك زيادِة حَمّ قَبْل تْنام = وأدلق ع راسَك معلقة روبة
تَ تصِير يا مايِص لَبَن رايِب =

<!<!<!<!<!<!<!<<!<!<!<!<!<!<!<!<!<!<!

بعركه ماضيه شفنا الاباحه= بظَنّك إنّها قوّة وفصاحة
تْواقح يا حَبيبي كيف بِدّك .. ؛ = تَخَصُّص مَنْبَري كَسْر الوَقاحَة
*** = ***
إنِت مَزْبوط عارف مين ضِدّك = لأنّي مْعوّدك في كلّ ساحة
******************************
*** = ***
و لَمّا كنْتْ في بورين ندَّك = خَلّيتَك شَهَر تفتَح مناحة
وضِحِك جَمْهورَك عْلى لَون خَدّك = وْ مَسَحْت الأرْض فيك بكلّ راحَة
و بَعَتّك عا جْهَنّم ، مين رَدّك = ع برحليون تاخُد إسْتِرَاحة ؟
*** = ***
إذا هالواحد رفيقو بِعِدّك = وحكالك مَع جِهاد الحَرْب واحة
يَ حَسْرَة سَلَّمَك للّي يقِدّك = ويعمل في شكل وجهك إزاحَة
ويبعَتْكن سوا يدّو بيَدَّك = على دار البِلي بْنَفْس المَسَاحة
ولا تْنْسى المَحْدَلة من عَهْد جَدّك = اسألو عَنْها بيعرفها .. وخُذُوها
بناحة عَرْبِش وهوّي بناحة =

*×*×*×*×*×*×*×*×*×*×*×*×*×*×*×*×*×*×*×*×*×*×

بَيْني وبين الشِّعْر لا تباعِد = مستقبلي سَعْد وحلا واعِد
عا ( جولة مَعنّى على الماشي ) = جيتَك عملت بصوفْتَك جاعِد
كيف اختَفى الموضوع يا واشي = مش مشكلة ، لحّق بيوتي عِدّ
طَلْقات نار بمفصَلَك حاشِي = تتصير تِعْمَل مِن بَعِد هاليوم
جولة مْعنّى على القاعِد =

*×*×*×*×*×*×*×*×*×*×*×*×*×*×*×*×*×*×*×*×*×*×

استِحِي يا ضارِب بهالرّاس فازو = علَيك الكلّ بالجولات فازو
بعَقْلَك صارَت تلفّ السّوَالِب = ال حزتو من الخَرَف ما حَدّ حازو
*** = ***
عَلي بتِعْرِف أنا من أيّ قَالِب = وجداري ما حدا عمرو اجتازو
بلا ما شدّ عا حالي الغالِب = وْ لَو الأتبااااع لا خَصْمي انحازو
*** = ***
أنا قلب البِنِت بالحُبّ سالِب = الوَفا في مَحفَظِة شِعْري جَوازو
ع مين مفكّر تمشّي مقالب = بغَرابة مصطَلَح أصْفَر قَزازو
بجِسْم الشِّعْر شغلَك شغل حالِب = وأنا صوت الوَتَر مانِع نَشازو
*** = ***
الأجا عا منبري يمدّ المخالبِ = الأجا يرمي على البركان كازو
الأجا منّو لحالو الحَرْب طالب = وعِد قدّام هالنّاس الكَريمة
إلا حَرّمو يِفْتَح جهازو =

موضوع: رد: محاسبة جهاد السبت أغسطس 23, 2008 3:16 pm

من كم ساعه ناطر حلولك جهاد = وع اللغز م انتصرت حلولك للمراد

لو كنت صخر بفتفت حلولك رماد = يا عقم رح داويك بمراهم عناد

بعلمي انت من ضفّة بزوغ الجهاد = شو باك متوشّح بزعبرة الولاد

بعلمي انت شاعر جنون البطش زاد = فيك وم عدت الكسر بهموم الرقاد

شو صايبك داير تلفّق بالبلاد = أخبار زور بأم زكي عاشت حداد

لحن العفن لا تعزف بحقدك عواد = شعر الزجل تخضيب مش متلك عواد

شغلك غدر جرم الصطيفي بإعتقاد = ما في عقيد يرد تدجيلك ع واد

وبتضل يابس من عفارة منطقك = وفوقك ندي الإبداع عامر انتقاد

* * *

يا راجع تكسّر خجال بهـ السواد = بسيف الهبل ما فيك تعلى ع الجواد

من شحبراتك يئس قلبي بهـ الوهاد = تا للسيرك بيعك بلاش بشي مزاد

موضوع: رد: محاسبة جهاد الأحد أغسطس 24, 2008 3:08 pm

ريت الزَّمَن عا شوفْتَك ما دَلّني = وْلَ بْكُتْر بَرْمَك يا مدَرْوِخ عَلّني
كبر الفَرَاغ قْبال حَجْمي شَلّني = مَلّيْتْ ، لكن مَنْبَري ما مَلّني
*** = ***
ناشِفْ أنا وْبَدّي مْنَشَّف ضَلّني = وْلا شُوف مَحْلول السِّياسِة حَلّنِي
بإيِد النَّبِيل الما قِبِل تَ يسِلّني = يابِس أنا ، وْ دَمّ الأخوّة ذَلّني
*** = ***
و قَلّي السَّبَل : زِنْد الأصالة غَلّني = و طَيْش السّيول من القَوَاعِد خَلّني
وْ خَدّ الحَبيب ال عَالسّعادة قَلّني = وعا خاطرو ياما رَبَطْني وحَلّني
قَلّي أنا ضَلّيتني ناشِف سَعِيد = تَنّو نِزِل دَمْع الفراق وبَلّني

^+^+^+^+^+^+^+^+^+^+^+^+^+^+^+^+^

أوووووووف أوووووووف ....
عليّ الطّلاق بالتلاتة باتّة أوووووووووووووووووووووووووووووووف

بيحِبّني شِعْر القوى وبيجِلّني = وضعفَك بأول نصّ رَدّة غَلّني
ريت الزّمن عا صلعتك ....

(( بعرف انّك مش متعوّد عا هالمستوى من الإحترام توخدو !! بس يلا .. المعاملة مع الله ))

اعذروني يا جماعه سافرت اليوم بحكم الشغل

والتعب زايده ثقالة دمّو بالفتره الأخيره

وحرام جهاد ما بدنا نكسّر راسو من اوّل الجوله

يعني ع الخفيف

من غزل موهبتي الحضاره ملفلفه = بشال السلام وكاس انغامي صفي

الأنتين يا فضله براسك لو غفي = رح ضل حكّك بالفطن والفلسفه

بلكي استحى دمّك ع غفله وارتعش = وقلّك بيكفي جهل شرع الصفصفه

* * *

حيثك عم تكابر وفنّك عجرفه = وأحيان بجروح البلاغه بتشتفي

يا هـ الدّني دموع بجهادك كفكفي = من حيث عا خدّو ت يربى كف كفي

وراسك توقّا تيبّسو بالمعرفه = بخلّيك سروالك تبلّو يا وفي

علي عامر كتب:: اعذروني يا جماعه سافرت اليوم بحكم الشغل

والتعب زايده ثقالة دمّو بالفتره الأخيره

وحرام جهاد ما بدنا نكسّر راسو من اوّل الجوله

يعني ع الخفيف

من غزل موهبتي الحضاره ملفلفه = بشال السلام وكاس انغامي صفي

الأنتين يا فضله براسك لو غفي = رح ضل حكّك بالفطن والفلسفه

بلكي استحى دمّك ع غفله وارتعش = وقلّك بيكفي جهل شرع الصفصفه

* * *

حيثك عم تكابر وفنّك عجرفه = وأحيان بجروح البلاغه بتشتفي

يا هـ الدّني دموع بجهادك كفكفي = من حيث عا خدّو ت يربى كف كفي

وراسك توقّا تيبّسو بالمعرفه = بخلّيك سروالك تبلّو يا وفي

المَفْروض عا هالشِّعر كَسِّرْلَك إديْك = وكَمّل بَعِدْها عا سْنانَك بالكْريك
عْطَيْتَك بْشِعْري يا عَلِي بوظَة وكيْك = صَبّيت فوق هْديّتي زيت البْريك
لو عارْفَك من قسوتي بِتدوخ هيْك = مَا كُنْت عَلَّقْت الملاقِط في ذِنيك
عا ناشِفْ ومَبْلول شِعْري شِعْر بيْك = وتتشوف شُ بْتِعْمَل إنِت فَتِّح عنيك ؛
بترمي بأيّ جورة مجاري جانْحيْك = وْ بِتْعود صَابغ مِن صَباحَك لا جْريك
تْمرْمِغ جْنَابَك عا نَشَاف ترابنا = وِتْزيل كل شي مْن الوَسَخ عالِق عَليْك

لك يَا عَمّي أوووووووووووووووووووووووووووووووووووف أووف

منشان الله من سبات الشّعر Wake = وإحْسِن الإسْتِغْلال لَمّا نْقول Take
المَفْرُوضْ يا نَصّاب كسِّرْلَك ....

ما زالها قوافيك متلك مايعه = وريحة فكارك عفن صارت فايعه

بعرف نشافة حضرتك هـ الشايعه = غير الدّجل يا مدّعي مش طايعه

أيّا قسا وروحك سجينه جايعه = بهيكل دكاكين الكرامه بايعه

ومبلول خصمك بحر عنّو ذايعه = رحاب المواقع حكمتو مش سايعه

موجو الوفا ونفسك بسرّو ضايعه = وربّ الشعر قدّم لروحو مبايعه

وترابنا اللي تبلّل بدمّ النضال = لا تنسبو لبقوة فراطه صايعه

* * *

لا تشجّع النمّام ينثر شايعه = وتغدر بشلّخ هـ النياع النايعه

علي عامر كتب:: ما زالها قوافيك متلك مايعه = وريحة فكارك عفن صارت فايعه

بعرف نشافة حضرتك هـ الشايعه = غير الدّجل يا مدّعي مش طايعه

نعتذر عن الغيبة غير المتوقّعة
نظرا لبعض أمور طرأت من ضمنها زيارات من أصدقاء قدمااااء
وما إلى ذلك ..
ما منعني الخروج إلى محل الإنترنت ..
طبعا النتّ في البيت غير موجود
لذلك تأخرت
...
..
.
عا كلّ حال
تعال تشوفك يا مدروخ

نَشّف جبينَك من بعد ما تغسلو = منشان عَن نسمة هوى ما تعزلو
بْحِبّ النّشاف بتوب ناعِم مخملو = بفَلاح شَغّل للحصيدة منجلو
المِتْلَك وَطَنّا منزلو .. ومش منزلو = زنودَك على وَهْج الجِهاد تْكاسَلو
وْكَنّك شفت حالك بَحَر منّو اعتلو = مْواجو ولآفاق المَجَرّة وَصّلو ؛
أكْبَر بَحَر منّشّفو ومنهملو = حَتّى المِلِح منّو بخبرة نحصّلو
ونرشّ عا شعري بداخِل معملو = تا نعجنو ونخمّرو ونعدّلو
ومنردّ لا فرن المواهِب نحملو = وبَعْد الخَبِيز بِنْشَف تَ نعرف ناكلو
وحَتّى الجّواب عْلى كَلامَك فَصّلو = لو قلت فاعت ريحتو شعري الحلو؛
رْغِيف الزّجَل عَفَّن وطلعت ريحتو = لَمّا عَلي بميّات شِعْرو بَلّلو
*** = ***
رَح عيدها ، والمبتدي ما بسألو = بْحِبّ البِعُمْرو ما تْدَلّل دَلِّلو
موضوعنا لو أفحصو من أوّلو = وْلا بَيْت فاضي من بيوتَك بَقْبَلو
يليّ وِقِفِت حَدّي أنا برجي الدّلو = وراسك دلو بالقِلب جسمَك حاملو
مَحْتوم مَوْتَك، بَسّ حَتّى أجّلو = عِزْريل عَن روحَك بشِعْري بْخَجّلو
نشّف ...

موضوع: رد: محاسبة جهاد الجمعة أغسطس 29, 2008 6:24 pm

بالموهبه فروض النشافه مهمله = ورطوبة الإبداع دوم مدلّله

بوجه النسيم ان نشّفت وجهك شلي = دمع الغضب ت يبل ضعفك بلبله

وتوب النشاف العطر بلّو بمرحله = حتّى بحرش الشوق صارم مر حلي

ياما روي الفلاّح زرعو تا جلي = همّو وبعطف الغيم من فرحو غلي

يا نبع نشّف من نوايا مذلّله = لا تقرب على البحر بالفقر اختلي

ملح الشعر خدّر ببطشو الأوّلي = ألفين عا شكلك بثوره وزلزله

وبالأكل ملحك بلّلوه المسأله = تا معدتك م تحدّها كل بلبله

وخبزك تبلّل وقت حشره وبهدله = بجور السرق خيرات بلّلها علي

افهم كلامي الحكم ناشف ع الولي = ومش بس عا شرشوح جوجو القلقله

من هيك عقلك بل بالشعر الرطيب = ولا بالنشافه الوهم يعمل مشكله

* * *

لا تعجبو ان خمّن الهابط شي علي = صرنا بآخر وقت هـ الدنيه بلي

بسوق الدّجل عفريت يا عيني صلي = شراكو على الإيمان مخّ وحوصله

ودمّ السخا بلبل مساحه مثقله = بجروح ت المجد انتصر ع المهزله

ناشف الشوك لـ بالنجاسه مبتلي = وطهر الحنان لـ بل زهر المخملي

الله لا يقيمك

موضوع: رد: محاسبة جهاد السبت أغسطس 30, 2008 2:00 pm

علي عامر كتب:: بالموهبه فروض النشافه مهمله = ورطوبة الإبداع دوم مدلّله

بوجه النسيم ان نشّفت وجهك شلي = دمع الغضب ت يبل ضعفك بلبله

وتوب النشاف العطر بلّو بمرحله = حتّى بحرش الشوق صارم مر حلي

الله لا يقيمك

هلّق بدي أوّل صفير العاصفة = دمّك نِشِف بعروق نذلة خايفة
عْرِفْتَك غَبي مش خَرْج شِعْر وفَلْسَفة = وْلا خَرْج جَولات العِلِم والمعرفة
ممكن توضّحلي شُ " شرع الصّفصفة " = وشو متلها مليون كلمة محرّفة ؟
عا قدّ ما بهدلتك لساني حفي = وبَعْدَك ع ذات الدّرب ناسس بالخِفِي
بحدود شي عشرين كلمة مصنّفة = لو أمنَعك عَنْها قصيدَك بنطِفي
بتلِمّ جملة مكسّرة ومتطرّفة = وألفاظ من صنعَك ركيكة زايِفة
وكلّك صوَر متشوّهة ومتكلّفة = شي مكرّرة شي مموّهة شي مقرفة
بَدّك شَهَر عا قطب أبْيَض تنتفي = تَ تتّوب تعمَل بالمعاني لفلفة
ولو شِفت وجهَك عاد لا هون ولِفي = بَدّي تَ خَلّي الكلّ ضاحِك مشتفي ؛
أفْلَخْلَك نْياعَك وتمّك أفْتَحو = وزوم الخيار بغرفك بالمغرفه
به<><><><><><><><><><><><><><><>

أووووووف أووووف أوف ....

قالو قليل الفِهْم بدّو مواقفة ؛ = رَح واقْفَك ، وْ بَرْهِن جَميع مْواقفي
ما أنشَف وْراق النّقِد في مصرفي = وْما أرْطَبَك مِن تَحْت مَيّة مصرفي
لولا ذّبَحْتَك متل نَعْجة راجِفِة = ما نَشَّفَت دَمّك طنعشر منشفة
الله يخلّيلَك سليمان الوَفي = نوّع إذا بواحد فقط مش مكتِفي
هلّق بدي أوّل ...

موضوع: رد: محاسبة جهاد السبت أغسطس 30, 2008 7:33 pm

مجنون يا جهاد خصمك شو قدير = عا شقلباتك عقل ساطي بالضمير

رطوبة وزن ندّا ت تنشق من عبير = شعر الشهد م تذوب بالجهل المرير

الجنّه بحلاها النهر والروعه خرير = والقبح بالنار النشافه والسعير

وت تضحّك التلفان يا ( شابلن ) قصير = بدنيا الدعابه ما منعرفلك نصير

وخيارة اللي معوّد عليها تشير = وتقول هيدا مطلبك وبحضن زير

عن تم او عن خد لا تحدّد مصير = حيثك بأدنى مستوى وجرحك خطير

تا توصل الوحله بحضيض جهنّمك = بلكي تبلّك تنشلك دربك تنير

* * *

يا تارك الموضوع عجنه بلا خمير = بطوف الشتي ما فيك شرطه تستعير

شو علّقك ما بين ديي وصخر جير = بتعرف علي بالشعر زندو متل زير
وطراد لا تذمّو ت تبقى تستجير = بخمسين شاعر متل أخطل أو جرير

حذف بواسطة الادارة

تحياتي يا شباب
خلينا نعتبر يللي صار انتهى واصبح بعالم النسيان
وكرامة المتابعين للموضوع بتمنى على الشاعرين علي وجهاد انو يتابعو على الشكل الاتي
اربع ردات معنى لجهاد وتلاته لعلي (مش اكتر من 8 ابيات بالرده)
حتى ينتهي الموضوع بقصيدتين لكل شاعر يبدأ علي بالقصيد ويختم جهاد(مش اكتر من 23 بيت القصيده)
أرجو من الشباب اخد الامر بالامليه والمحبه
ونحن بأنتظار الابداع والصور والحجج من الشاعرين الاحبا
والسلام
اخوكن حسن بنوت

ابو علي حسن بنوت كتب:: تحياتي يا شباب
خلينا نعتبر يللي صار انتهى واصبح بعالم النسيان
وكرامة المتابعين للموضوع بتمنى على الشاعرين علي وجهاد انو يتابعو على الشكل الاتي
اربع ردات معنى لجهاد وتلاته لعلي (مش اكتر من 8 ابيات بالرده)
حتى ينتهي الموضوع بقصيدتين لكل شاعر يبدأ علي بالقصيد ويختم جهاد(مش اكتر من 23 بيت القصيده)
أرجو من الشباب اخد الامر بالامليه والمحبه
ونحن بأنتظار الابداع والصور والحجج من الشاعرين الاحبا
والسلام
اخوكن حسن بنوت

تكرم عيونك أخي أبو علي
وتكرمو يا متابعينّا ..
رح أنهي الموضوع بطريقتي
بس منشان نقدر نعتبر انو الموضوع انتهى متل ما بدا
نادو عاللي بدكم اياه والحاضر يسمّع الغايب

هاي ردة بس بمناسبة العودة لإستكمال الموضوع بعد الإنفصال الإضطراري متل ما شفتو
وبعدها بتبلش تكملة الحوار
بردة تانية ...

عدنا يَ برحليون شوف النّور شوف = نحنا كفوف المنبر ونحنا الدّفوف
كرمال شَهْر المغفرة الشّهر العَفوف = و كرمال إيميلات وصلوني ألوف
وكرمال عَيْن مْتابِع الشّعر الشّغوف = راجع أنا حطّ النّقاط عْلى الْحروف
ورَجّع أهالي منتدانا والضّيوف = تتسمّع وتطرب على ضرب الكفوف
وَيْن الهلال الأحْمَر يْحضّر زْرُوف = وبْساحِة المسلَخ حَوالينا يْطوف
اعتِبْرو يَ ظُلاّم الغنا وْصفّو صفوف = اقتربت نهاية مرحلة ذبح الخَروف
بدنا قَبِل مَ نْجزّ عنقو نقصقصو = تا نضمنو ما ضَلّلو عالجِلْد صوف

//|//|//|//|//|//|//|//|//|//|//|//|//|//|//|//|//|//|

وهون الموضوع ببيكمّل من جديد ..

لَمّا انْحَشَرْت وعَنّك الإلْهام غاب = بَلّّلت هالموقِع شتايم عالرّحاب
وِتْبَلّلُو وِتْلَوَّثو تْيَابْ الحْباب = وْ رِجْعو بْوَهْج شْموسْنا نشفو التّياب
*** = ***
بجهنّم ان بلّيت ريقَك بالعَذاب = ماءك حميم ، وسندسي الأخضر ثواب
وكتب السّما المنها كلام الشّرع طاب = وكتب الشِّعِر والفَنّ والعِلْم العُجاب
مَ بينْوَجَد منها كتاب نساهرو = لوما الحِبِر ينشَف ع صفحات الكتاب

&-&-&-&-&-&-&-&-&-&-&-&-&-&-&-&-

أووووف أوووووووووووووووووووووووووووف أوف

شجّعوه وإهتفولو يا شباب = وعا طول ضلّو حاملينو عالجّناب
نْ شِلْتو إديكن بقشعو لا تحت غاب = وما عاد يسمعني ولا يردّ الجواب
تَعَلّم من الصابَك بعنقَك بالعِقاب = كيف بيكون القسى وفصّ الرّقاب
لَ تقول إنّي بيوم أعْلَنْت انسِحاب = مش ممكن من الغاب يهربن الذّياب
لّما انزَوَيْت وعَنّك ...

ولا يهمّك شاعرنا الكبير

وهي عن الرجعه عمّي ابو علي

رجعنا بعد ما تاب شاعر عم ينوح = عا دفن جهلو بالقبو مش بالصروح

يا غارق بوهمك ببركه من الجروح = مين اللي وصّلك رسايل تا تسوح

بشهر الفضايل بالكذب لا ما تجوح = يا مدّعي بالشعر شو مبدع طموح

و ع المسلخ حضرنا تنين وللوضوح = من حرقتي عا ضعفك نصحتك تروح

وعناد أهبل قرّرت ذبحو بجنوح = ومن قبل م يصفّي شي جتّه بدون روح

ايدو بشلاّ بسيف خلف برود صيف = تا ينزوي بالحيف متل غراب نوح

وهلّق للموضوع

ع المنتدى يا فايت بشي واسطه = مأكّد انا فيوزات عقلك خابطه

من بعد ما تورّثت لغّه هابطه = جايي تعاتبني ع ومضه شاعطه

الإلهام فيي مرتبي ومش خارطه = عقلك بحيث الغشم عندك خارطه

وبتشقلب الأفكار شغله فارطه = جهنّم بهجرك شعر أهلا ماعطه

ومن قبل ما ينشف الحبر على الكتاب = بعد الوحي تا ينحفظ من شرع غاب

احتاجو حبر مبلول حجّه شارطه

* * *

مسكين جوجو متل غيمه وقالطه = وحامل ثقل دمّو وروحو خالطه

سموم العقارب والأفاعي الراقطه = بريقو ت نشّف والحقيقه لاقطه

ويا ضبع مع هـ النمر شو متوارطه = أبياتك بأوزان متلك نايطه

يا أنشف من ابليس هيبه فاعطه = رح فصفصك رح بلبلك للخالطه

موضوع: رد: محاسبة جهاد الأحد فبراير 08, 2009 8:06 pm

قصيدة بس لإنهاء الصفحة بشكل كامل، لا بيهمّني طرف آخر ولا موضوع حوار...

مَ شالله بَعْد برحليون عالي = سَما أكتَر، بشعّارو الغَوالي
بقوافي كنت عَ بذارا مبكِّر = سقاها ربّنا وصارَت دَوالي
*** = ***
بحَضْرِة كَم أديب وكَم مفكِّر = موقعنا من الآفات خالي
إلا من نمس بَعْدو موكِّر = بجحر صغير بنصاص اللّيالي
*** = ***
سْمِعِت كايِن عَلَى غيابي مفكِّر = جهاد ارتَدّ عَن دَرْب البَسالة
وكايِن تبرُم وغُلْبَك تنكِّر = بَعِد مَ الرّيق نشّف من خَيالِي
*** = ***
رِجِعِت رَجعة هَدَفها الخَمْر سكِّر، = مش بدافِع مشاعِر أو زَمالة
بقصيدة بسّ تا بوزَك تسكّر = إذا لخْيَار ما حِمْل الرِّسالة
*** = ***
أنا مبدِع على نتّي مهكِّر = أنا خَيّال إسمي في العَلالِي
قبل ما أهِمْلَك برجَع بذكِّر = بعَركتنا يَ مزمار العَمالة
*** = ***
بريحِة مِزِبْلة لقيتَك مدكِّر = شَتِم، وجْبَرْتني أحْمِل رحالي؛
إذا قرّرْت فِكْرِي ما أَعَكِّر = مش معناتها الفارِس المارِد
طِلِع بيخاف من سَطْل الزّبالة =

ولحدّ هون بيكفّي قلعاط
كل واحد بيعرف حالو
هاي الموضوع متل ما هوّي ، وحكي هون وهون بلا طعمة مش لازمنا
ابراهيم ياسين موجود ، وأبو علي حسن بنّوت موجود ، وحَرْف موجود
وغيرهم كثير من الشّعرا الـ محترمين واللي بيذوقو الشعر موجودين ..
بعتبر حالي شخصيا داعيهم بإسمي أوّلا وبإسم سليمان - مدير الموقع- ثانيا ،
ليدخلو عالصفحة ويتمعّنو من أول حرف لآخر حرف
و يصدرو أحكام علنيّة واضحة بخصوص الموضوع وكفّة ميزان الحوار
عالأقَل تا تنهي حكي اللسانات ..
وبس منشان الواحد يتعوّد يعرف حجمو الطبيعي وين ما راح وأجا
وأنا جاهز لسماع آراءهم ..
وخلص ما ضللي قعاد بهالصفحة طبعا
اللي بدو ناس تحاورو يروح يدوّر على واحد بيلبقلو
إذا بيلاقي حد يتعاطف معاه ويواسيه
وشكرا برحليون ... وانا معك وفيك
لحظة بلحظة ويوم بيوم

الحمدلله ع السلامه

لعيونك

وما تسمع كذب الزغار لاني مش متلهن بحكي بالقفا

* * *

ي اهلا بالحفيد الاتّكالي = لعند مجال جدّ الارتجالي

نطرنا تعود مع اخلاق حرّه = مش مثالب عم تشرقط سفاله

ي ناشف يا شريطه بكل مرّه = معي بتتبهدل بساحة نزالي

لانّك للسبايب والمضرّه = خلقت ذبّان بقراني الزباله

ي راجع بالجراثيم المصرّه = ع ايدي تفطس بحنكة مقالي

لشو تغلط وعينك ع المجرّه = تشوهر يا بغل اوطى سقاله

وفوق م سألت عنّك يا معرّى = من الابداع بمحبّه واصاله

دخلت تهجي ت تقضي ع المسرّه = ل غمرت منتدانا بادب غالي

ولانّك للخيار صبحت شرّا = وبسوق العقم تخنيثك كفاله

ي مزوي بزفت نيّه مستقرّه = بقلب معفّر من الذوق خالي

استحي يا غبرة الخبص التبرّا = منّو الحبر والفكر المثالي

وت ما تنكر بشعري فضل درّه = وتبقى بالنشافه تزيف عهرك

ت تف عليك بلّك يا حثاله

يا هلا بجهاد نوّرت المنتدى عا قبال حرف

» صفحة التعليق على الشاعرين جهاد وشامخ