وعد !!!

موضوع: وعد !!! الثلاثاء سبتمبر 09, 2008 2:29 pm

إصحى من الشــــعار شاعر بعد
من مجـــــد شعري يطلب الحفلة
مازالني قاطع ع نفسـي وعــــــد
ليرة مابرضى الشـــعر يصرفلي
غنيت مجاني تاشفت السـعــــــد
وقنـعوا وحي الإلـهــــــام زقفلي
وغيري تايقبض متل ومظ الرعد
بلعوا المصاري بلع بالحفــــلات
ونسيوا العمر بيــــــــمر ع غفلة
===========
:7arf:

موضوع: رد: وعد !!! الثلاثاء سبتمبر 09, 2008 3:30 pm

لا أخفيك القول يا حرف أنك شاعر أصيل في الشعر والعطاء وترفض الشعر التكسبي، لأنك تنظر للشعر من ناحية قيمته الفنية والابداعية وغيرك يرى فيه بعدا تجاريا تكسبيا.

موضوع: رد: وعد !!! الأربعاء سبتمبر 10, 2008 5:58 pm

خيي حرف يا شاعر الآفاق

كل ما بطالعلك قصيد جديد

بأكّد على الأفكار شو عملاق

ورابي مع التمجيد عم بتفيد

وعم بحسدك لكن بطيب القلب

ع الثقل ع الإبداع يا خيي

بالحرب عم تقلب جهنّم قلب

وبالسلم ايمان وصفا نيّه

موضوع: رد: وعد !!! الأربعاء سبتمبر 10, 2008 7:11 pm

7arf كتب:: إصحى من الشــــعار شاعر بعد
من مجـــــد شعري يطلب الحفلة
مازالني قاطع ع نفسـي وعــــــد
ليرة مابرضى الشـــعر يصرفلي
غنيت مجاني تاشفت السـعــــــد
وقنـعوا وحي الإلـهــــــام زقفلي
وغيري تايقبض متل ومظ الرعد
بلعوا المصاري بلع بالحفــــلات
ونسيوا العمر بيــــــــمر ع غفلة
===========
:7arf:

حاجي بقا تحكي يا ثرثارة
وتقول ما بتحب يا خسارة

تقبض مصاري...؟.؟؟؟ منعرفك كذّاب
وعايش حياتك متل بصّارة

بتقبض دجل من دون أستنساب
ولمّا رحت عا موت ختيارة

ولوما العيب رجعت عند الباب
لما عرفت ما في ولا بارة

يا حرف يا عايش متل سنجاب
مطرح ما بيزّتو المصاري عليك
بتروح ما أبليس تتبارى

عا مين يا حرف هههههههههههههههههههههههههههه

موضوع: رد: وعد !!! الخميس سبتمبر 11, 2008 11:20 am

الشاعر علي عامر كتب

خيي حرف يا شاعر الآفــاق = كل ما بطالعلك قصيد جديد
بأكّد على الأفكار شو عملاق = ورابي مع التمجيد عم بتفيد

وعم بحسدك لكن بطيب القلب = ع الثقل ع الإبداع يا خيي
بالحــــرب عم تقلب جهنّم قلب = وبالسلم ايــمان وصفا نيّه
========================
حرف :
ياعلي عامر بشكرك وبـــــقـول = الموهــــــوب الله بالذكـا صبو
لكن إلك جبلك حكي معــــــسول = قلام الفـــــصاحة قبالك اتخبوا
ومن بعد هالجبلة الملاني عقول = حرف الحســـــيدة بالشعر كبو
مازالها حروفك وفا واصـــــول = كل الحروف هديتـها ع الحب
وخليت حرف لحرفك يحبو

==========================
الى سوسو افندي يلا ع الطق

هتـلي حدا من هالبـشــــر هتـــلي = يقـــــــّلك شي ليرة قبضت ياهـتلــي
الكذاب بيظن الحرف فـــــنـــاص = كلمــــــــا خدودو اشتــاقت لقــــتلي

معروف عني شاعر الاخـــلاص = ع كـــــــــل منـــبر مطلع وفـتــــلي
ومسموع عنك ياخوخ ونجـــاص = لمجــــــــــد الارز مابترتفع شتلي

الغطاس بالميي انكشف لو حاص = ولمـــــــا بفطاحــــل تلتقــي بمتـلي
بيخبروك الحرف صوتو رصاص = كلـــــــما ازيـــــــزو بالـشعر يتلي

ومرة وضعتك ياقرد بقــــــــفاص = عـليك الخليـــــقة فلــــــوس كبتلي
وقنديل شعرك يامشعوذ نـــــاص = وسحبت روحك ورقصت ع القبر
من دون ماعزي بشخص سطلي

===========================
يبعتلك يلا شو كان بدك بهالعلقة مش عارفني عم شاقط خيالي وناطر حدا يعلق تافلفصو هههههههههههههههههه

موضوع: رد: وعد !!! الخميس سبتمبر 11, 2008 11:40 am

شو باك جايي عا الدبح يا صوص***صرلك شهر بالمنتدى بتحوص
ما عرفت كل الطل ينفخ سم***بيرجع وراسو بالزجل مقصوص

أن كنت ريّ بلعبتك يا عم***نحنا بزجل لبنان متل أصوص
وما زال داير بالتحدّي الجمّ***قرّب لعندي لهون يا ديّوص

زهري عطر بالمنتدى بينشمّ***وجايي تا قلّك يا حرف مخصوص
بتقبض مصاري بلا حياولا دم***وما زال بتحب المصاري كتير
بهالمنتدى رح نعملك راقوص

هههههههههههههههههه لا تلعب بالنار شو يا ليلى شو رأيك نحطو راقوص هههههههههههههههههه

ديّوص كلمة تستعمل للخمول التعبان الضعيف القليل مروي متل حرف ههههههههه

موضوع: رد: وعد !!! الخميس سبتمبر 11, 2008 12:19 pm

لك لك على هالشعر لم رمـــِض = خلا الحـرف ع الشــــعر متلمض

شعري المغمض فتحوا ع الشعر = وشعـــرك الفتّح رجــعوا مغمض

سليمان لاتمشي بدرب الوعــــر = وسـوق القوافي بشعــرك مكمض

عارك ترخص فيك هيك السعر = وع مجال سوقك ماعتاد الحرف

يحكي شعر ع شكلك محمض
==========================
المرمض = المحروق
مكمض = موجوع ومليئ بالألم
وع قلبك رح ارقص كنك مفكر بزعل وبفل ايه لا عمو لااااااااااااا طويلة وززززز عينك
ههههههههههههههههههههههههههه

موضوع: رد: وعد !!! الخميس سبتمبر 11, 2008 1:49 pm

حلوووو والله حلو

موضوع: رد: وعد !!! الخميس سبتمبر 11, 2008 7:45 pm

يا شعر جايي قول عا المكشوف***مكسوف من طبع الحرف مكسوف
ب بيع حالو بقرش متل الهرش***وبيقول بالجيبي ما في مصروف

بيروح تا يغنّي بحفلة طرش***وبيدق راسو متل دق دفوف
وبيصير يتربّع عا كعب العرش***مع ناس ما بتسمع ولا بتشوف

وسيارتو من البخل بدها مرش***ودولابها صرلو سني مبلوف
نزلت مبارح كرفتي بالحرش***ولوما المرايي فكّرت خاروف

ودينيه سلبي و بس عندو كرش***بيضل ياكل برغل وملفوف
وجايي انا ابرش سنينو برش***ورح رقّصك متل القرد والفيل
بحفلة ولاد زغار يا حرّوف

ههههههههههههههههههههه ولك رووووووووووووح بدك كتييييييييييييييييييير

موضوع: رد: وعد !!! الجمعة سبتمبر 12, 2008 11:45 am

ياهاجــم ع الحرف نوسي ونوسي = لا تنسى العلمك منو الفــــــروسـي
تعا وتعـــــــــــلم حروف الشطارة = وكيف النصر قدملي كــــــــؤوسـي

عملت بالمنتدى صـــــاحب إدارة = نداري خاطرك من حرف موســـي
اعتديت على الحرف في كم غارة = وقصب رجفتك بوجي العبوســــي

ولأنك صرت مغروم الخســــــــارة = وفيها نفسك زيادة هاووســـــــــي
رجعت مهذرم برقصةّ سمــــــــــارة = رجفت من هولتي تقبض فلوسي

واذا بهالمسألة عندك مهــــــــــــارة = لاتهجي الختيروا وتنسى دروسي
ولاالعميان والطرش القــــــــــــهارة = مافي ع حدا خيمةّ رئــــــــوســـي

وياجايي تبرش حروف العبــــــارة = ع خشبةّ منبري بتنـعد ســـوسـي
حاجي بنومك متوبع بحـــــــــــارة = مروبص من حرف حتى بحـلمـك
كأنو هاجمة عليك الدسوسي
===========
لاتخاف عمو قوي برافو عليك هيك بدي اياك ههههههههههههههههه

موضوع: رد: وعد !!! الجمعة سبتمبر 12, 2008 7:24 pm

بعد وجدانية حرف وتأكيده أنه لا يعتاش من شعره، أتى سليمان ليضرب على الوتر الحساس وهو الذي يعرف من اين تُؤكل الكتف، غامزا من قناة حرف ضاربا بعرض الحائط مداميك مباديء حرف التي قامت على:
"مازالني قاطع ع نفسـي وعــــــد
ليرة ما برضى الشـــعر يصرفلي"

بعد أن حيا حرف علي عامر، جاء برد قوي وقال فيه:
"معروف عني شاعر الاخـــلاص = ع كـــــــــل منـــبر مطلع وفـتــــلي
ومسموع عنك ياخوخ ونجـــاص = لمجــــــــــد الارز مابترتفع شتلي'

عاد سليمان ليؤكد ما ذهب إليه، ويشكك في اقوال حرف ويقول:
"
زهري عطر بالمنتدى بينشمّ***وجايي تا قلّك يا حرف مخصوص
بتقبض مصاري بلا حياولا دم***وما زال بتحب المصاري كتير
بهالمنتدى رح نعملك راقوص"
رد حرف يقافية صعبة، وكلمات تحتاج لقاموس، فشرحها حتى يزيل اللبس، فرايت ضعفا في قصيدته، لا يجاري قوة رد سليمان الذي قال فيه:
"ب بيع حالو بقرش متل الهرش***وبيقول بالجيبي ما في مصروف

بيروح تا يغنّي بحفلة طرش***وبيدق راسو متل دق دفوف
وبيصير يتربّع عا كعب العرش***مع ناس ما بتسمع ولا بتشوف"
لعل حرف أدرك ضعف رده بالكلمات القاموسية، فاستدرك مظهرا مكانته الشعرية بقصيدة متينة السبك والمعنى،و رنانة القافيه كما عودنا، وختم قائلاً:
"وياجايي تبرش حروف العبــــــارة = ع خشبةّ منبري بتنـعد ســـوسـي
حاجي بنومك متوبع بحـــــــــــارة = مروبص من حرف حتى بحـلمـك
كأنو هاجمة عليك الدسوسي"

وها نحن على أحر من الجمر ننتظر رد سليمان، فهل يتأخر أكثر من ذلك?!!

موضوع: رد: وعد !!! الأحد سبتمبر 14, 2008 12:59 pm

يا حرف مهما تكبر القصة***بيضل عنّا للصلح حصة
ولا تروح تحكي بالقفا عليي***بتخسر كتير بترجع بغصة

بها المنتدى موجود حريّة***ومشرف زجلنا فيك متوصى
خليّك يا حرّوف شخصية***تحمم منيح وظبّط القصة

وقرّب ل عندي وافتح الميّي***عندي مرشّي وناس مختصة
ولا تضل معنا مشبشل خطيي***وأرضك فقيرة وتربتك جصّة

تشتشتك من زمان عا ديّي***وعمّار قلّي....؟ انتبه للبصّة
ولا تضل يا سليمان عا النيي***ومنشان تبقا رايق بلا نق
عا بيبروني زغيّرة موصّى

موضوع: رد: وعد !!! الأحد سبتمبر 14, 2008 6:31 pm

افتكرنا غاب شو دبّر وهـــــيّر = ياذلي عليـك شو فكرك محيّر
الأعوج ضل بالقالب ماصــالح = اربعــــــــين عام لكن ماتغيّر

بعكس فيروز مين قللك بصالح = يا اعمى القلب ياطفل الزّغير
انت وصاحبك بو جـلد مــــالح = تنـتّـــف راسكم والريش طيّر

ومازال تنينكم إلـــــكم مصالح = تعادوا حرف بشعارو مخــيّر
ربوا شوارب بعرض السوالح = وعليها يحلـف الملحو ع ذيلو
بيضل بأمر عاطفتو مسيّر
=========================

موضوع: رد: وعد !!! الإثنين سبتمبر 15, 2008 1:24 am

"يا حرف مهما تكبر القصة***بيضل عنّا للصلح حصة"
احتدمت المعركة بين سليمان وحرف، ولكن أي صلح أبقى عليه الشاعر سليمان وتراه يقول:"عا بيبروني زغيّرة موصّى".
وبما أنه تكلم عن الصلح وعمل بعكسه رد عليه حرف:
"افتكرنا غاب شو دبّر وهـــــيّر = ياذلي عليـك شو فكرك محيّر
الأعوج ضل بالقالب ماصــالح = اربعــــــــين عام لكن ماتغيّر".
وبما أنه لم يبق للصلح مطرح، فتعالوا نرى س النصال تتكسر على النصالِ

موضوع: رد: وعد !!! الإثنين سبتمبر 15, 2008 11:19 am

انا شاعر عطي الكلمات حَقـا=ومخوخ الشاعرية جيت حِقا
عصف راسي عليي وهاج دمي=ووريدي للزجل خلقان سقا

بعد ماتقاعدت جايي بمـهمي=خلي النت منبرها منقا
وحبة واختها غربل وسمي=صليبي القمح يامصول توقى
ا
لفارة ماوس بس بدون ذمة=معها الحرف يمكن بزر فقا
بقلو اطلع بطلعة مهمة=بسما الالهام ياشاعر ترقى

انت وصحابك بكلمة مسمة=عملتوا المنتدى للشر شقة
وانا ختيار عندي بعد همة=بالتلاثة سوا الرقبة الكبيرة
عاانترنت او منبر بطقا

موضوع: رد: وعد !!! الإثنين سبتمبر 15, 2008 12:05 pm

عجيبة الفاقس من البيـض فقسة = تايرفــع رايتو من بعد نكـســــة
نزل ع الخط أوتوستـوب واقف = مابدو يدفع الإجـرة بتكـــســـــي

جايي يبيعنا شويـــــــــةّ مواقـف = مفـكـّـر علقتي أكلةّ غلاكــــــسي
مابيعرف حرف نقـفات نـــاقف = الراس اللي عري تيجان بكســي

ياحنا بدمك بحنّي الشــــــواقف = متل ماشقفك موضـوع فاكـــسي
بعثتلك فكس طالع وثــــــــاقـف = مابدي إنشرو ويطفيك بــوكسي

فزع بتــــهز مابتكون زاقـــــف = تافصلـّك عــبا للشعر مَكــــــسي
من حلمك تاتوعى المي لاقـــف = لاخـرج المنبر ولا النت جــايي
وياذلك جرّب وهاجم بعكسي
========================

ياعمو حنا والله انا شخصياعم داريك بعدني واذا ماعندك مشكلة اطلع ع مهرك

موضوع: رد: وعد !!! الإثنين سبتمبر 15, 2008 5:26 pm

أهلا وسهلا فيك يا عمّعوم***ساخن مريض وبعتقد محموم
لا تفوت فوتي بحيطنا يا عمّ***مكّسر الراس بترجع ومفجوم

نحنا بزجل لبنان متل الدم***وعا كتافنا قلاع الشعر بتقوم
وانتو يا حيّات الفيها سم***ما بتوصلو عا المجد ألا غيوم

نحنا حملناعن وطنّا الهم***وعا النت صرنا يا حبيبي نجوم
لا البّي ساعدنا ولا جابت أم***شعّار عملت عا المجرّة هجوم

شو باك جايينا بشعر منسم***وفزعان تا ترجع بقا مهزوم
عا النت عيلة شعرنابتلتم***متل الدوالي العايشي بكروم

لا تخاف فيك كتير رح نهتم***ونعطيك حقّك والقدر محتوم
بموقع علوم الشاعريي زمّ***عمار وسليمان رح يعطوك
عا قد ما بتعطي أدب وعلوم

موضوع: رد: وعد !!! الثلاثاء سبتمبر 16, 2008 11:42 am

"انا شاعر عطي الكلمات حَقـا=ومخوخ الشاعرية جيت حِقا"
هذه القصيدة للشاعر حنا استاهلت رد حرف القوي، وكان كذلك رد سليمان قويا، ولكن لم نعرف أكان لحرف أو لحنا، أم للإثنين معا، ويكفي قوله:
"أهلا وسهلا فيك يا عمّعوم***ساخن مريض وبعتقد محموم
لا تفوت فوتي بحيطنا يا عمّ***مكّسر الراس بترجع ومفجوم"

موضوع: رد: وعد !!! الثلاثاء سبتمبر 16, 2008 7:06 pm

يا عين يا ليلى عا نقدك نقد زين***وجايي أنا منشان قلّك كلمتين
لا تسألين لمين وجّهت الكلام***بدّك تقولي بقدر بطق التنين
ههههههههههههههههههههههههههههههههههههههههههههههههههههههه

موضوع: رد: وعد !!! الأربعاء سبتمبر 17, 2008 12:07 am

أنا لن أردك عليك يا سليمان، سأترك الرد للشاعرين، وأعتقد أنه يجب عليهما ألا يسكتا أبداً، ومن ناحيتي لو سكتا ساعتبرهما منهزمين هزيمة نكراء.

موضوع: رد: وعد !!! الأربعاء سبتمبر 17, 2008 9:52 am

غرورك مادامو بالجهل عاميك = خلّي النحو والصرف بالمــــــهجة
لاتنفخ بحالك النفخوا فــــــــــيك = دفشوك يا مغرور ع وهجي

بركان شعري بتعرف بيشويـك = وبنار لهبو بــتــفـــقـــــــــد البهجة
وتاتصير قدي برجع بــــعاديك = وبدرّبك ع مسلكي ونهـجـــــــــــي

لكن ياسلو هلّق بوصــــــــــــيك = تاتصير شاعر في إلك رهــــــجة
خلّي صحابك ع الزجل تهديـك = والعلّمك ع الشعر قلك قـــــبــــــل
تّـهجّــى الحرف والحرف لاتِهجي
=============
بدك كتير ولك رووووووووووح

مشرف عدد الرسائل : 519 تاريخ التسجيل : 15/03/2008

ويللّي بيظن الحرف ماتـــجــــلى = بقلّو النصر مش ناقصو إلاّ

شاعر يتوّجلو حروف النــــصر = وقوس النصر تا امرق تعلّى

بمّحل بيت الشعر ببني قصــــــر = كلــــــما حدا ع منبري تبلّى

قبل الظهر! بالشغل. امّا العصر = ع النت بطلع شلّـقح الشعار

ونصر الحرف بالشعر من الله
===========