محرمة

موضوع: محرمة السبت سبتمبر 20, 2008 6:02 pm

مبارح.. اجاني من حبيبي .محرمة-لوحة.. رخام بأرجوان مطعمة
وشفتا طرية.. متل خيطان الحرير-وعن حسن ست الحسن. صورة مترجمة
وكيف الهوا.... بيداعب زهور الغدير-داعبتها. ومرمغتها عا مبسمي
ومن كثر مافلفشتها. فاح العبير- متل البيفلفش .عرق حبقة ناعمة
وحتى تضل معززة .متل الامير-اكثر من الزنبق ..بشهر المريمي
خبيتها ...تحت المخدة عالسرير-فزعان..... يجرحها حنين التمتمي
وصفيت حتى شوفها.غامركثير-واستغنم الفرصة. بليلة معتمة
وجيبها ..متل العصاية للضرير-وافلش عرس عمري ...بمطرح مأتمي
وكنت كل مابكيت .من قهري الكبير-تلملم دموعي. بكف جوده حاتمي
وليلة .من ليالي الشتي والزمهرير-ودار السما. بشالات سودة منعمي
طافت المية.... وبعدها. ريح السفير-شالها... وضاعت بليلة معتمة
وطارت ...متل نحلة عن قراص القفير-او متل ..نعجة انجرت اعلى الملحمة
ومن يومها لليوم .ببكي وبستجير-وبشهق متل طفلة ....غريبة ميتمة
وصرخت للباري تعالى ..... للقدير-كان .....عندي محرمة تلم الدموع
واليوم عم ببكي ع فقد المحرمة

موضوع: رد: محرمة الأحد سبتمبر 21, 2008 12:50 am

للحقيقة يا اخوان شعر لا تعليق عليه انه لمن اجمل ما كتب في المنتديات