لقاء العمالقة وشياطين الكلمة

محاورة زجلية

بين

شياطين الكلمة

و

عمالقة المنتديات

وهم السادة:


أبو علي حسن بنوت

سليمان طراد

جعفر حيدر

عمار البراضعي

=================
نتمنى التوفيق والإبداع
لشعرائنا الكرام

وشكرا لكل متذوقي الكلمة وقرائنا الأعزاء.



إدارة منتدى الزجل اللبناني

ويتشرف منتدى الزجل البرحليوني بنقل وقائع المحاورة الرائعة وهذا الرابط للأمانة وهذه العركة نقلت عا اربع مواقع بناء على طلب المشاهدين

تحديد البرنامج مع

شياطين الكلمة وعمالقة المنتديات


الشعراء






في حوار زجلي :


الشاعر : بو علي حسن بنوت - أمريكا -


الشاعر: جعفر حيــــــدر - براغ -


الشاعر : ســـليمان طراد - فنزويلا -


الشاعر : عمار البراضـــعي - لبنان –


وذلك في منتدى مشتانا
ومنتدى الزجل اللبناني
بتاريخ الجمعة:


نتمنى للشعراء حواراً راقياً كما تعودنا على شعرهم الجميل وأخلاقهم العالية
برنامج الحوار :



أولاً: قصائد الافتتاح


( قصيدة / أو عدة قصائد لكل شاعر على ألا تتجاوز الــ 50 بيتاً )



وذلك على الترتيب التالي:
1- جعفر حيدر


2- عمار البراضعي


3- سليمان طراد


4- بو علي حسن بنوت



ثانياً: القرّادي


( 3 ردات لكل شاعر )


1- سليمان طراد & جعفر حيدر
بعد ذلك


2- عمار البراضعي & بو علي حسن بنوت



ثالثاً: الحوار


( جعفر @ عمار )


سبع ردات معنى لكل شاعر على أن لا تتجاوز الردة 8 أبيات




1- جعفر


2- عمار


3- جعفر


4-عمار
وفي النهاية يختم كل من الشاعرين بقصيدتين بالتناوب ( لا تزيد أبيات القصيدة عن 25 بيتا )



رابعاً: وصلة قرادي


( ردة لكل شاعر / أربعة أبيات على الأكثر ) وذلك على الترتيب التالي:


بوعلي
سليمان
عمار
جعفر



خامساً : الحوار


( سليمان @ أبو علي )


سبع ردات معنى لكل شاعر على أن لا تتجاوز الردة 8 أبيات



سليمان
أبو علي
سليمان
أبو علي



وفي النهاية يختم كل من الشاعرين بقصيدتين بالتناوب




سادساً : الموشح


: ردتين لكل شاعر بالتناوب
عمار
جعفر
سليمان
أبو علي





ملاحظات هامة :


عدد أبيات قصائد الافتتاح لا تتجاوز 50 بيتا
عدد ردات المعنى لا تتجاوز 8 أبيات
عدد ردات قصائد الختام لا تتجاوز 25 بيتا
عدد ردات القرادي لا تتجاوز الأربعة أبيات
عدد ردات الموشح لا تتجاوز الأربعة أبيات
الزمن بين جواب شاعر وشاعر آخر لا يتجاوز


الـ 24 ساعة

مقدمة اللقاء المنتظر الشاعر ثناء حيدر

ثناء
سليمان !!! عبّي بيدر الأزهار ** بالشـــــــــعر حامل عطر أرزاتو

ورِجّ الفجـــــــــر بالنّور يا عمار ** تا اللّيل يبلع كل نجمـــــــــــاتو

وبنوّت هزّ بإيدك الإعصـــــــــار ** تا النّور يزرع فيك بصـــــــــماتو

خدنا يا جعفر عالســما مشوار ** بلكي الشّـــــــــتي بيزتّ آياتو

***

الشّّـــاعر معوّد يركب الأخطار ** ويزرع بعبّ الريـــــــــح كلماتــو

الشّاعر نبي ومن جنّة الأحرار ** موسى إجا ... وحريّتو .. عصاتو

ودمّات عيســـــى حلم ّللثوار ** والنّور ... دفق النّــــــــور جوّاتو

وبمحمّـــــــد تكلّل الدّهر بغار ** هيكي النبوّة والشـــــعر بيكون

-- من عند الله كل كلماتـــــــــــــو

افتتاحيّة الشاعر جعفر حيدر
جعفر حيدر


براغ

أنا فسحة سما ع الأرض جايي
تكمّل بالشّعر كل الرّواية

حملت الوحي من مطلع لمطلع
البداية صارت تكمّل بداية

***

ولحتى الأرض ورد النور تقشع
فلشت ع الشرق آيات الهداية

حروف بمجدها التاريخ شعشع
ولبسها بحرنا الأبيض عباية

وزرعت النور حتى الوهج يطلع
ويمشي الشعر قدامي وورايي

ولحتى رهجة الأشعار تسطع
الشعر والكلمة الحلوة عملتها
فراشي الشعر والكلمة غطايي


=================


يا غَزة الجرح جوا القلب غِزي
وفينا ضعفنا المجنون هزّي

وعا صوت المعركة وحرب الإبادة
يا ريتك متل ما ضعتي تفزي


***

صار القتل للإنسان عادة
وهواية معتقة ومتعة ولذّة

وصرنا للحرب والقتل نادي
وحقل تجريب ... نَزي بعد نَزّي

***

اسم الله اليوم عنا صار قادة
ما عندن غير للأعدا معزّة

كراسي الحكم عبدوها عبادة
شو بدنا غير هالكرسي يا غَزة

قومي واكسري كرسي القيادة
قومي .. ورقبة الحكام جِزي

من شي ألف عام ... بلا حسادة
عم ندوّر على عزّن دوارا
ولهلق ما لقينا يوم عزة

===============


حدودك ألف أرزة وسنديانة
يا دار الشعر ... يا خزنة ملاني

إجيت اليوم حامل عشق أكبر
وأرق كتير من كل المعاني

ومن الأشعار حامل نبع كوثر
تأسقي الأرض من جنة كياني


***

دين الحب لو أَقبَل وأدبَر
أعظم دين لفلان وفلانة

لأنو الرب جوا الحب صَوَّر
أحنّ وأروع وأحلى المعاني

من آدم من العصر المحجر
البشر عا الحب بتشن الخيانة

ولازمهم ألم أعظم وأخطر
لحتى يآمنو بذات الديانة

***

وانا تا الحب بين الناس يظهر
جمعت الوحي من قاصي وداني

وعلى ضهر الزمان بنيت منبر
بفلسفتي برهجة عنفواني

وصرت بين السما والأرض معبر
بيتي الريح ... وفراشي حصاني

فتحت قلبي تا صار العتم أشقر
وضو الشمس صفا أسمراني


***

قيس وروميو وعنتر وجعفر
لشرع الحب والمبدا ضماني

سقيو الأرض من شعر المعطر
تاداخ الكون عالأربع قراني

وصب الزمن كاس وصار يسكر
بعطفي برقتي بحبي بحناني


لكن عند ما خصمي تكبّر
سقيتو الموت عا مَرّ الثواني

وطعميت المنافخ ريح أصفر
بصواني ... وبعد عم وزع صواني

***

ويا سليمان يا شاعر معتر
رماك الدهر .. لكن ما رماني

مش ناوي عليك اليوم أزأر
زئيري من السما بيدلق عياني

بيجيك نهار تعرف عالمسوكر
الدهر دوار .. والداعي دعاني

وجايي بو علي متل الغضنفر
بنصرو يعيد آخر أسطوانة

***

ويا عمار لو جايب السكر
معك عالوعد تنحلّي الغناني

ألف أهلا ... وألف سهلا يا أسمر
عيوني بحطها بجيبك أمانة

***

وإذا ناوي لحد السيف تشهر
مََ رح بِقتِلك غير بخيزرانة

بردّ السيف عا راسك مكسر
بأمانة قاتلة روح الخيانة

***

سمعني تا تصير اليوم أخبر
وتعرف خصمك ... وحاجي تعاني

سيفي القمر عانصفين شطّر
نص ونص ما بيشبه التاني

وتيبقى بالسما عالي منوّر
لزقت نصو عا نصو الأولاني

والكولّيســــيوم لما تعمر
بروما ... انهد من هزة بناني

وبرج بيزا انحنالي وما تأخر
وبعدو لحد هلق أعوجاني

***

أنا بإيدي المقدر والمأخر
وتاريخ الزّمان الأوّلاني

سقراط وأرسطو ولسكندر
وابن سينا ورفيقو الأصفهاني

وطاغور وزرادشت اللي فجر
براكينو بروح الاستكانة

أنا كتاب الحقيقة اللي استحضر
كتب الفلسفة وكتب الأغاني

أنا الباطن أنا الظاهر الأطهر
أنا الله على الشعر اصطفاني

أنا تصفاية النور المقطر
وما بين الأول وتاني وآخر
أنا الأول ... أنا آخر زماني

كل المحبة للجميع

جعفر

افتتاحيّة الشاعر عمار

عمار
لبنان
ياموقع للزجل وحدك أملنا
بلاك بصدق منقول انهملنا
انت مرجع لشعار الأصيلي
وعَملنا فيك شاهد شو عِملنا

الدرب شقيت تاأسلك سبيلي
وبدرب الشعر والإخوة انشملنا
التقيت بصاحبي وخيي وزميلي
وبشقين البدر إخوي اكتملنا

ياأروع منتدى ليك الفضيلة
انت شهرتنا وناشر جُملنا
وروحي انجيت قدمها قليلة
لأنك منتدى البشرق أوحد
فروعك كلها بتحمل زجلنا

********************

الزجل تايضل في أعلى سحابو
بدر مامنقشع خسوفو وغيابو
إمارة شعر بدنا عن عدالي
بسرعة تنبني وتشهد صحابو

بدنا اللي بيحكوا إرتجالي
بسرعة الرد يعطوا ع جوابو
ومابدنا كم واحد رأسمالي
يجي ببرطيل واسطّو جيابو

لأنو الشعر ياعالم رسالة
حملها مارد فنوني بأدابو
بدي اللي بينزل ع مجالي
سبع يكون صاين أرض غابو

وياجعفر حيدر تفهّم مقالي
قبل ماجسمك يهزوا ركابو
اذا ماكنت حدي مقام عالي
الله بيرحم ومابحب إرحم
ضعيف الحيل مابحسب حسابو

*************************

الزجل حساس والميزان حدي
الوزن بالشعر ردة قبال ردة
واذا الشعار مازادوا التجافي
احتج الفرقد وقلن تعدي

هجموا بالشعر ع سباع الفيافي
الحلو بالشعر جولات التحدي
نفتح معركة ونقطع مسافة
بشرط رجال بالساحة تهدي

كان الشاعر يصحي الغوافي
ويهدي الناس ع الورد المندي
وصار بعصرنا ع الشعر لافي
لفيـية وماعرف وزنو الأجدي

ياجعفر قوم لاتحكي بلطافي
على بنوت نادي كل مدة
نضرم نار الها وهج دافي
ومانطفيها بقول الشعر حتى
تجوا تتخرجوا من تحت يدي
**********************

واجا جعفر قبالي وكر كرّا
ع مهرةّ شعر مهووسي بشرّا
لكز بالرمح لكزة عنترية
وقللي حمال والعركات مرة

ماجرب بعد سطواتي القوية
وع برج الشمس يتمت المجرة
قلت سماع اعقل يابنيي
واقبل هالنصيحة بس مرة

بدو قال شلفاتي العتية
تايآخذ درس من برا لبرا
ارتجف من هول قوة حربجية
واجا من براغ زاحف بالقوافي
وقطع ع الشام ع ارض المعرة

************************

يادكتور الجوامع قوم هجي
انا الأستاذ والكلمة محجي
لأنك انت امي بالمعنى
ما عندك من قوافي الشعر حجي

تأنى قبل ماتهجم تأنى
اذا بنوت ظنيتو المنجي
بتغلط غلطتك بالعمر عنا
بتدفع حقها بعد الترجي

انا وبو شربل علينا استنى
فتحنا للشعر بالبحر قجي
مامنرحم سوا الفينا ومنا
وبنات الموهبة ذابت ع كجي

ولأنو بيفتخر فينا وطنا
وغطسنا اليم من لجة ع لجة
رفعنا المنتدى كلما تمنى
زيارة تشرفوا تحكوا بغيابي
وماتسترجوا معي تحكوا بوجي

*********************
وبحطي وقرشت وأبجد وهوّز
وصل جعفر بكلماتو مكوّز
لكن بالشعر والشاعرية
تبلكم مانطق كلمة وبوّز

افتكر نقى من زهور الندية
نحلة وجنحها الألهام لو وّز
بتطلع بالفطاحل قد مية
وبشعرو معثر وباقي معوّز

واذا تجوز سناء الحيدرية
الفيها الموهبة الرحمن توّز
صعب ينال كلمة عبقرية
المرتو شاعرة ما صار شاعر
اذا مع ملهمة بعمرو تجوّز
************************

وع هالشعار هزي يانواعم
بصلعةّ جعفر وبنوت ناعم
صعبة ع الارز والسندياني
تشمخ بالدني زهور وبراعم

ان حمل بنوت بالهجمة يماني
بقي سليمان فيه رقاب كاعم
بدو يجوع لكفوف المعاني
قدر ما يكون في عندو مطاعم

ومتل بنوت رح ييصير فاني
علينا من الصعب يمرق مزاعم
يعني جعفر الثاني الأجاني
منعتو من النصر حتى بحلمو
لو بيكون خلفو الكون داعم

***********************
تحياتي ومحبتي

افتتاحيّة الشاعر سليمان
سليمان
فنزولا
أووووووووووف أوووووووووووووووف أووف


نزلي يا دموع عا خدود الضبابي ***وطنّا غارق بموجة كآبي
اسكري بالشعر من خمرة عتيقة ***سكبها الذوق بشفاف الخوابي

انا للزعرني عندي طريقة ***ولغير الحب ما بفتّق جيابي
سبقت الجن عا فراش العشيقة ***ونسيت على الدرج ألبس تيابي

ويا بنوت بعواطف رقيقة ***بنفحة شعر زيّنت الكتابي
لأني شاعر شعوري رفيقة ***الوحي جبران لنعيّمي الفرابي

انا طمعان بقصايد عتيقة ***العليها النسر بيحب الصبابي
ولأني هربت من شعّار نيقا ***لا تسأل ليش جايي قص راسك
عا الفراريج رح أعزم صحابي

************
نزلي يانسور عابيادر حروفي ****ومع الإلهام جنّي يا دفوفي
ما بقبل شخص عادي يكون ضدي ****.اذا ما كان شاعر فيلسوفي

ويا مشتانا ياموقع فيك بدي***مع الشيطان استعمل سيوفي
ويا انصار المعنى بكل ردة***حسن بنوت راكع رح تشوفي

اذا من الدم بتخافي استعدي***انا بالحرب مابحدد ظروفي
لانو الناس بتحب التحدي***قلت بقطع على المشتى زيارة
حسن بنوت مش دايق كفوفي
***********

إنسي يا ليالي العشق إنسي ***ان عليكي طل جنّي وغاب إ نسي.
افتتح جعفر غريكي براس أصلع***وبدنا شعر مش أغراء جنسي

واذا بنوت صوتو متل مدفع***ما رح بيصير عا المنبر برنسي.
يا موقعنا انا خجلان اقشع ***جعفررااح يبرم خلف هيفا..
وحسن بنوت صار دايخ بنانسي
*************

انا بالشعر ما غييرت لوكي***أمير القافيي وتاجي ملوكي
وغييري راح يشحد مجد بالي ***وفوائد تاكلو متل البنوكي

بمشتاوي ما في شاعر قبالي ***هدّى ...قراق خافت من ديوكي.
لأني عشت أزعر ما بالي ***ونصيحة لبو علي أياه يغلط .
ما في شيطان ب غيير سلوكي
************
أنا وعمار ها النسر البقاعي ***سما إلهام بتكرّفت دواعي
النبي سليمان حكمة مستمدي***وأسم عمار داعي من الدواعي

وما زال الملتقى بالشعر جدي ***وبغير محل دعّسنا الأفاعي
ضروري سلّم عليك بمودي ***وبأول ملتقى تعرف طباعي

تركت الشعر يا بنوت مدة ***وهجرت بلادنا بعدة دواعي.
وعشت بغربتي أيام شدي ***وما كان منيح وضعي الأجتماعي...!!

تركت اليأس يغفا عا المخدي***وبعد ما ينام حلمي يضل واعي
ورغم ما كانت الأيام ضدي***نجحت بغربتي بقوة دراعي

وبمشتاوي صديقك ضب عدة ***بعد ما كان للشعّار داعي.
وبحقو ما انكتب ونقال ردي***أصول المنتدى لو كان واعي

وأنت يا ضعيف يا سيف المصدي***تا أرحم لا بقا تبزل مساعي
أنا رب التحدي بوس يدي***عا دفنك جعفر الشيطان ناعي

اذا بترجع صبيي ست جدي***وهجوم النسر يتحوّل دفاعي.
ممكن يوم تربح بالتحدي***اذا عمار بيحب الرعايي
انا بالشعر ما تعودت راعي

******************
أنا أزعر أنا بحكي بصراحة***ما بمسح جوخ بعتبرو وقاحة.
لأنو يا شعر بعبد حروفك***رفعتك بالعلا عا كفوف راحة

وما زالك جيت ومحضّر سيوفك***قبل ما نطق..؟ما بدنا مناحة.
مش رح نتركك حتى نشوفك***راكع ترتجي وتطلب سماحة

أنا مش راجح الدايق كفوفك*** أنا سليمان ملكوت الفصاحة..
على كل حال متأكد حتوفك ***بساحة ما إلك فيها مساحة

صرّخ عيّط وجمّع ضيوفك ***استنجد ..عادل, واوسّع الساحة..
يا عمار حضّرلي دفوفك ***انا بطلت ساير عا المنابر .
عليك السيخ وعليي الدباحة
***************************


انا عملاق ما في قزم قاسو***النبي سليمان وحدو من قياسو
فتح آفاق شعريي وعربش ***عا سلم من وحي تا المجد باسو

وصل للروح بالأحساس نبّش***بعد ما استرسل وشبّع حواسو.
.سحب من طرحة النور المطرطش ***عا دفو خيوط وتدهّب نحاسو

بأول ملتقى الراهب اطبّش ***بعد ما تفركش وكسّر ضراسو
وبمشتاوي ما شفنا غير برغش***انا وحرف المنابر...؟ دق كاسو.

.وأخونا بو علي جايي مطمش***متل بو الحن ما بيحرز قواسو
عا حالو بيفزع خيالو ان خربش***بقرني بيختفي يقطع نفاسو.

وما زال الطق ماشي يا متشتش ***أنا وعمار هالماكن أساسو
حملنا السيف والفرد المخرطش ***وأذا الشيطان بيقّرب علينا
عا منبر شعرنا بنقص راسو

افتتاحيّة الشاعر حسن بنوت
حسن بنوت ابو علي
أميركا
يا بنت الشاعريه شرفِينا==عا مشتانا وحيي مشرفِينا
البفضل جهودهن عدنا التقَيْنا==وعلى عهدك متل ما بتعرفِينا
*****
التقينا ودمعة السعد استقينا==بغزاره وجمرة الفرقه طفينا
وحملنا قلوبنا البيضا وأتينا==وشمع عا مدبح الالفه صفينا
*****
تهنا بالمضا وهون اهتدينا==واذا بالعدل بدّك تنصفينا
المشتى بينحسب إلنا وعلينا==اطلقي أفكارنا ولا تكتفينا
*****
يا مشتى الفيك بالشعر ابتدينا==بعد ما الحرب بالمهجر نفينا
وسلكنا بوعرة الغربه ومشينا==وعلى سرير الامل فتره غفينا
وبجمر الشوق يا مشتى انكوينا==ابتلينا وما حدا غيرك شفينا
لأنو وقت ما وفرت لينا==فضل هالمنتدى الخيرو كفينا
نسينا الهجر وطلقنا يدينا==وحلـّقنا على جناح المجره
بفكر حرّك حواس الشعر فينا
+++++++++++++++++++++++++++++++++++++
+++++++++++++++++++++++++++++++++++++
الزجل عا مين لاقي اعتمادو==اسألو للي تعلموني واستفادو
اسألو الشعار من كل النواحي==اسألو الكل البإسمي عم ينادو
اسألو أهل المدينه والضواحي==اسألو لبنان والارز وعمادو
اسألو الشمس الوصل الها جناحي==اسألو البدر اسألو الليل وسوادو
اسألو العاطي اسألو الواهب الواحي==بقلم شعري إذا بكتب عباره
المحيط الاطلسي نقطه بمدادو
++++++++++++++++++++++++++++++++++++++
++++++++++++++++++++++++++++++++++++++
وجعفر صاحبي وخيي وعشيري==ولنا جولات شعريه كتيري
وسويه بالزجل عنا هوايي==نربـّي هالجلابيط الزغيري
وكل ما رف جلبوط بسمايي==بروح يدور من ديري لديري
وبيصير يتبهور ويحكي بقفايي==بينسى الملح وبينسى الخميري
*****
أنا كرمال جعفر بس جايي==الحقيقه بقولها وبرضي ضميري
ما عندي بالتحدي أي غايي==التحدي بلا خصم شغله عسيري
الخصم لما يكون بمستوايي==منفتح للتحدي كل سيري
وهون الخصم مينو يا ضنايي==عمار البراضعي الشكسبيري؟
أو سليمان هالازعر كفايي==الراكض خلف تنوره قصيري
تنابل بالكتابه وبالقرايي==ولو انعجنو بمقامات الحريري
إجو عالمعركه من دون حمايي==لا شعر ولا سلاح ولا زخيري
متل يللي اشترى البلوه شرايي==وعمل عنتر تا يتمرجل عا عنتر
ياجعفر أضحك ويا روس طيري
++++++++++++++++++++++++++++++++++
+++++++++++++++++++++++++++++++++
يا أزعر قصتك بالشعر قصّه==مع رجال الادب ما لاك خصّه
ما رح تتهذب وتعقل لحتى==نقصلك لسانك مية قصّه
*****
الوحي لما عا راسك شعر شتا==دلق رشح الندي عا أرض جصّه
وطلع بعد السقايه زهر مقتى==عقيم بهيبتو مدلّع مخصّه
*****
وعلى النت وعاموقع كل مشتى==أنا العمرت للكلمه منصّه
مش تا أفخر بحالي ومش تا==أقبض مال مالي فيه حصّه
أنا شيخ الذكا الأرجل وأفتى==وبشرع المنبر الزجلي موصّه
وبهالأزعر اليوم عملت إفتا==ضروري ياكل القتله عا قتله
وعا مكبس بوعلي ينرص رصّه
+++++++++++++++++++++++++++++++++++++++
+++++++++++++++++++++++++++++++++++++++
يا أزعر مين دلـّك مين وزّك==تجي وتنفش علينا ريش وزّك
شو كان بدّك تا تعلق هيك علقه==معي وتذلّ يا سليمان عزّك
*****
من شي شهر شاعر مرق مرقه==عا مشتاوي... وأنت رشيت رزّك
رجع آكل من الفلقات فلقه==ولحد اليوم عالصدمه محزّك
وتا يهرب من هزيمه الكذب نقى==وعلى سنانو بغضب مجنون كزّك
ادّعا أني سرقت الشعر سرقه==وركض بالأربعه حزّك ومزّك
*****
وانت لو عليت عنو ألف طبقه==والله استنسخك مارد وكزّك
بحصاني الجمحتو بالجو برقه==اذا بتكون سور الصين فزّك
*****
شو رح تقدر معي تلقى تتلقى==الله يساعدك حظّك ما عزّك
نصيحه للسلام عقود صفقه==وعا ساحة بو علي دزّ للي دزّك
وعلى هالحال لو قررت تبقى==وغرور الفيك هزّك واستفزّك
ناوي طق راسك ألف طقه==وبسيف الجزّ قبلك راس راجح
بدي اليوم يا سليمان جزّك

عمار

بيروتـــي وشامي البيدر ... ذات الغـــلة معروفـــــــة

لكن بنـــــــــوت وحيـــدر ... رح يخـتـنـقـوا من حروفي

==============================

بالشــــام الحلوة وبيـروت ... منتمنى بحفــــــلة نطلع

تانسكب در وياقــــــــوت ... بكل كلمة وختمة ومطـلع

وكاس الدم منحسب توت ... وتانصفي الجــوق الأصلع

بوعدكن راجــــع بنـــــوت ... جلدةّ راســــــو مـنـتـوفي

****************************************

بو علي حسن بنوت

بين بيروت وبين الشام ___لولا جرّدت سيوفي
تا خللي متل الشمام___روس الاعدا مصفوفي
*****
حاجي تقدّ وحاجي تشدّ___وتتعب حالك يا عمـّار
صار فيك اللحظات تعدّ___بملقى قصـّاف الاعمار
جلدة راسي ما بتقدّ___راسي النور وراسي النار
ما بتلحق إيديك تمدّ___بتقشع روحك مخطوفه
*****
عمار البراضعي
لو حامل سيف ونـبــوت = وهاجم نفسك ملهوفة

تكرم عينك يا بنـــــــوت = بتطلع بنت المخطـوفة

============================

لا منك نــــــار ولا نــــور ... وعظمك هين ع التكسير

يابو الحن قبال نســـــور ... لاتجــازف تبقى وتطــــير

الهيئة دماغك بعدو بــور ... وراسك مهما كان كبـيــر

شاقوفي معوّد ع صخور ... وياذلك من شاقــــوفـي
**************************************
بو علي حسن بنوت

بين بيروت وبين الشــام___لــــولا جرّدت سيوفي
تـا خـللي متـل الشمام___روس الاعدا مصفوفي

يللي جايي عالميـدان___وناتـــع شاقوف يعينـك
خبـّـرنا من ويـن فلتــان___لهلـق مـا عرفـنا مينك
سليمان وجن سليمان___وكل الخلقو من طينك
مقابيل الراس الفـهمان___انجــق تلقــو نقــّـوفـه
عمار البراضعي

بنوت بطين الشجعـان = مقـامـر لاعب مكشــوفة

انعمدتو بجرن سليمان = بجرني بدقو منســوفي
=============================

ياطالع تقطف إلهـــــــام ... من جــو نسور المنبر

تدربلك شي ميةّ عـــام ... ع مجال الشعر الأكبر

ولاتسابقني بالأوهـــام ... ع صف القافي المجبر

سابقني بموطن مقدام ... نوحِّد صفك وصفوفي

********
بوعلي حسن بنوت
بين بيروت وبين الشــام___لــــولا جرّدت سيوفي
تـا خـللي متـل الشمام___روس الاعدا مصفوفي

مين للي بيحكي بصفيّن___غير الما بيعبد لبنان
نحنا وين وإنتَ وين___مش عارف مع مين علقان؟
لبنان محمد وحسين___وجورج ومتـري وسليمان
بالجيش بصف الفرسان___جنوبي وشمالي وشوفي

جعفر

يا ناس شو بيقول عمار اسـمعو
راسو عـ كتر العصّ بلش يوجعو

إصحى يا غافي .. الجوع بطنك قرقعو
عيف الشّـعر للي بيعرف يصنعو

وخلّي الحرف يوعى ويهجر مضجعو
لا تنهرو ، ولا تفضحو ، ولا تخدعو

شوف القمر والشمس من صوتي وعو
تالريح نادى البحر والموجة تعو

وما بين نوم وصحو صمتك بشـلعو
وبعلّمك كيف المعــاني بيطلعو

دمع النّدي لو هَلّ ؟؟ مش رح نمنعو
خليه فوق الورد يســكب مدمعو

إلفجر ما بيفيق تا يشــرب دموع
والليل نام وســتر عيوبك معو

*** *** ***
الإعادة

ناديت جوهر بو علي من مقلعو
فزّتْ براكين الدّني من مطلعو

ومرتي اميره والكواكب شعشعو
من حروفها وصارو يهلو ويسطعو

عمار
نادي على البركان ياواقع بضيق
وشعر الأميرة يقرضك نتفةّ عقيق

شوباك جايي مزعج مبلش نقيق
ع شط بحري تنزل برملو غريق

تركني ع سدف الغيم بالنوم العميق
ومن كبر حظك جيت افتحلك مضيق

حتى تنام ومابقى تزعج صديق
بردك لأهل الكهف ع ماضي عتيق

بإبرةّ البنج بنيمك أربع شهور
وإلا ماتاكل كف مش ممكن تفيق

=====================
يامنتدى الشاهد على الشعر الطليق
انت الأمل انت الوفا انت الشقيق

مننام ع صفحاتك الوردا عريق
منوعى نحل للموهبة نجني الرحيق

جعفر
عمار يا نايم على حجار الهموم
لا تفتكرها سرير من قطن الغيوم

نام ... وببحر النوم يا عمار عوم
بالحلم بلكي تصير نجم من النجوم

روح بمنامك جهّز جيوش الهجوم
وأغزي الفرس بالنّوم واستسبي الرّوم

يا خايف من الصحو حاجتنا وجوم
تفضّل وبنّجني بعناقيد الكروم

الظّاهر بأنو الشّعر عا قلبك شحوم
والمعرفة براسك متل ابرة سموم

نحن بعصر يقظة ووعي وفكر وعلوم
عصر التّخلّف نام ما عاد لو لزوم

روح نام نومة بطول عصر الانحطاط
نومة أهالي الكهف عمرك لا تقوم

الإعادة:

أشبع أكل يا نايم وصلي وصوم
وخلّل بصل تيصير عند النوم توم

تركني لحالي فايق وعالكون حوم
بفيّق قوافي الشعر من كل الحجوم

عمار البراضعي

مضبوط إني نايم بقلب الضريح
ع مخدةّ الأمجاد ع نهج المسيح

بغفى تايوعى الفجر يتلغشن منيح
وعتم الجهالة اليوم عن عينيك زيح

يامفتكر من وهم أشعار المديح
بتخلق إلك بالشعر هالة عن صحيح

نايم انا من عهد سكين الذبيح
المرّت على ابراهيم تا إبنو يصيـح

وبالإبن ضحّى وكان بالعقل الرجيح
وكبش الفدا صفى وعنو لاتزيح

وهلق ياشيطان اللي دمك بستبيح
راجع تانام بمكتبي وردّك كسيح

ع شرط إقرا المعرفة وإخلق دني
مش متلك البتزورها تاتستريح
====================

بنومي بعثتك شمع بالنذر المنيح
بيقظة طفيتك بالشعر وهبوب ريح

وعكس الأفاعي المابتغفى بالفحيح
غفّي حروف الجهل لاتلفظ قبيح

ولحقتك بأهل الكهف شعلت شيح
بسيفي تحاربني ونبع شعرك شحيح

جعفر حيدر

عمار فكرك بالمعاني جددو
شو بدك بتابوت الله يبعدو

عيسى ابن مريم افكارو ما هدو
من مولدو لمعبدو لملحدو

نومك طفا جمر الخيال بموقدو
نومك قتل شعرك عا فرشة مرقدو

لو نام أفلاطون شو بيخلّدو ؟
ومين اللي غيرو كان فكرو بيوجدو؟

ولو نام عنتر كيف عبلة بتعبدو؟
وع العشق كيف الناس كانو بيهتدو

ولو نام جيشك ع الحدود بمرقدو !
كانو الأعادي بالبلاد استفردو!

ولو نام فكري وما كتب أجمل قصيد
كانو الليالي خيبتك عم يحصدو

***
الإعادة :

بدي حجج قولك وفكرك يسندو
وعّاك ربك للصلا تا تعبدو

عقلك إذا بتنيمو رح توأدو
خلي الخلايا يرقصو ويعربدو

والفرق بيني وبين عمار العدو
فرق النعومه بين بومو وهدهدو

عمار البراضعي

ياجعفر النفسك قلق متحايمة
راسك خوي وللنوم روحك هايمة

النومة بتبقى للخوابي ملايمة
نومة حبيبة ع زنودي مهايمة

نومةّ طفل ع الهدهدة مترايمة
نومةّ كتب تاريخ عركة ظايمة

ولما القبيلة دم صارت عايمة
قالوا براقش ليت بقيت نايمة

وبعيد عنك في مواقع قايمة
بتجني على نفسك بحالة رايمة

بمعجن سما الإلهام نفسك غايمة
فيقتني بجو النسورة الحايمة

وعّي الخدم حتى تشطّف بالصحون
بعد الأكل رح نام صفرة دايمة

====================

خلي براكين القوافي هايمة
ونيرانها عن حرق جسمك صايمة

جعفر حيدر

نفسي وضهر الريح خلقو للقلق
ويا ويل كلشي عا قلق نفسي شتلق

جهزت لك دبقي اللي متلو ما انخلق
ويا ويل كلمن عا دبق شعري علق

ليتك قبل ما الحكي عا لسانك زلق
من النوم قمت ولا حرف فيك انجلق

شفلك منجم مغربي سحرو فلق
صخرة .. يفسر حلمك الهوني اندلق

نوم الطفل تجميع قوة للألق
ونوم الخمر تجميع نيران الحلق

ونوم الحبيبة .. فجر بعيونا انسلق
من العشق قام النور عينيها غلق

لولا براقش صاحت وصوتا انطلق
منين الصعاليك اهتدو ع المنطلق

ولولا أنت تكتب شعارك بالمنام
من وين كنت بليخك طنعشر فلق

عمار البراضعي

المديون والمهموم كلما دمعوا
عينيهم من النوم صعبة يشبعوا

وعنتر بعبلة النوم أكثر لوعوا
تمنى شي ليلة تنحني ع أضلعو

حتى حبيبي من وقت مابودعو
رح ضل نايم بالحلم تاإقشعو

إقرا التاريخ النام مدة وتابعو
شمس وقمر من بعد نومة بيسطعوا

وفتش ع اسم اليازجي اللي بمجمعو
البحرين غفى بالمحيط وجمعو

وشوف الكرم لما عناقيدو وعوا
ان مانام دمو صعب خمرة تكرعو

ولوما بيتبنج جريح المعركة
مابيقطب الدكتور جرح بيوجعو
====================

نحنا عمالقة الزجل من مطلعو
وانتوا شياطين اللي حقو ضيعوا

البايع ضميرو للتابوت بيردعو
وراحةّ ضميرو بعد موتو بيقشعوا

نومةّ سمك نمت وعلى جعفر نعوا
بكثر القلق هاستيريا صاير معو
****************************

إصحا يا نايم ... وحّد الدّايم بقا
للصّحو .. مش للنّوم عشنا .. وللبقا

النّايم ضميرو ... كل عمرو للشّقا
بدَيني وبلا دَيني حياتو مشقشقة

والشّمس لبـ خيطان نور معلّقة
لُو تنام .. شو اللي بعد نوما بيلتقى

والبنج لوما فاق عالجرح وسقا
كان الوجع بالجسم خبصة معجقة

من يوم حوا وآدم ... لـ دار البقا
التاريخ موجة من الحياة المطلقة

لو نام قلبك ؟؟ كان موتة محققة
فكر شوية ... وحاج تحكي هرطقة

وعا مجمع البحرين نحنا فايقين
تَ نسرسق من الكرم خمر معتقة


**

إعادة

شياطين نحن !!! والحروف منسقة
إلنا الحياة ... وإلك نومة مطبقة

عمار البراضعي

تليّل ياليل الشعر أيام ودهور
وع نعش جعفر نام إكليل بزهور

مارد نبوغي نايم بسطح البدور
مابفيقو بوجبات مابتطلع فطور

نادي ياجعفر وين بركانك يثور
وفيّق ثناء تزودك بحروف نور

طفيتك غفي بركانك ومات الشعور
حتى الأميرة تشهق وتبكي شهور


بعتب ع مجد الدهر ع الليث الهاصور
بنومو سمح للأرنبة تعيش بسرور

ولومي على الأيام لومي ع العصور
الحطت مع العملاق قزم على السطور

ولومي ع حظي النايم وغنى معك
من بعد ماطحنت المراكب بالبحور

====================

نايم معك غنيت ياموعّي الغرور

الفتنة عا شكلك واعية وفيها الفجور

غافي تركني فوق فرشات الصدور

بشعري بغـفّّي الورد تاتفوح العطور

قصيد
جعفر
اندلق شلال شعري عالقوافي
تا فيق بالمعاني مجد غافي

وفتح جفن القصيدة بنور أبهر
شعاع الشمس من أقرب مسافة

***

قبل قدموس كان الرقص أشهر
من الحرف ومن قلام الصحافة

وإذا عاشق شعورو حب يظهر
لحبيبو كان يرقص رقص دافي

وكان يجاوبو المحبوب ... أكثر
من هز الخصر تعبير ما في

لا كان النوم غاية ولا استأثر
بريشة من القوادم والخوافي

***

وقبل ما الفلسفه عالناس تحضر
ولسان الشاعريه الكان قافي

كان حكي الوما أشهر وأكبر
وأجلّ كتير من كل الحصافي

***

إجا قدموس والتاريخ غيّر
بيقظة فكر وبيقظة ثقافة

وبحرف الأبجديه الكون نوّر
تصار الصخر يشعر بالشفافي

***


والإنسان ساعة ما تحرر
وترك نومو ... وغَفلْتو .. والجلافة

بلش يفتح الكون المسكر
وما عاد عليه شي بالكون خافي

**

عرف إنو الأرض وحدو استأجر
وإجا يعمّر الواحة والفيافي

وشاف النوم بعيونو معتّر
عافو... ودوّر على علم شافي

وبقي من أول التاريخ يسهر
رفض يغفى .. ركض لابس وحافي

***

وع سطح البحر فوق الموج أبحر
وبقاع المي غاص ... وفوق طافي

وع خد الشمس صار المجد يزأر
وبنى لو بالسما أحلى مضافة

لأنّو بالتحرك صار أخبر
عدوو النوم : ثالثة الأثافي

***

وفيه واحد تأخر ما تحضّر
وبعدو نايم بأبشع منافي

اللي نومو عا مدى الأيام كرر
شو بدو بالمحبة وباللطافة

بيكفي يفرك عيونو ويشخر
وشخيرو يقول وينك يا لحافي

يا عمار جسمك ليش كشّر
المفاصل متل وجهك بالنشافة

ع كترالنوم لحمك شوف هرهر
إرحم حالك وجسمك وعقلك
وخلي ( وقية* لحمة ) للقرافة

عمار
ياروحي البلوعي مضيتي صكوكي
ونمتي ولابسي الثوب الملوكي
نمتي سر في بطن المقدر
مابدِك متل جعفر ينسبوكي

بنوم الغيم طيف الغيث بشّر
تايسقي الأرض ويكافي العطوكي
وبنوم الشمس ليل البدر جوهر
بعنق المجد قونة علقوكي

وبنوم الريح كل قبطان بكّر
ع شاطي جبيل تايقلك إجوكي
حماة الحرف والتاريخ أخبر
بقدموسك عند مابشروكي

الخلاّ الحرف ع الصخرة منور
وأعطى للحلا روعةّ بنوكي
بنومو علّم الدنيي وخبر
حتى ع الأولومب يوصلوكي

وأوروبا كلها وعيت تاتثأر
واسما كان من أختون عطوكي
عرف بالبحر نايم خير جوهر
غطس خلفو تايعلى ع الفلوكي

ولوما نوم دري كيف حضر
يانفس الغاطس بسرعة نعوكي
ونوم المي من صلصال أخضر
تحت الأرض نامت واشتهوكي

ياواعي هيدروجين بجسم مقهر
بدون النوم صار عندك ركوكي
النوم معروف من رب المقدر
خلق للنوم ليل بلا شروكي

ولهالأسباب صار النوم أشطر
يا أفكاري اذا بيبارزوكي
انا العقد الغفي ع صدر مرمر
ذهب بغفى بخزنات البنوكي

بعرف ليش مابينام جعفر
لأنو حامل بروحو شكوكي
ومع عمار خاف بهيك منبر
اذا فاقوا عمالقة المنابر
يا شياطين بدهم يحرقوكي

جعفر

جكارة بالحروف وبالعبارة
ع أرض الشعر بدي شن غارة

وعفّر كل حقل وكل حِلّة
والشعار وقفهن حيارى

جكارة ما ببقي ولا بخلي
شاعر يعمل علينا شطارة

جكاره بصمد وبوقف محلّي
بعينين الحسد شوكة جكاره


***
يا أما الوحي ينزل بالمظله
وعلى مخوخ الزجل يعمل زياره

يا أما يروح من هوني .. يولي
ويترك هالأراضي وهالشكارة

***

الفرق ما بين غَلة وبين غِلة
فرق ما بين عار واستعارة

الفرق ما بين فُلّ وبين فَلي
فرق مابين غار وبين غارة

الفرق ما بين سل وبين سلة
فرق ما بين كار وبين كارة

***

طلي يا حروف الشعر طلي
حضري تاج الإمارة والإثارة

تعالي توّجيني .. الكاس ملّي
بيلبقلي أنا تاج الإمارة

***

ما بدي بقلب دار الشعر خلي
لا عمار ولا متلو بالعمارة

بدي نجوم شعر الزجل فلي
وأفقش كل قملة بالمحارة

***


بلانا حظنا مرة بشـلة
تارة بتمدح وبتسب تارة

تحت لسانون زرعنا مسلة
تْشكون كلما عملو استخارة

***

تملّي يا شعر دخلك تملـّي
عا شاعر ما معو من الوعي باره

بنومو قاصد بجنحو يعلـّي
وينقل بين حاره وبين حاره

بنومو قاصد يحرر مجلـّي
بنومو قاصد يدير الاداره

بنومو قاصد بصوتو يدلـّي
يا دلّي عليه شو بدو مداره

***

وانا ما جيت الا للتسلـّي
ومع عمار وقتي مش خساره

لأني بعد ما اسقيه خلـّي
ويدوق القساوه والمراره

بيصحى من الغفوات المذلـّي
واذا ما راد يصحى مش عباره

انا هوني ضمير الشعر قللي
يا سيد من تحدا ومن تبارا

إذا بيفيق هلي ومستهلي
واذا ما فاق ... الله لا يردو
انا من الموت مستنظر اشاره

عمار


انا نعسان ورفيقي فراشي
حياتي ملوّنة متل الفراشة
ضميري حي كل الليل بشخر
ما باكل لقمتي إلا بمعاشي

ع صدر الولف بغفى عقد جوهر
وانت قلقان يا جراس المواشي
انا نايم سبع بالغاب زمجر
وإنت أرنب قلِق بالغاب خاشي

انا بقرص السما غافي منور
وانت فايق على عيونك غباشي
انا نايم يا عبد الشعر أسهر
لسيدك أخدمو بوج البشاشي

أنا السيف العلى الخصر المشمّر
اذا وعيتني دلقت الحواشي
انا نايم بدفتر هرش أكبر
من التاريخ ببعتلك إعاشة

انا بيوت القصيدة بقلب دفتر
ع غيمات الوحي شمخوا حراشي
نمت نومةّ أديب بشعر أشعر
جبيني مكتبة قلامي رياشي

وعلى التاريخ ياواعي مأخر
قريش بغار حرا فاق غاشي
وعلي .محلّ النبي بالنوم بكر
حتى خلصو ومقنع نقاشي

انا نومة نرد بالحظ بـشّـر
جوهارك ما بينفع حد باشي
بي بيت ال يك بنّجتك تا تخسر
وما بدي تحط دوسك حد شاشي

ضروري تضل واعي متل عنتر
لأنو ما حدا بيحمل كباشي
انت سهران عثماني مختير
ومعهم كنت أول انزباشي

أنا نومة مقاوم ما تفجّر
إلا بجيش واعي وشعب فاشي
حياتك رايحة معنا مسوكر
ووعيك للجهل صاير بلاشي

انا مقاوم غفي ع المجد عمـّر
ما همو لا ملوك ولا حواشي
وانت مخبر من الشيطان اخطر
تغلغل بالفتن ع الشعب واشي

أنت واعي اكيد كتير أشطر
وطايع بالفلاحة وبالنكاشي
وأنا نومةّ كحل ع الرمش أثـّر
على القلقان ممنوع التلاشي

أنا نايم متل خمر المخمّر
وانت سكران والحولك غواشي
بلا ما تروح تغفى يا معثر
القلق للنوم مابيقدر يماشي

انت نيرون واعي وقلب حجّر
وجواهر فكرتك متل الدباشي
لا نقشةّ مقلعك فيها منفخر
ولا بالشعر عندك ها القماشي

أنا متل البنج للجسم خدّر
بلايي عا الجرح لا تحط شاشة
وانت نوبةّ رمل واعي مهستر
اذا مانمت تا الدكتور يفحص
الأبرة جاهزي والحقن ماشي

ابو علي حسن بنوت
قرادة
شاعر نام وغفـّانا___وشاعر فاق ووعـّانا
متل العطر بكم الورد___النام وفاق بمشتانا

متل العطر الشاعر هام___بين الحبقه والحبقه
جناحاتو يقظة أحلام___بين الشبقه والشبقه
ولما الشاعر راح ينام___بين الطبقه والطبقه
صدر رخام وريش نعام___لاقا بليلى وهند ودعد
وسلمى وماري وجومانا

سليمان
أوف أوف أوف
جعفر حيدر غفانا......وعمار اللي موعانا
وأجمل عركي يا جمهور..... عم بتصير بمشتانا

--------------------------------------------------

يا مشتى الملّيان زهور....ملوك الكلمة والأشعار
جايي ومع أجمل جمهور.....تعصر غيمات الأفكار
بنوت الشعر وحيدور .....وحتى شاعرنا عمار
متلي ما بيحبو خصور....منيح الكانت عركة شعر
وما في سيكس بملقانا

عمار


بنينا موقع فوق الغيم ... نسور المنبر خلاّنا

مرة نغط بوادي التيم ... ومرة نغط بمشتانا
------------------------------------------------

بكل موقع طلوا الشعـار = ضيوف من المشتى ولبنان

جــعـفــر يتلاقى بـعمار = وبـنـوت يلاقي سليمـــــان

وهزةّ خصر المش معيار = المفتـون بحب النســــوان

الكلمة بلون الأحمر صار = يبدلها تانضل نجــــــــــــوم

نشعشع منبر روتانا

**************************************

جعفر حيدر

جينا عالمسرح تنفوت
تاري ناطرنا عمار

معمر من أشعارو بيوت
بكلماتو فارشلي دار

قدم لي در وياقوت
وياسمين وورد وأزهار

تفضل بالله يا بنوت
شوف شو جاب سليمانا

سليمان
أووف أووف

بين الوعي والنوم فتّح يا خزام***وفيقي يا شمس المعرفة ويا بدر نام
ما زال عارف بالزجل ما في علام *** ألا ما صبتو بالرصاص وبالسهام
توقا يا بن بنوت حربي مش كلام ***حربي قوافي مشيّبي روس القلام
ان كنت خايف فل ما عليك الملام***قبلك هرب مليون شاعر عا التمام
وما زال قبل المعركي ما في سلام ***يا بو علي مجبور تضربلي سلام
ومن كل كف بتاكلو بدك تقول ***.الله يرحم كف زغلول الحمام


أعادة

عمار وسليمان رفضو الأنتقام*** وأعطو الأوامر بالزجل حفظ النظام
ممنوع يعلا راس أو يعلا مقام *** ألا الرضا ما يطلبو منهم قوام
معقول تطلق عا السما صواريخ سام*** لكن عا منبر شعرنا شد الحزام

ابو علي حسن بنوت

من وين بدك يا شعر متلي تجيب___ادعي لالله دهر بلكي بيستجيب

وحدي امير المنبر ووحدي الخطيب___وما في مدا وإلا ولفلسفتي قريب

خصمي إذا بيكون زغلول وأديب___بترغل معو بنغمة كنار وعندليب

لاكن اذا بيكون طبعو طبع ديب___بردّو أديب من بعد ما هزّ القضيب

ولو كان صاحب شيطني وطبعو عجيب___بخلـّي سنينو قبل ما تشرق تغيب

ويا مادد كفوفك بهالجو الرحيب___كفوف الشحاده بساحتي مش رح تخيب

متلك متل غيرك بملقى بو علي___بدّك يا إبني تاخد الفيه النصيب

سليمان
أووف
بعرف نصيبي بالعمر عز اووقوف***وأنتي نصيبك بهدلي وذل وحتوف
رح ضل قاسي بالزجل فرفك أنووف***تا شوف بحر الموهبي بلّش يطوف
يا بو علي البيقول عنّك فيلسوف***بيكون قابض حق كلماتو ألوف
ما زال عندك مرجلة وحامل سيوف***بوّصيك يا حسّون قلبي مش عطوف
كفوف الشحادة للمنابر والدفوف***كفوفي عطايا وجود ...؟نعمة بهالظروف
كفوفي بلاغة مبّوسي خدود الحروف***ومن كل بوسة طاهرة بدك تشوف
نجوم الضهر بيعدّها جعفر معك***.وعمّار وحدو بس بيعد الكفوف

أعادة
عا معجن سليمان وقّفتو صفوف***جعفر وأنتي تنينكن ما في كسوف
ومن كل مطلع تشحدوا ومن كل أووف***خبز البلاغة الطيبي المالو حروف

سليمان
وين البلاغة بشعرك وين الغنى***تاتصير تتفلسف عليي بالغنا
من الصعب يا بنّوت تا تنال المنى***لولا اقطعت أفريقيا ووادي منا

عنتر أخد حريّتو بعد الضنا***وأنتي أخدت السيف لم زين انحنى
وجعفر عا مشتانا أخدنا واعتنى***بحفلة تحدّي وأخدت بأيدو ثنا

وشعب الما إخد الحق عايش بالفنا***فلسطين ضاعت متل ردة ميجنا
ولوما المهندس ياخد قياس البنا***ما كان يا بنوت في بيت انبنى

وبين العطا والأخد نقيّت الهنا***وحيثك كريم وبالعطا كفك جنى
اعطيني حياتك تقدمي يا بو كرم***جايي تا أخد روحك بأيدي أنا
اعادة


ان ضليّت عاطي كفك لفعل الزنا***بخليّك تفقع متل حب الكستنا
يا بو علي ضبضب سيوفك والقنا***وفجّر دموعك نهر وخدودك قنا

بو علي حسن بنوت

شو باك يا مسلبط علينا سلبطه=هاجم ولسـّاتك طفل بالمقمطه

عالشوبره وعالبهوره وعالعيعطه=رح ترجع مقرقط صابيعك قرقطه

زين وأنا وعنتر سيوف مسلطه=من لمعنا عطينا الكواكب شرقطه

الله عطانا الوحي بدله مخيطه=وعدنا عطينا متل ما الله عطا

الشعب الفلسطيني حياتو مرمطه=هيدا لانو الاخد عا أرضو سطا

ورغم العذاب ورغم كل الشنشطه=عنا أمل نرفع نفوس المحبطه

روح الشهيد منـّك ما بدها واسطه=جود العطا منها ايادي باسطه

وانت الاخدت الارض الله ياخدك=منها ما رح بتفل الا شحشطه

++++++++++++++++++++++++++++++++++++
++++++++++++++++++++++++++++++++++++

رح عيدها بالحوربه والزلغطه=وادنك يا أزعر رح بفرفط فرفطه

والشمس لو بتكون بنت مزلطه=بشدها بشعراتها عالمخرطه

سليمان

لما القرار تكون آخدتو الشعوب***عرش العمالي بتاخدو ريح الهبوب

وزين المراجل كا ن عا المنبر دؤوب***وب بيت مري معروف وبحفلة حبوب

إ خد القرار وقال ممنوع الهروب***ومن السما الألهام أخدو بلا عيوب

وإ نتي بسلبطة الأسامي عم تجوب***وتسرق مراجل بو علي تعبّي الجيوب

وما زال شمس العشق عا فراشك غروب***مجبور تبلع ريقك وتاخد حبوب

ن ماخذت بوسي من الشقي تا تذوب***بتضل يا بنّوت حرقة بالقلوب

شبعنا قتل ببلادنا شبعنا حروب***ولازم بقا ناخد العبرة تا نتوب

إ نتا عطيّت سلاح للشعب الهيوب***وعاطي قرارك للغرب عنّك ينوب

سبّ العطاك المال تا تبيع الوطن***وقدّس تراب اللي أخد حق الجنوب

إعادة
ان ضليّت تهجي بفلسفة شاعر غضوب***بخلّي سنانك يفرطو متل الحبوب

ولك خمسين مرّة مشلقحينك عا الدروب***أعطي الأصيلي مش معوّد عا الركوب

بو علي حسن بنوت


شو هالحكي بأيا شرع بتحلـّلو=هي فزلكي أخدك ضروري نحلـّلو

ابن الجنوب عزّ الشهاده بمعقلو=روحو عطاها ورجّع الارض الإلو

معناتها ما أخد أرضو يا حلو=ما هي إلو والله عليها موكلو

الترجيع غير الاخد هالامر اقبلو=وان ما قبلت شفلك يهودي وسألو

وناس اللي اخدو مال فيه تبرطلو =وباعو وطنا وعالاخوه دلـّلو

وهو ناس بتياب الخيانه تظلـّلو=ليش تا نسبّ الغريب ونبهدلو

يوضاس باع الرب وجيابو انتلو=وكفّ الاخد عا عمد تينه وصـّلو

ودم المسيح علـّم العالم عالفدا=أعطوا الوطن دم الفدا ولا تبخلو

+++++++++++++++++++++++++++++++++++++++
+++++++++++++++++++++++++++++++++++++++

حبوب السكس الوان في زرق ويـَلو=ويللي اخدهن آدمي ما منجهلو

سليمان اسمو وضعف حيلو قاتلو=لولا أخد معمل حبوب بكاملو

سليمان
أووف

لما الجنوبي ما أخد حقو انهمل****حمل الشهادة الطاهرة الما بتنحمل

ولو حزب الله ما أخد جنبو أمل ****ما راح صوب حدودنا وقام بعمل

خود النصيحة الكانت تساوي جمل****ولا تضل عاطي نفسك شرود وخمل

وحتى القمر بصيامكن نورو انشمل****ولوما أخد أيام ما كان اكتمل

وشوف القصيدة البل معاني بتنعمل****مفروض تاخد حقّها بصيغ الجمل

ولوما المريض بياخد حبوب الدوا*****ما في حكيم بها الدني بيعطي أمل

أعادة
حبوب الأخدتا بالغلط ضد الحمل ****وعملت حالك أدمي ومتل الحمل

لا تخاف كل البالعو من المحتمل****يعطيك ردة فعل ويطلّع دمل

بما أنو الشاعر بو علي ما بيحب الأربعة والقصايد الزغيري رح نتخطى القاعدة ونزيد القصيدة بناء على طلب المشاهدين
سليمان

قصيد
نحتي يا كفوف بصخور المعاني***ومن الألهام شيلي يا غناني
انا عملاق شعري فوق منبر***بطحت الزلم عا منابر زماني

انا بالمنتدى عيّنت محضر****عزمت ملوك شعريي بأماني
وأخدتك صح يا بنوت تحضر***الشغل مش عيب تا تضيّف صواني

انت يا بوعلي بالعشق أفقر***عطيّت المال ما بتاخد مجاني
وانا اللي عشت كل العمر أزعر****خدت بوسات بمحل الفلاني

انا يا منتدى الشعر المقطّر****ما بقبل بالزجل أعطي مكاني
خدت حقّي بايدي وكنت مجبر***لأنو الزل بعتبرو جباني

العطونا مساعدة فيهن بنكبر***ما دفعو المال تا أخدو ضماني
العتب علّي عطانا وما استفسر****تا ضاع المال من قلب الخزاني

انت بوش العطانا شرق أخطر***تا ياخد عمرنا بعد الخياني
عطانا سلاح حربي وجاب عسكر***وقصف أطفالنا تحت المباني

يا عاطي كوندليزا ريس أكتر***ما عاطي للوطن حب وأمانة
خدت بوسات منها يا مشحتر***وأوامر من دول سبعة تماني

أنا الرب الأخد روحك مسوكر***عا نار مأججي عا كون فاني
وأنت عاطي السكارة خمر تسكر***عا كاسي فاضيي وبطحة ملاني


انت عاطي الجباني حدود أكتر****ما أخد بالشجاعة وبالمتاني
أخدت السيف من زين الموقر****ومن الزغلول عم تشحد أغناني


ويا بن بنوت لكفوفي تحضّر***وأنت يا براضعي تقبّل تهاني
ويا جعفر أحمل رفيقك مكسّر***خدو عا محل عم يطلب أعاني

أنا الجهد الأخد نملي عا بيدر***تا تجمع غلّة العمر بتفاني
وأنت زيز المنابر رحت تبطر***بشهر كانون تستحلي الزواني

ببربيتا كنت راهب معتر***ويا ريتك كنت تفهم بالدياني
وهب الريح مع هولو تزكر***ركعتو نصب عا قزاز القناني

وبمشتاوي كنت مشرف وأخبر ***بشاعر غلّط بحقي وهجاني
جبرتو يختفي وما يعود يظهر***ومتل شي بوم ينعق بالقراني

وأخونا جعفر الأخد مخدر***تكي عامنبرو بأربع ثواني
البنج خلّاه كل الليل يشخر***عا جرحو يعض جعفر مرجلاني

وأبو الطيّب صديقي وعا المسنجر***بعتلي وقال قلّو عن لساني
دخيلك ضل أسرق شعر أكتر***الدهب منقول عا صدور الغواني

أنامقاوم أخد حالو وتفجر***مع اليهود وما برضا الأهاني
يا مستر بوعلي لو كنت عنتر ***انا رح ضل عملاق المنابر
وانت شيطان بوش الأمركاني

بو علي حسن بنوت
يا شعّـار القلم والارتجالي=اسمعوني وسجّلولي هالمقالي
اذا شي فرخ بعدو مش مريش=ضروري تبعتوه على مجالي
أنا النسر القراني الكون نبـّش =وطبع جنحو عا خد الشمس هالي
وطموحي عاسما الالهام عربش=تا أعطي متل ما بيخطر عا بالي

على عرش الزجل قاعد مفرفش=دلال القيصريه من دلالي
لبست التاج والتوب المزركش=وجواري عن يميني وعن شمالي
حكمت اهل المعنى حكم قرقش=بحدين الرجوله والعدالي
وبشعري فتحت للتاريخ منبش=عطا حق المعارض والموالي

يا إبن طراد روّق حاج تطحش=ببوش وكندليزا وهالزبالي
لانو قبرك بإيدك بتبحش=اذا بتاخد زواريب العمالي
الاجا بحبر السلام وراق خرطش=وقبض حق الخيانه بكنبيالي
بعكس العا حدودو سلاح خرطش=ودفع حق الشهاده دم غالي

يا جايي وقاصد المشتى محشش=وعامل ازعري وواقف قبالي
دعايه اخدتها منـّي تبخشش=عطيتك من نبوغي ومن كمالي
وكنت من قبلها صاخن مدشش=ببره بيتا وعمتـّرشق جهالي
اجا الراهب عطاك علاج انعش=حياتك تا صرت متل الغزالي

انا لما العطا بهالكون بلش=رحت أعطي وأعطي لا مبالي
بعذابي ولوعة الشمع الملوش=عطيت النور تا فرحو الليالي
وبعد ما الفجر منـّي نجوم حوّش=وبدمعات الندي بلش يلالي
عطيتو عطر نسمه ولحن وشوش=عصافير البراري والحقالي

يا آخد عين أعمى وأدن أطرش=الاخد من دون عطا سرقه وكسالي
لازم تقعد مربـّط مكلبش=بقلب الحبس يا لص الشمالي
كفا بفعلك حقوق الناس تنهش=افتح الانجيل واقرا هالرسالي
عطيتك من يميني يا مدروش=ولحد اليوم ما بتعرف شمالي

يا عملاق البصباطك مفركش=وعن عمـّار جايي بالوكالي
بعيون مفنجره وشعر المنكش=وبطول القد فزّعت الاهالي
يعني انقشعك المرحوم حنكش=بهالمنخار بيقلك يا خالي
لازم تلبس الفستان كشكش=وتربح جايزة عرض الجمالي

يا عملاق المنابر يا مفوفش=شد واطلع وعلـّي السقالي
تا وديلك مع النمرود برغش=بقلب راسك يغنيلك يا لالي

شو بدك بعد يا عقل المطمش=شو بدك بعد قدملك لآلي
عطيتك عدل كسرى ومجد قورش=عطيتك فلسفة ابن الغزالي
عطيتك شعر كل الناس أدهش=عطيتك كل مالي وراسمالي
وشو ما عطيتك بتبقى مخشخش=وعا كتفك ناتع جراب الشحاده
تا تاخد قرش من حضرة الوالي