المنتدى صديقي

موضوع: المنتدى صديقي الأحد سبتمبر 28, 2008 7:08 pm

انت يامنتدى رفيقي وكـتابي = وصديقي وحــافظ حروف الكتابة
بعض ساعات عنك عم بغيّب = بحكم الشــــــغل معـذور بغيابي

بكتب فيك وخواطــــر بطيب = متل مابخاطري تطـيب صحابي
وكلما كتبت شفــت الرد طيب = وشكر كبير بيحطوا الإجــــابي

انا بدونك مافيــــي ضل طيب = انرحت بروح بسكن في تـرابي
وبذاكرةّ العرب عم قول طيب = حكي الجاحظ عن كتابو بإهابي

وخفت إهدي كتــابي أكل طيب = بشعر ماصار متلو في خطابي
المتنبي سبقني أبــــــــو الطيب = وتَطفـُــــل خايف تعدوا جوابي

واذا قررت إهدي ســيف طيب = وعِدّ المنتدى ملــــــقى حبابي
متل العم بيهدي عـــطــر طيب = لجنيـنــــةّ ورود بأريـــحـــيـة
وللندن باعث هدية الضبابي
===========

أنت يا منتدى الأم الحنوني***بغربي قاسية صفيّت موني
بزعل يوم لو بعّدت عنّا***لأنك صدق...!!! أغلى من عيوني

أنا يا منتدى شاعر معنّى***عصرت الغيم تا ينقّط سخوني
تا صار الريح نسمة الصبح..؟غنّى***عا نغمة ناي ما بيعرف ليوني

ولأنو كنت مع عمّار بنّا***وعطيّت النت قيمي حاربوني
وأخدو محاورات بحقد منّا***وما قالو مصدر بيوت الجميلة
لها الأسباب صار يحسدوني

طيب طيب طيب يا عمار حتى صار شعرك أطيب من الطيب، حتى أصبح هذا المنتدى بالذات كما قال الشاعر الفذ سليمان "بغربي قاسية صفيّت موني"

نحنا منحسدك عزيزي سليمان لآنك شاعر موهوب.

يا ليلى وين ها الغيبي تعالي***وشوفي منتدانا صار خالي
وحكمني الظرف أبعد ظرف جمعة***وكأنها دهور عم تمرق ليالي

انا بالغرب كلما لمعت لمعة***بشوف الروح عم ترقص قبالي
لأنو العمر متل الروح شمعة***برقصة نار بدو يصير بالي

مع التجّار عندي bienسمعة***وحروفي نور من صفحة خيالي
بحياتي ما نزلّي يوم دمعة***ألا وقت ما بيخطر عا بالي

العفص وسريجنا والمارح جمعة***والكذدار عا الصار ...!!!وحوالي
عشر سنين مستفقد الجمعة***ولها الأسباب ياليلى اعتبرنا
وجود المنتدى بيجمع أهالي

ملاحظة الكلمات الملونة أسم مناطق بخراج برحليون

مشرف عدد الرسائل : 519 تاريخ التسجيل : 15/03/2008

ع المدوَرة رايح حرف بكــــيـر = لرفيق عمرو بالشعر فاقــــــــــد
ع عين نيني يحزك مشاويــــر = من عين بكــــــــــــومي للمواقـد

قرب ع عين الدب بدو يصـيـر = بيشــوف كوكب ع الارض راقد
من ضبع قلعتنا بيخاف كثـــير = واكبر حراش المنطقة واقــــــــد

مريت حدو ودمعتو تقطـــــيـر = شوباك قلتلو الجفن عاقـــــــــــد
قلي ياحرف الما عرف تزوير = متلك ماشفنا بالزجل نـــاقـــــــد

اياك تنقدني يانسر كبـــــــــير = لو كان زهري بــعد مش عاقـــد
اسمك تلات حروف للتعبـــير = ووحــــدك بتبقى ياحرف ع النت
للشعر أكبر مؤتمر عاقد

==========
كمان اسم مناطق بالألوان والباقي سيكام هههههههههه

الأن رسم الشاعران حرف وسليمان خريطة قريتهما، انكما تبدعان وتبعدان في المعاني، تهمسان وتغمسان في البيان، تعبدان وتُعبّدان شوارع الشعر بزهور المعاني.