تكرم عيون الشباب و خينا ابراهيم

لوما ابن ياسين شاعرنا الكبير***ما كنت يا ناصيف بتحاور أمير
طعّم الكلمة من الورد حاجي فقير***ما عطيّت فكرة زغيّرة يا شكسبير
موقع زجلنا للكبير وللزغير***نقّي يا روحي وحاجتك تبكي كتير
سليمان متل العاصفة بفصل الشتي***بيخنق جنون الليل بحبال الصفير

اهلا وسهلا بشاعر علينا اعـتدى = وخاض بسجالو وبدلةّ الخدعة ارتدى
وهالمنتدى إلهام صفحاتو وهـدى = مش للفشـــــــــــــل للفكر ع أبعـد مدى
ولما يغيب الذيب بيمـــــعّـوا الجدا = وسبع المعاني تعطّش لدمـــــــــك غدا
سليمان مخطي بنزلتو لكعب الودا = اللي حاورك تانـبرتك تـآخـــذ صـــدا
متل ما ابراهيم دلّك بالغـــــــــــلط = وماانشـاف غيرك فاشل بهالمـــنتدى

* * * * * *

روّق شويّي عليه ما بيحمل كفوف ***بعدو طفل ملفوف بحرامات صوف
طق السباع وباللّحى بلّش نتوف***تا نشوف بحر الموهبة بلّش يطوف
هاني يا هاني بالزجل شرّع سيوف***وخلّي البلاغة تغرق بموج الحروف
ولا تضل بالفيس بووك تحلم يا ولد***نحنا أساس المنتدى وانتو الضيوف
هههههههههههه

انا هاني اذا ما بتعرفوني
جبران و ارسطو بيحسدوني
انا شاعر انا من الدهر اكبر
الفصول الاربعة اللي بيخدموني
نجوم الليل و البدر المنور
ما بيطلطلو ان ما استاذنوني
و صعبة تشوف قيامة بعد مطهر
اذا ما صوروني بقلب قوني
انا الماس صافي و عقد مرمر
انا من الدر اكتر تمنوني
انا عا المنبر الشاعر الامهر
بنات الشعر مشلح لبسوني
انا بالفلسفة شاعر منمر
واكيد بعكس ما عم تتهموني
انا يا طراد مراية لكل مظهر
بعكس متل ما عيونك شافوني
انا بكانون تاني تلج اطهر
على صنين عم ريح جفوني
انا بشباط خير بزت اكتر
تا شبع سواقي شربوني
انا باذار مع عيد الزهر
بعمل ام للكلمة الحنوني
انا نيسان مع خبز المقمر
بربعن مع فراشي و زيزفوني
و بيعد العامل الاصلب و اجبر
بعيد حد مريمنا المعوني
انا حزيران بقلب رمل اصفر
عا اجسام الصبايا الشيبوني
و بتموز بشرب خمر عنبر
تا الكاسات هنّي يسكروني
و باب مع جيشي المظفر
بعيد صاحب السمعة المصوني
و بايلول عالكرم المنور
بعبي البيت من ايلول موني
و بتشرين اول عالمكبر
بيجو الاصحاب حتي يعيدوني
و عا استقلال لبنان الموقر
بنشيد الارز هني بينشدوني
و بميلاد يسوع التنصر
عا جنب مغارتة بيرتلوني
وعا راس السنة تالايام تعمر
بيحطوني امل بيكل محفل
و غر بالقلب مش عم يزرعوني

تعي يا شمس طلي من عشية
حرقي شعار خسعة و موسمية
و عند ما تغلطي خطي بجدول
ارتاحي من المهمي العنترية
و يا عمار لا تهجم تمهل
لا تتطلب مجد هاني يا عينية
انا اسمي اسم عالي ترسمل
بتسع حروف زين الابجدية
بحرف الهاء هد الرب هيكل
على الشرعن السرقة و الاذية
و بحرف الالف اذن عاد هلل
على محمد باسرة هاشمية
و بحرف النون نور درب اعزل
هدي الانسان من درب الخطية
و بحرم الياء يد الخلق جمل
خلق ادم و حوتنا الصبية
و بتاني نون ناولكن بمحفل
جسد من ارض بيو السندسية
و بتاني الف اسم الارز كمل
اخد مني تا كملو الهوية
و بحرف الصاد صاد بكل معقل
العدو الحارب بلادي الغنية
و بيحرف الياء يم البحر عقل
بعد ما عربد بليلة قوية
و بحرف الفاء عا فلسطين حول
و حرر قدسنا الحرة الابية
هيدا اسم ههاني يا مبشلل
اوعى تجابهو بحجة غبية
و يا عمار عا مهلك تمهل
قبل ما اغضب و افجر شي ذري
و تتحمل على ديار المنية

ياعمو روق لاتحمق ياهـــــاني
نصيحة بالطبع خليك هــــــاني
الإهانة بفكرك مغلغل طمــعـــها
البيقول المنتدى فاشل إهانــــــة

الدني من يوم ما آدم خلـعـــــــها
وهداها زرار وردة وبيلـــساني
زكي وفهـمــــان والأقوى قنعها
ومشــــّــــــاهـا بميولو الأولاني

إجا سليمان للإخوي جـمـعــــها
بحوار كبير بين أول وتــــــاني
لاتزعل كف لخدودك صفـعــها
حتى تصير شـــــاعر مرجلاني

بيكفي القافية ترمي ودعـهــــــــا
العبرة روح خذها عن لســــاني
إلآهي الموهبة فيي بدعـــهـــــــا
ووحي الالهام تفكيرو عـطــاني

خموع المنتدى شعري خمـــعـها
تايسقي فصولها وإرفع مـبـــاني
ان شح النبع من موسم نبعـــــها
نبوغي زلزل المنبر عيــــــــاني

وبيوتي بنذر تاتضوي شمـــعها
صلي عن قداسي لاتـعــــــــــاني
النفس بالسوء أمـّارة امنـعـــــــها
لاتمشي على دروب الخـيـــــانة

واسمك واضحة حروفو بفزعـها
بعكس مامحللو وكاتب معــــــاني
وبيوتي صعاب مابتحمل وجعها
هربت فزعـان ع دروب الدياني

حقوق الشعر ياهانــــــــي ادفعها
قبل ما دفـّع لسان الهجـــــــــاني
جهل ألألسنة سيفي قطـــــــــعـها
وعن هاني وعي الداعي لهانــي

ونفسك بالزعل حقدك دفعــــها
بحقي تغلط وتحكي بجـــــبانـي
الغابة ماشفت أرنب سبـعــــــها
وسبعها سابع الفاتـوا بميدانــي

وبحق المنتدى الكلمة ارفعــــها
تايقبل فيك مارد عنفــــوانـــي
لأنو كلمتك كل من قشــــعــــها
فاشل انت بدو يقول عنـــــــك
وباقي المنتدى ونحنا الضماني

* * * * * * * * *

يا هاني بقدّم الشعرك تهاني***ولا تزعل بالتحدي ولا تعاني
انت معزور من فيس بوك قلّع***وسيلاندر جيبنا رقمو تماني

انا ضراسي بنحت الشعر قلّع***تا صرت مهم شاعر أولاني
وتا تعرف بو اسامة متل مقلع***قصيدو بيطلع بأربع ثواني

وما زالك صرت بالموقع مولّع***تعا طعّم حنينك من حناني
وبلا ما تزعل من الشعر اسمع***لهيب النار من فرن المعاني

حسن برهوم ومحمد بموقع***صارو للزجل اكبر ضماني
وحرف اللي تركنا بحب يرجع***بلسانو المر تا يمرمر زماني

وشامخ شامخ وما كان ينفع***صار اليوم شاعر عنفواني
وعلي خربان هم الليل جمّع***وغموضو في ألو طعمة ومكاني

وطوني بالشعر والذوق مرجع***وخيالو من السما بيعمل عياني
ومتل حسّان شاعرنا تطلّع***راح وما رجع عا النت تاني

وجورج اللي كتب شعرو توّزع***عطر منباع بعدو بالقناني
ونجيب الشاعريي سحر أروع***من اللون الجمالي الأرجواني

وعمّو امطانيوسي شاعر تمتّع***بخف الظل شاعر دون جواني
وحنا القافية وشعر المرصّع***واذا ناسي حدا بقطع لساني

لها الأسباب يا هاني ترفّع***عن الأخطاء ضلّك مرجلاني
انت شاعر زغير وبس مدفع***سريع وبالزجل بتصير احسن
اذا ضليّت تكتب بالتفاني

والا شو رأي خيي حسن بهاني ناطر رأيو

مين قال أنو بعد هالشـــــــــــــــيبي ... منجني بمواقف حاسمي الخيـــــــــــــــبي
وكنو حســن عن ها الحكي مسؤول ... خلّو الحكي من اللـــــعــبْ للجـــــــــيــبي

كلْ موســــم في ألــــــو محـــصول ... وكلْ طَلّي وفي ِلهـــا هـــيـــبــــــــــــــي
كل كلمي فــــــــي لِهـــا مدلـــــــــول ... وكل ْ عيــــــــــن وفي لِها صَيـــــــــبي

الليـــــــل من نــور الفِجر مَخْجول ... مهـــــما النهار يــــــطوٌلْ الغِيــــــــــــبي
ع دَورة الأرَ ض ان رِجع محمول ... مرتاب منْ حِكـــم القدَر رَيــــــــــــــبي

جَـــوهَرْ كلَام النــــــاس باالمعقول ... يا قاصد التَــــــشْـــــــهير والغَيـــــــــــبي
الكذبي عا تمْ بليس رح بتْــــــــــــــزول ... وعاللي ما عِرف اللعيب مَنو عَيــــــــب
عيبي اءذا ما منستر العيبي][/center[/size]

]