التلوين بالمنتدى

الأحمر بلون الدم والزهرة
الأخضر حياة وشبشبة وشهرة
الأسود سواد الليل والأيام
وتلات اللوان ...!!!بيعملوا سهرة

وبين القمر والغيم مرجوحة
بسهر انا والليل والنجمات
وبحّات حلوة ...؟بس مجروحة
وبين القصيدة بتحلم الكلمات

غيّرت بالتلوين اشيا كتير
وصار الزجل عا النت اسطورة
الكلمة ال فيها لون حلوة كتـــــــــير
واللي ما عندها لون أو صورة
بتضل بين الموج شختورة
واللي كتبها بياخد صفورة

التلوين فنّ ومدرسة أبداع
وأحساس شاعر طلّع الفكرة
وويوم...؟؟وقصيدة..!!بتحلم ب بكرى
وبالمنتدى بيضل فكر يساع
و

شو فكرةّ التلوين دلوعة
ولقيتها بالفعل نعنوعة
بلشت فيها قبل كل الناس
بقوس القزح خليتها توعى

الأزرق علامة معنونة بدعوي
الأحمر بلون الدم والوردات
الأسود بيشبه ورقة النعوة
الأصفر يباس الزهر منو مات

وشختورة الالهام بالنيلي
عني كتبها الحرف بالأزرق
والليلكي بيقول وديلي
البيخاف لون الازرق بيغرق

ولون الصبية بعز أول عمر
لون الزهر والحب والشفة
ولون الجمر حرقات عبطة بغمر
كلما التقت شفة على شفة
اجمل غرام العمر بيصفي
والشاعر اللّي بيقدر يكفي

التلوين ريشة من وحي الإبداع
متل الربيع الرسمتو لوحة
والشاعر البيلوّن المذياع
كلما قِوي الارسال واستوحى

* * * * * * * * * *

تلوين سليمان: جميل يا سليمان بأنك انتقلت من اللون الحسي والمادي ورمزيته، إلى اللون الأدبي حيث يتم التلوين بالكلمات، والمعاني.
تلوين عمار: ألوان تحاكي الرمز وتناجي الكلمات. وكما قال: " التلوين ريشة من وحي الإبداع"، كريشة الرسام، وريشة الشاعر الملهم، ويعود للون الكلمة المبدعة في صوت المذياع.