خواطر

موضوع: خواطر السبت ديسمبر 06, 2008 3:41 pm

بأمرك ي نحلة خاطري ع الميلتين

شقر وسمر وعباب أحلى من العسل

منغب ومنجني ، الجمر من كلمتين

كرامة شفافك بطّل شرود وكسل

* * *

قلبي بساطور المشاعر خرّطو

وحبوب حلمي من جفاكي تفرفطو

جاهل صرت دبّور عا توت العباب

وما همّني لو النحل فوجو نشّطو

* * *

وقت ل عطر صدرك على جرحي اندلق = بلسم عذابي وألم عمري اللي انطلق

وضيّع نزيف الشعر بليالي القلق = كمشة هموم تعلّقو بقلبي علق

صدرك حنانو سحر إيحاؤو خلق = نغمة كمانو وبحر أسرارو ألق

حتّى حجارو القهر من برجي شلق = ولبّس بنات الشعر تيجان وحلق

والخوف بطيوبو ي هـ الشقرا انزلق = عن كتف وسواس بفضا الحيره طلق

حتّى صرت من رحمة العطر الأصيل = بالشعر كل شطره لكل جرحه غلق

* * *

قديم

كنّا بعبّ الحلم ع حفافي الحلا

جيران دخلك يا زمن شو اللي حصل

بجمر الوعي هـ القلب احساسو ابتلا

يا حظ جرحك طلع قشّار البصل

* * *

قديم

قالو ي شاعر حاجتك حزن وأسف

دمعك جبين الشمس ع الحرقه كسف

قلت الوعد جاني نبوغو ع الوفا

والله ضلوعي بجهل ولدنتو نسف

موضوع: رد: خواطر الأحد ديسمبر 07, 2008 1:27 pm

يا ريتني جندي وفدا غصّاتها = مغامر وأسلحتي نصل رمشاتها

ت بمعركة هـ الكاينه ونخزاتها = اخرب طبيعه بسحرها ونسماتها

ومش هم تترمّد سمانا بذاتها = ل بيهم ما اسمع همس عنّاتها

كرامة عيونا والحلا بطلاّتها = بضحّي بروحي بطيّب جروحاتها

ما بقدر الأوزار سرّح شاتها = بمرج الفكر احتار من صرعاتها

ولا ممكن الأسرار مع شهقاتها = خبّي بضمير النار وبلهباتها

نفسي حلم مكبوت وبدمعاتها = جمر الوفا جنّن صلا شمعاتها

وآخي جوانح فرفطت ريشاتها = أوتار غربة ليل من نغماتها

حبّي لها عواصف بجرحي عم تهب = رح إنفض جنوني على لوعاتها

موضوع: رد: خواطر الجمعة ديسمبر 19, 2008 10:43 am

لمّا البطر يلبس عبايه وتاج

ويدري ع جمر الحب خيطانو

م بيحترق لكن بيحرق ليل

سهران عا حفّة غدير الويل

يفرد بخمر الحلم إيمانو

موضوع: رد: خواطر الأحد ديسمبر 21, 2008 3:38 pm

قديم

لمّا جروحي تعطر النسمات

وتعزف على الإحساس غنيّه

برعم عذابي بينثر البسمات

ل فراشة الأحلام ليليّي

* * *

لمّا الزمان بتحكمو الغايات

وترعب جواب الريح خفيّه

بيبكي الحنان بخاطر الكلمات

وبتنتحر شمعة نعوميّه

* * *

موضوع: رد: خواطر الأحد ديسمبر 21, 2008 3:40 pm

لمّا كنت زورك قبل م حبست

قلبي بسجن الوعد المنافق

ياما بليالي الطيب جرحي طمست

حتّى الوجع عمري ما يرافق

موضوع: رد: خواطر الأحد ديسمبر 21, 2008 4:09 pm

قديم

يا ريت عا مرجوحة الألحان

بتعلّق وعود الكذب مرّه

ولا تضل عا قلبي متل دخّان

منّو لهيب جهنّم تبرّا

* * *

يا ريت ي غراب الوعد تصفح تغيب

والحلم يتمختر ع كرّة عندليب

والمنبر للي بقلبها يشرّع مروج

ونحل الوعي يجني من صداحي الرطيب

* * *

يا ريت عا حفّة غدير شلوحها

تغمر وفايي وترتمي بجروحها

حتّى سرار العطر بقوافي الحنان

تذبح جنوني وتستوي عا روحها

* * *

» خواطر