وينو حرف

عمار
القوافي جبال وقطعنا شعـبها
وصرنا ملوكها وانتوا شعبها
العتابا ياحـــرف حدد شِعـبها
عددها كم نوع من الشعــاب

حرف

شعاع الموهبة ياصاح شع بي
ومن استعمارنا حررت شعبي
العتابا بس يا عمــــــار شعبة
ثالوث اللفظ والمعنى جـواب


عمار البراضعي
يارئبــــال العتابا قوم مـنها
وعنها لا تكون نهـار منهى
العتابا الميجنا معروف منها
ومنها مسدسة بيوت العتاب



حرف

يابقسمةّ العتابا الكنت مـــعنـا
نزلت من جونا تاقلت معـنـــا
واذا بدك متل هالطرح معنى
أنا بجاريك ع نفس الجــواب
[/font]

سليمان
لفللي القمل براسك وربي***ركبت تجيب عا المفرق ورب بي
اله الكون يرحمكن وربي***وانا ما برحم فروخ العتاب.
حرف
الجهال صعبة عيشنا تقدر تــــــمٌر

ومن شعر فاضي يحاولوا ينقوا تمر

ويا بلا مربى ليش تابدربي تمــــــر

وبرحمتو يرحم الربّى ربنــــــــــــــا

***
قلت ع سلامتو الخلف وربّاك

لاتسطح شعرك قبالي ورباك

أنا بالشعر معبودك وربــــــك

قرود السود ربيت بعــــــجب

سليمان
أجاني حرف يا عالم عا قصتو***ضحكنا كتيير عا نصو وعا قصتو
عمل رجال والنملة عقصتو ***بقي شهرين مرمي عا التراب

حرف

ماسمعت مرة في زماني بِر غشي

ولا البحر شايف في زمانو بر غشي

شعرك قبالي متل عقصةّ برغشــة

توقــــــى ياروحي المرجلة بحروفنا

*************************
اذا سليمان ع شعارو عقبتو

بيسجدلي متل ناسك ع قبتو

وشقلتو براح فلسفتي ع قبتو

وبزندي فركت إذنو والرقاب

************************
حرف
شوباك عن درب القوافي منبـعد

بتحكي وكأنك ع مسافة من بُعد

بيت العتابا فرض قولو من بعــــد

ماكون كاتبلك القبلو ميجــــــنـــا

***********
يالقمة زغيرة بتمي ما لكهـا

العتابا بتعرف بحرفي ملكهـا

وبملكية أخذت وحدي ملكها

وبإسمي طوبوا بيوت العتاب
سليمان
حرف الشعر عا الغيم نتفي على مو***متل الدخل معهد نسورا علموا
وصابيع كفي بي خدودو علموا***كف العتابا بعد كف الميجنا

حرف
مين غير الحرف قلي مِعلّ مين

كفوفو بخدود طراد دوم معلمين

طالب بتبقى قبال مجد معلمين

قلي بأمرك حرف يا أستاذنــــــا

**********************
طرقتك كـــــــف ع خدك تعلم

وقلت من سطوةّ شعاري تعلم

وندهتك صوت يامغفل تعا اللم

ورايي لقوِِط حروف العتــــــــاب
سليمان
غزي روحك بأشعار غزي***لسيف الشعر غزو فيك غزي
متل جولان رح أرجع وغزي***وانت بتروح تصفاية حساااااب

حرف
معروف كلما الحرف ع خصمو نهــر

سليمان من عينو مشوا دموعو نهر

وعاداتنا نجوم السما فوقك نهــــــــرّ

ونجم الظهر رح شوفك في جـــــوونا

**************************
اذا سليمــــــــــان أصلك أسرائيلي

مع الغزلان مشـّــي أســــــرة إيلي

ومعن بالشعر وقعوا أسرى أي لي

دم اللي سرق منــــــــــــــا التراب

سليمان
يا قاصد تاكل اللحمة بقر ني***قروني عاج رح غزك بقرني
وما زالك صرت عم تبكي بقرني***عليك القلب حن ولا تهاااااااب
حرف
زور المجرة روح بفـكــــــــارك وحد

حدود حرف المعرفة بصــــفو وحد

مضطر إحزن ع ضعف شعرك وحد

قبل العتابا ويـــــــــن بيت الميجنا

*************************

أنا يامنبري بفسحةّ لِـــواني

لويت الخصم مابعمرو لواني

ولون المرتجل وحدو لـواني

كسرت قرونك معنى وعتاب

سليمان
يا قاصد تدعي وشعرك عا ميلك***ما قدر يفوت عا الفرقة عميلك
لا تتفلسف اذا النسمي عا ميلك***مالت مع جهل عينك عميلك
وشوف منييييح بتلاقي عا ميلك***أمير الشعر ملكوت العتاب

حرف
أنا شو همني من الجهل إن سب

وبتهمةّ عـــــــــار ليه العار أنسب

شفلك شي شويــعر صار أنسب

متلك غــــــــارق وغاطس وحِالو

ولابعمرو الوحي مرة وحى لــــو

وع محكمة الحرف حالك وحـــالو

اذا ع الخد واشم وشم خالـــــو

بمنامو الحرف مافي نهار خالـــو

واذا بو زيــــــــــــد مابيكون خالو

معي ماخلّص بجملــةّ عـــــــتابا

وبيوت الشعر مابيدخل عِتــــــابا

وقبل ما إعتب بلومةّ عتـــــــــابا

ع جنــــــــب الأرز لاتـزرع بقل لك

ولجنبي مستوى شعرك بقل لك

عتابا وميجـــــــــــــنا مني بقلك

ونزعت الميجنا وكل العتــــــــاب