كرمال غزة !!!

موضوع: كرمال غزة !!! الأحد يناير 04, 2009 11:15 am

عرب نحنا ألف ياحيف قولــوا = وابن حيفا عرد لينا بفصولــــــــو
مش رح عد كم مليون نحـــنا = وعددهم بس بالسبعة بيقولـــــــوا

العروبة سيفها ياما ذبحـــــــنـا = الملك بعروشها بــعرضو وطولـو
وببحر الدم بقبالو سبحــــنـــــا = وبدم وروح ذيب الهيصولـــــــــو

ولأنو الخوف من حكمن منحنا = وسام سكوتنا نجـــــــــــــم بأفولـو
ثعالب كلنا عندن نبحــــــــــنا = فداك الروح ياقــــــــــــائد نادولو

ومافي خيّال ع حصانو جمحـنا = امتشقنا سيفنا يوجد حلـــــــــــولو
حتى بعضنا نقاتل كبحــنـــــــا = وفينا فرّق المال وذيـــــــــــــولو

نحنا ماحدا منهم سمحنــــــــــا = وعلينا توافقوا وياناس جولـــــوا
لو ّنــا وحدنا كنا نجحــــــــــنا = ومافي بالكـــــون متعصب بيقدر
يفرّق شملنا ويلغي أصولو
==========

موضوع: رد: كرمال غزة !!! الأحد يناير 04, 2009 12:25 pm

يا أهل غزّة لا تخافوا كان
لبنان تحت القصف يوميي
لا استسلموا أبطالنا بلبنان
ولا القصف غيّر بالأنانيي

****

فلسطين...!! انتي يا جرح انسان
النازف بجسم الشرق غنيّي
يا جمر طالع عا السما دخّان
يا نور من شمس الألوهيي

****
لو دمّروكي وما بقي بنيان
وصهيون يشحد حقد نازيي
لا بتركعي ولا بيزحل الأيمان
انتي أساس الشرق ...؟حريّة
****
لا تسألي وين العرب ..!!كفّي
وصدّي حقد نيرون بالعفّة
نهر الفدا بجنوبنا مسكوب
وزهر الكرامة عاش عا الضفّة

****
شدّي الأمل لا تيأسي ...!المطلوب
ومتل النسر...!! بجوانحك رفّي
ولا تفزعي ...!!!كيف انتصر ل جنوب
رح تطلعي متل الأمل والنور
ويصير مجدك ياكل الشفّة

موضوع: رد: كرمال غزة !!! الأحد يناير 04, 2009 12:51 pm

تخايلت ... فيكي خلقت يا فلسطين

ومنّك أنا أصلي ... وأصل بيّي

ومن بعد ما طليت عالتّكوين

شي فتّحوا بالمهد عينيّي

بشوف إمّي ملوّنة بالهمّ

وعيون إمّي ... غيوم شتويّة

وموّال ... " يلاّ ينام " ... صوت الإمّ

عم تخنقو طلقات ناريّة

حسّيت إنّو النّور وجَّعني

ومن وهلتي ... شو ندمت إنّي خلقت

وتا عود ... سرّ كبير يردعني

ولقيت حالي ... بهالحياة علقت

****

ولم صار عمري تسع عشر سنين

وخشنو كفوفي ... بِإيديّي

حملت الحجر ... مع زمرة شلافين

جاري وإبن عمّي وأنا وخيّي

ونسأل تراب الأرض بفلسطين

وين الْ " علامة " ؟ يقول وين هيّي

نرمي الحجر ... تاري الحجر مسكين

هاك ال " العلامة " ... المن لحم ... من دمّ

بصدورها في حجار ... ما بتلين

وتشتاق عطر الدمّ ... بدّا تشمّ

يصبّو النّار ... ونرتمي سوية

ونكون ... عِلمي ... حجار عم نلمّ

يلملمونا ... إخت ، بيّ ، وإمّ

ويجمعونا ... نطلع شويّة

[/center]

موضوع: رد: كرمال غزة !!! الأحد يناير 04, 2009 6:00 pm

فلسطين يا مهد المسيح وكيـــف = عليكي اعتدى بالقصف صهيوني
ماعرفت مين محمــــلو تكليـــف = بآخر وأول عام ياعــيـــــــــوني

شعب اعتدى ع الارض والمريخ = وع جنوبنا ودمر جسر جـــوني
حتى نصير بأعين التــــــــــاريخ = نـــــأرخ اخت لبــنــان بتكوني

ومن مقلع الأبطـــــــال بالتصنيف = لولا بقينا قبور مسكـــــــــوني
نحنا وانتوا منـبـذر صواريــــــخ = بدل الزرع والقمح والمـــــوني

وكرمال اسمي ع جنودك ضيف = منشان بـو عمار سمــــــــــوني
وليلة العيد وقفت بالتكـتـيــــــف = اتفرج على القصف والتدمــــير
وإسأل شو هوي العيد بظنوني

* * * * *

ولولا الحرب يومين كانوا ظراف = فيـــــــهــن بنام وفيق ع ذوقي
ساعــات إغفى وفوق مني لحاف = وساعــــات ماخلّي غطى فوقي

وشـو العيد عنا ضحكتين خفـاف = وبهجة طـــفل شمو بكبر شوقي
ومـــع كل ليلة الشعر فيها طـاف = بيتأرنبو سبــاع الشعر وبشوف
عيد الوحـي مأسور مع جوقي

*****

والعيد مش قتل وحرب تشريد = ومجاملي بأرواحهـــــا انعزي
ودولة عنيـــدة عاملي مواعيد = براس السني تاتحـتــرق غــزة

مش حق نغفى وجهزوا بواريد = وبعـيــار اثقــل عندهن لــزة
ونوعى على الدخان والتنهــيد = ومـع كل نهدة بالقلوب نحـس
بمقياس ريختر سابقة الهــــــزة

***
وحتى بليل الشعر نشعر عيد = ومايكون إسمو عيد ع الفاضي
مننطر سوا تايطل عام جديد = بخـــير وسلام نودع المــاضي

ومش شعر يللي منكتبو بالإيد = بالعدل مابيعرف حكم قاضي
الشعر لما نلبسو التمجـيــــد = بأنزه شعور وأصدق الأبيــات
وعن عدل يحمل سيفنا الماضي

************

كِنت عم أحضر أخبار ، ومرقت مشاهد عن الحرب بِ غزّا :

الشاشة ال بهالتلفاز

فيها نور

بسّْ غشاشة

بهالنور ... في ديجور

في موت ...

في ظلم وشعب مقهور

وطفل ... بَعدو كان مِش ماشي

شفتو مِشي ... مَحْمول عَ قماشة ...

شو بْتِنجرِح يا شعور ...

قِمت وطفيْت النور بالشاشة

ولفَّيْت عَتما

عالجرح شاشة

مبارح على البلكون سهرانين

شفنا البوارج غطّت الميي

صواريخ شتت نار بكوانين

و حرقت شعاع الشمس بالفّيي

وحقدو لبني صهيون عرفانين

يفرّق عالشياطين يوميي

لكن يا غزّة عندك ملاوين

يخلّو ارض هالعز محميي

بيحني لمجدن خالق التكوّين

بترجف ركاب الموت بالعلجان

بزأرة من القصّام مدويي

موضوع: رد: كرمال غزة !!! الجمعة يناير 09, 2009 5:40 pm

فلسطين يا أرض العطت أمجادهـــا
القدس وكنيسة مهــــدها لأسيادهـــا
لاتفزعي مهما عليـــــكي بيعــــتدوا
روح الشهامة مابيفــضى جنادهــــا

الفيها المدافع صوت بلبل غــــردوا
وعزف البطولة لحن من إنشـــادها
مهما عليها تكاثروا جيـــوش العدو
الأرقـــام مابتخشى كبر أعدادهـــــا

ولما جنودك ع المجد ذاتو اهـتـدوا
بفرّق تـــسد طلــــــوا لها حسادهـــا
انتبهوا وشوفوا كيف باللعبة ابتدوا
هدية لــــغزة يقدمــــــوا بأعيادهـــا

لما افترقنا من حضر أو من بـــدو
ضاعوا العرب وتكاثروا نقــادهــا
وهلّق إذا ولاد العروبة اتوحــــدوا
كل أرض بتنحمى بخير وســــلام
ان كانوا سوا متكاتفين ولادهـــــا

* * * * * *

موضوع: رد: كرمال غزة !!! السبت يناير 10, 2009 2:08 pm

برحلة رايحة روح الشهـــــامي = على فلسطين وصلت بالختامي
ع غـزة قاصدي تعمل زيـــارة = تعيش القهر أو ظلم الحاخــامي

الغايـة وصلت بشوق وحــرارة = بسفينة شراعـها متن الكرامــي
أملـــها تشعر بهجمات غــــارة = تموت وجبن ماتحصد ندامــــي

اعذروهـا ناوية تسجل عبـارة = ع ألحــان المدافع بالملامـــــــي
وطلبــها ماحدا من اي حــــارة = انتي منين يسألها وشـــــو بدِّك
ويعطيها ع هالرحلة علامي

* * * * * * * * *

وعاشت جنــــب شعب الفلسطيني = تاخـففّ عــنك تـقـلّـو عطــيني
عذابك بحســبو بذاتو عـــــــذابي = نحـنا بفـــرد جبلة وفرد طــينة

شهقلا وقـلها فاقد صـــــــــــــوابي = وحدك بـــس جايـي تدعمــيني
بعملي بالشرق كلن صحــــــــابـي = ولحالك كيـف جيـتي بهالسفينة

قالت قبل ما اعطي جـــــــوابــــي = اتكل ع حــالك بترفع جبيـــنـي
صحــابك بالشرق ناموا ع بـــابي = المجازر دشـروا بـيد الأميـــنة

الكل استنـفروا وشــافــــوا بغرابة = التعدي والخــــــراب بهالمدينة
وبعد مـا المعتدي حـط الإصــابي = ودوا حرام تتغــطوا ومصاري
وعقدوا مؤتمر روسي وصيني

* * * * * * * * *

بربِك قلــــــها ضلك بعـــــــــيدي = تخبي وبالنصر غني لعيــــــدي
لاعنا كهربا ولا ضــــــــــل ميي = واماني بحمّلك قولي لسيــــــدي

اصحى تواخذوني مــــــــات بيي = وخـي زغير والأخت الفريـــدي
يمكن ذنبنا ارفظــــــــــنــا الهوية = نـووا ع بيوتنا نصب المكـيـدي

ومقاتل ماإجى يدعـــــــــم شويي = ونحـنا ما لِنا إلاّ العقيــــــــــــدة
وع لحن القهر بين شمسـي وفيي = نطقــــت بالضاد لكن ياخسارة
تاإندب طفل متوفي ع ايـــــدي

* * * * * * * * * *

ع

هامش القمة

شفت امة
ما بين كسر الحرف والضمي
عبد الله أسم
ألله قـــــــــــــال
شوه الآيي قبل ما يسمي
ومازال
شيخ القوم راعي جمال
بين النصب والفعل
يا عمــــــــــــــــــي
قبل نصب المال ولأفعال
رفاع الفعل بالصوت
يـــــــــــــــــــا أَمي
ارفع الصرخة بوجه ها الأنذال
أكسر الأيد ل سفك دمي
فك الحرف بمعجم الأطفال
غـــــــــــــــــــــزه
جــــــــــــــــــــــــــرح
نابالـــــــــــــــــــــم
يا أِ
مـــــــــــــــــي
غزه يا متكرش ما بدها مال
بدها تشم من الحبق شمي
بدّها شافيز لبسْ عقال
ينزل ع وادي الجهل
يـــــــــــــــا بو جهل
تا يرفعك
ع قمة القمة

» كرمال الأعضاء حط الهجا نسخة عن المحذوف