كرمال الأعضاء حط الهجا نسخة عن المحذوف

نقلت ها الموضوع بعد حذفو من منتدى مشتاوي وبأمانة وبمّا انو منتدى برحليون ما بيقيّد الشاعر اكيد
ما بيوافق على بعض العبارات بس الشاعر لازم يشطح بخيالو وبطلب اذا الشاعر علي عامر بيحب يبدل ايّ كلمة
يراسل الأدارة وما في مشكلة وحريّة هون مطلقة المهم ما يصير في تجريح وانا بالنسبة لألي صدري شرح وما بزعل بالهجا
وهيدا الموضوع

كرمال الأعضاء حط الهجا
سليمان
كرمال عينك يا نمر شبّو *** رح ضل..!!ربّي البعد ما تربّوا
انتا بتعرف بالزجل سلمان *** بيوت الحلا بقوالبو انصبّوا

قلّي شو بدّك من علي خربان *** بحياة ربّك لا بقا تسبّو
الخربان...!!!شوكة مسيّجي البستان *** منها بشهر كانون بيعبّوا

طق القصيدة...!!بموقع سليمان *** واللي بيزعل بالزجل كبّو
ومني هديّة..؟ لصفحتك عنوان *** أضخم هجا عا النت يا أخوان
ونحنا علي خربان بنحبّو ...!!!

لازم تحك الجوهرة..!! تا تشوف *** ان كان سعر الجوهرة غالي
نزّل هجاك اليوم عا المكشوف *** بعرف علي..!! وتحاور قبالي

لسانو العلي...؟بفراشتين سيوف *** وعندو قوافي ..!! بيوت قتّالي
وما بظن رح يزعل ...!!تحفنا بأوووف *** وحط القصيدة كلّها ولا تخاف
قلبو ل علي نفناف...!! بالعالي

علي عامر
بأمرك خيي سليمان ولعيون تاريخ الزجل
يا شعر من جمرك انا محسوب = جذوه فريده بروح ابداعي
وبين البطش والحلم والمكتوب = وبين الوفا والريح وشراعي
زورق جنوني ع العطر بيذوب = لكن على البيمس لي باعي
بحرق اليابس والطري المخضوب = بعقلن الطايش بجهلن الواعي

من هيك يا خيي ابو شربول = ع الحرب ناوي كرامة عيونك
ومن بعد ما نمر بمدانا يجول = ويسكب قصيدو المستوي المصقول
وتفهم قصيدي بكون ممنونك
سليمان
الأنسان لازم بالدني يغامر***ويحرق ورود مفتّحة عا الخد
يا حفاظ أسمك يا علي عامر***يمّا بنخرب عيشتك عن جد
************
أول شهادة خطّك تفتّح***واليوم تبكي...!!! بتربح البكرى
وغموض شعرك بعد ما توضّح***حف القصيدة ..!!بتلمع الفكرة
********
الموقع مفرفح ضل...؟ من دونك***طوّل الغيبة..؟ عمول شخصيّة
ومنشان افهم كل مضمونك***مفروض تفهم بالوما عليي
*******
فرفك لشبّو قبل ما تسبّو***مناخير...!! صارو بالسما قناطر
وقلّو بكلمة ...؟بعد بتحبّو***وناطر ..تا تهجي ..!!بعدني ناطر
*********
لا تروح تهرب..!! من كلام الناس***بتضل...؟ متل البووم عم تنعب
فتّق زرار الورد ...!والأحساس***وخلّي السما ...!لقصايدك ملعب
********
عندك خميرة بس ملحا كتير***خفّف الملح...؟ بتسلم الطبخة
كلمة سفالة.. شيلها..!! وخنزير***ولا تضل بالموقع...!! متل لبخة
*******
بدّك نصيحة...؟ سد ...بوزك.. سد.؟***ان ما كان طالع... من شفافك نور
وللألف...!! لازم ..يا حبيبي تعدّ***من قبل ما تجلغم الريشي سطور
************
بتعرف بو شربل بالصراحة مهم***وايّاك تزعل بعدني بحبّك
شعرك خفيف وفيه تقل الدم***مخربط مربط بالوحي محبّك
*********
مع كل هيدا يا علي موهوب***ومنّك انا ناطر تطق سباع
انشالله نمر شبّو صبر ايوب***يحمل بعد ما ترد عا المكتوب
وعندي ثقة بالشعر عندك باع

طرطوسي
لاتواخذوني جديد بدي شارك
وبدي بردود الشبيبه بارك
ويانمر شو ما قلت عاعامر
بيعرف يجاوبك عالحارك

علي
هلا سليمان يا بو لسان ألوق = من الديدان عم ياخد نشاطو
ي بن ممروض شو مرفوض منطق = ورا النهوض من عقلك سياطو

كتر م تجرّح تخربش علينا = م عدنا نشبك بعنقك يدينا
ولو بتكون مارد كل قمّه = بعمرك ما رح بتقدر ع ليّنا

غموضي شيّبك خلّيك محتار = ورغم تلوينك الأفكار شحتار
ولا تأمر عا اله الإرتجالي = ي عبد مكرسح على بواب هـ الكار
* * *
ي سلمون القصايد والمعاني = شو صابك ليش تتحوّل معاني
وببطشي تعلق وتخسر سنينك = مع العملاق يا فردة أناني
انا موهوب عم قرّص عجينك = وخميره لحنكتك قارض اعانه
وي منطق اندب المزوي جنينك = ابو شربول بشويّة غناني
لانّي بالدّهر ياما جبينك = رصّعتو ي منطق بالأمانه
وجبال الفكر ع شمال ويمينك = محيت وطيّرت قلب الخيانه
انا م نكرت يا ابداع طينك = وسوسو ع التكبّر شبّ فكّر
بجهلو بيقدر يساوي مكانه
صحتين
سليمان

علي كتب
غموضي شيّبك خلّيك محتار = ورغم تلوينك الأفكار شحتار
ولا تأمر عا اله الإرتجالي = ي عبد مكرسح على بواب هـ الكار

مكسّرين متل سنانك

شو ها الوزن...؟ خيّبت ظنّي فيك***فكّرت أنك صرت مترقّى
وعملت حالك عا المنابر شيك***ومنّي البلاغة سهامها تلّقى
خليّك سادد بوزك بخليّك***حدّي..!!! تنقّي الشعر المنقّى
وتا تصير شاعر يا علي بوصيّك***لسانك...!!! بحقّي يغلط توقّى
بتعرف بو شربل عا المنابر ديك***وظبّاط... متل محمد مرقّى
وانتا الوحيد...!! بقيت دم سميك***ل قيم الجرن..!!لا تخاف ما بندعيك
بلكاد قادر..!! تحمل مدقّة
صحتين عا قلبك

علي
اذا مش عاجبك بيكون اريح = وشو فهّم المعتوه بالشردات
ع شوكي دمّك الفاسد مسيّح = يا وحل جثه معبّق الساحات

سليمان ضجّرت القوافي يا عقيم
من كتر ما متعجرف بجوّ الهبل
وقلبك بشمخة صدحتي صاير سقيم
وبتواضعي بالرغم ما انّي جبل

خلص ما عاد بدّي الشعر رخّص = على قبال العرايا المهتريّه
ولا معدة ابو شربول فغّص = ت يبقى ينحسب زلمه عليي

م طاق الحرف مرّه خربشاتك = بيكفّي تضل تعرض شقلباتك
وعن دربي تخفّا يا سلاقي = نباح قصايدك مش عا مراقي
دخيلك عيفنا من فصحناتك

انت لصّ الشمال بوضع زجلي = وبشعرك ريحة البصله وفجله
الورد بقصايدك منكوب مضني = بزفت ما شاف مرّه ربع خجله

الجمر بعوايدك مظلوم يا شب = الخمر بحسايدك محروم كل حب
الأمر بمثالبك مذبوح والرب = زعل فوق الهموم وكل عنّه
ي سوس انطم تحت جنوح دجلهسليمان
بأمرك خيي سليمان ولعيون تاريخ الزجل
وعن دربي تخفّا يا قصايدك مش عا مراقي

طرطوسي
حللو عن هالزمه بقى وكل واحد يتطلع بحالو
شادي
ولك شو هاد انت وياه؟؟؟؟؟
مافي شي حلو غير الوان الخطوط !!!!

سليمان
شاعر كان راعي للمواشي***الملك داعيه تا يخطب عا شاشي
وقلّو أوصف الملكة الجميلة***واذا أبدعت رح بتشوف...!!! كاشي
*****************************
الغايي صار ها الشاعر قبالو***تسرح هالمواشي هيك قالوا
وكلما يدخّن يطلّع قصيدة***ومع العنزات يسرح مع خيالو
************
بلّش يوصف الملكة المهابي***بكلمة ما انعرف ألها كتابي
عنزة ما قدر شحتول ليها***بتحلب يومها اربع خوابي
**************
وبدل ما يجلدو ملك الولايي***قلّون للحرس ضبّوا العصايي
وبدّي عا الحديقة بس جمعة***تودّوا ها لصبي جمعة كفايي
******************
وبعد ما شاف وردات الحديقة***ما نزّل نظرتو عنها دقيقة
سكب أجمل قصيدة شاعريي***وخيالو تخضب بورد الحقيقة
**********
وبدل ما يقول" عنزة قال زهرة***ووصف عرش الأمارة بالحديقة
وشاعر صار عندو اليوم شهرة***بعد ما تعطّر بورد الحقيقة
*************
وهلق سماع
ويا شعّار المواشي لا تخافوا***الورد موجود ما بنسمح قطافو
تعوا وتحمّموا بنهر القصيدة***وبورد الموهبة عبّوا ضفافو

اسمعوا كلمات شادي بلا حسيدي***وعصام العبقري تغطّوا بلحافو
وبلا ما تتعبو بصف الجريدة***بشعر ميؤوس منّو ومن نشافو

وانا شاعر ما برضا مدّ ايدي***على مكتوب بيّن من غلافو
بقوافي مشحترة وفكرة زهيدة***النمل بيفز جمعة عا كتافو

انتا يا علي بتعرف بريدي***واسمك بالمواقع مين شافو
لوما كمّشك يا ...؟؟؟؟ايدي***ما كانو بيعرفوحضرة جنابك
كانو من شكل راسك بيخافوا
تهذّب هههههههه

المارد
المشاركة الأصلية كتبت بواسطة علي عامر
اذا مش عاجبك بيكون اريح = وشو فهّم المعتوه بالشردات
علي الخربان مابيعمر مصيرو -- ولا الالهام قادر يستعيرو
سجالو أكد سجلو عياري - فاسد عجنتو ونازع خميرو
ياعيب الشوم هالكلب الجعاري - يهجي للزجل مرة سفيرو
هجا عصام شاعرنا الاداري - لما للحرب دقوا نفيرو
وكثر ماحامل المخ التجاري - فكار الحلم عاجنابو بيسيروا
هجا بوشربل بموقع حضاري - قدر تربايتو كشفنا يسيرو
انا عتبان عاسليمان جاري - وعلى عصام لو رخص كبيرو
صعبة السيمكا تلاحق فراري - ولاساقي تخوّف البحر وهديرو
كيف تنين عالمنبر ضواري - واسد بالمملكي ونسر بصفيرو
قبلوا ينازلوا شويعر نواري - نوري ابن نوري بيستعيروا
وانا من منطقي مابحب داري- طفل الغشمنة وامثال عيرو
لأنو الفكرّك خرج التباري - اذا سّبك عم يهين المسبي
واذا بيكرمك سخّر ضميرو
تأدب ياواطي عيب والا بتشوف شي يليق بمرباك
طرطوسي
عم تتشاطروا وتتكاتروا على واحد وحدو ..
الذوق بيقول فضوها ..ومضى بقى