طلب خاص من الأخوة حرف وسلمون

انتهينا بموسم العنب الشكالي = واجا ترم الفلاحة والشـــــــــحالـي
وتركت المنتدى بالغصب عنّي = وانا مشـــتـــــــاق للشعر المثـالي

شوهالألوان بين احـــمر وبني = صرتــــــــوا تكتبوا بلون الخيالي
ياذبحتو الشفــــــق مع كل عنة = ياكمشتـــــو القزح من جو عالي

وكنت ع المنتدى طلطل لأنـي = مديــــر وموقعي بعدّو رســـــــالة
اشتقت كتير مع سلمون غـني = المعو ع النت دوم بشوف حـــالي

واهــــــــالي بقاعنا والتيم هـَني = وببرحليــون هالنــسر الشمــــالي
وحرف الكنت عــدّو جزء منّي = وابراهــــــيم يابـــــــدر الليـــالي

عمالقـــــــةّ التحدي تنين هــنـــِي = صانوا المنتدى تايضل غـــالي
وياحرف موكلك تاتنوب عـــني = مابرضى بغيبتي تهين الأهـالي

انا عمّـــــــار مـا بتاجر بفـنّــي = ولابمضــي ع منبر كمبـــــيـــالي
وإلي يا مـــــــوقع الكلمة تمنّي = على البيفلتوا لسان السفـــــــاهـــة
ما بدنا لا صرامي ولا زبالي

* * * * * * *
آملا ان تستجيبو لندائي وذلك حرصا على سمعة المنتديات

مشرف عدد الرسائل : 519 تاريخ التسجيل : 15/03/2008

يا اغلى رفاق إلكن احتـــــرامي = بخـــاطركم ما رح إحني مقامي
كلامي قلت للمرحوم قـــــــاسي = ولغيرو سـهـام عم وجـّـه كلامي

بعثتلو رسالي انكان ناســـــــــي = بتقدر تسألو حاجي تحـــــــامي
قرارك ما رح بقلك ع راســــي = لأني شايفك عامـل محــــــامي

لاتحـــــمي حدا بدو قـــــواسـي = قبلك قلت بعمــــلـّو كرامــــــي
صحافي عملت عم إحبس نفاسي = لأنــــــــو ماقرا شحطةّ قلامي

أنا ماخطيت مع أقوى رئـــاسي = انحسبتو بوش شو عليي ملامي
وضعتو بقصد ع أعلا كراســـي = وقلت تاكرّمو وتشـــوف عينك
عملتو قرد وشلحت الصرامي
==========
أكيد منستجيب للقرار بس عفوا كمان منحب يكون بلا تحييز وعلى حق

أماني ياليالي الصبر هاتـــوا = الصبراوجب ع حرف وعنعناتو
نجم بالمنتدى وجوو تمـــــدد = وسمات الحرف معروفة بسماتو

تفلسف بالزجل طوّر وجـــدد = عامــــــــــل ليث ومكشر ناباتو
قبل ماديـنـتـو عن حق ســدد = سرح ماصوّن بحرفو غابـــــاتو

وعند مانبلتو ع الكل ســـــدد = كسر عين القوس من مكرماتــو
وبقلب المنتدى هاجم مــــودد = شاعر عبقري كبيرة صفاتــــــو

اجا ابراهيم غيم الجهل بـــدد = وهاج الحرف تايبرز غايـــــاتو
قرا رد الحرف لكـن تـــــردد = بذات المستـوى يشلح عبـــــاتو

طلب منك تمحّي شي محـــدد = الجريمة وين ياحرف بعاداتـــو
بترك المنتدى ولا يوم هــــدد = وابن المنتدى خييك وخيـــــــي
البيحبوا المنتدى وعليه فاتوا

* * * * * *
كنت أتمنى ان يكون الرد ضمن مساجلة شعرية
وليس ضمن هذا الاطار أرجو ان تفهمني ولو لمرة واحدة ياحرف

مشرف عدد الرسائل : 519 تاريخ التسجيل : 15/03/2008

ياعــــــمار إسمع يامــــديـــري = انا ماطلبت اتحــــدى العشيري
تحداني صديقك عن جــــكـــارة = وطلب مني تامحّي بهيك ديري

وانا هددت اترك عن جــــــدارة = وبرغم المنتدى بـّعدّو سفــيري
لكن انت كرمــــــــــــال الإدارة = اذا رح تتركــــو يمكن بســافر
وسما الألهام بتصفي حصيري
===========

لهاالأسباب دمعك لاتهـطـّــل = لأني مـــاقبــــلت ع الغير عطـِّـل
حتى فقع تبكوا ع غـيــــــابي = وكل المنـتـــــدى يصفي معـطـّـل

وعن المرحوم بحكي بالنـيـابي = هوي اللي اعتدى وواقـف مسطل
كلمة ماحكي سلبي واجـــــابي = كأنك باعـــــــثو مخصوص حتى
فيي يحركش واترك وبطّل
===========

اطردني وحطني بقلب النزارة = بلا الأشراف مــاعـندي خسارة
بفضل فل من جــــوي واوقع = ولايقولوا خسر لــما تبـــــارى

انا هددت اترك هيك مــــوقـع = وانت هددتـــــنــا بترك الادارة
شوفي فرق حاجي قهر تفـــقع = انا بطلت ياعمــــــــــار داري
وإسمع من حدا بيحكي جكارة
============

حلـمت لقـمــــان نـادى ياطـبـيـبي = ياشـمس الحــق طلي لا تغيبي
فتحت بالشعر عينين المعـــــري = وبدون ثيــــاب مابلبس حبـيبي

أنا مابهدد وبترك مقـــــــــــرّي = وإذا تركت الأدارة مش معـيــبة
يمين قسمت مابينباح ســـــــري = طمع فيي اللي أطوارو غريـــبة

وعن بحري غبت وشطـوط بري = وتركت المنـتـدى عني غصيبة
لقيت الكان جوي صــــــار بري = ندمت كثير وكـّلـــــتو بغــيابي
مش قد الحمل عامل مصيبة

* * * * * *

كفاك تهدد بهدم الإمـــــــــــارة = لأنو المنتدى حروفو حــضـــارة
مابيرضى بحرف أهزل صفاتـو = اللبيب بيفهم بلغز الإشـــــــــارة

انا ع منبري العقـّال فاتــــــــوا = ومع الشعـــــار تفكيرن تبــارى
بلا التجريح مايبرز غاياتـــــــو = النصر محتوم للحنكة بشطـــارة

انا ابراهيم بعرفلو صفاتــــــــو = جــاري ابـن هالأرض وجوارة
مابيجهل بشعرو واجباتــــــــو = ولا معتــــاد ع رجوع الخسـارة

وأبو شربل عطارد ع سواتــو = وخلق للشعر والكلمة منـــــــارة
بشعرو قادر يحقق مناتـــــــو = الصخر بيزيح عن بـاب المـغـارة

ولأنو المنتدى كثروا هواتـــو = بحيي الكل أعضـــــــــاء وإدارة
شاعر كل فرد طالع بذاتـــــو = ومجرة للسمـــــــا ساروا بمدارة

إلا الحرف زادت سيئاتــــــو = بكلام رخيص تاسجل عبــــــارة
عييبة الفــكر تايغفي بسباتـــو = بموقع للزجل والـشاعــــــــرية
خلق للشعر والكلمة سفارة

* * * * * * *
شكرا وباي ياحرف

بوافق معك يا عمّار...

كفا يا رفاق موقعنا قتالي***تعوا تا نعيد مجد الأرتجالي
ألي يومين اتعذّب ببحصة***وانتو هون عم تحكوا رزالي

يا حرف اللي عطاك تدير رخصة***حرام تكافؤو باللا مبالي
ويا عمّار ليش تجنّ أخصى***أخصى عليك يا شاعر خيالي

انا بعرف زنود الحرف رخصة***وما فيه نهار يتنمرد قبالي
واذا عملنا بها اليومين أحصا***بيطلع نص موقعنا جواهر
ونص اللي بقي تبر ولأالي
يا شباب روقوا الصحة أهم شي ما في شي يحرز بلا تعصيب شباب

سلامتك يا سليمان

تسلم دكتور كوبيلو

كانت معي..! بمحل زغرورة***بحصة وتا تطلع أندر ندورة
وضليّت جمعة أعمول فحوصات***بمشفى ب cagua كتير مشهورة

والمصل علّق كل يومي وهات***نوبات فيها ريحة قبورة
وشو بخبّرك عن شكل ها النوبات***بنقوول ..؟لوما تكون محضورة

الغايي عليي تجمّعوا ممرضات***وأبرة بايدي تشك أمورة
والعرق ساعة طلع ساعة فات***والناس ..؟تسألني...؟ اذا ضرورة

ومن الوجع والاخ والعنّات ***جبيني الما حنيت يوم...!!محرورة
ودكتور قلّي...؟ ويرحم الديّات***عملك شي صورة ..!!تانية ضرورة

وعملت صورة...!! وبيّنوا البحصات***بناضور...؟ شفت الموت بالصورة
انشالله البحص ما تحملو الحيّات***ولا في عدوّ يدوق نوباتو
وما يضل بحصة بجسم محصورة

cagua مكان الأقامة بفنزولا

الحمدالله عا السلامي.
بس بعد ما سمعت قصتك مع الممرضات الحلوين أكيد صرت تتظاهر إنك موجوع تا يخلوك حد منن بالمستشفى.
ها ها ها

بو شربل وين تفكيرك تحرى = نشالله البحص مـش عامل مضرة
دخيلك طل لا تخيّب امـــالي = بغيــــــــابك كـلنا مننسى المسرة

يابدر البشعر خلقان عــــالي = سطـــــع ع النت إسمك والمجرة
وطيفك مطرحك بيضل مالي = ع عرش القلب من جـــوا وبــرا

كشفتك ع محك الارتجـــالي = بظروف الطيبة وظــــروف مُـرة
غيرك ماحدا فات بمجـــالي = ودرة يحط شفت قـبـــــــــال درة

فتحت النت ابعتلك رســـالة = إدعي بخــــــــير تبقا و نفس حرة
سلامةّ قلبك وتشفى ياغـالي = وبسرعـــــــة تعود نحنا ناطرينك
لاتترك منتدانا بعد مرة

* * * * * * * *