قصة المسمار

صدفة بكزدورة بقلب الدار......وبجنب داري مشلقحين حجار
شفت معمرجي بايدو زميل..... وبايد حامل مطرقة وبيكار

ومسمار بين المطرقة والحيط.....بيقول آخ وليش عيش زليط
لنّو تا اتغطى ربطولي خيط.....بيجلس الحيط بلمسة العمّار

وللي لفتلي نظرتي يا ناس.....المسمار عامل بالعقل وسواس
شو قولك المسمار في احساس .....شو قولك مخبى بقلبو سرار

قدما ضربتو ما بيفضح سر.....ومهما عليه خشاب عم بتمر
لو بالغلط مرّة عاايدك فرّ.....يتفضح سرار للي اخترع هالكار

المسمار ليش تا نحكمو اعدام.....مش عدل يتحاكم بي هالأيام
نصوّب عليه المطرقة باحكام.....وبالظلم ياكلها بلا انذار

المسمار لو بيغز شي غزّة.....ما منحمو بالسجن بالمزّة
نحاكم رصاص الغدر عا غزّة.....المسمار شو ذنبو بيهالمضمار

شوفو بتاني بلاد شو بيصير.....بي قدروا صغيرن قبل الكبير
ومنشان هالأسباب نجحوا كتير ..... واتطوروا علينا وصارو كبار

ونحنا العرب لو شوي منفكر.....بتعتيرنا اللي زاد ومكتر
لو متلن المسنار منقدر.....منتفوّق عليهن بلا مقدار

بسمار قدروا يعمرو ابراج.....وتالمجد يبقا عمّرولو سياج
وهنّي اللي قدرو يشلحونا التاج.... ونحنا بآخر همّنا شو صار

نحنا منبقى نتعب ونشقى.....ومحلنا عم نركض منبقى
ومناكل الخبطة ورا الشبقة.....ومنقول هيدي حكمة الأقدار

منرجع منغلط غلطة التاني.....ومنوقع بأعذار رنّاني
ومنجيب مسمار الأمركاني....وعنا الدني مسامير ملياني

ومنحملو بالقلب يا جاني.....و شو ذنب هالمسمار تايعاني
وبيرم على حيطان عمراني....ومنقول ما عم يدخل بهالحيط

............يمكن لتاني حيط هالمسمار