إخوي بالمهجر واعداء بالوطن !

ابن لبنان دوختني فكــــــــارو = بأرض الغرب فارض إعـتـبــارو
امّا بموطنو بأمرو احترنـــــــا = عامل فوضوي مقلل وقـــــــــارو

وبعد التجربة نحنا سافرنـــــــا = قانون المهجر منحفظ قـــــــرارو
ولا مرة بّعضنا برّا غدرنــــــا = الواحد خي للتاني بخـيــــــــــارو

نحنا شعب قدموسي عبرنــــــا = بحور اللي سقــوا الكون ومـدارو
قبر اللي اعتدى علينا حفرنــا = وبـصخـــــر جنـوبنا قطعنا خبارو

حملنا جروحنا بدينا وصبرنــــا = وأهاليــنـا ما بعرف ويـن صاروا
ورغم مابرمز وحدتنا اختمـرنا = إيــمـــــــان الخمر دلدقـنا جرارو

وبعد مابحرب تموز انتصـــرنا = وهدف ماحقق الخـصم بدمــــارو
انتقم من طفل عم يحمل حجرنا = تايعرض ع الجزيـــرة انتصـارو

نحنا بإسم مــوطنى كبرنــــــــا = بقـي رمز الحضـارات بمســـارو
بقانونو عار والعيبة كفرنـــــــا = ونسينا عارنا بـينعد عــــــــــارو

بالمهجر سوا من بعض غــرنا = مثالي فردنا بـيــــحب جـــــــارو
وقانون المهجر بأمـــنـو جبرنا = نحافظ ع الشـوارع في ديـــــارو

وتانرجع ع الوطن يامــا نذرنا = وبعد ماجسادنا من الغرب طاروا
مابعرف ليش في لبنان صرنـا = نكـــــــــبـّر راسنا بدين وسـياسي
وسوا الدخان نرميلو بمطارو

* * * * * * * *

حلو عمار، موضوع مميز، وحطيت الأصبع على الجرح، هيك بدنا مواضيع جديدة ومشوقة ومعالجة شعرية ممتعة. تهنئتي التي تستحق.