صعب التغيير

موضوع: صعب التغيير الأربعاء يناير 28, 2009 2:52 pm

بلّشت حسّ بنقص من اسبوع
و فكّر بحالي ليش متغرّب

يمكن لانن كتّروا الممنوع
و خافوا عليي كتير اتجرّب

بعرف يا عمّي حقك المشروع
تحافظ على الارزاق تتخرّب

بلبنان كنت بتعرف الموضوع

بعمل شو بدي كنت متمرد
بلبنان كنت العز متشرّب

بدك تطوّل بالك عليي

الواقف بوجّ العاصفة وناطر

يمرق حلم يرسم ل عمرو حدود

كتار البيـــقــــولوا ســـــــافر الشاطر

لــــــــــــكن ما عرفوا أشطر البـيعود

وهيك الدني يا شامخ العالم بتحكي

بتعرف المشكل وين يا سلمان
حكيك صحيح و باهظ الكلفي
لاكن في كلمة نقالت بلبنان
هربنا من المذراب للدلفي

ههههههههههههههههههههههههههههه

موضوع: رد: صعب التغيير الخميس يناير 29, 2009 1:31 pm

المزراب فيك تحوّلو ملايين

ان كنت زلمة وكلمتك بالوّش

لكن اذا بتكون يا مسكين

مأّنت بِِنقطة زغيّرة بْتّش

ههههههههههههههههههههههههههههه

موضوع: رد: صعب التغيير الخميس يناير 29, 2009 1:56 pm

القصة و ما فيها ضايع الشنكاش
و الحق باطل سكّت الكلمي
هون الزلم بتروح سعر بلاش
و الجبن صار سلاح للزلمي

موضوع: رد: صعب التغيير الخميس يناير 29, 2009 4:30 pm

خليّك نايم ب حضن أمّك

تا نشوف كنّو بتنحسب زلمة

وجهّز وراقك لا بقا يهمّك

وان كنت زلمة نفّز الكلمة

***********
ههههههههههههههه

موضوع: رد: صعب التغيير الخميس يناير 29, 2009 5:48 pm

معروف عنّي كامل مروّة
بكامل رضايي صامد و باقي
و ان كانت الشغلات بالقوة
بكرا عبكرا مجهز وراقي

هههههههههههههههههههههههههههههههههههههههههههه

موضوع: رد: صعب التغيير الخميس يناير 29, 2009 5:59 pm

جهّز وراقك فل وتوّكل

وبكرى مع الأيام يا تشتوش

بتحمل فرد أحزاب ومنكّل

وبتعيش بالغابات متل وحوش

*******
وللموت صوتك بايعو تا تعيش

وبتضل خلف البيك والمسؤول

ناطر الذل وحسنة البخشيش

ومبهول يا شامخ انت مبهول

هههههههههههههه

موضوع: رد: صعب التغيير الخميس يناير 29, 2009 6:39 pm

انتو يا ماضي سلاح و المدفع
غلطو و اكلتو حصرم بتشرين
و نحنا ياحسسرة منضرس مندفع
و انتو عن الاغلاط مسؤولين
****************
كل اللقلتو صاير بلبنان
كنت الزعيم بتحلم بطيفو
واللي بياكل من خبز سلطان
مجبور يضرب بالدني بسيفو

موضوع: رد: صعب التغيير الخميس يناير 29, 2009 6:55 pm

شو باك راجع تلعن الماضي

بعلمه برجعة موفّقة موعود

وبعيشتك لو كنت مش راضي

لازم تشد بغربتك تا تعود

خلّيك متل الشمس سجّادي

تستقبل النجمات لمّا تفوت

بعرف انا خلقان ببلادي

لكن ما بعرف ويّن بدّي موت

موضوع: رد: صعب التغيير الخميس يناير 29, 2009 7:31 pm

طبعا انت غلطان با عمعوم
لا لعنت او سبّيت بالماضي
لاكن انا بالعكس حقّي لوم
لعل حرب اصبع بصّم وماضي
***************
و ليشي حتى تموت متخرسن
و تمك ب.بفرد..مسكّر و مقفول
بدك نصيحة تنتقي الاحسن
ولا تكون جدبي بالدني و مسطول

هههههههههههههههههههههههههههههههههههههههههههههههههههههههههههههههههههههههه

موضوع: رد: صعب التغيير السبت يناير 31, 2009 11:55 am

زعلان ليش معصّب مبيّن

تا تهين ماضي يرحم الماتوا

بيّك تا تدخل جامعة تديّن

والملح شحدو وباع ارضاتو

*****
خلّي طريقك شوك ملياني

تا تصير زلمة وتزرع الوردات

الغربة ما بدها ولاد جهلاني

بدها رجال تجّمع الليرات

***** هههههه

موضوع: رد: صعب التغيير السبت يناير 31, 2009 12:29 pm

هون العتب عا سنين ضاعت هيك
و ليرات صرفوا بيك وبييّ
أبني ما بقبل اصغر من البيك؟
وكرمال أبني ببيع عينيّي
***************
ويني انا قدّام أبن البيك
بالعلم يمكن اسبقو شويّي
بس الحفا عم شوف بوط النيك
لو كنت أعمى أهون عليي

موضوع: رد: صعب التغيير السبت يناير 31, 2009 12:53 pm

قديّش قلبك بالحسد مسوّد

وما عرفت انّو المال بدو يروح

الصحة يا شامخ تاج ما بينعدّ

والعمر أغلا من كنوز الروح

*********
خليّك واعي وحسّك قروشك

ولا تشوف غيرك والحسد يعميك

وعقلك لا يبقا براس طربوشك

واعمول جهدك تا تصفّي ديك

ههههههههه

موضوع: رد: صعب التغيير السبت يناير 31, 2009 3:39 pm

حتَى الحلم ممنوع احلم ليش؟
اجمع مصاري و كبَر الجيبي
بيكفي انحرمنا من سنين الطيش
و تا نجن نحنا ليوم مش عيبي؟
****************
كرمال حلية مرصَعة بالعاج
فيل نقتل تالست تلبس شيك
و لوما حلم انسان ياكل جاج
ما كان تعب و كبَرو للديك

موضوع: رد: صعب التغيير السبت يناير 31, 2009 4:18 pm

ديك الدجاج الضل فوق القن

مش ديك عايش خلف سبع بحور

بيعقل اذا بيشوف أو بيجن

قرقة عليها بينركب بالزور
ههههه
*****

من هيك يا ديك الحبش خلّيك

كابت جنونك تا تشوف القن

وتا تضل عايش بالمواقع ديك

ايّياك مرة للدجاجة تحن

خخخخخخهههههههههههه

موضوع: رد: صعب التغيير السبت يناير 31, 2009 5:09 pm

الله خلقنا ديوك بالميدان
لا تدين الله بعمرك و تعصيه
وتمنع الديك يوالف الجيران
واجب عليك تربطو و تخصيه
*****************
حلمي نسر خطط بريشو نجوم
و منقار علّم جرح بالغيمة
هوني الفلافل ارخص من التوم
و اطيب فلافل اسال نعيمة

خلف البحرعبّي التعب رسمال

ونقّط حروفك لوّن الكلمة

خليّك عايش بالغرب رجّال

ولا تروح تعمل يا بطل زلمة

*******

شو باك حالف تاكل متبّل

ونسيت كل العمر شو صابك

وطعمة الرشتا وتين المهبل

هودي بيشدّوا عزقة ركابك

وقديما قيل " البرغل مسامير الركاب"
ولكن لم افهم كيف يقدر شامخ على خصي الديك?!

عزيزتي ليلى شامخ تكلم عن ديوك الشعر

شوفوا التناقض بالحكي معليش
لاتكون زلمة و اشتغل رجال
ولمّا الرجولة بتندهك عالجيش
بعزّي وكرامة اشتغل دجّال
******************
بعمرك شفت شي نمر بينوّي
و الديك بايض بالزمن بيضا
لفتيل عندو شمع بيضوّي
و اركلت انت بفحمة البيضا

المعتاد يسكر بالدني بلا كاس

ما فيك انتي تحاسبو بتتعب

وشفلي شي شغلة وروح يا بن الناس

جلادي ما عندي بطّلت ألعب

هههههههههههههههه

رد موفق لشامل، بس ليش سليمان عم بقول ما بقا عندو جلادي، قولكن: " الهريبي تللتين المراجل"

موضوع: رد: صعب التغيير الأحد مايو 10, 2009 11:36 am

سليمان من حيثك ملك في موقعك
جاي عا بالي تشتشك او دلعك
ونازل على الميدان هلق بو علي
من منتدى الاسياد حتى يقلعك

منتدى برحليون اللي بيحوى شعار متل شامخ و عمار و شادي و حرف مش رح يقبل مدير متل سليمان اجا التغيير حط ايدك بايدي يا حسون و عليهم

سليمان كتب:: المعتاد يسكر بالدني بلا كاس

ما فيك انتي تحاسبو بتتعب

وشفلي شي شغلة وروح يا بن الناس

جلادي ما عندي بطّلت ألعب

هههههههههههههههه

تعبان اصلا بالدني بلا كاس
و عا شيخ متلك بطلت اعتب
مازال سكري و فاقد الاحساس
تركتو لهاني اهضم و ارتب