صعب التغيير

موضوع: رد: صعب التغيير السبت مايو 16, 2009 10:29 am

خليّك يا صوص الزجل خليّك

مع صوص متلك عيشتو مرحة

طير الشؤوم ما يوم صفّى ديك

وطير السلام بيسرق الفرحة

موضوع: رد: صعب التغيير السبت مايو 16, 2009 10:52 am

hany nassif كتب:: سليمان من حيثك ملك في موقعك
جاي عا بالي تشتشك او دلعك
ونازل على الميدان هلق بو علي
من منتدى الاسياد حتى يقلعك

منتدى برحليون اللي بيحوى شعار متل شامخ و عمار و شادي و حرف مش رح يقبل مدير متل سليمان اجا التغيير حط ايدك بايدي يا حسون و عليهم

بعدك يا هاني بالزجل تشتوش

ما فيك توصل.... لا مواصيلي

شعري حلا...!!! بالمنتدى منقوش

والفن من فضلات أزميلي

شعر الزجل منّو أكل منقوش

ولا لحم زورة وشقفة فتيلي

شعر الزجل بركان هد عروش

وألهام شاعر ...؟وصف تجميلي...!!!

يمكن اذا بيشبهوك ب بوش
بتطلع يا هاني بعد تحليلي

ثعلب شعر عايش بغاب وحوش

وجبلة...! بموقع شعرنا تقيلي

لا تفتكر ورد العمر مفروش

شوكة المصايب جرحها متيلة

خليّك يا هاني... بوجه بشوش

تستقبل الأيام...وادعيلي

وخبّر بو شربل بالزجل قاشوش

بيقش شعّار المواقع صار

وما في حدا بيوقف مقابيلي
[center]

موضوع: رد: صعب التغيير السبت مايو 16, 2009 11:23 pm

خلينا نشوف رد هاني

موضوع: رد: صعب التغيير الأحد مايو 17, 2009 1:30 pm

تروى يا بو شربل كفا تدق النفير
قبالك ملك جبار ما بيرحم اسير
ان ما كنت متلي بتغزل بمغزل حرير
حدك ديار جهنم و بأس المصير
باسف عا شاعر ظن حالو شكسبير
و جايي بخيالو يباطح النسر الكبير
سليمان تا تصفي متل اسمك شهير
لا تروح صوب الملعني ضلك خطير
و سعدك يا حظي لو طلع عمري قصير
افضل ما اعرض جوهري فوق الحصير
وعيبي على الربا فطاحل بالزجل
يتفركش بفركوح عالمنبر زغير

موضوع: رد: صعب التغيير الأحد مايو 17, 2009 2:06 pm

قبل ما قول للعركة القوية
هلا و يا مية اهلا يا عينية
اسمحلي يا حبيبي اليوم اسكر
و اشرب كاس ارزتنا الصبية

و نادي عا سليمان الموقر
و قلو قبل ما تحتك فية
بدك عزم مارد هون اكبر
من افكار متلك مهترية

بدك جود كسرى و بطش عنتر
و نفحات المعاني الحمدانية
و بدك مجد فخر الدين عنجر
يمكن وقتها توصل عليي

وبعد ما تجيبهن افتح شي دفتر
و سجل كم كلمة واقعية
ونادي رب هالكون المظفر
الليلة يخلصك من تحت ديية

كنت عا ارض كوسبا ضل احضر
وانا و البدر تا ندردش سوية
وكتر ما عربش لعندي تا يسهر
سجدلي وقال عليني شوية

إنت بتقول عنـّـي عالـمـكبـّـر
إنـّـو جبلـتي تـقـيـلـي يا خيـّـي
هيدا تقل مـجدي يا زغـيـّـر
الـ سوى عالضـعف ما بتـعـمل مطيـّة

و تعى يا مدعي عا هيك منبر
انا وياك تا نحل القضية
صحيح القلت عنو انت اشطر
بفن الطبخ مش بالشاعرية

واذا بتبقا بهالمنطق الاعجر
حرام تقول انك انت شاعر
انت لزقة عا منبر عبقرية

بحر الزجل والمرشح عا النيابي زيحووووووووووووا هههههههههههههههههههه

هاني ابن ناصيف بلّش حرتقة***وسيارتو بالشعر غمّة محرتقة
ولمّا عرفني مرشّح على المنطقة***وبيني وبين الناس موجودة الثقة
حملة من الأعلان جهّز وارتقى***يخربط مع الجمهور بالمشكل لقا
لزقة بو شربل بالزجل لزقة حكيم***وانتي كراسي عا الفخاد ملزّقة

خسارة يا هاني فيك حبّة خردقة***ولا تفتكر فيك البحور مشردقة
حاولت أني شرّقك بالملعقة***لكن يا هاني رحت
كبش المحرقة

هههههههههههههههههههههههههههههههههههههههههههههههه

يا ليل وديلي ملوك المرجلي
لا تزعج مقامي بهيدي المهزلي
يا خجلتي من هالمعاني المخجلي
يا خجلة الموقع بهيدي المرحلي
حكيني شعر حاجي تجني و بلبلة
وحاجي عا مسخرة المعاني تعتلي
وهلق يا بو شربل تا انهي المسالي
ما بين لزقة و هيك لزقة ماصلي
كرسي انا ملزق على جناب الرئيس
تا يضل عالامجاد عالي المنزلي

ما في ولا كتلة بتقدر تثبّت رأيس***حتّى اذا بيكون عم يحكم ابليس ههههههه
الحاكم ما فيه يكون بالمجلس فريس***بيصير عهدو مخلل وسنتو كبيس هههههههه\
وها الكرسة اللزقّتها يا طلطميس***خليّت عهدك يدبل ووضعك تعيس
يوم التنين الكان يا ريّس طرف***ما فيه يوقف بالوسط يوم الخميس
ههههههههههههههههههههههههههههههه

حلوو يا بو شربل مع انني ما بوافقك الرأي يلا يا هاني قلبي دق

عممكون امطانيوس

يا ريت يا سليمان بتصفي حكيم
و بتكون متل سميك بعهد القديم

وهالريس الي الحكم عندو مش سليم
من حيث غيرو استاسر بحكمو العظيم

و انت ما كنت عملت ريس موقعك
لو ما على كم شخص عم تعمل زعيم

يا قاصد تعقرب وصولي البرلمان***وجايب معك صيصان ما منها أمان

خليّك واضح بالخطاب ولا تبان***حيّي يا هاني شارب عليها الزمان

أسمي النبي سليمان ما بيهاب جان***وأسمك هوان وبرفض ووصول الهوان

جايب مصايب تخرب المجلس معك***شكّل لوائح كامل وحاجي جبان

هههههههههههههههههههه

عامل زعيم بموقعي وعندي مكان***ولوما وجودالملك ما في صولجان

بدك على التشكيل تكرم يا حبيب
رح شكل لوايح و ما ممكن تخيب
وبتقول يا سليمان جيب و شو بجيب
من موقعك رح جيب حسون الاديب
و عمار جنبو لحرب شاعرنا النجيب
و من عند هيفا ان كان ظنك رح يخيب
رح جيب يا سليمان فادي العندليب
وحكمة مع ابراهيم هالشهم اللبيب
وخلي بتاني يوم بعد الانتخاب
ها الشعب يا سليمان بيهز القضيب

بحر الزجل ومرشح عا النيابي زيحوا هههههههههههههههههههههههه
بو شربل

بيّنت أنك مدعي ببيت القصيد***وجايب معك نوّاب جاررهون بأيد

وين الشعب تا يقيّدك وين الرصيد***وين السياسة الصادقة وحكم الجديد

بيعيّنوكون بالهواتف والبريد***ولا يوم قلتّو لأ ضليّتوا عبيد

انتوا جماعة معوّدين على العصا***ونحنا صمدنا بوج كل كل غازي عنيد

إنها بجد معركة تشكيل اللوائح... وأهنؤك يا سليمان على هذا البيت الرائع:
"عامل زعيم بموقعي وعندي مكان***ولوما وجود الملك ما في صولجان