خايف

موضوع: خايف الثلاثاء فبراير 10, 2009 2:22 pm

رباعيّات - خايف

خايف من النظرات يا أحلى قمر
تكوي صفا النيّات بعباب الشجر
وخايف نسايم فجر أخوت ع الهدا
تجرح غيوم وتفضح سرار المطر

* * *

خايف من المجنون بالقلب العنيد
يمحي وفاه عيون ويقهقر وريد
وخايف حنايا تجر عا دقن السما
وتنثر خدود الوعد عا صدر الحديد

* * *

خايف من التعتير لو مدّ النوى
وشيّد ع كتف الشير أبراج العذاب
وخايف وميض المر لو حلمو هوى
بيدوّنولي الجرح في سفر الضباب

* * *

خايف على شويّة طفالى ع الدروب
ما يلحقو يكاغو لدمعات الغروب
وخايف على ضلوع الأمومه يا زمن
وخايف كتير كتير ع صحاب القلوب

موضوع: رد: خايف الأربعاء فبراير 11, 2009 4:46 pm

حلوووو يا علي

موضوع: رد: خايف الأربعاء فبراير 11, 2009 10:45 pm

سليمان كتب:: حلوووو يا علي

بلش يحكي إيطالي كتير منيح يا علوش

موضوع: رد: خايف الأربعاء فبراير 11, 2009 10:56 pm

صدقني أستاذ حسن إذا قصد علي بيجبا من تم السبع أي من تم سبع القواميس والمعاني.

موضوع: رد: خايف الخميس فبراير 12, 2009 1:13 pm

الاخوه الغوالي

سليمان حسن وليلى

ممنونكن من قلبي ع المرور الرائع

دمتم بخير

موضوع: رد: خايف السبت فبراير 14, 2009 7:05 pm

layla كتب:: صدقني أستاذ حسن إذا قصد علي بيجبا من تم السبع أي من تم سبع القواميس والمعاني.

يا ليل لي ليلى مَعي غَنِـــيـلها .. ما زال كحل المَعرِفي عا مــيـِلها
الكلمي العَويصة لو عَلي بيشيلها .. بيشهقلها القاموس بــــــيصليلها
ونحنا ما عِنا شَكْ بقدرة علـــي .. صنديد من قلب السبع بيشيلـــها

موضوع: رد: خايف السبت فبراير 14, 2009 7:43 pm

يا كوتاراني وجود ليلى هو كفيل***يغيّر علي كلمات ها الشعر الجميل
الأشراف قيمة ومعنويّي يا زميل***وما فيك تقطع خيط من شمس الأصيل
وعنصر نسائي فات عا ها المنتدى***معناتها تشجيع للفن الأصيل

موضوع: رد: خايف السبت فبراير 14, 2009 9:10 pm

حـــسون ما غَــــيرْ يا شاعر موقفو ... للمُشـــــرفي خفــقات قلبو بيوقفو
بدي علي من الشوك حقلو ينــضفو ... وعنصر نسائي بالنقد تا ينصفو
كَنو بنت أو شَبْ تا شوفو إلاه ... بيشرفُوني اللشَرفو والأشــــــــــرفو

موضوع: رد: خايف السبت فبراير 14, 2009 9:36 pm

حسن كوتراني كتب:: حـــسون ما غَــــيرْ يا شاعر موقفو ... للمُشـــــرفي خفــقات قلبو بيوقفو
بدي علي من الشوك حقلو ينــضفو ... وعنصرشبابي بالنقد تا ينصفو
كَنو بنت أو شَبْ تا شوفو إلاه ... بيشرفُوني اللشَرفو والأشــــــــــرفو

موضوع: رد: خايف الأحد فبراير 15, 2009 8:31 am

ليلى انا بحفظ بروحي جميلها = وبعلّم النجمه غزل تحكيلها

حتّى على مطلّ الوفا اللي بنورها = يركع قمر نيسان لقناديلها

وصوره فريده بكوثراني مكلّله = ومعمّده بنزوة عطر القرنفله

ومن اعتق سرار الدّهر كلمة شعور = بيشيلها بالفلسفه خيّك علي

وي طراد هـ الموضوع ما هوّي جديد = وصرلي شهور معتّقو بجرّة نبيد

عرفتك ملك للموهبه وعرشك وفا = وحبرك خمر سيّال من نبع القصيد

» خايف من شباط