وينك خيي حسن

اذا قتل عالجبهة عال احسن ما يكون بقصور الملوك

اعذرني اخي حسن مشغول كتير

وما حدا بيسترجي يقتلني

وهاني بيعرف يحكي من بعيد ما بيعرف يتحدّى

سقيت الحلم من نور ايماني = روحي بحب الخير ولهانه

وحتّى ي ابن الكوثراني تجود = خود الحكم من قلب انساني

السلم بضمير بعافيه مسنود = بنحله مع الوردات علقانه

والحرب كوثر ما بيوفي وعود = مجافي الامانه بنفس تعبانه

الدمّر بمنطق نار والبارود = ودبّح بحربو ولاد قصرانه

غير اللي عمر وبزند ممدود = سلمو ت خلا الشمس فرحانه

وحضرة جنابك انت بكفي تقود = مركب جمال الوهم عمياني

بقاموس هـ الدنيي بعلم الوجود = بالسلم تقفي طيوف حزنانه

وبكل شرع ودين شي مسرود = نار الحرب تنكيل وخيانه

من عهر قلبك والجهل بيسود = حرب البلا يجني على ديانه

ومن طهر قلبي بيظهر المحمود = ورمز التقى باخلاق منصانه

شبعنا ضحايا ودم يا مبرود = وناسي عدل من حق ربّاني

اصحى من الغفوات يا نمرود = وانسى الكفر وهموم تلفانه

الملك اللي انت مبهدلو بعنقود = كرمة اصاله ترعرع مجاني

وبشّارك الناسي شكل الحدود = مجرم عصابة حرب جربانه

لمّا النبي حلّ بعصر الجدود = الغى الجهاله بدين علماني

وعيسى انصلب عا قد بذلو جهود = لجل السلم من روح ديّانه

شو باك ضايع هيك ع الجلمود = عم تكسر قزازات دنقانه

ان ضلّيت حامل هـ النوايا السود = بكرا السما بتحاسبك والحرب

بترضيك اوّل قلب جبّانه

شكرا ع الجوله خيي

له يا خيي علي شو بنا عفوا استاذنا حسن بس هيك ما بدي اقطش موضوعكن بس علي قال انا بحكي من بعيد ما بعرف اتحدى و ما بدي اتحدى هيك تا ما يقولو سكت و ما جاوب عفوا خيي علي اذا قطشت الموضوع

دخيلك يا علي روق يا خيي
شو صرلك قول لا تقرب عليي
اذا حسون قرصلك عجينك
انا ما برحمك وحياة بيي
انا يا مدعي بحلف بدينك
اذا بجولة زغيرة شاعرية
انرحمتك قول شفقة على سنينك
ما بدي بعد ما حسون دكك
اجي و اقضي عليك و عالبقية

ولا يهمّك خيي هاني

ي هاني بعدك بهـ الكار قاصر

وجنوني ما بيقسى ع الطفالى

انت معتاد عا هزّ الخواصر

وقدر م تهب يا سيد الكسالى

بتبقى بجولتي فقر العناصر

وانا المليان من الله تعالى

بدمّك حيط ليل الشعر قاصر

و ع اسمي ما حدا استرجى تعالى

يا علي وحياة هالرب العلي
حاجي تجني عا ملوك المرجلي
معروف عني بالوغا ببطش كتير
و مش فارقا انكنك علي او بو علي

يا ابن ناصيف الحروفك مخجله

لا تضلّ تحلم عا قبالي تعتلي

شاعر انا لبطشك وكرشك بسحقن

تا علّمك ع الشعر بعد المرجله

مينك انت تا تعلم ملوك الكلام
و انت مش موجود بعيون الانام
و كل البشر من بعد ما شعرك قرو
قالو حرام الشعر يا عالم حرام

البيطالعو شعري بشعوري بينعمو

واللي قروك قلوب وعيون انعمو

ملوك الكلام تفضّلت يا مدّعي

وحروفنا بشحبرتك بيتسمّمو

بيكفي يا شاعر فوقنا تشتي دجل
حلك بقا من كلمتك تعرق خجل
وما زال صار السم بيأثر عليك
سم و هري يدخل عا بطنك بالزجل

بذيلك اذا بيكون سمّك يا وضيع

ومحتد عا منبر نبوغي رح تضيع

ويا عقربه بجمر القوافي بحرقك

منشان ربّي فيك فلتنة الجميع

جاي تربي كبار اعقل يا صبي
مش انت بتربي فطاحل موهبي
وعيبي ع ابن الارض يلي بجلها
يصفي لسانو متل ذيل العقربي

وين اختفيت خيي هاني

لساني صفي يلسع ي هاني بالكبار

عا قدّ ما كفرك مع الغدّار دار

بعمر الصبا الله بعثني يا غشيم

ومتل النبي داوود إمحي كل عار

والله عذرني خيي علي هيدي مشاكل السفر مش كل يوم في نت

بكلمة غشيم ان كنت ناوي اسمعك
ما بسمعك لاكن يا شاعر بصفعك
كفري جبركن للاله تهللو
و جاية بكفري عالمنابر ركعك

حلووو تلقّى يا هاني

بكفرك تخطّيت الحدود ومسرحي

م بيقبل الركعه ولو حكيك رسيس

لكن بقيم قيامتك حتّى الوحي

يركّع زوان الشعر عا قبر الخسيس

كافر انا و بالارض داير ملعبي
بخلي الدني عا كف ايدي ملعبي
و بركع متل ما ركع بيك من زمان
وقت الندم عا هيك خلفي متعبي

هاني ي إثم كبير لا تحمل حجر

وتزرع بحوض القافيه شتل الضجر

صابك معي بحجّه متل فضلك فافوش

ضيعان من الله متل أهل الغجر

موضوع: رد: وينك خيي حسن الأحد يونيو 14, 2009 1:59 pm

الك يا منبر الكلمة الوفية
تحية و بالفعل اجمل تحية
تحية من شخص قلبو ملوع
حمل اخو مع الدمعة السخية
و دخيلك يا علي تضبضب و اسمع
اسمع شعر خالي من الاذية
كفا بروض الزجل اشواك تزرع
و تجي تطالب باجمل مزهرية
ضيعانك يا علي هلقد تطلع
اسم مجبول لعنة و فوضاوية
و ضيعان الاسم بشاعر مكرتع
مازاد على الفكر كلمة بهية
انت يا شاعر الارض البتدمع
تا تفهم شو انا بين الرعية
اسمعني يا علي في كل مطلع
تا نعرف كيف نتفاهم سوية
انا بتشرين يا علوش بطمع
بمناهل فكر من ثورة غنية
>انا ثورة تحدي الظلم بخلع
ما عايش فيك عايش انت فية
انا بركع و لاكن عيب اخضع
ركوع الشب عاقدام الصبية
ركوعي اشرف اجمل و اروع
من دمعات عهر المجدلية
و تأمل يا علي في هيك موضع
تا تعرف ركعتي و تفهم يا خية
النهر راكع بوادي و عم بينبع
بلا ركوعو الدني عطشت خطية
و تا تكسر ظمأتك اركع و اشبع
من دمعات عم تروي البرية
و اهل الخير كلما الصبح لمع
بخمس ركعات بتحل القضية
و ما فيك لجنة الرجمان تجمع
سنابل خير يا علوش الا
ما تركع من عبكرا و من عشية

موضوع: رد: وينك خيي حسن الأحد يونيو 21, 2009 1:50 pm

اسف على التأخير خيي هاني
القصيده جاهزه من كم يوم بس كنت مضغوط بالشغل

تعا يا فكر واسمع هـ الحكايه = انا الرح خبّرك سرّ البدايه
بمطلع عمر زنبقة الحميّه = وعي الاحساس ع سرير الهدايه
ولانّو الشعر محتاج الضحيّه = انا الايمان زارعني عنايه
حناني بقدّم ودمّي هديّه = فدا الالهام عن حنكه ودرايه
وعن الاسم ل حملتو وبجدّيه = من الله وصلني كالعبايه
ت يغنيني بمملكتي القويّه = وع اهل الحرف افرضها رعايه
ومن حيدر بلاغه جوهريّه = سيّدنا علي اللي بطهر آيه
انا اسمو حملتو بطيب نيّه = التواضع شيمتي ومن مستوايي
هودي شموخ مش ركعه ي خيي = وتقاهن للدني اشرف وصايه
وانت بركوعك معجرف م فيي = عن الالحاد حيدك والغوايه
انا مجنون روحي شاعريّه = بليلاتي القمر بسكر معايي
نبيدي شهد من صدر الفتيّه = السمره ل همّها تروّق عنايي
وبصومعة الخطيّه يا عينيي = سجنت القلب مع حلم المرايه
تركت النار بالشهوه العفيّه = تخلّف ملحمة شعر بعطايي
القوافي من الخداله الجاهليّه = وكواعب تشهق وتركض ورايي
وعطر اخلاص من صود الوفيّه = بنشوه يشمخ يكلّل صبايي
واركع من ع بكره ومن عشيّه = تعي غلّي بنهيدي يا ضنايي
وانت شو انت يا غبرة شظيّه = ي هاني الجهلك بيطوش سمايي
ي هلفوت الضغينه المنبريّه = ي قزم اللازمك منّي حمايه
وانا مارد نبوغ وعبقريّه = جبرت الليل يركع لـ رضايي
وصفعت الغيم بالزرقه العليّه = ت يملي بدمعتو جرح الدوايه
وعند ما شفتك مشيطن عليّي = بغضت الخير وحسبتو جنايه
وجريمه بحق ثروه فلسفيّه = بصدري ترعرعت شربت شقايي
انا بشموخ اقدارك قضيّه = الدّني م تكمّلت الا بمدايي
ونسمات الشموخ بعطر هيّي = علاج الروح يا هاني الهوايه
واذا م بتشمخ العفّه الغنيّه = العهر رح يذبح الطهر بهوايي
وقبل م النهر يركع يا بنيّي = شموخ جبالنا بعطف السقايه
فجر شلاّل عا أدما البهيّه = وخضّب محلك بدعوة منايي
وشموخ الفجر ع العتمه الشقيّه = ضميرو قشّعك زهو الحقيقه
وعدل ربّ الخليقه كيف جايي

حلو يا علي ابدعت يا صديقي
عا امل اللقاء بشي جولة تانية

تسلم خيي هاني

هلا بيك

» وينك
» وينك يا بو شربل
» وينك يا ياسين
» وينك يا عمو امطانيوس ؟؟؟؟؟؟؟
» وينك ي هاني؟؟