هيك صار الفن عنا بلبنان

الفن الكان عالي شانو
و كنا نتعب منشانو
صار الفن العنا زن
و صرنا عا ايامو نحن
نحن على هاك الكلمات
الكلها معنى بالابيات
و نحن على غنيات
معزوفي باحلى نغمات
مش معزوفي من نوتات
حمار و بيدق بيانو

صار الفن العنا فن
تقصير و رقصات و عن
و كل واحد عا بالو عن
يعمل غنية للبن
وواحد غنية للمن
و هيدا بدو يرضي الجن
و نحنا والله عم منجن
من حمار يدق بيانو

وين عصر الوهابيات
و اهات الكلثوميات
منيح اللي رحباني مات
و لا يشوف بعصرو بالذات
حمار و بيدق بيانو

وينو عصرك يا فيروز
و اللحن الكان كلو كنوز
لاكن بطل عنا يجوز
شاعر يكسر اوزانو
و حمار يدق بيانو

» مهن بعض الفنانين قبل احتراف الفن