تشرّفنا بمعرفتكن

يا برحليون جايي اليوم زورك

واكسر جبرك وحطّم غرورك

انا شمس المعنّى والقوافي

منحتك وهج حتّى شعّ نورك

انا بلسم لجرح القلب شافي

اذا هالقلب عانى من شرورك

بتطلع كلمتي من التمّ دافي

تذوّب في حرارتها سطورك

انت عن منبري بتبعد مسافه

مهما تزيد وتعلّي بقصورك

بشعّارك تتوصل عا مصافي

حافي بتنذر وبتضل ناطر

حتّى منبري يقبل نذورك

يا هيـــفا باالشـــــعر بَيينْ قُـصــورك
عرمل الزيف لا تـــــبــني قِـــصــورك

ببرحـــليون عنـــــوان الــــــشــــفّافي
خَلّــــي العطــر يدْلّـــق من زهـــــورك

من أول زيارة عـــــم تجـــــافي
ومعنا كــف رح تمشي أُمــــورك

بقـــلبِك حــقد وبعينك نَــــــشــافي
وكنتي عم بتدعينا نـــــــزورك.

أنا صافي مع البكون صـــــافي
وإذا ما شَعْ نــورك من سطورك

اعذريني بلغم حروف القوافي
وبدل ما روح أوفي الندر حافي
بطفي شمعتي وبجّرح شُعُـــــوركْ

الله يا استاذ حسن كبير كبير كبير

هيفا يا بن ناصيف يبدو متلمذي
عالقدحْ وبفن الهجا متـــــلـــــذذي
وتا تصيب بالتعبير إنده يا رفيق
والأستذي خلّـــي لأهل الأستـــذي

يا برحليون يا منبر حضاري ---- يا كوكب عبقريي في مداري
وأنا وهيفا ضيوف وما منقبل ---- نشبه درك برمل الصحاري
هيفا فكرها يمكن استرسل ----- لأنو طبعها بيهوى التباري
وما كان القصد برحليون تذبل --- بعرف جفن هيفا دموع ذاري
كان القصد إنو سباع تنزل ---- عا عركة التلج فيها شعاع ناري
أنا يا كوثراني بريد تقبل ---- عزيمة لموقعي وبيتي وداري
نحنا عيلتين بفرد منزل ---- اعتنينا بالشعر متل الدراري
وعنا متل برحليون منهل----بيدفق شعر من عمق المشاعر
ولا مرة احتوى الشعر التجاري

يا أهلا بطلة وجــــوه الكــريـــــمي
الأعـــطو منبر الــــشّــعار قــــيــمي

عروش الــــفن علّـــــو مُــــســتواها
بمنطق فـــــذْ وبكلمي حــــكيمـــــي
هــيفا ميت أهلا بــــمُــــنتــــــداها
ويــــبن فياض يا خفقة بصميمي
ما زال دياركن واســـع مـــداها
كريم الأصل ما بيرفض عزيـــمي
عطونا من غِنى الكلمي حـــلاهــا
ت نتشّرّف بها الدعوي العضيمي
ومتى ما المعركي دارت رحــاها
منتبارى بــــنوايانا الـــسلـــيــمي
وهيفا كلّنا منمشي وراهــــــــا
وفي عِنا أمل بعـــــد الزيارة
تهــدونا على الدرب القــــويمي

أنا عادة أقرأ كل الصفحات ومن عادتي أيضا أن اتوقف عند الكلمات ولأبيات والأشطر التي تستدعى مني وقفة لإعادة قراءة، وأو لنفحة فلسفية، أو لنغمة موسيقية عالية تدخل إلى الآذان بدون استئذان، أو معنى أدبي ملفت للنظر، وهنا أحب أن أتوقف عند هذه القصيدة الجميلة للشاعر كوتراني وعند هذا الشطر الرائع:

" كريم الأصل ما بيرفض عزيـــمي"

جميل منك هذا التعبير المجازي عن الكرم.

نحــــنا يا ليلــــى وراقنا عشّــــاقنا
عم يشـــــربـو أشــواقنا وأذواقـــــنا
وكـــلما علينا بوقفتك تـــتـــــكرّمــــي
مـــــِنّكْ شهـــــــادي بكرم أخـــلاقنا

يا كوثراني الحلم بقلامك وعي
وشِعرك دوا لقلبي وعيوني ومَسمعي
بفنّك وذوقَك صرت بالنّسبي إلي
أغلى من المَجروح داخِل أضلُعي

بما انو القصيده انفهمت عكس ما انا قصدتا وبما انو انا حبيت حركش فيكن بس لاني تصورت اني رح كون الانثى الوحيده بين كل هالشعار الكبار ما كان قصدي الا حركش بتاسف انكن فهمتوني غلط وبسحب قصيدتي

يا برحليون سامحني ان ظلمتك
بعدما كنت عا بيتي عزمتك
قبالي عرفت مش ممكن تهدّي
اذا بغمزه من عيوني غمزتك
فتحت الباب فجاه عالتحدّي
تكون بكبر كلماتي هزمتك
جرحت مشاعري وصفعت خدّي
ويا ريتك بس لو تبقى ع صمتك
دخلت بقلب طافح بالمودّه
وانت ما فهمتني ولا فهمت قصدي
اعذرني ان كنت بالكلمه جرحتك

بيصدح ي عيني ع الشعر قلبي

كلما لهيفا بطالع المطلع

من دون قوافيكي العمر غربه

وبطلتك صار المدى أروع

جنّة معاني قلبك الحسّاس

زيدي القصايد دخلك زياده

وكل م النسيم بمنطق الاحساس

بيميل صوب الزنبقه ع النهر

بيكون حبرك والوفا شهاده

لا تزعلي يا بنت عنداري***يمكن حسن ما بيعرف يداري

نحنا بموقع شعر برحليون***عنّا التحدّي ممّر أجباري

عا الدم هيفا يا حسن بتمون***ولاتخاف تسمع طلقها الناري

يمكن هدفها بمنتدانا تكون***شمس القصيدة بوهجها الناري

نحنا يا هيفا مفتّحين عيون***وبعرف خيالك نحت معماري

ومن جهّتي بقصايدك مفتون***وعا الفيس بوك بضل أجباري

يمكن حسن طقّك ..!!غلط من دون***ما يعزمك عا الموقع تباري

هيفا وفادي يا حسن قانون***وعا الفيس بوك ملوك يا جاري

ومنشان تدخل انت عا المضمون***وتشوف شعرون بالزجل very

هيدا الرابط https://www.facebook.com/topic.php?uid=2229476199&topic=5536#/group.php?gid=2229476199&ref=mf

هيدا الرابط فوت يا حسّون***بتشوف هيفا من الوحي شلّال

وفادي نهر بالمنتدى جاري

ربما قست هيفا ببعض العبارات إنما القصد شريف، وأنا أعتبر أنها غالت قليلاً لتحس الشعار على المجابهة، خطة ذكية.

الحقيقة يا ست هيفا أنت وردة معطرة في هذا المنتدى، وإذا جاءت بعض الكلمات نافرة أنا بقلك بتموني، وأنا من المنتظرين بشوق صوت انثوي شاعري يضيف مشاعر رقيقة على هذا الموقع المميز. اطلب عدم حذف القصيدة، وعندك الآن رسالة كبيرة تحملينها بسم كل السيدات والانسات وتثبتين وجودك بقوة الشعر والأدب، وتمثلين مع الأستاذة ليلى المعلقة الرائعة جبهة نسائية تقول أن المرأة بحق هي نصف المجتع الفاعل.

بالطبع أشكر عاطفة الشعار النبيلة، واعيد التأكيد بعض الأطلاع على الفيس بوك أن الشاعرة هيفا صاحبة موقف نبيل وارادت الدفع إلى التحدي.

رد مشترك الى الشعراء سليمان وكوثراني

بكبر بمتلك خي من لبنان
يللي حملت الاسم لبناني
سمّوك عا اسم النبي سليمان
وختم العاكلماتك سليماني
من بلادنا الفيها خلق جبران
حملْت الفكر بسلال ملياني
بتنطق درر بتزيّن التيجان
وتاج العاراسك تاج ربّاني
ازهور القوافي وزنبق البستان
ان ما رويتها بتضلّ عطشاني
ويا كوثراني بعرفك فهمان
اوّل بفنّك ما الك تاني
استاذ وبيلبقلك الميدان
وبالاستذه ما كنت طمعاني
ولا بالحكي المعسول والرنّان
ولا بوهج هالكلمات غرقاني
بطمع تتغزلّي الشمس خيطان
وحيّك بهالخيطان فستاني
بطمع ع صدري يعلّقوا نيشان
من قشر ارزه شلشها ختيار
ومثل الارز خلّد بقصداني

يا هيفا بنت عنداري حـــذاري
ع منبر صار يعرف شو عياري

حاجي تعاندو الشرعْ المُــــــــــأله
بيخنق همسكنْ ريح الـــصحاري

إذا سليمان من جرحــو تــــأوه
اعتاد يغازل عيون الــحواري

حسن شاعر عن الغايي مُنزّه
إذا بَدّكْ تبار رح يـــبــــاري

ولأنو البيك والأستاذ.شَــوّّه
معالم وجه لبنان الــحضاري

صرت البيك والأستاذ إكره
أنا راضي بأسمي الأنجباري

تعي يا إخت روحي النور جهجه
وعم تشّع المنارة للـــــــصـــواري

وكلما بنت عنداري بـــــتـــــنـده
بجـــي يا حلم ع مواج السكيني
يميني سيف والريشي يساري؟

حلوووووو

بعيني دمع وبقلبي مراره
بعدما سمعت منّك هالعباره
كرهت البيك والاستاذ قدّو
ال بعدو بعمرنا قدوه ومناره
بنهل الممعرفه منكبر ع يدّو
وع يدّو منكسب العلم بجداره
ووطننّا الشوّه من سنين خدّو
الحقد والجهل وصنوف التجاره
وثورة شعب مش عارف شو بدّو
وهدر دمّو ع هالثوره خساره
وسيف الكاتب تواريخ حدّو
بمعارك شرّفت دوله واماره
ان حملته كلّنا منقوم ضدّو
بعدما صار بالاعناق يقطع
وقطع العنق ما بعدّو حضاره

مش ضدّك يا اخ حسن هيذي بس حبيت علّق عالموضوع وبدي اسالك ليش بعدك ما كتبت عنا بالموقع ؟ شرّفنا بزياره لموقعنا وخلّي القراء عنا يتعرفوا عليك

موضوع: شرفنا بمعرفتكن السبت أبريل 04, 2009 3:36 pm

محرومين حـــاجي تضلميـــنا ... مضلومين يا هيــــــفا ارحمينا
لصدر الأعضم وإسـمو المدنس ... وسفر برلك حرام ترجّــــعينا

العطاني رغيف بدمي مغمّــس ... وعا إيدو السلسبيل الشهد كِينا
يا ريتو قبل ما السفاح يُفطس ... بدل الأسم حُــريي عِـــــطيـــــنا

أسامينا على الشرع المنومس ... وراتي وعاالدني أحرار جِــــينا
وحدو إسم خالقنا مقــــــدس ... ومتل ما جابنا ألله بـــــقـــــيــنا

يا هيفا بالأسم ما شفت أتعس .. من حاكم بيصّلي ع نــــبــيــنا
خلف كبر الأسم صلّى ومترس .. ومتل ما باع طابا باع سينا

الإقطاع السياسي هَــيكْ أسس .. ونحنا عا عماها لو مــــشـينا
متل ال تتركْ وأمركْ وفرّنس .. متل ما علّقونا عا المــــشـــانق
على حـــــبال الكــــلام تعلّـــــــــقينا

أخت هيفا بعتذر منك ومن الأخ علي عامر لأني تأخرت بالرد على مشاركتكن
بالنسبة لزيارة الموقع بعثت رد زغير يبدو أنو وصل لعندك عا الخاص يعود ذالك لعدم معرفتي بالكمبيوتر
سأحاول من جديد [u]