مبروك بطولة لبنان 2009 بالكيك بوكسينغ

مبروك بطولة لبنان 2009 بالكيك بوكسينغ لفراس العنداري
و نائب حاكم مصرف لبنان دكتور سعد العنداري وبطلب من الرفاق بالغروب يكتبو كلمة بهالمناسبة السعيدة ومبروك لللبطل فراس والدكتور سعد العنداري

رواد شرف الدين كتب

يا فراس يا عالي عيارك.........يا نجم بموقعك فزت بسهولة
انتصر لبنان كلو بانتصارك.........فيك الموهبة وفيك الرجولة
الكاس بيلبق لأهلك ودارك..........بعنداري الأصل عيلة بتولة
قلن جيت ناجح اعتبارك.........اللعبة لعبتي والطول طولي
و يا نائب حاكم المصرف نهارك ..........شعشع عالدني بموقف أصولي
ابن عيلة عريقة بافتخارك.........وجودك قخر للعيلة الكريمة
..................افتخر انت وفراس بهالبطولة

هيفا كتبت
مبروك بطولة لبنان 2009 بالكيك بوكسينغ لفراس العنداري ابن خيي بهني بيت العنداري بهالحدثين المهمين نائب حاكم مصرف لبنان دكتور سعد العنداري والبطل فراس.

سليمان طراد

فتحت النت وبساعة وصولي***شفت مكتوب بالصفحة كتبولي

قصيدة شعر فيها من التهاني***قوافي بكر ومعاني بتولي

يا مصدر فخرنا يا أولاني***ويا هيفا لكل ها الشعّار قولي

كتبوا ل فيراس بن خيّي بتفاني***وانا عا الفيس ما بقبض عمولي

ويا خيي سعد يا خزنة ملاني***بوطنا ليش خففت السيولي

التهاني سماع من رب الغناني***المصارف بدّها حكّام متلك

ويا فيـــــــراس مبروكي البطولة

بكل فخر لفراس ابن خيي

عرفتك بطل وعرفت رح بتفوز
وتشمخ براسك فوق عالعالي
من عمر خمس سنين عم بتحوز
وتحصّل شهاده ورا التالي
حق البطوله ما دفعت كنوز
دفعْتا بصلابة زند رجّالي
وجوّات قلبك يا بطل مغروز
طهر البراءه ووهجها ملالي
خلقه وذكا والصوت من فيروز
شو بتلبق الالقاب يا غالي
هنّوك اصحابي وما بيجوز
ما خبّرك شو جال في بالي
في يوم عشره من شهر تموز
اوّل ما شفتك يا فراس عرفت
رح اقشع بهيذا الطفل حالي

شباب انا كاتبه قصيده خاصه للدكتور سعد بس ما رح نزلها قبل ما يسمعها هوي وبالنسبه لفراس بشهر تموز بيكمل ال 12 سنه فادي بيعرفو وسامعله صوته

غْزَلْتْ الَوحي أشعار تا أهديك
أحلى قصيدة خاطرا عا بال
إبن عنداري إنت ...ما فيك
إلا تطال نجوم ما بتنطال
العَيلِة العِطيتْ للسَّما مداميك
صَخرة بْجبلنا...مَقلَع الأبطال
تميل الدني لاكن أنت خليك
شَمْخِةْ أرز عالي عا روس جْبَال
بهَنّي بلادي فيك... ما بهَنّيك
عا صَوتَك بيتحَرقَص الموّال
كتير الله غارِف وعاطيك
تا صرت بَيْرق للوَعي والفَن
وثَورِةْ عَواطِف من دَفِقْ شلاّل[center]

فـــــــراس بااميدان شِـــفنا هـــــِمّتو
كأس البطُولي والشّرَف من ذِمْــــتو
نحنا منحمل بوكسْ يا محمد عَـــلي
الخَوف نآكل شي بوكس من عَمــتو

يا كوثراني جيت وضّح مساله
وخلّي الحقيقه قبال عينك تنجلي
بنظم القوافي صرعت عالمنبر رجال
وبعدا المنابر راضخه كلاّ الي

تسلموا جميعا كلكن ذوق

مشرف عدد الرسائل : 519 تاريخ التسجيل : 15/03/2008

هيفاء العنداري كتب:: يا كوثراني جيت وضّح مساله
وخلّي الحقيقه قبال عينك تنجلي
بنظم القوافي صرعت عالمنبر رجال
وبعدا المنابر راضخه كلاّ الي

================================

ياليلة الدهمة اجا الحرف انجــلـي = تايعلمك ع الفلســـفة والترغلي
ومبروك قول النصر لمحـــمدعلي = فاز بنصر لبنـان يوم المرجلي
لكن اذا هيفا حكت بمحــــاولي = نصرك إلك واالنـصر ع المنبر إلي
كلمة منابر راضخة للبـــــــــــــهدلي = هيني مـلوك المنبر ولاتزعلي
ان صارت منابرنا ياهيفا راضخة = هيفاء وهبي فوق منها بتعتلي
=======================

لما ببرحليون بشهّـــر منجلي .. الشفرة على قطع الرقاب بتنجِلي
الإبداع والتجديد والشعر الطلي .. هودي زجل لبنان خصصهن إلي
وكلما يا هيفا عاالمنابر تعتلي .. مذوق أنا وبرّضخ لعين مكّحــلي
خَلّو إلي الأحسلس والقلب الرقيق .. يا يضل ضرب البوكس لمحمدعلي