لاقيني يا حسن ويا عمار عا الشباب

وللتصحيح في كلمة edit كبسي عليها بصير فيكي تعدلي

hikmat chedid helou كتب:: لا تجيبولي شامخ حرب
عناقيدو بعصرها عَصر
لَوْ يفتح عا هيفا الحرب
رح ردّو مسخرة العَصر
قالولي شغلوا بالغرب
يتْرَقْوَص ويهز الخصر
من بطشي بيمشي بالوَرْب
مع غلمان المخصيي

أكيد مزحة هيدي..مع كل احترامي للسيد شامخ. بس هيدا التحدي.

لم عيلة حرب بتنجاب...سيرتها الكون بيهتز
لجيوش بتركع عاركاب...بتزحف تاعروشتها تهز
عا فكرة شد السحاب...و عا شامخ اياك تلز
بإيامي عم بخصي دياب...لا تفكر مرة يا شديد
رح عوف سكرجيي

مدافعنا ما الها قياس.......من أول رمية بترميك
و عنّا قنابل تقع راس.......قرب راسك تا نفرجيك

حددي ناس من الاحساس ........بدك احساس بتعطيك
وحدك بياعين نحاس......و أنتيكا و تا تبيعا فيك

الحدي ما ببيعا بألماس.......من كلمتها بتربيك
تعباني من المتلك ناس.......لازملن عصفوري

عيلة حرب الحّرة بجلّ
وعَيلة حلو أربابَك
معوَّد عالطَّبْ وعالحَلّ
تا تعبّي رباع جيابَك
لكن مقدوحا بتضلّ
بموقع حساس تيابك
فخاضَك فِلّ وما بتفِلّ
إللاّ ما تكلّ ركابَك
تصير مورم قد السَلّ
وتمشي الّرَّقبي محنيي

أنا هلق مجبور إترك عا كم ساعا

عفوا بطلب من الادارة تظبط

الى السيده الراقيه حيدر:

نوريّه وعندي اخلاق
وانتي بعيده عن خطّي
مجدك فوق جبيني ضاق
جبيني عالشمس مغطّي
تفلسفتي وعلّيتي بواق
تعبتي وما قطعْتي شطي
كلماتي رح تبقى رقاق
ومتلك شعري ما بوطّي
ومهما يضيق عليّي خناق
بيكفيني لبنانيّه

شكرا كتير عالمحاوره الحلوه وبعتذر اذا كلماتي كانت قاسي بس متلما قال سليمان انو التحدي ما بيرحم وصراحه انبسطت كتير لانو سنحتلي هالفرصه الفريده من نوعا هيذا اول حوار بيني وبين شاعره كبيره ما بعرف رايها ع كل حال بس المهم ا انو انا بفضل الشعر البتعب عليه وبتمنى تشارك بغروبنا نحنا عم نحافظ بغروبنا عالمستوى الراقي والبيحب يقرالنا يتفضل

هيفاء العنداري كتب:: الى السيده الراقيه حيدر:

نوريّه وعندي اخلاق
وانتي بعيده عن خطّي
مجدك فوق جبيني ضاق
جبيني عالشمس مغطّي
تفلسفتي وعلّيتي بواق
تعبتي وما قطعْتي شطي
كلماتي رح تبقى رقاق
ومتلك شعري ما بوطّي
ومهما يضيق عليّي خناق
بيكفيني لبنانيّه

إلى الشاعرة الجميلة والراقية هيفاء ...
بكل التقدير

بأخلاقك ما عنا شك
وعن أخلاقك ما حكينا

إنتي المعنا لسانك لَكْ
وجرّبتي تهيني فينا

نحنا للشعار محك
ولو حبيتي تجارينا

يلا يا هيفا نحتك
لبناني وسوري عاطول
-- منرفع رايتنا سويّه --

همس القوافي

شكرا للروح الرياضيّة للشاعرتين الكبيرتين ويقفل هذا الموضوع
وتابعوا كل جديد

وننتظر من الشاعرتين معارك طاحنة اكيد بالشعر هههههههه

» لاقيني يا حرف على الشباب يا دلي عليكن هههههه
» لاقيني خيي بو شربل
» لاقيني يا فياض
» مع الشاعر عمار البراضعي
» لاقيني عا البيطرة يا بو شربل هههههههههههه