لاقيني يا حسن ويا عمار عا الشباب

زخم حروفي الشعريي .. قالوها قبل شويي
إخجل ع حالك يا حرف .. الغلطة من الشاطر ميي
***************
مين العم بيمسح جوخ .. وبلش يا شاعر تكسير
حاجي بحالك منفوخ .. بين يا رفيق التقصير
من نقلاتي رح بتدوخ .. وتبرم من حولي وتصير
قبال القصر العامر كوخ .. ضللك بالبراكـــــــيي؟؟؟

يسم تمك وتصبح على خير وإلى لقاء آخر

البيراشق هيّوفا حجار
بيلاقي الما بيتمنّى
من قبلو شعّار كتار
فاتوا عالموقع عنا
علّيت عليهم اسوار
موشّح قرّادي معنّى
تا صاروا قدامي غبار
عم بمسحها يوميه

ما عندي مطبخ قصدان
وشعري بالعطر مشبّع
بيعبق بزهور البستان
بيفتح عين الما بيقشع
وتنقايه بنقّي الاوزان
وافضل نوعيّه بطبع
تا زين شعاري بميزان
النوعيه مش كميّه

هههههههههههههههههههههه وينك يا سليمان تخرسن لسانك؟

يا هيفا الشعر المنحوت***بدو خبرة يا شريكي
ومش ناقصنا ألا تفوت ***ثنوّؤة تا تربيكي
وتنجرلك شي تابوت***ولا تخافي باجر فيكي
وواحد واحد بدو يموت***وما في فوقك شمسيّي

مش ناقص الا الست ثناء تدخل تفرفكلك مناخيرك ههههههههه اكيد بالشعر وينك يا ثناء

يا سليمان بهالابيات
بيّن للعالم ضعفك
عم تستنجد بالستّات
تا منّي بخفي خوفك
مهما تعلّي هالاصوات
ويصطفّوا رفاقك خلفك
تا توصل خلف الغيمات
بدّك تتمثّل فيي

عفوا نسيت ههههههههههههههه

تا مني تخفي ما عم نعرف كيف نكبر الخط ساعدونا يا جماعه

ظللي النص وروحي عا حرف A
كبسي عليه وكبّري بس لا تتعذبي قد ما تكبّري الخط بدي حجمّك ههههههه

خطّك يا هيفا بينقاس***مش من برّى من جوّى
نحنا بنقيس الأحساس***ولو صوتك علّى ودوّى
مش عم افضا حك الراس***عليي رووقي يا حوّى
بقليكي متل القلقاس***وما بستطعم بالنيّي

ههههههههههههه

هيفاء العنداري كتب:: يا سليمان بهالابيات
بيّن للعالم ضعفك
عم تستنجد بالستّات
تا منّي بخفي خوفك
مهما تعلّي هالاصوات
ويصطفّوا رفاقك خلفك
تا توصل خلف الغيمات
بدّك تتمثّل فيي

يا هلا يا هلا

لو فيكي رح يتمثّل ** عا الغيم بيوقع بكير
نور سليمان مأصّل ** وأعلى من غيمك بكتير
الشمس بإسمو بتتغسّل ** والنجمة بإسمو بتصير
تغني الموّال منسّل ** من الأرض الفينيقية

همس القوافي

مع كل إحترامي

ذنوبي يا ثناء كتار
وأكبرهن أإني قبالك

عن إقبل إنظم أشعار
تا تصيري تشوفي حالك

جيبيلي شعّار كبار
وإمّي المطبخ أحلالك

هيفا من شِعرا بيغار
نور الشمس المضويي

يا هاني شعرك بحّار........ببحر الكلمة بيتهدّا
و هلق جاييك التيار........يشيل مواجك ويهدّا

وحقك يا سليمان تغار .........وتفتح صفحة وتتحدى
لكن هيفا بنت الكار........بقلك ما بتطلع قدّا

وايدك عا أغلا شعّار ........ بكسرها لو بتمدا
وعا عنقك داير من دار.......بايدي بعلقلك هيي

في إقــطاعيي بتنسّــب *** بالماضي حكمــــت لبنان
وفي إقــطاعيي بتنحّــب *** حملو رايتها النـــــســوان
الإقطاع الأول منضـــب *** وصفــّا بكهوف النسيــان
ويا ربْ تنجّي يا رب *** من تاني اقطـــاعية

عيلة حيدر بالتاريخ.......جابت للشعر عناوين

و حملت مجد الما بيشخ.......و حملت دنيا وحملت دين

و جابت للشعر صواريخ.......وجابت علقة و الله يعين

و اقطاعية بتحمل سيخ ......مشرف قسم بأجمل اسم

ومشرف عالفلسفجية

بحر الزجل بو شربل

يا بن الدين سماع وشوف***بو شربّل شاعر قنّاص
بتاكل منو جوز كفوف***وبيخليك رباع نصاص هههه
حكمة شلهوب وهيّوف***فوق الموقع متل قراص
وبدي ألعب عا المكشوف***كشفلي وراق المخفيّي

حامل ايد و شادد باط.......للضربة ومنّك أصلي

جبتلك بكفوفي قشاط ......بيكسرها قبل الوصلة

و جبتلك طوني خرّاط .......يخرطلك وجك بصلة

تتصفي الكبة البالجاط .......ببصلة راسك محشية

هههههههه مع احترامي خيي سليمان وبالشعر طبعا
"

يا هلا فيكي يا همس القوافي

زحت الغيمات وطلّيت
والهمسه يا ما شالله
لمّن شافتني تجلّيت
خطْفت انفاسا كلاّ
الّلي متلا ياما بكّيت
وبالصوت العالي بقلاّ
تهتم باشغال البيت
وما تدقّ بعنداريّه

العندارية عندا دين ........بتحمل بطيخة وتنين

وهمس بتحمل عالكفين........بطيخة الا شويي

***********************************

يا أحباب طلوع الشمس........بيقلك عا شغلك روح

واسترزق الله باللمس........تا تقدر بالعطر تفوح

لكن عنّا الحلوة همس....... بتهتم بقلب المجروح

كلما يدق بيهمس همس ........بأطيب نفحة شعرية

rawad كتب:: حامل ايد و شادد باط.......للضربة ومنّك أصلي

جبتلك بكفوفي قشاط ......بيكسرها قبل الوصلة

و جبتلك طوني خرّاط .......يخرطلك وجك بصلة

تتصفي الكبة البالجاط .......ببصلة راسك محشية

هههههههه مع احترامي خيي سليمان وبالشعر طبعا
"

فرمني بصلي وخلّي عيون***الموقع تبكي كرمالي
وتجمّع انتي وأنطون***بيعوا تيابي يا غالي
بموقع هيفا عالمضمون***بتنعدّوا من الزجّالي
بس بموقع برحليون***طبّاخين ملوخيي

ههههههههههه

hayoufa an
حلووووووو رواد ممتاز شفت يا سليمان كيف بيكتبوا؟ مش كوسى محشي وبلوط وما بعرف شو

بحر الزجل بو شربل

بحب الكوسا وما في لزوم***تقوليلي حب البطيخ
وصحن الفول بنتفة توم***وبصلة ما بيلزمها سيخ
وكيف الشاعر بدو يصوم***وبموقع أكبر طبيّخ
الشعّارطبختن بهجوم***ونقيّتون عا الطبلية

كيف شفتيلي الطبليّة ههههههه

كل عمرك يا طراد تحب
قشر البطّيخ الأخضر

وتتعَصْرَنْ بشويِّة حَبْ
ويخافو إنك تبطر

وتصير بموقعنا تسِبْ
وتبشِّع حالك أكتر

تا تنظف فوقك رح صب
شويِّة ميي مغليّي[center]

بحر الزجل بو شربل

حبيّت الكوسا بالزيت***و بالموقع صار معمّم
لاكن لحم الواوي لقيت***معفن متلك و مسمّم
عيب عليك على الوبسيت***جايي و منك متحمّم
اللي بتاكل منّو بالبيت***ما تضيّف عالصينية

بعيد الردة وبكتب بيت***بردو مكسّر ومدمم
ولو بدي إقسا أوريّت***بزتّو لحكمة بجهنم

ههههههههههههه

بموقع شعري عم بهتم
واشعاري من جوهر خام
ما بينقصني احمل هم
الما بيفهم دمع الاقلام
لسان البدو ينقّط سم
بزرعلو حقولي الغام
وخلّي برحليون يلم
شقفاتو من البريّه

مي المغلية يا شديد.......تا تنتف ريش دجاجة

وطراد دجاجة بالايد.......تفرفر والرب تناجي

شيلونا من هالتهديد.......ما بتمرق هالديباجة

وما بظنك قاسي وشديد.......وحكيك كلّو فرم طبخ

وكبة ولحكمة مقلية

» لاقيني يا حرف على الشباب يا دلي عليكن هههههه
» لاقيني خيي بو شربل
» لاقيني يا فياض
» مع الشاعر عمار البراضعي
» لاقيني عا البيطرة يا بو شربل هههههههههههه