انا مرشّح عا النيابي ههههههه

اسم المرشح
بحر الزجل سليمان
الشهرة طراد
يا شباب الفيس البوك بدي أصوات
لأنو بدي احكمكون بعدل
وهيدا بياني الأنتخابي
وممنوع حدا يترشح ضدّي
واكيد اصوات منتدى برحليون مضموني هههههههههه

أنا قررت إنزل بنيابي***عن الترشحوا وسانن نيابي
عملولي لحملتي طني ورني***دفعواالإعلان .....بكرى عا حسابي

أناالربحان جيبولي مغني***احجزولي محل دقيق الربابي
ولولا خسرت ما بخسر الجنه ***الملاك البسما شيطان رابي

سأ لو عمار و ابراهيم عني***ما بصدق يوم كلمة مع صحابي
بربّح بالشهر مليون مني***ومني بتاخدواوعد بغيابي

أنا مع إخوتي بحب التجني***إلاهي ا لقرش ملكوتي جيابي
وإذابيطلب وظيفي شخص مني***الوظيفي حق لكن بالقرابي

وراقو بضبّها وبحط إني***وكلمة طل بكرى الإستجابي
وما بخدم شخص حتى يصيرمني***وست سنين يعلن إنتخابي

أنا طمعان إخدمكن وهني***الزعامة وارتينا يا حبابي
أنا منشان إوصل بعت فني***أن كرما لكن بخسر شبايي

أنا ترشحت عا المقعد لأني***شفت الكنفشي فيها إهابي
أنا مثقف و بقرا عن تأ ني***لعلي با با ما بقراللفرابي

أنا إبن الحقيقة بالتبني***العدالة ظلم والقانون غابي
وقبل ما تصوتوا عندي تمني***بدي عن قناعة تصوتولي
أنا قررت أنزل عا النيابي

شو يا شباب شو بكن خفتو من الترشيح، كإنو أبو شربل ضمن الفوز، يلا يا شباب يا حرف، فرجونا بيانكم الانتخابيـي ... هيدي فرصة حرزاني لبيانات انتخابية مفلفلة... وطريفة...

مشرف عدد الرسائل : 519 تاريخ التسجيل : 15/03/2008

يابو شربل شوبدك بالعـــــزارة = بغظ العين مربـــح أو خسارة
ع كرسة شاعر زغيري النيابي = أو كراسي الحكومي والوزارة

وكنت بعطيك صوتي والاجابي = الك مابصوت وعنـدك جدارة
انت اهل الثقة واغلا صحابــي = بخاف يفجروك بشن غــــارة

ولانو بغيبتي صاين غيــــــابي = وخدمت مواقع الكلمة بمهارة
خدمت المجد بقوافي الصلابي = بحنكةّ شاعر وأغزر عبــــارة

لها الاسباب لا تعمل حسابــي = ع مقعد أو حقيبة مستـــــعارة
المدير بموقعو ع الحب رابـي = وانا بقلك رئيس الجمهوريــة
مقام الشاعر بعين الحضارة
=======

حلو يا حرف... بشرفي حلو..
بحييك

خييك محمد خطيب

خلينا نفند شو قال حرف:
- الشاعر مقامه أعلى من كل المناصب، نعم هو خالد بشعره.
-نجح سليمان في تبوء منصب الشعر الرفيع، يتمنى الشاعر الكبير حرف له دوام البقاء ليبقى حاملا منارة الشعر، خائفا عليه من تبعيات المناصب الزائلة.
- تستحقها يا سليمان، رئيس وبجدارة بس عا عرش الشعر، يا صاح.
وخلي هموم الوزارة للوزارة.
وتحية لشاعر الشعراء حرف.

هل عند محمد خطيب اي بيان انتخابي يطل به علينا خطيبا.

اعوذ بالله.. انا خليني من برا ل برا.. بتفرج ع كتائب عز الدين سليمان وهيي بتطلق صواريخ "طراد2"... الشعرية طبعا..

حلوي لمحمد كأنك قلت وبدون أن تقول...

يا جايي عا النيابي بتَــــوب عــــيري *** معــــانا علقتك علقة عـــســيري
لا راضي أنا ولا إنت راضـــــــــي *** علينا قَــــــبل ما تُرضى الجــِيري
النضر با العين مش متل التغاضي *** يا إبن طــــراد لا تحارج ع سيري
محاصص حزب ألله بالتراضي *** وبعدك عم بتبكي عا الحريـــــــــري
وما زالو بيكنا الديوس حــــاضي *** ع لائحتو بأســـــمك يا عـــشـــــيري
ع ثورة أرنبيط وحكى فــــــاضي *** ساكت لَـــــيش يا صافي السريــــــري
ما نحنا منعرفك من عهد ماضي *** عايش كل عُـــــمرك عا الحــَصــيري
وهلق صار في عندك أراضـي *** يا أســـتيز؟ يا شيخ العـــــَشـــــــيري
لا تفكـــّر أنا عا الصوت ماضي *** لا معتاد إمــــدح با الزعــــــــــــــامي
ولا من عادتي حـــــَمــّلْ ضــــــميري