ركبت عوجا و عا بالي شوف حكمت شديد شو وضعو هيك هيك شامخ هرب

يا حكمت الما عتدت تلقاني الي
خفف تجني عا اله المرجلي
مش بس راسك يا وضيع المنزلي
مطلق حياتك رح تصفي مزلزلي
انجربت تحكي نهار عني بالغلط
رح ابعتك من هون عا ديار البلي

رح عيدها و يا نجوم قومي هللي
لعندك ما بقدر انزل لعندي وصلي
يا حكمت المسكين خصمك بو علي
مركع ملوك بفرد ضربة مبكلي

شعري عبايي بالنّجوم مبطَّني
ودِنْيةْ حَلا بْوَرد الرَّبيع مزَيَّني
شعري صلا الروح لنفوس المؤمني
وما بين شَردي وبين شَردي مَسْكَني
لو كان عُمرك بالشِّعر ميّةْ سِني
بتضل تستجدي بقايا مَعجني
لولا كنت زلزال ما بتهزّني
انكنّك جبل صوّان... يا زنودي عجِنِي
حكمت نسر فالش جناحو عالدّني
ومعتاد يفطر عالطّيور اللّيني
يا طفل ما بتلقى معارِك طاحني
رح لقنَّك درس الزَّجل عالهِّيني
ما زال منبرنا ع شعري منبني
لا تفَكّر ديار البلي بتهمّني
ومش بس لولا كنت صعلوك الزَّجل
لو كنت مارد حَدّ منِّي بتنحني

يا حكمت استجمع قوى تا تصدني
لاتظن هاني صار لقمة هيني
ومن عادتي ادري الحبوب بمعجني
واعرب زوانك عن القمح بمطحني
رح انحني و بالانحنا لا تهتني
قوس القزح عم ينحني طول السني
و تا تصير شاعر عملقة قد الدني
امرق تحت مني يا طفلة ليني
وبحيث انو بالدني هاني هني
ونفسو ابية و بالقناعة مؤمني
كلما مرق من اسيا واجب عليه
يمرق عا قبرك كل مرة و ينحني

قوس القُزح عا مَنبري عَن يِنْحني
تا يشحد الألوان من شعري الغَني
مَطرح قَمَر جهلان...عاشِق سَوْسَني
وتَلج ... ووَرد جُوري عا وجنة ملوَّني
عا ذكر اسيا الْ حَدّ الله ساكني
وبيتي الحلو العا سطح نجمة مِنْبِني
بَكَّيتني ... وبَلّش حَنيني يهِزّني
وشَوَقتني لأهلي وبيتي وموطِني
يا عقرب السَّاعات ضَيِّع كَم سِني
تا ترِدّني لأوَل سنين الوَلدَني
نسيني وَلَد...عا واقعي لا تردّني
ما بريد بصغار المنابر إعتني
شاعر خَيَالي قَد نصّ الكايني
بجرح ... ووَرق عَطشان...وبْشَردِةْ خَيَال
بِخْلَق دِنِي بالشِّعر.... وبمَحِّي دِنِي

اليوم دخل شاعر عالمحاورة بيني وبين هاني وكتب

بهنيك يا حكمت عا هالتـّصوير
فيك التراث بموطني بيكبـر
وهاني بـإيدو ريشة التـّعبير
بتذكـّرك بالسـّيف وبعنتـر

أنعموا علينا أيها الأعزاء بما تفيض به قرائحكم، هنيئا لـلـبنان و لـتراثه بشعرائه المستـمرّين

جاوبتو:

أهلا. تسلم...بس يا ريت تعرّفنا عا حالك.

شعرك خمور مقَطّرا تقطير
دَلْدِق خوابي الشّعر عالمنبر
تَ نصير نَعمل بالحلا مشاوير
ومن خَمر شعرك نشرب ونسكر

بتمحي دني بتخلق دني شو هالكلام
و انت مش خلقان بعيون الانام
يا حكمت تروى و احكي بانسجام
ولا تعرض الدبشة جنب مقلع رخام
ومهما بدمع العين تستنجد فهام
ما فيك تخلص من بطش هاني بسلام
شعرك إذا صوب الغزل شد اللجام
بيجوز تقدر تمسح الجولة قوام
لاكن على مجال التحدي المنبري
بعدك ولد زغتور قدام الامام

حلووو يا هاني وحكمة لا تزعل منني بس القلب عا الشمال

حكمة عندي سوؤال مين ها الشاعر ما زكرت اسمو مبيين شاعر منيح عررفنا علييه

دخل شاعر عالموقع ...عجبني شعرو. لاكن مستعمل إسم مستعار.
كتب:

مسافة أنا ما بين هالأجيال
صرت عيبة ، كنت شوفة حال

عليـّي بتتعرف إذا بتسأل
مدقـّة الكـبـّة ، الجرن ، والشروال

وعيـت عالأهلا و عالتفـضـّل
عا بيت سقفو طين ربـّى عيـال

وعندي بعد ما شباط يترحـّل
هونيك عا مطلّ الكرم عرزال

إسـمي الـتّراث وجيت إتـوغـّل
بموقع " زجل " دمـّو متل دمـّي
يحـسّ فيّي ويشعر بهمـّي
وعنـّي ينفـّض غبرة الإهمال

أخوكم
العين الساهرة

جاوبتو:

للشاعر يللي مضي : العين الساهرة /التراث اللبناني

هيدا ردّ يا شاعرنا الحلو ... عا نفس القافية والوزن. شعرك رائع. بهنّيك...شاعر مخمَّر.... بس أنا بفضّل أعرف إسمك...مع انّي عندي شَكّ إني عارفك. لكن إذا ما حبّيت تقول مينك، أنا بحترم رأيك، لاكن هيدي آخر مرّة بتحاور معك تحت إسم مستعار.

بشعرك عطر ورد ... ودفق شلاّل
ونَهدِةْ النّاي...وجَرحِة الموّال

ولَهفِةْ الرُّوح لحُبّها الأوَّل
وشَوْق الحَبيب لطَلِّةْ المرسال

متل الوَجَعْ لما بيتجَوَّل
بْحَرقِةْ دموع الشَّوق عالأطلال

طالِتْ الغُربة وبَعدني مْطَوَّل
يا مْدَقِّةْ الكبّة وجرن أمّي
متلك أنا مشتاق عا ضمّي
ومن عطرها ملهوف عا شمّي
وغَفوِة بحضن أمّي... وراحة بال

عمي امطانيوس القلب عالشمال و الله السلام عا اسمو عالشمال و الدني من الشمال و ابو علي من الشمال و حكمت يلي من الشمال جاي تا علمو كيف بيكون الشعر

هاني...كنت حبّيت أعطيك مجال تاخد نفََسك. من هيك ما جاوبتَك بسرعة. حسَّبتني خايف منّك. صِرت تعيد وتزيد. والله رح قرِّص عجينك. تا علّمَك تتحركش.

الله خَلقني من عجينة آلهَا
التّاريخ عَنّي ألف مَرّة قالها
سآل الأصيلي عَن مَجد خيّالها
ولا تدوق طَعم المَوت تَحت نْعالها
عَن يقدف مواج المَنِيّي جْلالْها
والرّوس مِدريّي عَ طول مْجَالها
لَوْلا الدّني شَمخِت بوَجهي جبالها
بَعمل كفوفي والزّند زلزالها
حتى المَنيي بذاتها أحلالها
تتجنَّب العَركي معي ...بغتالها
تا رصِّع لمَحبوبتي سلسالها
بِحْنِي الثُرَيّا والنّجوم بطالها
هاني !...تُراث بلادنا رسمالها
وجاعو بعصر العَوْلَمي أطفالها
حنّيْت لبْيَادِر قَمح وغْلالها
ولجبال خَضرا ...هاجروها رجالها
لِمْ كانِت الحِلوي تْحَيّك شالها
وتغزل خيوط الصّوف عا مغزالها
وسَمرا عَ دَرب العَيْن تقشع حَالها
ويدوب قلب الصّخر من موَّالْهَا
وشْبَيْبْ ...لعيونا القَيْمِي شالها
وبْسَاحِةْ الضَّيعا غَزَلْ غَنَّالها
وحقول ملياني رجال مشَوْرَبِي
بيجَفّلو الّلبوات عَن أشْبالها

يا شباب وصبايا. بدي إسألكن إذا كنتو عارفين شو هيي " القيمي" من زمان بالضيعة.

ذكرتا ببيت الشعر. بس حابب الكل يعرفو شو هيي. هيدي من تراثنا العريق.

بعدك يا حكمت عم تعل و تعتلي
و تنظم شعر يا هويدلك يا هويدلي
وكلما انحرجت بكل فكرة مبكلي
بتركض عا ارض جدودك و دمعك سلي
عتقني يا شاعر من عوايد زايلي
عتقني من مراجل عا شكلك مخجلي
وما بين قيمي و بين قيمي ماصلي
هيدي القيمي من اختصاصاتي الي
من بعد ما قيمك من الوهم اللي فيك
بقيمك عا زندي تا تصفي بو علي

هاني...أنا مع بقا إكتب بهالمنتدي لأنو حرف مشرف فيه... بكمل معك عا فايسبوك.

hikmat chedid helou كتب:: هاني...أنا ما بقا إكتب بهالمنتدي لأنو حرف مشرف فيه... بكمل معك عا فايسبوك.

ليش عم بتهشل الشعراء يا حرف?!! أو الهريبي تلتين المراجل?!!!

ايه يا ليلى هيدا حرف مشكلتو مشكلة وجه الرعب

مشرف عدد الرسائل : 519 تاريخ التسجيل : 15/03/2008

بمحبة بشن الغـــــــــــارة = بس ان زعلوا ياخسارة
وحتى يبطّل حد يخاف = يمكن شــــيــــل البربـارة
====================
هههههههههههههههههههههه

يا حرف تروى و عقال
و حاج تعمل حالك رجال
وشفنا الكل احتج وقال
ان كان بدك تتربى منيح
لهاني اعملو زيارة

مشرف عدد الرسائل : 519 تاريخ التسجيل : 15/03/2008

منتشرف متلك تانزور
بيتك فاق بعدلو قصور
لكن لاتتهـــــــمني زور
عم ربي الماتربى بـعد
كلما بيلعب بالنــــــارة
========

مشرف عدد الرسائل : 519 تاريخ التسجيل : 15/03/2008

هاني...أنا ما بقا إكتب بهالمنتدي لأنو حرف مشرف فيه... بكمل معك عا فايسبوك.
============
قدموس لحرفي باسو
والشعر بيشرب كاسو
بتامل تبقى هونيك
قياسك يمكن ع قياسو

لك ههههههههههههههههههههههههههههههههه

بعدك طفل بهالميدان
و لا تعمل حالك فهمان
عرفناك بتشبه نيسان
من اولتك و كذبة و كيف
اخرتك يا شحارا

قدموس المن ارض جبيل
طل عليي بنص الليل
وقلي خلي يطل الويل
ان كان بيضلو هيكي حرف
اسمي بغير حلاسو

مشرف عدد الرسائل : 519 تاريخ التسجيل : 15/03/2008

تركني طفل الفوق سرير
كاغي شعري وفرحة طير
ولا صفي كذاب كبير
طالع متلك متل شباط
لما زرتك بالحارة

=========

لا تغيير حلاسك هيك
ضلك بحياة الخلقك
يمكن ارجع شوفك بيك
وخلقي يطلع ع خلقك
وحتى ارجع مني ليك
وع الشفة بسّم حلقك
بايدي رح اشبك ايديك
والمتلك اشرب كاسو
========

» حركشة بالكل سليمان طراد و فادي فياض و حكمت شديد الحلو
» يللا يا شامخ.......... خطط طريقك...
» رسالة الى حرف طوني حكمت سليمان
» حقيقة شامخ
» جبهة الفايس بوك ضد شامخ حرب