وين سليمان وعمار ؟

مشرف عدد الرسائل : 519 تاريخ التسجيل : 15/03/2008

مين منكم مين يا اخــــــــوان = بيعرف سبب شو غيبة سليمــــان
قديش صارلو مهاجر وغايـب = والمنتدى ع غيبتو فلتــــــــــــان

ولولا وجودي المنتدى سـايب = عرضة مصفي يهاجموا الشجعان
لا تسألوني بس شــو جــــايب = وكل المحبة جبت من لبنـــــــان

لكن تا ابقا بالهـــدف صــايب = ورجح بعدلي كفة الميـــــــــزان
عمـــار عندو المنتدى لايـــب = ولولا الحرف مابينكتب قصــدان

مشرف عطوني تاصرت نايب = يما وزير بشعر عالي الشــــــان
نشالله يعودوا قلــبـــــــنا ذايب = تايرجــــع سلـيــمــان مع عمـار
وترجع مواقع شعرنا بستان
==========
لا تطولو ولوه بربي بفقع بلاكن

حلو يا حرف، بس شو قولك بطل حدا منن?!!!

مشرف عدد الرسائل : 519 تاريخ التسجيل : 15/03/2008

ههههههههههههههههههههههههههه مابظن يا آنسة ليلى لأنو إجت الصيفية هلق وبتعرفي موسم حفلات

ليلى ياورد المنتدى ومرجـــــــــــــــو = لولا وجــــــــودك ماحدا فرجـو
بتعليقك وبوجــــــــودك المهضـــــوم = بنقدك الفـارس ع ضهر سرجـو

عم تحرجــيـني ان رّحبــت بقــــدوم = حجال المواقع كيف ماكرجـــــو
لاتسأليني بعـــــــــــــد مــافـــي لزوم = وبتعرفي العم يدخلوا وخرجـوا

من حرف خاص بيفـزعــوا وعموم = وكثار متـــــلن ع الدرب عرجو
حفظوا مثيلةّ ماحــــــــــــــدا بـيــدوم = غير وجه الله والحرف بالشـعـر
ومن هيك يمكن مابيسترجوا
===========

حلوي يا حرف، بس لازم صار يطل منن حدا للحفاظ على ماء الوجه.

قديـــشْ صرلي با الشعر برضـــيــك ... وبزعـــّلكْ يا حرف وبراضــــــيك
خايف بها الغربي مــــن الحــــــرمان ... صير مـــَوضع شـــكْ والتشكـــــيك

قلبي ع مدبحْ شــِعركن قـــــــربان ... لا تنكروني عا صياح الديـــــــــــك
لا صرت شاعرل بيع بالأوزان ... ولا صرت تاجر عــــابدْ المتلــــــيك

إنتي وليلى وخيــــنا سليمــــان ... خــّلو النقد عـــِلمي ديالكــــــــــــــــــتيك
لو تكتكو حساسين بالالميدان ... متيلي لوجه الله نصيحة عقـــــــــــــــال
ان ركبت مــــُهر العجرفي بيرمـــــــيكْ

مشرف عدد الرسائل : 519 تاريخ التسجيل : 15/03/2008

منزعل منرضى والجرح دامـل = لاتخاف فيك الشك مش آامــــل
ولاتغلط مع حروف الابجــــدية = خلّي ستارك مغطى وخامــــــل

وتانحكي بالفصيح وعاميـــــية = اتمعـّن بالتضاد وبالتكامـــــــــل
حرف بيضل قوة حربجــــــيـة = لمسح الجوخ مابيرضى يجامــل

انا الناقش معي في واقعيـــــــة = على كسب القضايا بحب عامـل
العرق من قبل ماينشف ياخيي = بدفع حق يقبض كل عـــــــامـل

لكن بالبلاغة الشاعـــــــــرية = البعدو زّمك أو مربى أرامــــــــــل
مالو حق يتهجم علـــــــــــيي = ويآخذ راحتو بموضوع كـامـــــل

ونحنا وانت صحبتنا قويـــــة = ليش رجعت فينا الحق هامــــــل
وعلى سليمان والسمعة الأبيـة = مافيك على الجرح توضع أنامل

وليلى الفلسفة والجاذبيـــــــــة = كيف تهمتها وحملات حـــــــامل
ناسي وجودها الوردة الزكيـة = وبلاها المنتدى بيصير خــــامل

ومهر العجرفي بيرمي البقيـة = بميدان الفارس الطرقات ســامـل
وبيزنطي لاتجادل هيــــغليـة = لأنـــــــــــو بالتجادل والتــناقض
عند الحرف إلها وجود شامل
=============

رجع للمنتدى النسر الشمالي***بعد ما غاب عنكون يا غوالي

رجع يعصر من الغيمة السخيي***قصايد شعر بالفكر الخيالي

انا يا حرف بحكي بواقعيي***قصيدك صار بالموقع رزالي

بعد ما كنت علّمتك عا ديي***كيف بتسكب الشعر الجمالي

وصديقي بو أسامة بطيب نيي***فتحلك للمجد بالأرتجالي

وحسن ببيوت شعريي غنيي***عطاك من الدهب أتقل لأالي

وفتحلك خزنة الشعر الغنيي***وانت مديّت ايدك لا مبالي

وابن فيّاض بالعركي القويي***مضالك نعوتك تا صرت بالي

وختمت عليه وخدعت البقيي***تا تظهر بالزجل شاعر ميثالي

انا يا حرف تا اسكت ما فيي***وعلى الأشراف لاموني الأهالي

قلت ما بيع حرف الشاعريي***الخبز والملح أسس للزمالي

لكن في سبب واجب عليي***عجينك قرّصو بلكن العدالي

وبجرن الموهبة بتندق نيي***وما بسمح بالزجل شرشوح متلك

بشعر الصفصفة يدخل مجالي

[b]

مشرف عدد الرسائل : 519 تاريخ التسجيل : 15/03/2008

عجبني مطلعك في هيك قافـــــي = ودعيت الرب تايزيدك عوافـــــــي
ولوما هاجمك في كل موقــــــــع = بعدك يانســـــر بالعش غافــــــــــي

حرف ياشريك للشعار مرجـــــع = وزعيم ورب من غنوا قـــــــوافـي
لا انت ولا حدا قدو بيطلــــــــــع = نذر بالشعر للإلهام حـــــــــــــــافي

أنا حوت القوافي الكل ببلــــــــــع = مابرحم حدا بقصر الخـلافــــــــــي
مافي شاعر بعصري بيلــــــمــــع = اذا صيتو ماعربش ع كتـــافـــــي

ذكرت كثار بعرف عدت تجــمع = قوة ضد حرف بلا مخــــــافـــــي
واذا كانوا لزجل لبنان مرجــــــع = الحرف بيضل سابقهن مســافـــي

ومادامك عدت تاتحركش وتخلع = وناسي موسمك ترم القطــــافــــي
بقطف كل راس كبير ابشــــــــــع = برقبة معرمي متل الزرافـــــــــــي

انا للشعر ياسليمان منــــــــبــــــع = لوحدي قد عشرة بقلب صافــــــي
بهجم ارتجالي وعيب افـــــــــزع = من البي حضروا اسبوع كافــــــي

انت نسر الشمالي وشو بتنفــــــع = بدون الحرف ماعرفت اللـطـــافي
انا قلب البقاع الخير بــــــــــزرع = حروف الشعر من عهد الرصـافي

انا بالشعر للبحرين مجمــــــــــع = ومحيط القافيي والضعف نــــــافي
وعني بو اسامة قال أرفــــــــــع = وشهدلي وقر فيي بالمضـــــــــافي

وهلّق قد ماحبيت تجمــــــــــــع = شعرا تشوف حرف النـــور طافــي
انت وياهن تأكد بترجــــــــــــع = وقت مابفتتح رح ضل إختــــــــــم
مافي عندي قواعد ع شفافي
============

جبان الخاضع بعيني وحســودي
مابيشـعر بشطحاتي وشــرودي
لا للذل في دولــــــــــــة قلـيـــــــلة
وعبيد الشعر ماصاروا جنــودي

وصديـقي الصادق بقول المثيـلة
بوجــهي مارفع مرة بــــــارودي
الفضـــــا بيفتـش بنسمة علـيـــلة
لمنح الـناس لفحات البـــــــرودة

الصــــداقة نكرت مطلبها بسبيلـي
وغصب ماكانت بفرض البنودي
وجروح العابرة بتنسى القبـــــيـلة
وجــرح رفاق مش علـقــة ودودة

وكيف النـار بسراج الفتيــــــــلة
بتاكل بعضها بتبقى جـحـــودي
ماتركت رقبةّ زرافة طـويــــــلـة
بتوصل للســـما وآخـر حدودي

لهاالأسباب إقنع يازميـــــــــــلي
ع مدفع شعـر لاتسحب فـرودي
ومابدي تعد غيبتنا هــــــــزيلي
اذا عم غيب تانفّذ وعـــــــودي

وطريدة الشافها سبعي هزيـــلة
عنها يوم ما بحثوا الاســودي
لأنو الحق والشمس الأصــيــلة
مهـــــما الغيم غطاها بتــــرجع
تاتشــرق تخزق الغيم الحقودي

* * ****** * * * *

حلو يا حسن، وبهنيك على استعمال ألفاظ جديدة لم أرها سابقا، ومنها ألفاظ فلسفية مثل " ديالكتيك"، التي ذكرتني بايام دراسة الفلسفة وأيام الجامعة الحلوة.
وجميلة ايضا مقدمة سليمان
"رجع للمنتدى النسر الشمالي***بعد ما غاب عنكون يا غوالي".

ولكن عندما وصل أبو شربل لأن يقول:
"انا يا حرف تا اسكت ما فيي..."

لم يستطع حرف بدوره أن يسكت فأجابه، أنهم كالسمك الصغير ونستدل على ذلك من وصف نفسه بحوت الشعر، وهو تعبير مجازي جميل، وقد وفق الشاعر حرف فيه أحسن توفيق، ولكن عندما قال:
"بقطف كل راس كبير ابشــــــــــع..." ذكرني بالحجاج يوسف الثقفي الذي قال: " إني أرى رؤوسا أينعت وحان قطافها وإني لقاطفها"، وهنا هي الرؤوس الشعرية.

أما شاعرنا الكبير عمار فكان له رد متمكن، وما أجمل تعبيره عندما قال:
"وعبيد الشعر ما صاروا جنــودي"
غير أنه أيضا سحب سيفه الشعري ودارت رحى المنية على الرؤوس،
وقد دافع عن غيبته، ولكنها غيبة مؤقتة.