الحزام الأسود = حرف و الفيس بوك

مشرف عدد الرسائل : 519 تاريخ التسجيل : 15/03/2008

بعد معركة انا وحكمت شديد بهالمنتدى
وزعل حكمت ورجع على موقع الفيس بوك !!!!! وبعدها
دعاني ابو شربل
وكانت القصائد الهجومية الاولى بعد ماعرفت انو مشرف هونيك

ياحكمات ويلا وينك وينك وينك وراك وراك والزمن طويل هههههههههههه
============================

ما زالو صار مشرف ها الأفنـدي = وعمل حالو ضحيية ومتل غــاندي
نصيحة لوجه الـلــــــه يا جماعــة = انا ما بحب ليمون الأفـــــــــنــدي

صفة الاشراف لازمها قنــــــــاعة = وعلم ومعرفــــــة وللحرب جنـدي
وهون إشراف من ثاني بضاعــــة = مــــــاعندو متل مابيكون عنــــدي

يا حكمت ليش طلّعت الأشـــــاعة = وقلت حرروف هانك متل هنــــدي
انا بالشعر في عندي شجـــــــاعة = وجوزة رقــبتـــــك لو كنت مشرف
بدّي طقّها بمفك زنّدي

=========

وانا يا فيس بوك الشـــاعــريي = خنقت الدهر والزرقــــــــــة العلية
وع إيدي تدلل البدر وجمالــــو = وع تختي نامت الشمس الهـنــــــية

أبو شربول ما بنسى فضــالـــو = فتحــلي المنتدى وافضل عليــــــي
وسمحلي ادخل بفسحـــة مجالو = تايتلاقـــــــوا حروف الأبجديــــــة

تلات شعّار من مقلـــــع نشالوا = ابن طـــــــراد شيخ الأشبهـــــــية
وفادي الكان شــــــاعر وبخيالو = متل عمّار بالكلــــــــمة الغنــــية

وعلى الفيس بووك تانعود ودلالو = انا ماكنت هــاوي العنتريــــــــة
وقت حكمت مابخيب أمــــــــالو = هرب من سطوتي ومن عزم ديي

برغم ما كان بدي بإنفعــــــــالو = يترك منتدى الكلــمة الشذيــــــــة
وذياب الغدر من مجدي ما نالوا = ومعي ماقطّع بحــــــــور العتــية

انا للبدر لبسّتو عقـــــــــــــــالو = انا حرف الزكـــــــــــا والعبقرية
ومتل ديغول بفرنسا نضـــــــالو = نفسي هيك خلقت ثـــــورجـــيـــة

البعد مافرشخوا فوقو رجـــــالو = عامل مشرف وآخـــــــر وصـية
الزجل يا ناس طوّل اعتــــــقالو = تعوا تا نجمـــــــع ورود الطبيعة
وع إنترناتنا الكلمة نحيّي

==========

وانا يا ست هيفا مش أنـــــــــاني = وبغير الشهد ما بينطق لســــاني
بعتلـّـك قبل مني رســـــــــــــالي = و ردّ زغير منك ما إجــــــــاني

تركتي منتدى الفكر الخيــــــــالي = وقصدتي فيس بووك بصف ثاني
عليي ليش كان الصوت عـــــالي = وكثر الخوف بيرجّف ثمــــــاني

ع شو هالبهورة بساحة مجــــالي = ماكثر الخيخنة متل الخيـــــــاني
انا موصوف شاعر ارتجـــــــالي = حرف للشعر عم وزّع إعــــاني

ويا فادي بتعرف الحرف المــثالي = ما هان الدف وبيوت الغنـــاني
ما في رخيص باعو بسعر غالـي = ولا لون التبر عندو أسمــــراني

وكلما ان مر بقـبــــــــالي زوالي = ع بيــدر قمح مابخلط زوانـــــي
مرق من قبل مدة ع مجــــــــالي = مش مرحوم تاه بلا إهـــــــــاني

زعل من سطر برميل الزبــــالي = وانا مازعلت لو أكثر هجـــــاني
صدري من الحقد ارحب وخــالي = وعدت تاسلّط حروف المعـــاني

فيتو انحط ع أسمو يا غــــــــالي = وانت بالمنتدى عندك حصـــاني
ولها الأسباب يا هيفا تعــــــــالي = نعـلّــــم كيف بيكون التحــــــدي
ونزرع نـتّـــنـــا بأجمل معاني

============

وبعد ما يدخل الحرف استعــــدّوا = ومنو النــــور بالشعر استمـــدوا
ومتل طابور ع فرن المعـــــــاني = بتجوا تتباركــــوا من كفوف يدّو

انا معجن قوافي بلا أهــــــــــاني = للخبّــــــــــــــاز والعامل بــودّو
بس اللي غلط مرة وهجــــــــاني = كفوفـــي بتزرع البسمة عا خــدو

إلهي الموهبي منو عطـــــــــاني = وبعثني حرف مــافي حروف قدو
انزرع ع جبهتي حروف الفطاني = وياذلو الصار حرف السيف ضدو

ومابدي تجاوبوا بقافة غنــــــاني = بزخم قصــــــــــايدي بدي تردوا
وإذا للصفصفة بعثتو معـــــــاني = بمشلح رقبــــــــــتو قوموا تهدوا

وعلى الأشراف حطيتو أنـــــاني = جـــــــــــــــايي علمو وآخذ بيدو
تاقلّو أشرف بأرقى أمــــــــــاني = ومهـــــر الجهل مامنرضى تخدو

إذا بيقول مابدي إعـــــــــــــاني = واذا هــــــــا المدعي قلي ما بـدو
ع راسو بكسّرحصون المبانــــي = واذا بيكون سقــــــــــفـو بالمجـرة
السقف ع قرعــــتو مجبور هدو

===========

ويا طوني سماع منّي ها العبارة = الزجل عا الـنت مش صفقة تجــارة
كفــاك تشقلب بوزن القصـــــيدة = بجنب حكـمت أشعـارك خســــــارة

حكيتك يوم وبتعرف بريـــــــدي = وقالـــــــــــوا بالزجل عندك جدارة
ومعي جربت تحكيني أكيـــــدي = كلام مجامـلي وخـــــــــرج الأدارة

انا مابحب تاتزكّي ع إيـــــــــدي = ضلك مع صحـــــــابك عن مهارة
هجموا وتدرّبوا بعركي مفـــيـدي = وبلاها ها الوجوه المستعــــــــارة

حرف يا صاحبي عملة جديـــدي = ومنّك بالشـعر ناطر إشــــــــــــارة
حكمت ماطلع سعرو مجـــــيـدي = وغيرو مـــــــــــا بيسوى ربع بارة

وإذا بحقي حكي لسان الحسيــدي = وعليكن شن رب النت غـــــــــارة
كفن حكمت ع قد الجريــــــــدي = ان نطق بالزور كلمة وما تهــــذّب
بجبلو مقص أو ببعت الفارة

===========

قبل ماالمدعي بالشعر حِقـــــــــو = وأعطي كل صاحب حق حـقو
تراث الشعر في عندو مزايــــــــا = منـــــها كثار ع المنبر ترقـوا

يا شاعر فيك تطلع عا السرايـــــــا = وتعـمل حاكم ودربك تشـقـو
وعليي ليش زغزغتوا النــــــــوايا = ونقيق الضفدعة صرتوا تنقوا

ونميمة وقلقة بحق البقايــــــــــــــا = ع كل الناس لاخلوا ولا بـقوا
لها الأسباب جــايي للوفايـــــــــــا = العواذل يفقعوا يموتوا يطـقّوا

الحرف بالشعر عم يكسي العرايا = إصغــــــوا لكلمتو والبزر فقوا
لكن هون في عندي وصــــــــايا = انتبهوا الحـرف بمجال التحدي
اللي قد المستوى راسو بطقّو

==========

سمعت حسّون فوق الغصن تكتك = وشعور النت بالموقع تحـــــــرّك
وقبل كلمةّ صبـــــاح الخير شرّف = مرق عا مروجنا تا صار يضحك

انا من زمـــــان ع شعرك معرّف = أبو شربــــــول ها النسر المرّك
ملاك المــــــوت عالشعار رفرف = بعد مــــــا رقاب ومناخير فرفك

وانت يا شـاعر اللي فيك توقف = حرف المنبـــــــري ع النت عرفك
بعرف حكمـــت المغرور خرّف = وبصدرو سيوف وسهامي تشكشك

وبقلةّ حق درب الصــــدق حررف = وخنق صوت الحقيقة شو تبكبك
وبأشرافو الزجل صفـــــى مقرف = ل خلا الحرف يلعن هيك ساعـة
بشفرة طيّبي ينقص عِرفك
========
لا تعلقو ع ها القوافي
لأنو انا ما بحب اكتبها
بس تا ما تقولو ما جدد
هههههههههههههههههه

» نقل عن الفيس بوك
» حرف وحكمت شديد ع الفيس بوك
» عركة قرادي عا الفيس بوك مباشر هههههه
» اعتراف بو شربل عا الفيس بوك هههههههههههههه لحكمة شديد