Tema: بعد ما ذقت التراث هههههههه

Comentario nº 1ألشاعر سليمان طراد ha escritoHace 17 horas
تراث كتب

مبروك يا سليمان يا إبني

ولا بقا بســّام تحسـبـني

لولا على بسـّام فكرك جال

هيدا فخر للمجد تنسبني

وشعرك بيتغربل على الغربال

هيدي الحقيقة... لا تعاتبني

مرّة بتعجبني بتكتب عال

ومّرة بتكتب ما بتعجبني


رد بحر الزجل

مين اللي قلّك يا تراث نزال

عامجالنا شو مفتكر جبنا

لوما عجبتك بالزجل يا خال

ما كنت عا العركة بتطلبنا

نحنا بحور وبالشعر شلّال

فهام القصيدة ولا تعاتبنا

نحنا بشر لو ضاقت الأحوال

أوقات الله ما بيعجبنا

شبّهتك ببسام ماشي الحال

بسّام شاعر ما استغربنا

من ورد عنداري عطر منشال

وعا النت مع ناصيف دوّبنا

لكن انت بالمنتدى محتال

مخبّى بأسم روكز حبيب الكل

وان كان مش مظبوط جاوبنا

بحر الزجل
اوووووووف اوووووف


فيّقت فيي موسم وضليّت

غافي عا بيدر شعرنا ملقوح

وعمّرت مجدك بالزجل من بيت

وما قدرت تخطف بالخيال الروح

بتعرف بو شربل ما بيعمول ديت

شو علّقك عا النت يلا روح

يمّا بقّلي جوانحك بالزيت

وعن روحك بصلي عا انترنيت

تا يصير أكلك بالزجل مسموح
ههههههههههههههههههه


بحر الزجل هههههههههه انتبهوا عا الشطوط


قديّش صرلك كاتب الردة

ومتهجّم على الرب بيقدّي

فكّرت بو شربل انت مشغول

وبيغيب يمكن بالزجل مدّة

تفاجأت فيك وكيف عم بتقول

عن شعر بو شربول مش جدّي

شعري وحي وألهام نزل نزول

وبحري جزر والعاصفي مدّي

بّبحر التحدي بصير متل الغول

ويا ويل ويلو اللي طلع ضدّي

بس بقصيدي البندّي معسول

بيفيق عطر الورد المنّدي

وعا النت شعري بيشبه المعمول

فستق عا بندق قطر وكنافي

بشكّل صواني متل ما بدّي

escritoHace 17 horas
وهيدي عا البيعة
ههههههههههههههههههه
ملكوت الزجل



يا شعر دوّبني بدباديبك

وخلّي الوحي عا المنتدى يجيبك

وقلّو لروكز راحت الأيام

من المنتدى لملم كراكيبك
هههههههههههههههههههههه


شبهّتك حالك يا بطل مقدام

بروكز أمير الشعر تا نسيبك

وناسيأ بو شربول شك سهام

بصدرك تا طلع السم من نيبك
هههههههههههه
كنت افتكرتك بالورد رسّام

وطيب الربيع بجهلتو طيبك

تاري يا حسرة شحطت معنا فرام

وعا قلب وادي شقلبت جيبك
ههههههههه

زعلان منّي ...تشبّه ببسام

وتا تصير شاعر عيف ترهيبك

وقرّب تعمّد من بحر ألهام

وخبّر خليل وبطرس وأدوار

أنّو بو شربل بالزجل جبّار

وبتفلّ هوني بتصرخ الشعّار

وبتقول الله مع دواليبك

ههههههههههههههههههههههههه

Denunciar
Comentario nº 5الــتــّــراث الـلـّــبــنــانــــي ha escritoHace 15 horas

فيييييق ... شوقي يا بو روكز فاق

وغفـّي محلـّـك لهبة الأشواق

بالغصب عنـّـا والقدر مكتوب

الكانو رفاق اليوم صارو فراق

^

عا كلّ حال الوقت صار غروب

ومنعود بكرا يا خليل رفاق

لا تفيييق ... فيـّـي العمر عم بيدوب

ورح يلتقي المشتاق بالمشتاق


^

أروع مشاهد سحر فيها طيوب

عملاق يبقى بعظمة الخلاّق

والـ آآآآخ من صدرو وجع مسحوب

عملاق ... وبيتوجـّع العملاق

^

الدشـّـرتهن كانـوا عليك حبوب

وشربوا نزيفك من جرح حرّاق

صارو نبيد المنبر المسكوب

عتاق وتربـّوا عا ديـْـن عتاق

^

ولـيــش يا سليمان مـا بتــتـوووب

ووســع المدى عا حدود فكري ضاق

يا مركب الجايي تشنّ حروب

عا موج بحر الشـّـاعر الخفـّاق

الموج تـِمّ البـحر ... لمـّا يروب

بتصير لقمة بــتــمّ عم تنداااااااااق


Denunciar
Comentario nº 6الــتــّــراث الـلـّــبــنــانــــي ha escritoHace 15 horas

عن جدّ عيب عليك يا سليمان

هالصـّفصفة بالشعر ممنوعة

الشـّـعر مش صرعةْ صبي جهلان

الشعر آآآخ وروح مصروعة

المتلي بيتوجـّع مع القصدان

وإنت القصيدة فيك موجوعة


ولو كنت قاري روكز وجبران

وكل شي كتب عالرفّ مجموعة

ومغيـّـب الإنجيل والقرآن

وحاوي بعقلك ألف موسوعة

بيقى الوعي فيـّي وإلي خلقان

وبتضلـّك قبال الوعي غفيان

ويمكن بيمرق دهر ما بتوعى

Comentario nº 7Hikmat Chedid Helou ha escritoHace 15 horas
يعطيك العافية تراث. هيدا البيت فيه خطأ مطبعي مسببلو كسرة بالوزن.

فيييييق ... شوقي يا بو روكز فاق

Denunciar
Comentario nº 8الــتــّــراث الـلـّــبــنــانــــي ha escritoHace 15 horas

أهلا إستاذ حكمت

بو روكز لازم تلغي مفعول الواو وما تمدّو يعني بـُ روكز

يعني كأنـّك عم تقول

فيق شوقي يا حـ بيبي فاق

عا كل حال منشوف رأي الشباب كمانDenunciar
Comentario nº 9Hikmat Chedid Helou ha escritoHace 10 horas
قصيدة حلوة يا شاعرنا الحلو. مزبوط إذا بتجزم الباء وبتحزف الواو بتصير موزوني. بس بتخلي البيت يفتقد للسلاسة المتواجدة بهالقصيدة الحلوة. وبالأخص هون:


عا كلّ حال الوقت صار غروب

ومنعود بكرا يا خليل رفاق

لا تفيييق ... فيـّـي العمر عم بيدوب

ورح يلتقي المشتاق بالمشتاق

Denunciar
Comentario nº 10Toni Chalhoub (France) ha escritoHace 9 horas

الله يا عمّ التراث شي حلو كتير

يا مركب الجايي تشنّ حروب

عا موج بحر الشـّـاعر الخفـّاق

الموج تـِمّ البـحر ... لمـّا يروب

بتصير لقمة بــتــمّ عم تنداااااااااق

هيدي الصورة كتير جلوة خصوصي إنـّك عم تحكينا بثقافة جديدة هيـّي الأكل والتذوّق بعد ما تكون طبخة سليمان صارت جاهزة ههههه

الشـّـعر مش صرعةْ صبي جهلان

الشعر آآآخ وروح مصروعة

المتلي بيتوجـّع مع القصدان

وإنت القصيدة فيك موجوعة

شي روعة وهاللعب عالكلمات وقعو كتير حلو

عا كلّ حال الوقت صار غروب

ومنعود بكرا يا خليل رفاق

لا تفيييق ... فيـّـي العمر عم بيدوب

ورح يلتقي المشتاق بالمشتاق

شو هالحنيـّة والبلاغة ؟ الله يطوّل بعمرك ويخلـّيك منارة للزجل


سليمان عندك بيت حلو وأثـّر فيـّي كتير

نحنا بشر لو ضاقت الأحوال

أوقات الله ما بيعجبنا

يعطيكن العافية Denunciar
Comentario nº 11ألشاعر سليمان طراد ha escritoHace 2 horas
بحر الزجل

فكّرت فيها قلت يا خطيّي

جن التراث تهجّم عليي

مش عارف الملكوت لمّا يفوت

عا النت في ثورات شعريي

شعري صلا من الألهة مبعوت

ومطّرز بومضات سحريي

شعري خلود الروح ما بيموت

وبيعيش بين ملوك نتيي

شعري حلا وبالعاطفة منحوت

وحتّى الغرام بيسأل عليي

انكنّك تراث الشعر في ملكوت

أسمو بو شربل يا تراث سكوت

معقول أنّو ياكلك بسكوت

أو يبلعك بالمنتدى نيّي

هههههههههه

بحر الزجل


لا تقول عيبي دلّ عا العيبي

العيب الما عندو من السما ألهام

ولا تقول ربحك صار بالجيبي

وتا تصير قدّي يا تراث حلام
هههههههههههه

روح استحي قدّام ها الشيبي

احلا ما تاكل بالزجل حمّااااام
هههههههههههههههههههههه
الزارع فشل رح يحصد الخيبي

واللي بيقضّي عيشتو أوهام

بيصير يبكي بكوة البيبي
هههه
وبنحملو بالليل حتّى يناااام
هههههههههه
شو باك غايب وين ها الغيبي

لا تغيب عني بالزجل أعوام

رح بعملك عا النت لعيّبي

وفرجيك كيف بيعملو الرشتا
هههههه
والشوربا بدجاج أو بحمام
هههههههههههههههههههههههههه
بحر الزجل


يمكن عليك يحن ألهامي

واعطيك فرصة للهرب تا تتوب

واعمول عا نارك طبخة البامي هههه

وكتّر ملح تا اتركك متعوب
ههههههههههههههه
بتعرف ما عندي طبع أجرامي

وطبيّخ نبّر ون يا حبّوب

والفرن عندي عا الوقت حامي

والنار منّو طالعة شلهوب
هههههههههههههه

تا تتركك عا النت قدّامي

صفوة عليها بينشوى القلقاس
ههههه

حضّر حطب يا حكمة وشلهوب

هههههههههههههههههههه

بحر الخيال والصور الشعريي

بو شربل

معروف عنّي بالزجل شلّال

والروح فيي بترقص قوافي

والذوق تحفة من الوحي منشال

والريح مشلح عز عا كتافي

وعا النت لولا مرقت متل خيال

بتقرب عليي ابعد مسافي

وبيصير يحملني الحكي موّال

بهزّ العبير بهدهد حفافي

وبغفا عا صدر القافية سلسال

وبضل واعي ولو كنت غافي
هههههههههههههه
بسرق حلا وبين الحلا بختال

بنقّي عا ذوقي فرحة كتافي

وبصب شعرك يا زجل تمثّال

وبصير أنحت فيك بالأشعار

تا تصير متلي من الدهب صافي

هههههههههه

تراث الزجل

بخيوط هالتــّـجعيد عا كــــفـّـي

في ألف ســـرّ وســـرّ متـخـفـّـي

ومش حق محبـــس تحملو الإدين

يبقـى عا حالو وحاملو يصــفـّـي

^

يا طراد هالمحبس جمع قـلــبــيـن

وربـّـى عيــال وزفـّـهن زفــّــة

حملتو بإيدي من قــبــــل جيليــن

ومن قبل ما حملتو حملت دفـّـي

^

غنــّـيت مع بطرس وحنـّـى وزين

كانوا نــسور وصفـّهــن صفـــّي

ومن بعد موتن طلّ هالـبوحنيـْـن

وبالغصب عنـّي تهت عن رفـّي

^



وعا سيرة المحبس .. جـَمـَـعـْـنا تنين

ويا حلوتي ... صرنا على الحفـّـة

بتتذكــّري ليالي السـّـهر ما بـيــن

شاعـر وحلوة وشـــوق بيكفـّـي ؟؟؟

والتلج طير مكـتــّــف الجنحيـن

يوقع عا باب البــيـت ويغــفـّـي

بكلّ سهرة تغزلي شــالــيـــــن

ويغزل إلك أشعار بـتــدفــّـــي

وتا تقطبي الخيطان عالميليـن

سنـّـارتـك عا إختـها تحـــِـفـّـي

وهـوّي إلك تا يقطب البـيـتـيـن

البيت على خيـّـو البيت بيقـفـّـي

^

من هيك ما بتعلا عا حاجب عين

وقدّيش عمرك إنت يا سليمـــان ؟

مدري بوقتـا كنت مش خلقـــان

مدري بعمر التـّـوم عمرك كان

بتتحفـّـض وغافــــي بالمــلفـّـة


مـرّة كـأنـّـو تــنـحـنـح الإعـصار

والرّيح هبـّـت من فرد هبــّــــة

ومتل الكـأنــّو الـعتم كان سـتـــار

والنـّــور زاحو... ولاح عالقبـّـة

وجّ الله وجّ كـــــلـّـو وقــْـار

بيرشـح طهر وبيـعرق محبـّـة

مرقوا عا بالي الشـّـعر والشعـّار

وسألت عن أهل الشـعر ربــّــــــي

^

سمعت منـّــو قبل مـا يحتــــــار

إســمـي وعنـّـي قــال مــتـنـــبـّـي

ولمـّـا على سـليمان فكــــرو دار

ما سـمـعت إلاّ ميـّـة مسـبـــّــة

^


الما عصر من وهج فكرو نــــــار

ولـنـّــو عـَـ كـِــلّ حبـّـة دلـق حبـّـة

بــِـيـحـَـصـْـرم العنقود ... والخمـّـــــار

خوابي الشــعر ما بيقدر يعبــّي

^

والما بيسخـى انرش حقـلـو بـْـدار

وجوع التـّــلم مـا بيقـدر يلبـّـي

بفصل الحصيدة ما بيجني غمـار

بيجني لوكر النـّـمل كـمّ حبــّــة

^

كان الشـّـعر يحمل معو أسرار

سـّر ظـــاهر ... سـرّ متخبـّـي

واليوم يا أجيال مهما صـــــار

لازم عا ذات النـّـهج تـتـربـّـي

وتفرّقي بالشـّـعر والأشعــار

بين البـشـعـرو عم يعـبـّـى وراق

وبين البشعـرو الـرّاس بيعبـّـي

بحر الزجل
صباحو يلا قبل فنجان القهوة
ههههههههه



غمّق بشعرك قد ما بتقدر

بركي بتوصل بالبحر للكعب

لكن توقّى كتير يا معتّر

لا تشوف أفلام الحقيقة رعب

جايي عا بحري مفرّع مبكّر

وبلّشت تتعلم ببحر الصعب

وراسك على الألهام متسكّر

لا فيك تغني النت بالأشعار

ولا فيك متلي تكون بيت الشعب

ههههههه




بحر الهزل
والشعر الفكاهي
ههههههههههههه


يمكن حدا بالمنتدى غشّك

ويمكن انت بتبرحشك مغشوش
ههههه

مفروض حفّك قبل ما رشّك
ههه

ولو كنت ما بتسوى قرش مبخوش
ههههه

متل الدجاجي جيت تا كشّك

عن منتدانا البكر يا تشتوش
هههه

كيف لاك عين تبحلق ووشّك

أسود متل الغراب وبتحكي

بنخار أفطس مصدر الضحكة

ومنشان تظهر شعرك المحكي

دفّي بحقّي لسانك المقطوش
ههههههههههههههههههههههه

بحر الخيال
المنزّه

بتقول خيط القافية مجعّد

وناسي الحرير الأملس المحبوك

خيطو وحي عا مغازلي تعقّد

من شعر عبّى النت عا الفيس بوك
ههههههه

بتعرف بو شربل سافر لأبعد

من حلم الله تا يغيّر لوك
ههه

عازم النجمة ورااااح عا الموعد

ومتأنف وبيقول عندها توك
هههههه

وانتي فقير وبالشعر مقعد

وتا فيك توصل للتخت سندوك
ههههههه

قلتلّك ببحر الوحي تعمّد

يمّا بايدي بفرمك تا تصير

ترويقة الأعضاء جبنة بوووك


ههههههههه

ملكوت الزجل بو شربل


نادي خليل وبطرس وأدوار

وقلّون حكمني بالزجل أدوار
هههههههه

لا قدرت عبّي الراس والأحساس

عبيّت كرشي شوربا وخيار
هههههههههههههه

شويتك عا انترناتنا قلقاس

ووجك حرقتو بالغلط عا النار

وصفيّت جرصة انت بين الناس

وضحكوا عليك بمنتدانا كتار
هههههههههههه
وكرّشت معنا بس قدرك خاس

خفف الملح ولا تحط بهار
ههه

بركي شي مرّة صرت يا حسّاس

شاعر ورايي ترد عا المنبر

بعطيك دور تحمّس الأنصار



رب النت وملكوت بحر الزجل
بو شربل



من حضن الله بجيب أبياتي

وبطق بالموقع بلا تفكير

والشعر زاتو عايش بذاتي

مركز تحكّم جبهتي بيدير

******

وما بخون مهما يصير رفقاتي

عندي الصداقة في لها تقدير

وعكرين مش رح قول زيتاتي
ههه
وعا الطبخ جايي محضّر الكفكير
هههههههههههههههههههه

وبحب حتّى صدّقو حماتي
ههههه
وبعشق الكاس وبلحق تنانيير
هههههههههههههههه


وما بغش يا طوني زبوناتي

من هيك الله فاتح بوجي

وفاتح مطاعم بالحياة كتييير
هههههههههههههههههههههه


رب الزجل



وفرع الحقيقي دايرو بسّام

ببيع بس تياب نسواني

والربح عندو بالزجل ألهام

بيقبض مصاري بس لبناني
ههههههههههههه

ويمكن سوى نفتح فرع بالشام

الأسواق صارت هون تعباني
ههه

بيلزم اكيدي للشغل خدّام

طوني وتراث تنين معقولي

ما بيفرق الأول عن التاني
ههههههههههه
هيدي مشفّرة هههههههههه


رب الزجل ومحيط الأبداع
بو شربل


كنتوا افتكرتوا بيتعب سليمان

وببيع مطعم عاملو عا أصول

ويا حرق قلبي عليك يا لبنان

مشتاق اكل كم وقعة فول

الله يرحم ها التراث الكان

يشبه بوجّو شقفة المعمول

راح اندفن مع عصرنا التعبان

وعن جيل رقص وطقش شو بنقول

ديعان مجدك يا وطنّا حان

نرجع سوى عا بلادنا تا نجول

ولا تفزعو عا الشعر يا اخوان

ما زال عنّا النت بالمهجر

صلّو تا يبقا منيح بو شربول

ههههههههههههههههه

Comentario nº 24Toni ha escritoHace 22 horas



هيدي البوك ما بقى في منـّـا بـفرنسا ، في عالم متخصصة بالطبخ متلك وبتجدّد دايما ههههههه هلـّق في كامومبير

Comentario nº 25ألشاعر سليمان ha escritoHace 20 horas
ملك الطبخ والتجديد
بو شربل



كرمال طوني قررت تكبير

مطبخ بو شربل صار حجمو زغير

ومعقول بفرنسا طلع قانون

ممنوع نعمول غير كامومبير

عندي طلب عا النت من أنطون

فرع الفتحتو من فرنسا يدير
ههههههه

عا شرط يبقا ها الصبي موزون

وما يروح يلحق بالهوى تنانيير

ويترك المطعم ما يربّي زبون

في وقتها رح كسّرو تكسير

مطاعم مواقع شعر برحليون

بتمشي يا طوني تأكد ولا تخاف

ووين ما فتحنا الأسم صار كبير\

هههههههههههه




Comentario nº 26الــتــّــراث ha escritoHace 20 horas

يا شباب أنا منـّي أي حدا من الشباب الناشطين بالموقع

إلي الشرف كون الإستاذ طوني يا سليمان ويا ريت حدا من هالشباب التقال بينزل عالساحة بس المشكلة إنـّو كل واحد بيتعب عا كلامو بيستصعب يعمل حوار

يعطيك العافية يا سليمان حبيبي كان حوار حلو وانشالله منبقى نعيدو بس ما تكتـّر ملح كتير بالطبخات ما بيسوالي