صرلي عمر

موضوع: صرلي عمر الإثنين أغسطس 31, 2009 8:25 pm

صرلي عمر اسهر مع الحرمان
بليل الألم والضو ما يطلع
وبفرد كاسه خمرة الايمان
ومع مازة الحلم الجمر اجرع

صرلي عمر احمل فدا دموعي
شيّار همّي وادفن العنّه
بتراب قلبي وضجّر ولوعي
ومتلي ضمير الليل مستنّي

صرلي عمر حزّم على الأسرار
منديل حكتو بخيط بسماتي
واعزف بحبر الروح ع الآثار
لحن الطهر من كفر ابياتي

صرلي عمر مع شردة عطورا
هايم بصحرا وعود ملغومه
تا شاطر المجنون شي مشوار
وبعيد حبّا شعّل كرومي

صرلي عمر احلم بأعجوبه
نبعة ضماير تشقع بشي جرد
بشوكه تبلسم حيرة دروبي
وجمره تصلّي عا نهود الورد

صرلي عمر دفّي الشمس بكتاب
بفيّة حلم طاهر من نبيدي
وزوّج حنين العاصفه سرساب
دمّو أمل والروح تنهيده

صرلي عمر ع مخدّتك سافر
وتغلي ورا الايّام قهوتنا
يتعب صباح الشعر ع غيابك
وترقص بعرس الغيم شهوتنا

موضوع: رد: صرلي عمر الثلاثاء سبتمبر 01, 2009 2:51 pm

وترقص بعرس الغيم صرلي عمر اسهر مع الحرمان
بليل الألم والضو ما يطلع
وبفرد كاسه خمرة الايمان
ومع مازة الحلم الجمر اجرع

شهوتنا يسلم تمك يا شاعر أحسنت؟؟؟
التعليق لمن يمتلك الأدوات واامعرفة حلو يا علي

موضوع: رد: صرلي عمر الثلاثاء سبتمبر 01, 2009 7:35 pm

هلا بيك خيي حسن

شكرا للتشجيع الرائع بهـ المرور الراقي

محبّتي وتقديري

موضوع: رد: صرلي عمر الجمعة أكتوبر 30, 2009 9:22 pm

صرلي عمر شرّد حلى موّال

حتّى م يحرق شمسها ع الشط

والعمر صرلو بنهدتي اجيال

مراعي شعور الرمل كل ما غط

* * *

صرلو عمر بثيابها علقان

متل العطر والليل غنّيه

لا الزنبق تدلل بهـ البستان

ولا الريح هديت روحها فيّي

* * *

صرلا عمر بالبال محفوره

ع حبال روحي نذور تتفرّع

شمس وبثلج الآخ محصوره

منها مزاريب الفجر تشقع

» صرلي عمر