عطر ...وقصيدة

فلفّش يا عطر ...الريح تا تضمّو
وخلّي الورد ..جهلان مع أمّو

وفيّق بقلب العاصفة شياطين
تركهون ورايي قصايدي يلّموا

ومرّق شفافك عا الوجع سكيّن
وتا تدوق قلبي شراب من دمّو

ولا تضل عايش عطر يا مسكين
تخلق دني بجنينة الحلوين
وتشرب عصير الورد من كمّو

جنرال الغزل بو شربل
هههههههههههه

فلفّش يا عطر ...الريح تا تضمّو
وخلّي الورد ..جهلان مع أمّو

وفيّق بقلب العاصفة شياطين
تركهون ورايي قصايدي يلّموا

ومرّق شفافك عا الوجع سكيّن
وتا تدوق قلبي شروب من دمّو

ولا تضل عايش عطر يا مسكين
تخلق دني بجنينة الحلوين
وتشرب عصير الورد من كمّو

تابع

شرووب ولا تسأل عن طلوع الروح

بتشوف جرح العاطفي مفتوح

عطر القصيدة بيشرب المعنى

وزهر القوافي من القلب بيفوح

يتبع
.
.
.
.
.

سليمان كتب:: جنرال الغزل بو شربل
هههههههههههه

فلفّش يا عطر ...الريح تا تضمّو
وخلّي الورد ..جهلان مع أمّو

وفيّق بقلب العاصفة شياطين
تركهون ورايي قصايدي يلّموا

ومرّق شفافك عا الوجع سكيّن
وتا تدوق قلبي شروب من دمّو

ولا تضل عايش عطر يا مسكين
تخلق دني بجنينة الحلوين
وتشرب عصير الورد من كمّو

تابع

شرووب ولا تسأل عن طلوع الروح

بتشوف جرح العاطفي مفتوح

عطر القصيدة بيشرب المعنى

وزهر القوافي من القلب بيفوح

يتبع
.
.
.
.
.

جنرال الغزل
بو شربل

قديّش بدّك يا عطر تاتزيح

وتطيّر الاااااهات من روحي

وتزتّني خلف المدا مراجيح

ويلعب هواك بملعب جروحي

يتبع
.

.
.
.
.

يا بو شربل

كلــما جمــال الــسحر يعقــد قنــطـرا
و يرسم حلا عا خدود حلوة مبودرا
بيوعى ضمير الحبر عا خدود الورق
يكاغــي جمـال السـحر بعيــون المـرا

قالت القصيدة للعطر

فتّق حكي وقطّب شفاف ..وروح

تعمشق...!!! بورد العاطفي وغنّي

وخليّك يا شيطان بالجنّة

غازل ملاك جهنّم و مسموح

ترجع خطيّة ااادم اتتّني

جنرال الغزل
بو شربل

يتبع
.
.
.

.

يخرب زوقك اديش حلو

بعده الئمر متربض
بأرص السما
والشمس عن تشرء
مع الفجر الجديد
ونسمة عليلة
بعدها بهمس ووما
بطعم الهوا بتوصال
لاكن عن تفيد
والمي ملها لون
والغيم ارتما
يسئي زهور الشاعرية
من بعيد
الا حبيب الئلب
غادر هالحمى
كرمال عينه عملت
ئلضي حاكمه
وبسجن ءلبي
احبسه بدال
الحديد

حلو حنا بس انا متل ما فهمت القصيدة رح عدّلها لأنو يا عم انتي عم تكتوب ال|ألف متل القاف
في كلمة ما فهمتا تركتا متل ما هيي ملوني بالأحمر لأنو ما فهمتا صراحة

يخرب زوقك قديش حلو

بعده القمر متربض
بأرص السما
والشمس عن تشرء
مع الفجر الجديد
ونسمة عليلة
بعدها بهمس ووما
بطعم الهوا بتوصال
لاكن عن تفيد
والمي ملها لون
والغيم ارتما
يسقي زهور الشاعرية
من بعيد
الا حبيب القلب
غادر هالحمى
كرمال عينه عملت
ئلضي حاكمه
وبسجن قلبي
احبسه بدال
الحديد

ئاضي
اضي
قاضي
نئي الاصح
الله يديم هل همة
يا ابو شربل
ويكتر من امتالك
تايبئى هل لون على رهجته
وبازن الرب مايبوخ
ولطالما هيك موئع حاوي
على نخبة من الشعار
فيي ئول بعده الزجل بخير
الله يئويكم ويحكميكم
عمكم حنا
ولا تواخزوني عالاملا تعيلي

سليمان كتب:: قالت القصيدة للعطر

فتّق حكي وقطّب شفاف ..وروح

تعمشق...!!! بورد العاطفي وغنّي

وخليّك يا شيطان بالجنّة

غازل ملاك جهنّم و مسموح

ترجع خطيّة ااادم اتتّني

جنرال الغزل
بو شربل

يتبع
.
.
.

.

قال العطر للقصيدة

مشتاق عطري يطير ب ورودك

ويغط... فوق خدودك يصفّي

يشرب حروف ..ويعصر الشفّي

وخمر الحلا يسكر مع خدودك ... ..
.
وطهر الخوابي... يدوخ بالعفّة

بو شربل بحر الزجل

ر

وضل العطر يوشوش القصيدة
شوفوا شو قال

بحر الزجل

عمرك متل صنين وسنينك تلوج

بتدوب بين الورد حتّى تصير روج

وأكبر جريمي نكبر بغربة عذاب

وصوت السعادة يضوع من صوت الصنوج

صفحات عمري طويتها متل الكتاب

وفت على قممقم واقعي وصعب الخروج

وكنا نلبسنا تيابنا تحلى التياب

واليوم صرنا نتّكل عا تيابنا

تشرن ربيع العمر واصفرّوا المروج

.
.
.
.
.
يتبع

ملاحظة ها البيتين قديمين لشاعر محمد أبو خزام من بلدة كفرحيم بالشوف وموجودين بديوانو - خزاميات استعرتون منّو
لقيتون بمحلون اعزروني عا الأستعارة

وكنا نلبسنا تيابنا تحلى التياب

واليوم صرنا نتّكل عا تيابنا

دت القصيدة عا العطر

بكيّر حتّى تهر ورقات الزهور

وتضيع بين الشوق وقناني العطور

فيّق صباحك عا الجمال بلا غرور

ولا تضل عطر ومختبي بين الصخور

فتّح مع النسمات وردات الحكي

وعطّر معاني مشلقحة بين السطور
.
.

.
.
.
يتبع

بحر الزجل

ضلّك سماع الروح بتنّجي
وبشفاف الله بتقدر تهجّي
وفيلت خيول الذوق بالإبداع
...بيحلا الشعر لو كلمتو الفجّة
وما زال عندك ها الوحي ما جاع
...وعامل بشعرك صرت ها الضجة
يا فل عن الغروب يما رجاع
ولا تحمّل القلب الحلو أوجاع
ما لاك تهجرنا ولا حجة

بحر الزجل

حكمت الحلو
وحياة أرز الرّب يا سليمان
يللي قبابو واصلي لالله

...ما اعتاد قلبي يضيِّع العنوان
ولا عن وفى الأحباب يتخلّى

حكمت إبن ضيعة بأرض لبنان
بتحلم جناح النسر توصَلاّ

مهما بألله يكفر الإنسان
بيضل نور الرب يتجلّى

بيِصعَب عا شَوك منالورد غيران
أكتر منالوردات يتحَلّى

والورد مهما ينترك عطشان
بيضلّ أحلى زهر بالبستان
وبيفوح عطرو عالدني كلاّ

ألشاعر سليمان طراد
عطرك سرق من فوحتو سروري
ودبّق عا منخار الحلا سكّر
وخليت روحي تناغش شعور
وصبحك تا يحكي بالحلا بكّر
لازم يا حكمت شوفك...ضروري
...ولولا مزاجي كان متعكّر
خايف لا تعمل حضرتك خوري
ومن بعدها تخطا مع الحلوين
وللدين كل الناس تتنكّر

بحر الزجل

Naji Abou Assaf
لو سلموني سيف للرياس
والسما صاروا نجومها زلمي
والبدر احنا عا جبيني وباس
والقصد يحميني من الظلمي
برجع السيف وبطرد الوسواس
...بفتح عيوني بفيق من حلمي
وبقول خلوني من الاحساس
شاعر باسمي الناس معتلمي
بالسيف صعبي طال كل الناس
وبطال كل الناس بالكلمي

ألشاعر سليمان طراد
يطوّل بعمرك تا تطال الروح
وتقطّف الإعجاب يا ناجي
شعرك عا مكتبة الأبد بيروح
يزيد الحلا والناس محتاجي
تقرا صلا بركي بتشفي جروح
...ضلّت مع الأيام بتناجي
من هيك جايي البحر سر يبوح
كلما قصيدة بشوفها عا الشط
عا شطوط الله بتفقش مواجي

بحر الزجل

Naji Abou Assaf
افقش مواج الفكر عا شطي
يا بحر هيك بينقرى خطي
وحتى يا ابياتي ما تهفي الجوع
بتتكشفي منشان تتغطي
ونبقى سويه والبعد ممنوع
...بالفلسفه عا بعضنا نغطي
وبنهارنا نشفي قلب موجوع
نالف سوا موضوع ونخطي
ولما عشيه اندردش الموضوع
شمس السما البتكون بالافلاك
تا تسمع الابداع بتوطي

فيلت خيول الريح بالغابي
وخلّي القمر يدلق سهر تا تنام
وتا تعرف الأيام كذّابي
مرّق عا دفتر ها الزمان قلام
بتفتح بوج الشمس بوابي
......بتشد عا مهرة الوقت لجام
نجوم السما تا تسكر خوابي
وكاسات بتطفح من الإلهام
ضلّك ورد عطرك دفا الأحلام
تعيش العمر عمرين يا رسّام

بحر الزجل

Naji Abou Assaf
رسام برسم والرمش ريشي
والمحبره عينين درويشي
ومن دون ناس المتلك بهالكون
مهما عشت ما بتلبق العيشي

سليمام طراد

بيلبق عليك الورد والنفناف
عرّم عا منبر قلبنا ولا تخاف
وفتّق زرار الشعر يا ناجي
وبين السما والروح عطر وقاف
مروج القلب للورد محتاجي
...ومن كتر مانك مذوق شفّاف
خليّت طيف العاطفه يناجي
زهّر شعر عا النت يا ناجي
ونحنا علينّا نقيس عرض كتاف

بينشد الضهر فيك والله
بحر الزجل