قصار \شروقية

قالت شو شغلك انت؟ قلتلها قصَّار=وانتي شو بدك من ال قصّار يا جارة؟؟
قالت م بدي انا تتعب معي يا جار=بيتي القديم اهترا وصاْر لازمو قصارة
عينت موعد معا وبليل مش بنهار= منها طلبت اللقا ت تكون الزيارة
ظبطت حالي وصرت بهيبة المختار=وجايب هديّة معي من الماس اسوارة
دقَّيت فتحت قلت يا رب يا ستار.=تفضّل يا جار الرضا ي منور الحارة
من ما وعيت وانا مقطوعة الاخبار=وحدي بقاسي الدهر جوا هالعمارة
وبلشت فكر انا ويلعب بعبي الفار=وما عرفت شو بدها وقلت هالناس غدّارة
معقول نصبت شرك عن سابق الاصرار=الله العليم شْ سبق هالست إصراره
قلتلها وين الشغل قولي بايا دار؟؟=قالت بقلبي تعا اقصر هالحجارة
انشالله الخلاف ال معك م يكون ع الاسعار=ال بيهم نربح سوا وما نطلع خسارة
فكرت أيّا سبب بخلق لإم الدار=ال دخن عليها الدهر مليون سيكارة
وبلّشت فكفك عراوي زرارها وزرار=قلبي ال عليها بقي بيدوِّر دْوارة
وبلشت اقصر على التخت المولع النار=والسطل بعد السطل داير ودُوَّارة
والطين ينشف على صدر الحبق والغار=وايدي تقص الزوايا بْدون منشارة

حلو يا استاذ محمد ممتازة

فكرت أيّا سبب بخلق لإم الدار=ال دخن عليها الدهر مليون سيكارة

عال والله مهمة هالصورة

» عم تدرس قضاة شروقية لحرف