مش قَادِر منالقَلب إمحيها

مبارح أنا وعَن كَبّر النِّسيان

بَركي جروح الهَجر داويها

بَلَّشت إمحي بداخلي الألوان

ومَطرح ما في أشواق خَبِّيها

فجأة عا ذاكرتي هَجَم لبنان

يفَجِّر عَوَاطِف كنت ناسيها

استوطَن بضَيعتنا شَهر نيسان

وربّى ولادو عا روابيها

وإيدَين الله الطَّاهرة منِزمَان

زَرعو القَمَر عا مطِلّ واديها

لو كان قَلبي من حَجَر صُوَّان

بهاك الَحَجر حَافِر الأرزة حَفر

ومش قَادِر منالقَلب إمحيها

رائع خيي حكمت

جود يا بطل

احسنت يا حكمت يا صديقي رائع

حلووووو حكمة وخصوصا هون

وإيدَين الله الطَّاهرة منِزمَان

زَرعو القَمَر عا مطِلّ واديها

رائّع
بو شربل

تسلمو يا مذوقين ... القصيدة ما بتحلا بنظري إلا بعد ما تعجبكن. تسلمو