استقلال 2009

موضوع: استقلال 2009 الجمعة نوفمبر 20, 2009 10:01 am

لبنـــان المجدو مازال = منتمنى يهدى بالـــــــــو
حتى بعيد الإستقـــلال = نفرحلو بإستقلالـــــــــــو

* * * * * * * * * * * * *
يارب بعهد سليمـــان = تشمــخ عالمجــد اليرزي
تانعيش ونبقى إخـوان = وتحضنا شلــوح الأرزي
وتجمعنا محبةّ لبنــان = مسلم نصرانـــي ودرزي
الله واحد بالاديـــــان = وعيب نفــرّق بعيـــــــالو

* * * * * * * * * * * *

موضوع: رد: استقلال 2009 السبت نوفمبر 21, 2009 11:37 am

اهلا بو اسامة اشتقنا

يلا شباب

قديّش بحسّك وبصير ***ابكي عا رجالك والله

الراحوا عا الجنة مشاوير***وعم بيعيشوا مع الله

بعيد الأستقلال كتير***شلوح الأرزة بتتحلى

وبتنصب بالجو سرير***وفوق الغيم بتتعلّى

ونحنا عا الأرز نواطير***وعنّك جيشك ما تخلّى

وما بنقبل لبنان ندير***ألّا بجيشو ورجالو

يعطيكن العافي جميعا

انشالله الفرحه بلادي تعمّ
وترجع حرّه ومنصاني
والشّمل بحضنا يلتمّ
بمسلم درزي ونصراني
وقلوب العم تقطر سمّ
محبّه ترجع ملياني
تالفرحه بلبنان تتمّ
ويتهنّى باستقلالو

لبنان البالكون كبير --- مش بالموقع بالإنسان
حامل مشعل للتنوير -- من الفكر ونور الوجدان
وبضلوعي ما عاش كتير --- قلبي اللي بيهوى لبنان
مقضي إيامو مشاوير --- بين جنوبو وشمالو