خبز السما ..!!!

مْواويل عاتمّ الشّتي مْواويل عاتمّ الشّتي شويّة حكي .. وقت البتكبر بيجوز تصير شعر .. إذا بقيت طيّبه

Eiad

عرض الملف الشخصي الخاص بالعضو

إيجاد جميع المشاركات بواسطة Eiad

21-07-2009, 02:43 PM

#2

Eiad
vbmenu_register("postmenu_72850", true);

Status: Registered User
تاريخ التسجيّل: Jan 2005
المشاركات: 103

كيف اخضرّ السّجر
" تنميلة إيد "

*******

كانت السجره من زمان بعيد

إيد .. بْأرض

صابيعها عْواميد

بتحكّ ضهر الريح

بمسامير

بتجرّحو .. بينزّ عالقرميد

وكان عيد اللون .. عيد كبير

وكل الدّني

بتلبس نهار جديد

شافت السجره طيور عم بتطير

بالعيد

مدّت إيدها للعيد

وكترة مَ حمْلِت إيدها عْصافير

" خِضْرِت " الإيد من التعب

والزّهر

بيَّن كأنو خدّ فوق الإيد

********
د. إياد قحوش

http://www.jamaliya.com/new/index.php

الكحل أحلى من العمى" - تحيّة لروح الشاعر الكبير محمود درويش

[url=http://www.jamaliya.com/new/show_works.php?writer=د. إياد قحوش]د. إياد قحوش [/url]

10/08/2009

"الكحل أحلى من العمى"
تحيّة لروح الشاعر الكبير محمود درويش

د. إياد قحوش

وقت الحروف
بتنعمَى
بيمرّ شاعر
جاي من آخر سما
وبْيفتح هْلالين
بْيجْبل بِإيدو الضّو
وبيحطّ نتفِه
فوق حرف العين
بتشوف
وبيكحّلا
تيكمّل المعروف.

رغيف القمر شعرك
كتر م نرقّ
ع قزاز وجهي
صار يلمع حقّ
و مدّيت روحي
غيوم لمّا هْلال
شفتو
كأنّو بإيد الله نشقّ
وصفّا عشا
بيمرق علينا خْيال
كل مَ السما
بكوز الصلا بتندقّ
وبيصير عنا عيد
كل م انقال
شعرك
وكل ما رسمك بينلقّ

الدكتور اياد قحوش

رغيف القمر شعرك
كتر م نرقّ
ع قزاز وجهي
صار يلمع حقّ
و مدّيت روحي
غيوم لمّا هْلال
شفتو
كأنّو بإيد الله نشقّ
وصفّا عشا
بيمرق علينا خْيال
كل مَ السما
بكوز الصلا بتندقّ
وبيصير عنا عيد
كل م انقال
شعرك
وكل ما رسمك بينلقّ

رغيف القمر شعرك
كتر م نرقّ
ع قزاز وجهي
صار يلمع حقّ
و مدّيت روحي
غيوم
لمّا هْلال
شفتو
كأنّو بإيد الله نشقّ
وصفّا عشا
بيمرق علينا خْيال
كل مَ السما
بكوز الصلا بتندقّ
وبيصير عنا عيد
كل م انقال
شعرك
وكل ما رسمك بينلقّ

تعليق الشاعر عصام يوسف

يا حكيم.. بْهالفضا شو السّر

بـِتْضل عـَ غْصون الدني مخْضَر

و حتّى إذا بـِتْهِر ورقاتك

بـِتْكون من تِقْل العِطِر مَتْهِر

............

من وهج شمس الحب جوّاتك

بـِتْصير دقّات القلب تِسْمَر

و من غيرتي عا لون همساتك

بيصير صوتي مْن الفرح يِـِشْقَر

............

لمّا الكحل يسهر عَ طلاّتك

بيصير خدّ... من الخجل مِحْمَر

و عين اللي بـِتْفتّح عـَ كلماتك

بـِتصير عـَ تْياب القصيده زِر

جـوليـا قحـوش

جوليـا.. بنت خيِّـي

**

د. إياد قحوش

ليكي القصايد

كلّها ليكي

والشعر فايض

مِنّك عْليكي

وكبْش الغيوم

العيّش بهالجرد

دْبَحتو سواقي

تحت إجريكي

وعاقدّ مايخبّـي

التـّلْج البرد

بيدوب

لمّا تفرفكي دَيْكي

وهيكي الليالي

بتِنْسردلِك سرْد

أحلام

وبتسهر حواليكي

وهيكي ملاك مْن الفجر

عافرد

رفّه بيجي

تيضحّْكِك هيكي

و حَبّ الندي

ل غسّل خدود الورد

لوما بعينيكي تغسّل شهر

ماكان شعشع

متل عينيكي.

وننتقل الى الشاعر نبيل خوري

بحر عم يسبح

عم تسبحي
والبحر عم يسبح
لونو بعينيكي
وتغطسي
والموج يتبحبح
يبوّس بإيديكي
تفتحيلو صدرك ويفرح
ويتعمشق عليكي
توقفي
نقاقيط تتمرجح
ع صدرك وتوقع ع إجريكي

وتطلعي ع الشطّ وتصيري
شمس وندي
بين البحر والبرّ
البرّ فرحا
والبحر غيري
وتتشمّسي حتّى الشمس تسمرّ
ترجعي تتنفّضي تطيري
تغطّي
بحر يدفا
رمل ينحرّ
يخوت الموج
ويوقع بحيري
بين البحر والبرّ يفتح شرّ

لمّا تصير الشمس تعبانه
كومة جمر
ب الميّ مدلوقه
تسرّبي ع البيت هلكانه
ضهرك
كتافك
أرض محروقه
من ميل نار
وميلة التاني
زيحين بيض
خيال عنزوقة
أو مشنقة
ب هالجوّ علقانه
وفيها جبال التلج مشنوقه

نبيل خوري

صحيت
وغيّر لهجتو المزراب
وشمّست
والتلج عم يبكي
زهّر الشوك
وقمّح العنّاب
واللوز بلّش يرسم الضحكه
وبكر الربيع
بحضن إمّو شاب
ومتل الدلع
ع صدرها متكي
وكيف الحلا
ع شفاف زهرا داب
جوانح النحلات عم تحكي

وقبل ما لون العنق
يسمرّ
الزعتر وعي
ع زنود أسلافو
وشقّيق
بلّش يجهل
ويحمرّ
ويضحك غوى
ويرقّص شفافو

وكرجة سواقي دموع
مجنونة
مشوار ع الوادي
من التلّه
بتهدر سحر
بتسقسق ليونة
بتوصل على السّهله
عم تصلّي
وتينه
وعريشه
وكم زيتونه
وفلّاح
ما بيشكي من القلّة
جلّين قمح
بتطلع المونه
وصدق الطبيعه
بموعد الغلّه

وراعي
نسي همّ العطش
والجوع
كترو النبوعا
وحفنتو كيله
هَليَن العلّيق
والشعشوع
وصار جبّ الهندبي
شمَيله

ومطرح ما كانو يسرحو
العنزات
أبعد من الضيعه
ومن الناطور
ممرق قطيع
ومطرح الدعسات
ناسي الشتي
كسرة عطش عصفور
والسنديان
جوانح فراشات
والشمس طفله
عم تلمّ زهور
ومجوز
ويا بو الزلف هيهات
ع مواسم البلوط والزعرور

وقبل ما يتشوّشو الأفكار
وتسافر الأحلام
بالنسيان
مشّي معي
تنكمّل المشوار
مطرح ما خلقو
الخير
والإنسان
زهر الشوك

بيت
وقبو البقرات تحت البيت
وموقده بهالجلّ عمرانه
وجرّة نبيد
وخابييه للزيت
بتنقص
وبتضلّ مليانه
هيك يا جاري
أنا تربّيت
وهيك إنت
بقاطع التاني
ه البيت لبناني
حلو ويا ريت
منرجع نعمّر
بيت لبناني

نبيل خوري

ممنوع
تحكي مع حدا
وممنوع
تعرف مرا غيري
ولا تحلم
وممنوع توجعني
وإنت موجوع
وممنوع بجنوني حدا يعلم

ممنوع
من كاسك حدا يشرب
من بين كلّ الناس
وممنوع ع شفافك حدا يقرب
إلا أنا والكاس

ممنوع
يعطو عيونك مواعيد
وإسم غيري يلفظ لسانك
وممنوع
يمرق غير إيدي إيد
ع زرار قمصانك

ممنوع
هيّي تسألك شو باك
شو باك؟
وحدي لازم تقلّي
حتى صلا بصلّي أنا ويّاك
وممنوع
وحدك تركع تصلّي

ومن بعد ه الممنوع
شو مسموح؟
مسموح حبّك
غلّ وحدي فيك
ممنوع تتركني سهر وتروح
مسموح
إيّام ال مضو نسّيك
وما تردّني صرخه
بجرح ماضيك

نبيل خوري

» مصروف السما
» جبين السما
» شبابيك السما
» مصروف السما
» جبين السما