شرَّف استاذ مروان

كيف الفتـــوة الدينيــــي *** بتقتلني بتقتل خـــَيي
وكيف بيتسـَمى إنســان *** المعــدوم الأنسـانيي
**************************
في إقطاعيي بتنكَبْ *** تقرى بكتاب السلطان
ولأقطاع الديني حَب *** يصادر جنـَّات الرحمان
الأول بيبيتو منْضب *** منو خلصنا يا مــــروان
أدعي تا يخلصنا الرب *** من تاني إقــــطاعيــي

كيف الفتوة الدينيه===بتقتلني بتقتل خيي
وكيف بيتسمى إنسان===المعدوم الإنسانيه
***
يمكن بعدك يا حسّون===مابتعرفني عالمضبوط
وين مابروح ووين مابكون===عندي بحور وعندي شطوط
ولو بَدّي أعرض لفنون===والشعر بجولاتي نوط
كل شاعر من برحليون===بْخَلّي حروفو منسيه

كيف الفتوة الدينيي *** بتقتلني بتقتل خيي
وكيف بيتسمى إنسان *** المعدوم الأنسانيي
***********************
في عنا شاعر سمَّى *** حالو حرف بنحو وصرف
وفعلا إسمو ع مسمَّى *** ومتل السَيل بيجرف جرف
خايف ما تعود مدّ مى *** ناوي تنسِّي الموقع حرف
لي بيتحركش بالحمى *** رح بتَّشو البــــــــــرديـــــي

وكيف بيتسمى إنسان===المعدوم الإنسانية
***
في حرف بيحْرِف لعقول===بتتهاوى بكذبو لجبال
وفي حرف بيكشِف مجهول===بتتغاوى بإسمو الأجيال
بس الحرف العم بتقول===عامل بالنادي زلزال
طفْت الأرض بعرض وطول===وماسمعْت بهالشخصيه

مشرف عدد الرسائل : 519 تاريخ التسجيل : 15/03/2008

قبلك مرقوا من الغربـال = ع بيادر كلمي وآيـــــــات
رجعوا لاخيشي ولاعدال = وبحروبي ذاقوا اللوعــات
خذلك حكمي من الأمثـال = الما مات بيقشع مين مات
بس الأعمى بهيك مجـال = بقدملـــو تايشوف الحرف
عين من عيوني هديي
==========

في حــَرف مدّهـَبْ موزون *** من عيونــــي نازل شلال
ومخْيــــِم ع بــرحــــــليون *** ومن عاطفتو لبست شال
والحرف التاني مجــنون *** ولسانو فالت يا خــــــــــال
ان ولعـــــت نارو بالآتون *** عَنك رح ارفع ديــــَــــيِ

7arf كتب:: قبلك مرقوا من الغربـال = ع بيادر كلمي وآيـــــــات
رجعوا لاخيشي ولاعدال = وبحروبي ذاقوا اللوعــات
خذلك حكمي من الأمثـال = الما مات بيقشع مين مات
بس الأعمى بهيك مجـال = بقدملـــو تايشوف الحرف
عين من عيوني هديي
==========

وكيف بيتسمى إنسان===المعدوم الإنسانية
***
ياهادي الله يهديك==من أول حرف عرفتك
قلتلّك مش سامع فيك===ماقلتلّك ماشفتك
بعينين التنتين وديك=مش طالع صوتو جِفتك
كيف رح بتصَفّي ياشريك=بالعين الفرداويه

مشرف عدد الرسائل : 519 تاريخ التسجيل : 15/03/2008

لو أعور بــــــــاقي محروس = ومجـــكـّل بدي عوينات
وداحـــــس والغبرة وبسوس = حربي اطول بالسـاحات
المش عارفني الخيل بسوس = ومش سامع عندي آيات
بيجــــــــبرني ابعثلو دروس = الشعــــر بمحو الأمييييي
=====================

مشرف عدد الرسائل : 519 تاريخ التسجيل : 15/03/2008

يامروان لسرعةّ طــــــــــق = محـرق من عام الماضي
وكلما نور الظلمي انشـــــق = بيحكم بالعدل القـــاضي
اتوقـى قبالي وإحكي الحق = إصحا تلتلت ع الفاضي
بقطــــــــــع راسك أول دق = انشفت عيونك مطفييي
====================
بدك تكون سريع بالطق او بتركك انا مابحب الا المرتجل
يلا تاشوف اذا بيمشي حالك قبل العيارات الثقيلي هههههه

مشرف عدد الرسائل : 519 تاريخ التسجيل : 15/03/2008

تايشرع حكـــــم الميزان = ويفرق كفي عن كفــــــي
بدي أســــــرع يامروان = تقررب تايطالك كفـــــي
وتانكفي حروب الميدان = منطالب حتـــــى توفـي
الرد التاني مابـيـــــــبان = ومامنعرف وين مصفي
وشو زغر الخط وألوان = قصتهن حتــــــــى نكفي
تايحصّل حقو الغنــــان = وحساب خصامو يصفي
في مشكل عند سليمــان = لازم نعرف شو هييييي
====================
شو القصة يابو شربووول حكيني ع الخاص تانحلها
جد طقيت وماشفت الرد وهيذا المشكل من لوحة الادارة
ياولي علييكووون حكوني بس هههههههههههههههه

ياجايي تعمل هوشه==وفايت بالطول وبالعرض

القرادي منها طوشه==ولا هي استعراض وعرض

لما تخلص هالفوشه==حط على حالك هالفرض

البدّو يفز من الروشه==بدو خبرة وأهليه

مشرف عدد الرسائل : 519 تاريخ التسجيل : 15/03/2008

حسن كوتراني كتب:: في حــَرف مدّهـَبْ موزون *** من عيونــــي نازل شلال
ومخْيــــِم ع بــرحــــــليون *** ومن عاطفتو لبست شال
والحرف التاني مجــنون *** ولسانو فالت يا خــــــــــال
ان ولعـــــت نارو بالآتون *** عَنك رح ارفع ديــــَــــيِ

==============================

ياحسون بيكبر فيــــــــك = الحرف وامجاد الكلمي
موهوب الباري عاطـيك = وحلمك حققت وحلمي
خبــــــــّر مروان بهنـيك = مابهوى الشعر السلمي
ع دييك تعـوّد ياشريـك = وع ديـــي مش عادية
===================

مشرف عدد الرسائل : 519 تاريخ التسجيل : 15/03/2008

مروان كتب
ياجايي تعمل هوشه==وفايت بالطول وبالعرض

القرادي منها طوشه==ولا هي استعراض وعرض

لما تخلص هالفوشه==حط على حالك هالفرض

البدّو يفز من الروشه==بدو خبرة وأهليه
================
حرف

التلميذ اللابس مريـــول = بجبلو كبوت انسـقع
ناسي حرف القد الغول = بيبلع أرنب بالمـوقع
بدي تبعثلي مســــــؤول = عنك ماضي ومّوقع
مابيزعل شو بدي قول = للي بيتعــــدى عليي
==================

مشرف عدد الرسائل : 519 تاريخ التسجيل : 15/03/2008

ع
دييك تعــــوّد ياشريـك

7arf كتب:: يامروان لسرعةّ طــــــــــق = محـرق من عام الماضي
وكلما نور الظلمي انشـــــق = بيحكم بالعدل القـــاضي
اتوقـى قبالي وإحكي الحق = إصحا تلتلت ع الفاضي
بقطــــــــــع راسك أول دق = انشفت عيونك مطفييي
====================
بدك تكون سريع بالطق او بتركك انا مابحب الا المرتجل
يلا تاشوف اذا بيمشي حالك قبل العيارات الثقيلي هههههه

لا تستعجل عاللكمات==جايي صوبك عالحالين

اهتم شويه بالعقلات==ليش قاسم حالك نصين

النص الأول دغري فات==يخبط حالو عالميلين

ونص التاني راح يبات==بالأمراض العقلية

حرف

التلميذ اللابس مريـــول = بجبلو كبوت انسـقع
ناسي حرف القد الغول = بيبلع أرنب بالمـوقع
بدي تبعثلي مســــــؤول = عنك ماضي ومّوقع
مابيزعل شو بدي قول = للي بيتعــــدى عليي

لابس مريول القدّاس==عبصلّي للمظلومين
رايح جايي بين الناس==إشرح علم القديسين
ببعت يحكيك بإحساس==واحد من هالمسؤولين
وحق العذرا ومار الياس==مَنّك خرج الشعريه

مشرف عدد الرسائل : 519 تاريخ التسجيل : 15/03/2008

ماقبلت وقلك حســـــون = مع حرف بتشعــــل بالنار
بترمي حالك بالآتــــون = ومش نصين الروس كبار
الميلين بيوفوك ديــــون = نقي ميل ولاتحتـــــــــــار
ميلي من عقلي الموزون = وميلي الثاني مـــــــــأذيي
====================

مشرف عدد الرسائل : 519 تاريخ التسجيل : 15/03/2008

بتمنــــــــى تضلك مبســوط = وحالك ماشي بنحـو وصرف
بعرف مـش دارس مزبـوط = وصعبة عليك تفــــك الحرف
عندي بحر وعندي شطوط = بأهون ظرف وأصعب ظرف
نقي شـــــــو بدك مزبـــوط = وخـــــــوذ دروس الفـــــــنيي
=============
بس تصير سريع بعتلي خبر يلا كود نايت ههههههههههههه

مروان النكهة واللون *** بعين العقل بشوفو
وحرف الأسمو قد الكَون *** مونة للشعر حروفو
لا مروان بيطلب عَون *** ولا حرف تخونو ضروفو
لأنو تلاتتنا هون *** أهلــيي بمحلـــــــيي

مشرف عدد الرسائل : 519 تاريخ التسجيل : 15/03/2008

تسلملي هيذي كلـــــمات = بيـدرها خـيــــر ممـلـي
غليت حروف الآيــــات = ياحسون البتصـــــــلـي
كلماتك رسمت لوحــات = دخلك ضلك ترغل لي
تاالتموا الإخوي بأبـيات = ذابـوا حروفي حنيــيي
===================

حرف
ماقبلت وقلك حســـــون = مع حرف بتشعــــل بالنار
بترمي حالك بالآتــــون = ومش نصين الروس كبار
الميلين بيوفوك ديــــون = نقي ميل ولاتحتـــــــــــار
ميلي من عقلي الموزون = وميلي الثاني مـــــــــأذيي

لا تقسم حالك وتدوخ==وترمي علينا هالحيره

عقلك عن جهلك منسوخ==وشفقانه عليك الديره

ببنيلك من قلبي كوخ==تا تخلص من هالسيره

أحلى ماتضلك منفوخ==متل الطابه المحشيه

مشرف عدد الرسائل : 519 تاريخ التسجيل : 15/03/2008

ياميــــــمــو فـتّـــح عينيك = وع حـالك ضل محافظ
لاتعمل بالشعــــــــر دويـك = ديــــــوان انكنك حافظ
ع الحرف تمرجــــــل لبيك = والمحشي لسانك لافظ
مابتتحمل إقســــــــى عليك = تركني شـــو بدك فيي
===================

7arf كتب:: بتمنــــــــى تضلك مبســوط = وحالك ماشي بنحـو وصرف
بعرف مـش دارس مزبـوط = وصعبة عليك تفــــك الحرف
عندي بحر وعندي شطوط = بأهون ظرف وأصعب ظرف
نقي شـــــــو بدك مزبـــوط = وخـــــــوذ دروس الفـــــــنيي
=============
بس تصير سريع بعتلي خبر يلا كود نايت ههههههههههههه

مبسوط وفي عندي مْزاج==سهران بحضن الأشعار

بستقبل ببعت أمواج==بعلّم بالليل الشعّار

دروس الفنيه بتحتاج==واحد فهمان وجبار

مش متلك بدّو كرباج==يخلّي جنابو مهريه

مشرف عدد الرسائل : 519 تاريخ التسجيل : 15/03/2008

لاتزعل مني وتحـتـــد = وحياتك مالي جلادي
إكتب رد وإنطــــر رد = منـك شوفــــو ولاّدي
معوّد ع سليمان وضد = عمـار بتيــــم الوادي
هوذي المتلي ند بـّـنـد = بيـطقوا 100 ميـيي

==================

مشرف عدد الرسائل : 519 تاريخ التسجيل : 15/03/2008

صدقني الصوبــــي وداك = متل الزتـــــــــــــك بالمهلك
مابتعرف حرف الخــلاك = تكتب اسمــــــــــك ع مهلك
ولوصوت الصافي ناداك = وين رايح تــــــــارك أهلك
بقدر شيلك ع الأفـــــلاك = وبقدر حطك تحت الأرض
لو علّلي الدووز شوييي
===================
هلق عنجد كود نايت رايح نايم بكرة نازل على بيروت
عن فتش ع سيارة واذا عندك شي وحدة بربك بعتلي
بروح بجيبها بكرة بتطقني بالسعر شوي معليشي بس بالشعر
شوبدك بهالشغلي عمك حرف صعب ههههههههههههههههههههه

» مع مروان سليمان بمشتاوي بعد حركشي
» صفحة الشاعر مروان سليمان
» مروان سليمان وبحر الزجل صمت وسكوت