14 شباط

موضوع: 14 شباط الثلاثاء فبراير 09, 2010 7:05 pm

عصفور زقزق عا غصن تينة = يقلِِّك من الشباك حــــــاكيـــنـي
ولما لقاكي غاطسة بالنــــــوم = تعمشــق على الطاقة يوعينـــي

ومكتوب سلمني بعتــاب ولوم = وقلي ياشاعر ليش؟ ناســيـــــني
نسيان للعشاق أجمل يـــــــــوم = ولو كنت متلي مؤمن بهــالحب
عا 14 شباط لاقيني

* * * * * * *

وعا 14 شباط بالجَـمــــــــعـَا = الجايي نهار الحــد مش جمــعة
مارد غرامي عن فكارو غـاط = عيد العشق والحب والسمـــعــــة

يمكن سبقنا غيرنا بأشــــــــواط = وسيف العدالة فاقد اللمـــــــعــة
برجال مروا بعد قب الــبــــاط = أقزام إلهن بالوطن طمعـــــــــة

وجرح الوطن مابيرقعو خياط = وجرح الكرامة مش بكي ودمعة
وجرح العداوة والحقد أغـلاط = وع قد ماخسرنا كبار احـــتــرت
عا أي قبر منوضع الشمعة

* * * * * * * * *

الله خلقني الشــــعر اتــحـــرى = وعا جبين مجدو ضل اتـمرى
مرة بخوض بمعمـــــعةّ زجال = وبرجـع غزل بحكي ألف مرة

كرهت السياسة وحقدها البطّال = ثوب الشرف من كذبها تعرى
وحب الوطن وحدو بقي قتـــّال = وغيرو مابدي حِبّ بالمـــــرة

هوني فلان بيعقد الأمـــــــــال = وهوني مخادع مرتشي بصرة
وميلة حريم وختيرة وجهـــّـال = بنفوس خلقـــت تعبــــــد الدرة

والكل سقطوا بفتحةّ الغربـــال = ومنهم بفخر بحب اتبـــــــــرى
العقـّـال صعبة يقبضوا أموال = ولا كل صوت انباع للشــــرى

ولا كل مشكل في الو حـــلاّل = ولا بلادنا للحرب مضـــــطرة
لكن انتبهوا بس عاكل حـــــال = لا كل حرب مسطّــرو التاريخ
ولا كل مرة بتسلم الجرة

* * * * * * *