قصايد ارتجالي عا الفيسبوك

Bader Hijawy ============
يا بحر لونو بيشـــــــبه الفيروز = ومــوجو على شاطي الحلا مدروز
بترسم بريشات الحلا قصدان = كل ما تلاقي الوحـــــي بوز بْ بوز
يا سحر يا أحساس يا ألـــحان = يا حــــــــــــــلم غافي ياكنز مكنوز
أنسان هيكي أنت ي َ سليمان = ماشي علـــــى درب المحبه دوز
جبينك مرايه عيونك الخلجان = والخد عا وهج الشمس مخبوز
يا أشبهي يا زينة الكدعان = رح حملَّك يا طراد مترليوز
منشان تحمي ديارنا ومنشان = تعمل متل عملت بــِ تموز
وبدعي الاهي الواحد الديان = لولا الدعاوي لل عِدى يتجوز
وكرمال عينك بختم القرآن = وتا الرَّب من عين الحَسد يحميك
بكتب إلك شي ست سبع حروز!


ألشاعر سليمان طراد

يا بدرنا ان نتّعت تنتيعة
وسيارتك من دون تربيعة
بيطق فيها المرش كلما تسوق
وبتضيع طاسة بكل تكويعة
بتعبد البيض بتاكلو مسلوق
عندك المعدة كتير قطيعة
بتضل فوق النت ما بتزوق
وعا كل كلمة بتخلق شريعة
بتمد ايدك تا تغب حقوق
ودمّتك بالشفط سيّيعة
اوعى انتبه لا يصيبك الخانوق
او تنحول من فرد تطليعة
وكلما صرخت الأوف يا عيوق
منصير نحنا نحسد الطرشان|
لو إنن الطرشان سميعة

هههههههه
de abril a la(s) 6:36 · Editado · Me gusta · 1

شادي موسى
يا بدر مهما بتحصر حصر
وتدووب كعابك ع درب القصر
تاتمدح سليمان بالقصدان
مدحك بيشبه مومياء بمصر خخخخ

اترك الشعر ونفحةت الألحان
واقعد ع جنب ودق إيد ب خصر
مش خرج شعر ونحت بالأوزان
ولاخرج من عنقود تعصر عصر
ولاخرج وجك للسهارى يبان
ولاخرج لونك يلمع علا العصر
خرجك متل ماقلك سليمان
للشفط ولقبض المصاري
تضل
تمك مشررع متل قوس النصر

شادي موسى مساحتنا ورحابةت بحبحتها
وسلاستها ومساحةت رحرحتها
بأفكارك م فيك تشن غارة
عليها طلوع..زدت ب طحطحتها خخخخخ

اذا حطوك واجهةت الادارة
اعتادو كفوفنا عاسحسحتها خخخ
واذا جابوك تخدم للسهارى
مشاريبك الدابت صحصحتها
واذا ضووك فانوس الصدارة
زيوتك مابتكفي شحشحتها
انت نبرة شعر أسقع حرارة
بقطع تفعيل علقت كحكحتها
تشردق حلقها جعرت جعارة
صرع لون الأماسي نحنحتها
لافيها تجود تاتسلي العذارى
ولافيها زنود تجلي ل لحلحتها
مافيها غير شقفة من كوارة
فيها معشعشة عناكب جهالة
الزمان بيستحي من زحزحتها
خخخخخ



شادي موسى
التفرد بالرأي علينا احتكرتو
وياما حقنا اسكتت ونكرتو
وبعدك بالتحيز عالشبيبة
بتنكر هالأمر كلما ذكرتو
ياما قلت عنك ياحبيبي
خيط مشمعة هريبةت بكرتو
اذا حشرناك ..دربك بالهريبة
من كد الطمع داخ وسكرتو
مدحت طراد باللهجة الغريبة
ومدحك ذم واضح لو شكرتو
هيدا البحر والموجة الرطيبة
بغيمةت كلمتك جلت وعكرتو
واذا بتقول ياحفلات جيبي
ومارح تطبع تشك البنك إلنا
رح نخليك طبعة فوق كرتو


ألشاعر سليمان طراد
مش بحر انتي منشّف ونبعة
وتمانيية مهزوم مش سبعة
لا تجيب سيرة شعر بو ميّاس
هيدا سبع وبيسبع السبعة
هههه
بحر الزجل جمهور عندو وناس
وشادي حصانو لو ربع ربعة
بتصير تغلي الأرض تحتو انداس
وبتنقبع تحتو بفرد قبعة
وانتي يا بدر الما الك مقياس
بالشفط ما بتسد ها الشبعة
لا الكرت بقبل ينطبع للناس
ورح عارضك بالرأي بو مياس
حتى ما بقبل بدر عا الطبعة

شادي موسى
انت الموقع بفنك عطبتو
ولبنت فكارك العانس خطبتو خخخخ
وتركتو جرح شاعر عم يندي
وب خيطان مهرية قطبتو
شوبدك بالبحر ؟حتى تودي
لعندو مركب تعود ع طبتو
بحر الضو موجة بكل ردة
نخيل الروح بتطمك رطبتو
وأنا ردات شعري بشوط جدي
بجواب ب رد وخطاب ال خطبتو
قلتلك حروفي مستعدي
لمدحك ..لو رجع شاعر شطبتو
وتلغي الواسطة وتنده ب قدي
وشجر تمييزك لشعرا التحدي
بنيران الأسف تحرق حطبتو
خخخخ



ألشاعر سليمان طراد
مين اللي قلّك نزّل الصورة
من دون اذني ..خبّر الودوك
بحر الزجل عا النت اسطورة
وهوّي وشادي تعترف خلّوك
انّو تنينون بالسما نسورة
وبالشعر خلقوا بالتحدي ديوك
بنعرف في منا ناس مقهورة
وهيك العبيد بيكرهوا ل ملوك
وبالبحر ما بترتاح شختورة
والبدر بيفوّنس بضو الشمس
وشادي وبو شربل نار عا الفيسبوك

هي عا الوصلة
خخخخخخ


ألشاعر سليمان طراد
لا تسألوني ليش مش عم طل
ولا النت عم بيشوف قصداني
عم نط والله متل نط الجل
تا تشوف وين الحل ..ربّاني
قولك يا طوني الحرب عندو حل
يما الوطن تا يعيش بيعاني
بنبيع قولك او بنبقا وهل
فينا الهجر نحمل بعد ها العمر
وكل الدني عم شوف خرباني
3

Toni Bou Chmouni ,,,,
نحنا بغربة يا بحر عشنا ,,
وإلا ببحر الهم ما فشنا ,,
وصعبة علينا نعود ع لبنان ,,
وحياة الله من الفكر طشنا ,,
ههههههههههههه قافية جديدة وضيقة


ألشاعر سليمان طراد
يا حاج بدر قناع وتضبضب
وعا البيت فل البحر رح يغضب
وشادي دفق شلّال اشعارو
ومتل البحر لا تفكر بينضب
قلّي اجى تا ياخد بتارو
من التــــوّت قص وملّخ وقضّب
من هيك حاجي تلعب بنارو
ان قرر يبلّش ابو ميّاس
بترجع اكيد بدمّك مغضّب
ههههههههههههههههههههه

ألشاعر سليمان طراد
نحنا سطوح الهجر..نشيّنا
وعا الجمر ما وقفنا تمشيّنا
وبنحس فينا ها الدني بتدور
كلما تعبنا بدار رشيّنا
نحنا ما كلنا حصرم وزعرور
نحنا بغربتنا نغشيّنا
نحنا بكلمة مرحبا وبنجور
فيها الخلق باللكف فشيّنا
مرقت علينا بالحياة أمور
وايام نمنا وما تعشيّنا
ومن كتر ما الغربة يا طوني بور
والصبر زوّدنا الفقر تا نعيش
طلبنا القرش لو كان بتشينا
خخخخخخخخخخخخخخخخخخ
هي بالسبنيولي تشينا الصين ههههههههههه
هيك بيجددو القوافي يا مضروب


ألشاعر سليمان طراد
حلل شو بدك جبلك محلل
وطعمي الحج متبل مخلل
ولا تكتّر بزورات لا ينضر
بدك نصبحة بالملح قلل
جبلو فلافل بس اوعى الحر
هههه
وايديك قبل الأكل لا تبلل
وجرّو وراك معوّد على الجر
وللحج غنّج بوّس ودلل
ههه
وكلما ابو مياس صوبك مر
بخّر وقدّس مجيتو وهلل
لكن عا بحر الشعر لا تنجر
بحري مواجو بتبلع الشعار
ومن قيمتو عا النت لا تقلل
ههههههههههه



ألشاعر سليمان طراد مرّقت كفي عا جروح النار
صار اللهب بركان بالعالي
وهديّت بمواجي قسا الاعصار
وضليت اسهر هون لحالي
ولما اجاني الليل قلي سهار
بلّشت والله فرفك عيوني
وطق القصايد طق من بالي
ههههههههههه


ألشاعر سليمان طراد
وضليّت ألف كل تكة بيت
بركي الخيال بيرحم عيوني
تاري الوحي باقي معي بالبيت
والشعر عم بيحقق ظنوني
بتصدقوني الشعر ما حبيّت
هههه
من هيك كل الناس لاموني
قالوا يا بحر الشعر اعمل ديت
ووقف زجل رح تخلص الموني
قلتلهون يا حبايبي أوريت
رح بطّل على النت اكتوب شعر
عا شرط انتو لا تنادوني

Toni Bou Chmouni
ما كان عندي خلاق طبطبلو ,,
ويا بحر بدي الحج شبشبلو ,,
هـ الوج حتى يشبهك ويقول ,,
كرامات لينكوم عم نكبكبلو ,,
يعني يا بحر الشعر مش معقول ,,
جلدو بدون كريم قبقبلو ,,
وانت وابو مياس عرض وطول ,,
يا بتدفعو ت نشتري كريمات ,,
يا بسبكن وبعود سبسبلو ,,
هيدي يا مضروب مارقة معك خخخخخخخخ


ألشاعر سليمان طراد
الا بيجيني بالحلم شيطان
بيقول يا سليمان شو جنيّت
انتي الضمانة ل زجل لبنان
ممنوع تتركنا ..بجو النيت
بدنا زجل تكتبلنا وقصدان
وبدنا علينا تحن لنّو بسيت
قلتلهن ما بحب يا اخوان
ارجع وبدر ومستر شموني
عم يتعبوا ومش عم بيطلع بيت
شادي موسى
حسابك انت ياحج أخخرتو
لأنك حفل حافل بمسخرتو خخخ
وضرس بالحصرم غفي ضرسان
وسوسةت إدارة ب جهل ناخرتو

تضرب!! اقناع واترك سليمان
ن مشى ب بحر الضو باخرتو
بيحرق الشمس بعود غصن البان
وبتشوف صحن الكون مبخرتو

يابو سليم الطبل بالأوزان
درباس فنك فرد زخخرتو
منشان تفهم..إسألو ل فهمان
طراد وأنا للشعر مفخرتو
ياما عطيناكن تمر قصدان
بلعتو البذر فيها ت شنخرتو خخخخ
ضيعانها فيكن ألف ضيعان
دخيرةت قداسة ..وماتدخخرتو
وانكان مش رح تقتنع وانكان
بدك تضلك عم تكبر راس
منجيب آخرتك ع آخرتو
خخخخ



Toni Bou Chmouni ,,,,
شادي انتفض يا حج وقفلو ,,
ع شواربو البحصات نقفلو ,,
عضامو إذا مرق ع حد السيف ,,
بدي عضامو بجد شقفلو ,,
والبحر حدو جف قبل الصيف ,,
ميت ع زقفة ومفتكر مهضوم ,,
بدي ع خدو كتير زقفلو ,,
ههههههههههه
يلا يا حج طلعلك ب شي خخخخخخخخخخخ



شادي موسى
افركها ياطوني وعوفنا من دون
نطقك بسيف الموهبة الأشهب
طراد والشادي عيون عيون
مواهب سحر وفكارنا أوهب
الشيطان عممر بالخطايا حصون
وببيوتنا بيركع بيترهب
والشعر فينا بيختصر ل فنون
وع حروفنا ياما حكي وأسهب
سطر حرفو الجوهر المكنون
وسطر حرفو مألمس مدهب
فينا الشمس لما تشوح عيون
بيرجع دهب شعراتها أصهب
لاتزت حالك انت ياأنطون
بموج بردو من اللهب ألهب
رح ننصحك ت تكن ..نخ سكون
وعابدرك الوجو طفي إذهب خخخخ
وقلو استحي وادفع ..عليك ديون
نحنا بينهب كفنا أشعار
وهوي كفوفو مالنا بتنهب
خخخخخ



ألشاعر سليمان طراد
يا شادي ليش طوني هيك ناشر
حرام عليك طوني كان داشر
ومش الأوّل عا منبرنا بيخسر
بعد الحاج طوني صار عاشر
ويا بدر الما الك مطرح عا منبر
مناخيرك ليش مع انطون حاشر
لنّك بالتحدي متل عنتر
سنانك بالمواقع دوم كاشر
وانا وشادي عملنا النت مصدر
لجمع الفكر ما فتحنا مناشر
فتحنا للهريبة ألف معبر
ونشرنا بالزجل اجمل قصايد
وما في موقع قصايدنا ما ناشر

شادي موسى
يابو شربل بيوتك فلفشوها
الملايك عالملايك طرطشوها
وفاضت بالمعاني عالدوالي
شفاف الروح صامو وحووشوها
لاتزعل من جهل أهل الجهالة
ال ع نيرة بلا ضراس ن قرقشوها
نحنا سطورنا دراجن علالي
اجو نسور البلاغة وعشعشوها
الزهور بينضحو العطر الخيالي
اذا شمو عبقها وانتشوها
بدنا عقول بجوانح تلالي
مابدنا كعاب عادروب المشوها
نخل أفكارنا بيطعم أهالي
عجزو كتار مرة يعربشوها
وهنن من غرابيل النخالة
دبابير القوافي كشكشوها خخخخ
وحامو عابعض فوضى ورزالة خخخخ
وبقو عواقيص جهل بكف أجهل
من جلود الجهالة ينتوشوها خخخخ

Toni Bou Chmouni ,,
شادي القنابل لا تحكحكها ,,
دقنك ع موسي لا تزكزكها ,,
طوني نسر ما فيك متلو تعيش ,,
راسك ب ريشة ن حب شكشكها,,
ما بريد تمرق ع الأمر تلطيش ,,
وضح قبل ما جبال ركركها ,,
ع صاج فكري بتطلعو مناقيش ,,
والروس فيي بجد عكعكها ,,
إنت وبحر كلو حكي تنفيش ,,
أْساساتها شمشوم لكلكها ,,
فركها قلت يا نغمة التقطيش ,,
ومظبوط بدي فرفك الدينين ,,
ومن بعدها العضام فكفكها ,,
ههههههههههههههههههههههههههه



شادي موسى
بعد مالقافية منا اقترضتو
ب فك الجهل إصبعها قرضتو خخخخ
بتبقو بروضةت المنبر طفالا
تحت قانونها يلي فرضتو

واذا بالهوبقة صرختو وتعالا
صريخ الفرض انكن لو فرضتو
الحق بيصرخ وبيصيح لا لا
ياسراقين...لو مهما اعترضتو

ابتدعو الشعر ..كافي ياجهالى
استحو من العرض ل بشعري عرضتو
قوافي بكر من الله تعالى
وحاها لروح محكيي ال قرضتو
وانتو حدها وقفتو ثكالى
كدديتو عرق تاتقلدوها
وعلى تخت الفشل دبتو ومرضتو

خخخخ

جدد قوافي ياطوني عيب لاتقلد




Toni Bou Chmouni ,,,,,
,,,
وفي شاعر كترما عَ قد حالو , حكى كلمة ع غيرو وعقد حالو ,
ب قلََك شعرَك بذات القوافي , اخترع بارود و المنطق حلالو ,
وين الفلسفة ووين الشفافة , نسَلِط ضو ت نزكزك جبالو ,
وين المشكلة بحقل الثقافة , إذا بذات القوافي الشعر قالو ,
إذا الموضوع تاني هيك كافي , بحَقِك يا سما يرتاح بالو ,
إذا الخمار من كرم العوافي , قطر خمرو الكرم منو حلالو ,
وإذ خمار تاني بظرف وافي , من ذات الكرم جمّع غلالو ,
شو بيمنع ما يطلع خمر صافي , وبعدها نقول من كرمة فلانة ,
وننكر فضل خمار بمجالو ,,,,,,,
El

شادي موسى
قوافينا الجديدة حاشرتكن
غميقة عكس جهل مباشرتكن
عطيناها لكن عاشر وصية
وعشر مرات دختو بعاشرتكن خخخخ
قوافيكن ركيكة مهترية
دشرت ..فتتشو عاداشرتكن
ونحنا بالقوافي السرمدية
بشفرات التحدي الناشرتكن
على خيط الخسارة المستحية
شبه قمصان سودا ناشرتكن
وبنت الموهبة والعبقرية
اذا معكن بتسهر بس سهرة
بتطلع جاهلة من معاشرتكن خخخخخ


بدك قوافي بكر يا شادي تكرم خوذ هيدي ما مرقت بتايخ الزجل

رجع البدر عتم الجاهله يدرأو = ويبلسم جراح الشعر تا يبرأو
تيطهر بنورو حما موقع زجـــل = من هاللمم يلي عليه تجرأو

Toni Bou Chmouni ,,,
والقافية مش لون مصبوغة ,,
ولا بإسم شادي بحق مدموغة ,,
ومنو المهم فلان يما فلان ,,
المهم انو تكون مصيوغة ,,
مرة ما كانت حق إنس وجان ,,
لا تحسبوها جلود مدبوغة ,,
ويا إبن موسى سماع هـ العنوان ,,
يلي ب راسو جوهر ومرجان ,,
مش متل طاسة أوف مفضوغة ,,
ههههههههههههههههههههه


شادي موسى خدو هيدي أنا وعالطريق
أوووف..
====

شرطةت فن فني زابطتكن
وعلى ايقاع ضبطي ضابطتكن
وشفت القافية هالاختيارة
بإبط من النتانة مأبطتكن خخخخ

حبال الجهل بكفوف الادارة
بزند تعتير ياما رابطتكن
استحو من قبال شعار الصدارة
وضبو ياهالزمرة رابطتكن

قوافينا البتفخر بالبكارة
ب بكارتها ونقاها حابطتكن
وقوافيكن شبه بنت الدعارة
عبطة وألف عبطة عابطتكن خخخخخ
خلقو أفكار منها مستعارة
بشفرة مجددة مش شابطتكن
تكون علا مسارات الحضارة
حطت اجرها مش لابطتكن خخخ
ترفعكن على أعلا منارة
طلوع طلوع منها هابطتكن
واذا مش هيك ..بدنا عن جدارة
نترك قافية فن المعنا
بمخباط التحدي خابطتكن
خخخخ



Toni Bou Chmouni ,,
وشادي قميص الموهبه شرّط ,, ,,
عامل زعيم وأمر وشرّط ,,
وكلما انتبه ب السيف جايي ليه ,,
بيصير طفل بلا وحي عالرّط ,,
من نار شعري بيرجفو إيديه ,,
وبتشوف خشبة كرستو قرّط ,,
بيفزع يبيعد عن بحر عينيه ,,
وبكرا قريبة منسمعو فرّط ,,
لولا غضبت رح علقو بإجريه ,,
وطراد يصرخ ليش يا مضروب ,,
ما هربت متلي وهيك تتورط ,,
هههههههههههههههههههههههههههههه




Toni Bou Chmouni ,,
شادي تحت نور الشمس قشب ,,
حقلو بوحي الأشعار ما عشب ,,
قبالي نسبع لما عرف جبار ,,
عضمو ع مفصل رقبتو خشب ,,
طوني ملك ب الشعر ع الشعار ,,
بكر القوافي قوس ونشب ,,
ن ما كان قدي بسرعة الافكار ,,
المفروض عني يعترف ويقول ,,
طوني القوافي جدد وشبشب ,,



علي أبوعبيد -
----يا حج عَ بواب الهرب دقدق
قبل الصبح ع البحر ما يشقشق
أحسن ما يفجر فيك جرة غاز
أو عظمة إجريك بسخا يرقرق
بتصير بدك للمشي عكاز
وكرسي عَ دفش ال سايقو يطقطق
لا عدت مزراب الشتي تجتاز
ولا فيك شلال الغنا مسقسق
مني نصيحة: شوف شي قزّاز
يضيفلك على حوض الضفادع حوض
و أكتر ما عندك نقنقة نقنق
----------------------------------------------ههههههههههه



شادي موسى
على منبر ثنائي أو ثلاثي
غزل يما تحدي أو مراثي
ريشةت شعرنا عالسطر سكة
على تراب السما بتحرث حراثة
ياطوني حد منا الراس تكي
وانت يابدر متلو ضل جاثي
تجديد القوافي ب كل دكة
خلق و سبك مش سرقة و وراثة
ركضتو وعم تلكو فرد لكة
ع ذات الدرب ولهثتو لهاثة
الشعر بيتي وأثاثي حك حكة
بسقف الكون عم افلش أثاثي
قوافي البكر فيها مضيت صكي
وانتو القافية ت تجددوها
عما بتطلبو فرقةت اغاثي




شادي موسى
أنا بالشعر قاطع كل مضرب
وبتجديد القوافي صرت مضرب
براس الحج ياما لعبت طابة
وايد طراد للطابات مضرب خخخخ
ع بدر ن جيت اعلن انقلابي
هرب عن رد هالضربات أضرب
هيدا بدر ضرريب الربابة
برقم الصفر ضرب ب ضرب أضرب
أنا مجبور احكي ياحبابي
يا أنطون تضرب ألف مرة
وانت ياحج مع أنطون تضرب

Toni Bou Chmouni ,,,
يا شادي نور مقدرتي بصرتو ,,
متل نور الشمس تحتو انحصرتو ,,
أنا عمري سنة بنحت القوافي ,,
وما فيكن ب الشعر حدي انتصرتو ,,
البحر شفتو في عندو خير وافي ,,
وبكاس الموهبة نقطة عصرتو ,,
وأبو مياس يعطيه العوافي ,,
برغم طولو بفرد ضربة اختصرتو ,,
أنا بوعيي بذاتي بفكر صافي ,,
على الجهال هـ المنبر نصرتو ,,
سبحتو سنين ببحور الثقافة ,,
وصرتو شعار للجهل بزجلنا ,,
وبعد شعار ل هلق ما صرتو ,,




Toni Bou Chmouni ,,,
وعبق غيم الحقد ع بواب قصري ,,
وقلي الشعر ملكي أنا حصري ,,
وقبل ما يقول للشعار ناصر ,,
ع قرص الشمس شاف حروف نصري ,,
بعتلو من فكاري عواصر ,,
محو غيومو ت شاف العصر عصري ,,
ورغم ما كان قرص الشمس باصر ,,
بطول الشعر عم يحكي بقصري ,,
ركب صاروخ للكلمة معاصر ,,
ل حتى ع الشمس يوصل ب شعرو ,,
وصل ع الشمس ما وصل ع خصري ,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
هيدي مفجرة السلاح الاحتياطي خخخخخخخخخخخخ



شادي موسى
قوافيي لطوني وللعتلو
النار بروح روحو وطللعتلو
وبعدو مافهم سر التحدي
بمطرقتي ال نيعو خللعتلو

خخخخ
التحدي لسيد سيدك يامصدي
ياما الريح غصنو شلعتلو
وراسو صار متكعب بشدي
وعيونو من دموعو ضلعتلو
وياما بدر قبلك بالمهدة
صخر راسو بضربة فلعتلو خخخخ
وصفا ضرس بحناكو مهدي
ب ضرس وضرس لما قلعتلو
لأنو بالتحيز والتردي
كفوف الواسطة بطبخةت مصاري
شفاف جياب طقمو بلعتلو
خخخخخ




ألشاعر سليمان طراد ..

يا شادي روح غيّر هيك نغمي
طوني من قوافي البكر مغمي
وبموقع شعّرنا الغالي مقرمط
لأنو صار بالاشعار طغمة
كتر ما فلّت لسانو وشرمط
برغم ما قال شادينا ورغمي
بموقع شعرنا ياما تمرمط
اذا خلّص بجلدو من القتلة
ما فيه يخلّص من جنون لغمي
هههههههههههههه




ألشاعر سليمان طراد
وما زالو عضمك منوخر ومهري
عا طاولتك ما بقبل زت زهري
انا وشادي ملوك وما اختلفنا
لأنو الشعر عنا ضل دهري
بها الموقع تا نقصيكن حلفنا
الفرن حامي وما فيك تطيق صهري
وما رح ارحم حدا تا اليوم يفنا
وتا تكتوب شعر عم ببكي بقهري
بدر لما اختلفنا اللي عرفنا
بطق الارتجالي الشعر نهري
ومن شياطين ها الموقع ما خفنا
وتا اكتوب هون حتى يفوح زهري
كتبت كتير شي شردة ما شفنا
قوافي من مقاهي جو عهري
ههه
نحنا مواقع التمسيح عفنا
شادي بي عنتر والهلالي
وانا حاكم زجل لعيون صهري
هههههههههههههه
حبيبي يا جنرال
ههههههههههههه


شادي موسى
يابحر ..صخور راسن فتفتتها
مواجك من بعد ما حتحتتها
شبعنا من بدر هندي وأفندي
قراراتو المعتة ورترتتها
قطن فهمو وفهم أنطون عندي
عتةت جهل فيها عتعتتها
وقوافي شعرنا بندك وبندي
بمكتبةت البلاغة أتمتتها
نحنا نسور عندك خي عندي
واذا شفنا كتاكيت القوافي
رح منعطف ع ريشةت كتكتتها
خخخخخ

ألشاعر سليمان طراد
وما زالو عضمك منوخر ومهري
عا طاولتك ما بقبل زت زهري
انا وشادي ملوك وما اختلفنا
لأنو الشعر عنا ضل دهري
بها الموقع تا نقصيكن حلفنا
الفرن حامي وما فيك تطيق صهري
وما رح ارحم حدا تا اليوم يفنا
وتا تكتوب شعر عم ببكي بقهري
بدر لما اختلفنا اللي عرفنا
بطق الارتجالي الشعر نهري
ومن شياطين ها الموقع ما خفنا
وتا اكتوب هون حتى يفوح زهري
كتبت كتير شي شردة ما شفنا
قوافي من مقاهي جو عهري
ههه
نحنا مواقع التمسيح عفنا
شادي بي عنتر والهلالي
وانا حاكم زجل لعيون صهري
هههههههههههههه
حبيبي يا جنرال
ههههههههههههه


شادي موسى
يابحر ..صخور راسن فتفتتها
مواجك من بعد ما حتحتتها
شبعنا من بدر هندي وأفندي
قراراتو المعتة ورترتتها
قطن فهمو وفهم أنطون عندي
عتةت جهل فيها عتعتتها
وقوافي شعرنا بندك وبندي
بمكتبةت البلاغة أتمتتها
نحنا نسور عندك خي عندي
واذا شفنا كتاكيت القوافي
رح منعطف ع ريشةت كتكتتها


ألشاعر سليمان طراد
شفت انطون ضارب نص غنجي
دموعوا بللوا وج السفنجي
وكتر ما شد عا الكلمة تفتّق
وبفولزو قال رح يقطع عا رنجي
هههه
بكي المضروب من كفّي تنتّق
عبق لونو كأنو شب زنجي
ههه
ونسي بو شربل الخمر المعتّق
بيبرم كل موقع بالقصايد
لأنو بالزجل شاعر الننجي
ههههههههههههههه


Toni Bou Chmouni ,,,,
أبو مياس,, بو شربل قريبو ,,
يا ربي يضل ع المنبر حبيبو ,,
متل اخوة بيطلو ع المنابر ,,
بيدوقو المر ت يغنو ع طيبو ,,
إذا عليهم مرق صاروخ عابر ,,
وأكل كل واحد بسرعة نصيبو ,,
في واحد ع الجرح بيضل صابر ,,
وواحد ب الحكي بيعمل طبيبو ,,,
ورى المتراس أو تحت المعابر ,,
بفرد خندق رح يضلو ويشيبو ,,
وتإبقى خاطر المكسور جابر ,,
ما بقبل قول قدامي بيخيبو ,,
الشعر فيي خلق مش ظرف عابر ,,
جمر فكري صعب يخمد لهيبو ,,
أنا شاعر على المنبر مسابر ,,
إذا قبالي طلع طفل القوافي ,,
بغير الكغ ما بداعب نحيبو ,,,,,,,,,,,,,,

ألشاعر سليمان طراد
وبعد ما فضيت فضيّت المعبّى
وقلت انطون يا شادي تربّى
م فيه نهار يرفع راس معنا
اكيدي بعد ها القتلة تخبّى
بدّو يقول انو ما قشعنا
ما قدر من الشغل ها الراس قبّى
هههه
ونحنا ملوك عم نكتوب بمعنا
وما عنا شيئ بالموقع مخبّى
لكن تا نعلّمهن طمعنا
ما كانوا يفهموا معنى التحدي
بيحبّو ياكل تطلة مربّا

شادي موسى
ياطوني غيومنا اللي زخزختلك
وحي أشعار عطر وبخبختلك
ليش رجعت بقوافي بليدة؟
وقوافينا الجديدة جخجختلك
أنا وطراد من مدة مديدة
نخنخنا بشر مانخنختلك
لأنو بيوتنا بلمعة جديدة
شمس ل خام فنك تختختلك
وانت يابدر جاهل عالأكيدة
معانينا الموقع فخفختلك
تاصرت تعرم بيوم الحصيدة
ع ناس ملطشتلك رخرختلك
ولازم تعترف يا هالعبيدي
انو بيوت بوشربل وشادي
لعقول متابعينك مخمختلك

خخخخخخ



شادي موسى
أنا ما اعتدت بيت الشعر إطلي
لأنو بالنحت موصول خط لي خخخخ
وياطوني انت عادرب القوافي
اذا فشخنا... بتخطل ألف خطلي خخخخ

نحنا غيمنا قاطع مسافة
ضو سنين لو يهطل شي هطلي
عاراسك رح بتقشع زخ كافي
قتل يعطيك 7 سنين عطلة خخخخخ
وانت يابدر مش خرج التجافي
غرامك لاتحطو قبال رطلي
ولا فنجانك الفاضي بنشافة
تحطو ينتلي من دفق صطلي
استحي انت ورفيقك بالثقافة
لسان الشعر عنا بألف شطلة
خخخخ
لاتتحدو ولاتحتدو العوافي
ألف ضيعان فيكن هيك تطلة خخخخ
وياسليمان انت الحق وافي
بدنا ناس تصمد بالتحدي
مش مسطول يتسند ع سطلة خخخخخ




Toni Bou Chmouni ,,
يا طراد جسمك ع الأتل رضرض ,,
وراسك ع كتر المرمغة خضخض ,,
وشادي بلا دستور آكل كف ,,
ول مين همو ب هـ المسا فضفض ,,
طقمو عليي ضيق وما لف ,,
طقمي عليه مبين مفضفض ,,
وكلما بإيدي خش صوت الدف ,,
بتشوف شادي مهستر ومضروب ,,
وطراد ساكت ع الجرح عضعض ,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,
فكارك يا شادي كتير جلبوطة ,,
ويمكن بحيط الزل مخبوطة ,,
وبضاعتك ما بتنشرى ب السوق ,,
عليها ظبط من هيك مظبوطة ,,
بشوفك ببحر المهزلة معجوق ,,
بيتشنجو أعصاب مضبوطة ,,
وحتى يا شادي تنشفا الحروق ,,
بوسو ع تمو وجيب عبوطة ,, هههههههههه
اسماالله عليكن عاشق ومعشوق ,,
ورقابكن ب الهم مربوطة ,,
بتمشو سوى مدقوق مع مدقوق ,,
وقبوط حدو حط قبوطة ,,
عليي يا بحر بلا إذن مدلوق ,,
تهذب تتبني بيوت مزبوطة ,,
وكل شي الزجل بمواهبو مرزوق ,,
وعندو متل فضلي أنا شعار ,,
شو جاب الله عليه هـ البوطة ,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,



شادي موسى
خود هيدي عالطريق..

====
نحنا كفوفنا بالخبط فرطة
وفرطنا عضامكن كل كف فرطة
ياطوني بدر زتك عالهيبي
وفركها ودشرك واقع ب ورطة
قوافيك المتل وجك عجيبة خخخخ
ع منبرنا انخرطت ألف خرطة
عيبة تعيدها وتعزم شبيبة
ع طبخة مسقسقة بجلود قرطى خخخخخ
انت وبدر للمنبر مصيبة
الصدق فيكن بيخرط كل خرطة
أكبر من خرط حنكش وديبة خخخح
ممرمط عارصيف الشفط مرطة
أنا طراد قمنا الشعر سيبة
شرطنا الضو شرطى بعد شرطى
عملنا الشمس قايد عالكتيبة
ونجمات الليالي رجال شرطة
ت نحمي الشعر من فورة غريبة
متل شكالكن ياهيك قرطة
وانتو بتجهلو الفكرة الأديبة
بالتجديد صعبة تقلدونا
لو فقعتو الفص براس ضرطة
خخخخجج



شادي موسى
قوافي البكر منا توارثوها
لأنو حروفنا اللي أنثوها
وبنات فكاركن طلعو عرايا
بعدما فلفشوها ..خننثوها خخخخخ
يا طوني وبدر ..انتو الضحايا
دروب الشعر ليش بتلهثوها
حرثناها بسكك نور ومسايا
وانتو بروسكن عم تحرثوها
خخخخ
بنينا قصور فيها والمرايا
بأثاثات الجمال الأثثوها
بطوابق عاسما رب البرايا
ونهر خمرة عتيقة ثلثوها
وانتو بيوتكن عمرةت منايا
رجال الموهبة والشاعرية
ازرققو شفافهن لما رثوها
خخخخخ



ألشاعر سليمان طراد
يا شادي ليش طوني تا حرجتو
وبضربة قاضية فرطّو وطعجتو
ويا هاني ليش حميّت الحديدة
ولبدر المنتدى بإيدك بعجتو
ههه
علينا ها المشاكل مش جديدة
ويا رفقاتي ولا مرة انحرجتو
وانتوا يا شبيبي عا الأكيدي
بعركة شعر بكرية انحرجتو
وانا وشادي وهاني بالقصيدة
عرفنا يوم معنا ما انفرجتو
لها الاسباب بلشنا الحصيدة
ومتل ما الريح بتهد الحفافي
انتو حجار من حفة كرجتو
ههههههههههههههههههههه
ريتكن تضربو تنين بيعرفو حالن



ألشاعر سليمان طراد
وبدر اللي زتّك هون وتفرّج
وعا جهنم الحمرا مشي وكرّج
لا عاد بدو يكتوب مواضيع
ولا عاد معنا تقلّ وحرّج
وكترت ما بلّش يخلق مواضيع
مسّل علينا بالحكي وهرّج
وبعدو لهلّق بالزجل بيضيع
من وين الله بيعلم تخرّج
وراخي عويناتو وراخي النيع
ههههههه
لما عليه بموقع الشعّار
حصاني رقص عا جتّو وعرّج
خخخخخخخخخخخخخخخخخخخخخخخخخخخخخ

Hany Nassif
وقفت من خلف حجاوي متل بطّة *** و زنودك ماطة عالنت مطّة
و قبل ما تدق بملوك القوافي *** خدلك بي حضن هالحج غطّة
انا ما بحمل بقلبي تجافي *** خيالي من وحي الله تغطّى
انا هاني القطع شعرو مسافي *** تا تاخد بيت خدلك غير خطّة
انا شاعر زجل عندو ثقافة *** بعمرو الذوق مرة ما تخطّى
و تا ادخل جوّك الكلو سخافي *** سمعت الناس قالو بالتحدي
شادي طار و المضروب وطّى


ألشاعر سليمان طراد
ومن كتر ما بقصايدو مهزّل
وبالورد والبطيخ متغزّل
بعدو لهلق ناطر التفّاج
فلّت حكي الديوّص وترزّل
ههههههههه
يا بدر يا مضروب روح ارتاح
طوني قصايد شعر ما منزّل
منزّل حكي وتصفيف يا ويلااااااااااه
شادي بشعرو المنتدى زلزل
ههههههههههههه
لا تلعبو مع البحر قاضييلكن اليوم
هههههههههههههههههه


شادي موسى
ب بحر طراد مافيكن تشوطو
يا صفادع اصطفو عا شطوطو
وبدر ياطراد فات علا مداري
وبرج الثور ناوي تا يشوطو
خخخخخ
ياهاني ..الحج عاقبض المصاري
فرد عشرةت أيادي أخطبوطو
بعت طوني علينا انتحاري
معو زمور صارعنا ب طوطو
خخخخخ
نسي تيابو على حجار البراري
وبلا كلسات لابس جوز بوطو خخخخ
بإيدو سلاح جندي انكشاري
وفشك بالي على خصرو يحوطو
وبدر هربان ..رأيو الخنفشاري
لابس طقم مهرية خيوطو
بيحكي بالأصل هيدا البزاري
وفنجر عين تايملي شروطو
ع كتفو حط صاروخ الحراري
وبمنخارو وضع حلقةت قروطو
يارفقاتي على الشب الاداري
بدنا ندلعو " بوبو " التحدي
وطوني رح ندلعو بإسم " طوطو"

خخخخخخ

يضربو


Toni Bou Chmouni ,,,
يا بحر برد ع ضعفك ت رجو ,,
وما بدي راسك المبجوج بجو ,,
انا ب الشعر دير الشاعرية ,,
ويا ما المتلك علا الدير حجو ,,
ويا هاني حيد عن دربو خطيي ,,
وبهيكي سجال راسك لا تزجو ,,
وإبن موسى اللي ع حسابو عينيي ,,
ما شفنا ناس ع قولو احتجو ,,
وإذا قد الحمل يا سؤ نية ,,
واجهني وفوت ع جهنم يا ابني ,,
تقلك كيف راسك رح بطجو ,,

هههههههههههههههههههه
يلا يا بدر فقعو بوست قد راسو

عمر جابر
رُوزو الشعر يا اخوان روزو
متل النحل كل مَ يشم روزو
ومهما بوشموني الفكر رنّخ
وقطف من حقلة الاشعار كوزو
ويَ ابن طرد مهما الحج يشمخ
وملّا من نبعة الافكار كوزو
وبنا عش القوافي ...وفكر فرّخ
ولَ شادي أعلن بهالليل فوزو
هوّي وبو شموني بفرد مسلخ
البدر يتعلقو ..........من تحت بوزو
وطوني تبضعو وتسحب لسانو
وبسكين القوافي اتطق جوزو



شادي موسى
عمر ياطراد طفطف طفطفاتو
وحي أشعار نفنف نفنفاتو
ملي بعطرو جران من الزهورة
انتشى النفناف نفنف نفنفاتو

عمر من طينةت الشعرا الجسورة
نسيم شعور هفهف هفهفاتو
اذا فشخة فشخ فوق الجسورة
مال الجسر أف أف أف أفاتو

وطوني وصاحبو بدر البدورة
اصطفو صف صفصف صفصفاتو
الأول فل ما وفى الندورة
وكتع راسو ولفلف لفلفاتو
وطوني انغر بالنفخة الغرورة
بسطر الشعر حفحف حفحفاتو
عصر حالو وجمع مجلس وشورة
تشردق غص تفتف تفتفاتو
سرق أغلب قوافينا الجهورة
ادعى العفة و م عفعف عفعفاتو
الجلبوط ن لبس جنح النسورة
وطلع عا تل حتى يطير فيها
كسر راسو و رفرف رفرفاتو
خخخخخ



علي أبوعبيد ----------

يا شادي البدر لو صلى صلاتو
بتالي العمر كترت ولولاتو
حلق دقنو وفرق شعرو وتحفحف
وعَ منبر شعر هلهل هلهلاتو
قبل ما هبط جنحو عاد رفرف
عرف خصمو البحر..ململ ملاتو
ترك طوني.. وغمر حالو وتلفلف
حلم بالبحر... جلجل جلجلاتو
شعل شمعة وسبع شمعات صفصف
لَ بحر القضا يزلزل زلزلاتو
عَ ضي الشمع كل ما ريح هفهف
سنانو تقلقلو من قلقلاتو
عصر حالو ودموع العين كفكف
وعلى الحمام راح ب شورت ناشف
رجع مبلول يعصر بلبلاتو
----------------------



ألشاعر سليمان طراد
بدر عا التلج يا شادي تفرّع
وبطبع كتاب تا يهرب تزرّع
وعيّط يا علي الجولة قويّة
وبدمو لبدر ول طوني تبرّع
وانا ما كان بدي بسوء نيّي
شوف الحج بالموقع تجرّع
كاس من الهزيمة المنبرية
هوّي اللي جني وعليّق زرّع
انا وشادي بقوفينا الزكية
زجل لبنان تا يفرفح تفرّع
ما عرف البحر مواجاتو عتيّة
رغم ما للتحدي بواب شرّع
كتب اسمو بدهب للمعنوية
وقوانين التحدي... سن شرّع
وطوني كتر ما نفسو شهيّة
انتحارو بدل ما يأخر تسرّع
وبدر تا يخلّص من خناق ديي
لعلي ولكعبتو بمكة تضرّع
وهجم عا ملوك رب الشاعرية
دواليبو على جهنم الحمرا
بسرعة ضو والصاروخ سرّع

ههههههههههههههههههههههههه



ألشاعر سليمان طراد وكتر ما تنبّه يغلّط وحرّص
شفافو عضعض وحكحك وقرّص
وتا ياكل من بيوت الشعر كبّة
نده بو عبيد تا علّوش قرّص
ولأنو البحر عندو طبع حبّة
وشادي من مدارسنا مفرّص
جايي هون تا الشعّار ربي
وكل الما بيكتوب بالقصايد
بموقع شعرنا الليلة تجرّص

ههههههههههههههههههههههه


Yamen Rida
خلص يا بدر لازم قبل أسي....
تطلب من حكيم الشعر دسي...
قالولي صرت من كتر السخوني....
بترجف يا مصابح يا ممسي...
و عشان تضل بالصفحة المصوني....
ريس , غيرك بهالوضع رسي...
لأنو عا كبر مبضع جنوني....
ما بقبل تكبر بهالحقل خسي...
و انت يا طراد يا ردة حنوني...
كفاك تحن قسي الشعر قسي...
لأني سمعت حجك برشلوني....
و طلب بالمعركة دعم الاجانب...
و مضى عقود و دفع تا يجيب ميسسي...




ألشاعر سليمان طراد
واذا القوة انا وشادي عرضنا
وعلى قوافي هزيلة ما اعترضنا
مش معناتها بنرضى التجنّي
على قدسيّة الشعر ...امتعضنا
اناوشادي اذا قبلنا نغنّي
مع وليدات ..بنزنز ما فضنا
ولأنو يوم ما ردنا التجني
انتقضنا الضعف لكن ما انتقضنا
ولأنو كل شعّار التغني
النصيحة ما بتقبلها برحابة
وهيدا بالزجل علّة مرضنا
هههههههههههههههههههههههه
Hace 4 horas · Me gusta · 2

Toni Bou Chmouni ,,,
شادي انحفظ بفكار محفوظة ,,
بتلاج فكرو بيوت محفوظة ,,
العالم اذا ما بتسمعو منقول ,,
عنها بسمع الشعر محظوظة ,,
طراد وعمر معقول مش معقول ,,
غلطة ع منبر ربحت حظوظا ,,
تلاتي يا عالم جمجمة بلا عقول ,,
مني نصيحة يتركو الأشعار ,,
ويتاجرو يا ناس ب البوظة ,,,




ألشاعر سليمان طراد
يا شادي راج طوني تا تمرّن
وطلب بوظا من الدكّان قرّن
ولأنو الجرن بالحزة ما شالو
ربخ عا مدقتو ولخدود جرّن
واجا بو عبيد تا يطعميها قالوا
عجين الصفصفة قمّر وفرّن
وعلى صنديحتو بيّن شكالو
وصل عا موقع الكلمة الزكية
وما عرف اللي جرى معها ..نقرّن
ههههههههههههههههههههههه
خطفناها ركبتلك قرون ههههههههههههههههههههههههههههههههههههههههههههه


شادي موسى
بدر الغاب عالجولة مغييب
بصفحة للمعنى طل أييب
شغل ولاد قلتلو المعنا
زعل مني غضب كششر و نييب
خخخخ
عجز عن نظم قصدانو وتجنا
م جاب جديد كلشي مرت جييب
لنو ماكن بطعن الأسنا
ظن الناس فيه اليوم خييب
قالو الحج ديب الشعر بنا
طلع هالديب غر ومش مدييب
أكل قتلة بعد مابيت غنا
طار وطج عاجسر المسييب
كلما شاف بوشربل تأنى
بقوافينا صلع شعرو وتشييب
ياعيب الشوم عالشعر التدنا
شعر بدور بالعيبة معييب
وشعري وشعر بوشربل تمنا
الوحي يبقا بهيبتنا مهييب
وصرخ عابدر تايبقا مهنا
وقلو شاكر السياب بدري
وانت منك بدر منك مسييب
خخ




Yamen Rida
هيدا ابو شموني من المكسيك....
لابس بيوت الشعر برنيطة...
وينك شادي , طل تا يناجيك...
بصوتو الجهوري المنتلي عيطة....
لا تفل بدو عاطفي يغطيك....
ما الطقس بارد و الدني غطيطة...
و حتى ع حبل القافية يلاغيك...
مد الشعر بين الشرق و الغرب....
و عمل للدني للحرف زحليطة...



ألشاعر سليمان طراد
يا يامن انت بالموقع منوّر
وعا بحري مصّور بتسبح تصّور
بتطلع صورتك تحفة كبيري
عكس الحج بطيخو مدوّر
هههههههههههههههه
وطوني بالزجل متل الجزيرة
بطحالب ميّتي حجمو مسوّر
وانا وشادي مواهبنا غزيري
وما بعرف ليش تا طوني تهوّر
هجم متل العندو كتير غيرة
وقلّي يا بحر شعري تطوّر
قلت معليش يا شادي نصيري
تعا نخليّه نجم بمنتدانا
حدوّ روح يا شادي تصّور
هههههههههههههههه
شهرناك يا مضروب صرت مشهور اكتر من الحج
ههههههههههههههه


Yamen Rida
و ل بدر اللي ابتدع بالشعر هجنة...
و رسم ضو الشمس عالبحر وجنة...
انا سجان شكيت الكواكب...
خرز عا مسبحة بحيطان سجني...
و عصرت الكون نقطة, و عالمناكب...
رجعت مديتها و خمرت عجنة....
و ما زالك مركب التطنيش راكب....
و ما جبتلي بعد شاعر زعجني....
لا تزعل مش رح بخلي مراكب...
تمشي, و البلج 60 كوكب....
قلن يا بدر شعرو بلجني...

شادي موسى
البحر الموجتو بالشمس قاحف
لنجمات السما انلفت ملاحف
ويامن سكب شعرو نور شعشع
نحت منحوت تحفة بالمتاحف
طوني غر عضماتو مضعضع
ع كتر الخبط صار الجسم ناحف
وبدر هربان دب الصوت لعلع
بالمقلوب صوب الغرب زاحف
بيحلف عالقبض والحق معمع
وياما صار حالف بالمصاحف
انمعس عالخبط صار يبكي وجعجع
بمحدلةت القوافي انرق عنا
وحتى نقبعو جبنا المشاحف
خخخخخ




Yamen Rida
و انت يا طراد بوسة فوق مهجي...
نهجك شعر , ذات النهج نهجي...
و شادي مبدع و رسام صورة...
انرسم فوق الوحي بالنور رهجي...
و طوني متل هوشلة النهورا...
خرطش عا ضفاف الحب بهجة...
و انت يا بدر , يا بدر البدورا....
بحبك , بس ما بزعل بو شربل...
اذا قلي تعا تا البدر نهجي....


ألشاعر سليمان طراد
واذا طوني بها الموقع تأنطن
وبدر تهجّر دماغو وقطّن
ترك موقع زجلنا يا جحاري
بوطن غير الزجل غرّد استوطن
ما قدر نهار يتحمل حصاري
اعتبر حالو بجهلو صار افطن
ولأنو صار يتفصا خباري
وكتر ما كان بالتقطيع شاطر
راسو حيط يا يامن مبوطن



Toni Bou Chmouni ,,,,,,
وشادي يا ناس علا الحرف فزفز ,,
وإلا جهالة ما قدر نزنز ,,
وينو عمر مني هرب بكير ,,
ضيعان ضرب مجهز معزز ,,
شادي اعترف حتى ما راسو يطير ,,
سنانو ع بعضن شدشد وكزكز ,,
سليمان بحرو ميت وتعتير ,,
موجو ورق كرتون ما هزهز ,,
وهاني اللي فل ودبر مشاوير ,,
وسيفي بعد ما قطع ونكوز ,,
ويامن ملك مني الو تقدير ,,
دفى الشعر من بعد ما قزقز ,,
ومن بعدنا كل الإجو دبابير ,,
بيعقوصو ومن عادة الدبور ,,
لو ما نمعص نسمع اذا وزوز,,
ههههههههههههههههههه


شادي موسى
بتدرو بدر وينو؟ ووين بدرو؟
بدر شقشق ي أما انشق بدرو؟خخخخ
يمكن عاوقع طق القصايد
طقطق راس يرفاقي بتدرو؟

يمكن عالفزع بيضل حايد
حتى يبان انو كبير قدرو
بيعرف عند ماننشر جرايد
علينا كتار بالعركة م قدرو
وعند ما نمد للعالم موايد
منعبي لكل جوعان قدرو
هيدا بدر تايطلع م رايد
كتر الفرفكة دينيه خدرو
قوافينا الجديدة بالعوايد
من سلالة ألوهية انحدرو
وطوني وبدر صارو بالبوايد
كل واحد بجلدو الف حكة
مبقبق والجسم حبحب ب جدرو
خخخخخ


شادي موسى
بتدرو بدر وينو؟ ووين بدرو؟
بدر شقشق ي أما انشق بدرو؟خخخخ
يمكن عاوقع طق القصايد
طقطق راس يرفاقي بتدرو؟

يمكن عالفزع بيضل حايد
حتى يبان انو كبير قدرو
بيعرف عند ماننشر جرايد
علينا كتار بالعركة م قدرو
وعند ما نمد للعالم موايد
منعبي لكل جوعان قدرو
هيدا بدر تايطلع م رايد
كتر الفرفكة دينيه خدرو
قوافينا الجديدة بالعوايد
من سلالة ألوهية انحدرو
وطوني وبدر صارو بالبوايد
كل واحد بجلدو الف حكة
مبقبق والجسم حبحب ب جدرو



ألشاعر سليمان طراد
وما زال الحج يا بو شيد شنّب
وطوني من الزعل لخدود طنّب
ولأنو ثعلب بشفط القوافي
العريشة طالها والعنب عنّب
وكتر ما كان في عندو مخافي
دفش طوني وقصف عمرو تجنّب
ولأنو الحج في عندو ثقافي
بعد ما باع للعالم ضميرو
ضميرو من الشفط بعرف تأنّب


شادي موسى
يا يامن حدد بيوتك يا يامن
حتى تضل بالعركات آمن خخخ
لاتمدح بدر قمحو مش مصول
فيه السوس تحت التحت كامن
بدر بالواسطة جيابو تمول
حقيقة وحق مش تخمين خامن خخخخ
على شطب القصايد هون حول
وشطبي وشطبك بهالليل ضامن
لأني بالشعر معروف أول
وبدر معروف لو غنا لحالو
على حالو رح بيطلع التامن
خخخخ



Yamen Rida
يا شادي سمعت عن اخر مواقف...
قال الحج ما لحقش يقرا...
كفاك تهز لي ع شوار واقف...
و ما عاد بيحمل بهالوضع نقرا...
انت بالشعر سابع كون ساقف....
صبغت الشمس حتى تطل شقرا...
خلص يا حج شكل الحال واقف...
روح و كمل السهرة نوافل....
و اقرا ع حالك سورة البقرة...

ألشاعر سليمان طراد
وكتر ما وع وع وبوّى ووصرّخ
على شفافو عرق بلّان فرّخ
وكتر ما زاد المعتر وعيعو
التحدي بين طوني وبين شادي
بها الصفحة ضميريا تأرخ

شادي موسى
انت ياحج بكتافك معررض
وقوافينا فحصها ولاتقررض
بتقطيعك لهالموقع هلكتو
مريض وعامل علينا ممررض
وياسليمان للمنبر ملكتو
انت ويامن مجووي مأررض
ب جو وأرض تيارك سلكتو
حامي وعابدر شفتك مأررض خخخخ
ولاتزعل يابدر راسك دلكتو
ولاتسأل ليش جددنا القوافي
راسك للدلك أكبر محررض
خخخخخ


ألشاعر سليمان طراد
عيبي يا شادي نزيدها عيبي
طوني وبدر مش هون لعيّبي
هودي حباب وكلهن اخوان
وزنودها بالشعر قصيّبي
هههه
بلّش معي بالمدح حتى يبان
قدرة الشاعر ينفخ الجيبي
حسابي وصل عا البيت بعتو فلان
الحج اعتزر من بعد ها الغيبي
من هيك لازم نصقل القصدان
ونمدج بدر بالشعر مع انطون
ولنّو تعا تا نحترم شيبي



ألشاعر سليمان طراد
من شهر بزكر في شخص محّى
شروقي وبقصدان الشعر ضحّى
وبعدو لهلق شعر بو مياس
عنو بنسأل ...جاوبو بحّه
يا ناس خلّو بقلبكن احساس
وكل البيكتوب اصرخوا صحّة
في ناس بتعبي القوافي كياس
من هيك يا مديرنا تنحّى
بدنا تأرشف شعرنا الحسّاس
ولا تجبر الجمهور يا فادي
يشرب مويّة جرصة الصحة
هههههههههههههههههه



شادي موسى
ياسليمان قول الحق برجي
وبرج المدح بالأبراج برجي
وطوني وبدر بضلوعي انحطو
بمحبتهن أنا أسست برجي
ن كان القدح شرحو مط مطو

مش معناتها ربحنا الدرجة
شعر المدح كلماتو بينطو
من وجودي قبل مانط درجة
انت ياطراد جنحينك ن وطو
تعا تعمشق على رياشي وع سرجي
تعا ت تغط مع أطيار غطو
وماجو عازهوري بسفح مرجي
تعا تنششف بروعة ريش بطو
تعا اكرج ع سطح المي كرجي
تعا ب بحرك ع بحري شط شطو
حتى يصبحو البحرين فرجة
لأنو بالمحبة لو تغطو
بتعبي بشعر المدح درجك
وانا بعبي بذات الشعر درجي



ألشاعر سليمان طراد
يا طوني الكل بالموقع بحبك
لا تبقا بوجّنا بترجف ملبّك
بدر بيعرف الماضي الغابر
بمشتاوي البحر عا الريح دبّك
وشادي شاعر وبين الأكابر
قوافي بيوت قصدانو مسبّك
ومتل ما بيربطو زوايا المنابر
قصيدو ضل عا المنبر مشبّك
بقا خليك معنا ولا تكابر
تا فيك تقابل ومرتاح ربّك
انا وشادي بها الموقع عنابر
حرقناك بتحدي الشاعرية
بركي بيستوي بالشعر حبّك
ههههههههههههههههههههههه



Yamen Rida
و قعت يا حج هيك الشعر وقعة...
مع شعار داقوا الشعر وقعة...
و حتى يطرزوا توب القوافي....
مدوا الارض عالطاقين رقعة...
ابو شربل على سور الثقافي...
لزق روعة قصيد الشعر بقعة...
وشادي طعّم عيون المضافي...
و شقع عا رفوفها القصدان شقعة...
يا حج الشعر يا لهطة كنافي...
ب صدر عرقان بس الطقس صقعة...
ما بدك بحر شطينو عوافي....
تا تسبح بالمواج الشاعرية....
بتغرق انت ن بتسبح ب نقعة....



شادي موسى
طوني ياطراد ازداد وحمو
على سبك التحدي داب شحمو
عرفتو عالشعر صاير بيسهر
حتى داب شحمو فوق لحمو
ياطوني تاتصفي نور أبهر
وقصدانو منابرنا اقتحمو
حشرناك بقوافي عقل امهر
حتى نقشع العسكر التحمو
وحتى جوهرك يصفى مجوهر
حميناه بوهج نار التحدي
متل ما الماس عنو الفحم يحمو



Toni Bou Chmouni
أنا شاعر الي أصلي وفصلي،،
وفصل صيف الشعر معروف فصلي ،،
جفت فكري على المنبر صليتو،،
غير نسور منبر ما قنصلي ،،
وبحر بيت الشعر معروف بيتو ،،
وشادي ب القوافي نسر أصلي ،،
عليي بالشعر مهما افتريتو ،،

بتبقو ب القلب دقات وصلي ،،
حرقتوني متل شمعة وضويتو ،،
تركوني احترق فوق المنابر،،،
ت فيي تقشعو منو نقص لي ،،،،




شادي موسى
خلصت السهرة مع الأرغيلة
وطيور شعري عم تناغيلي
وصارت عيوني تغسل النظرات
وهمسات لون الصبح ترغيلي
ياقوافي طرزي الأبيات

وبسمري المعنا وبرغيلي
مابريد تلغي اجمل السهرات
ولحظات روح الشعر تلغيلي
ولابريد تبغيلي كتر عركات
ولابريد قدح الشعر تبغيلي
بريد نبض الشعر والآهات
تنغل حنيايا القلب تنغيلة
وسبيكة الردات باللهفات
مشغول فيها ألف تشغيلة
جيببي شعر أصفى من النيات
بسبكة سحر منقوش بالكلمات
وتاج المحبة هون صيغيلي