قصايد 2023 وارشيف

ها الكاس حامل قجة العمر المرق
وعا بواب ذاكرتي تا يدخل ما طرق
بيفوت متل الحلم وبيسرق دموع
وبيضل قلبو طاهر بيرشح عرق


بياع مسامير
بتعرف قبل جمعه من الآلام
شو كان بدو الباع مسمارك
كان بدو يبيعهم اوهام
لوما الخطييه كان يتدارك
وت تم صلبك جمعتو ما نام
وفكر من المسمار يتبارك
ومن بعد ما مرقو تلات تيام
وحرقت جرحو الطاهر بنارك
آمن بانو الرب حقا قام
بقوة ايمانو رهبتو عارك
وصرخ باعلا صوت الله لهون
حتى بعد موتك يا رب الكون
ما تركت إلنا حق عا الجلاد
نحقد عليه وناخد بتارك

ليش المرا بها الكون..خلقاني
تا تضل تحرقنا متل جمره
حد المرا في نار شعلاني
وبعيد عنها...جهنم الحمرا


وينك يا بصار .القلب محروق
يعرف شو بعدو ناطر غيابي
بصر الي ما عاد بدي روق
مهموم رح اطلع من تيابي
ما ضل في ربطة خبز بالسوق
مقطوع كل شي ..!! بلادنا غابه
ومنقوشة الفقرا وغلا الطاووق
ما عاد حتى تحمل جيابي
والله يساعد ها الفقير وكيف
ل عيلتو بيقدر يجيب رغيف
ويعيش بين الناس حتى تروق
والناس ها الايام نصابي

بوسة ..يوضاس
وِبيغمرك بالشمس أو بالفي
بيسقيك من جرعات ها الإيام..
بتعطش بتحمل بالروايا مي
هيك الدهر بِيحب متل البي
بتموت من قهرك ما فيك تنام
كترة ما بيّات الدني ظلّام!!!
يا ريت ما عندي يا بيي بي

يا جرح خبّر عنك وعني
النسوان ما انطردو من الجنه
النسوان جن على الدني مبعوت
وكل حوا ساكني بجنّه
من هيك ت آمن ما بعطي سكوت
بالفلسفه اللي عم تجنني
ليش المسيح اللي ترك تابوت
قام ..وعليهن ظهر هني
وبالعلم صار مأكد و مثبوت
في حق لازم تسمعو مني
لما بيغيبوبي الرجل بيفوت
يومين جرحو ان نزّ بدو يموت
بس المرا بتنزف بحر اسبوع
وبيضل فيها تعيش بالعنّه

انا والبحر
ما بدي يا بحر اخسر صبايي
وع لوح مواجك تكون النهايي
سرقني العمر والأيام سرقه
وما بعرف بعد همي منين جايي
كسرت بخاطر الكلمه ع ورقه
تا صارت دمعتي حبر الدوايي
كفرت بغربتي ومرقت مرقه
على بستان احلام البدايي
وقطفت بلا وعي من القلب حرقه
وما بعرف ليش ها الإيام صاير
شوف غيوم مسوده بسمايي
يتبع

ليش الصلب عا وزنين
ما زالك بتعرف الجمعه رح تجي
ليش دخلك للسما ما بتلتجي
..
هونيك بالجنه ما في ظلام
او متل عنا مراحل الآلام
..
ومن الظلم ما في حدا يمكن نجي
آمنت فيك..وقلت حقا قام