الى فادي فيّاض

موضوع: الى فادي فيّاض الجمعة أبريل 03, 2009 12:26 pm

فادي فيّاض كتب

سليمان يا حامل عطور جداد
تا هالجنيني تزيدها نفحة
والعين مشتاقة يا إبن طراد
تشوف صفحة مكحلي بالحبر
كحل بشعرك جفن هالصفحة

سليمان جواب

نحنا يا فادي الشعر اربابو

وممنوع عنّا تسكّر بوابو

ويمكن اذا بيغيب أبن طراد

تبكي المواقع دم عا غيابو

تركت الوطن وقصدت غير بلاد

وقلت الحلم ما بينطر صحابو

وعملت عيلة وصار عندي ولاد

ولبنان عمري وبعشق ترابو

وما كان عندي ضل استعداد

خلف البحر أو فوت بعبابو

بس الظروف بتجبرك تنقاد

خلف المصاري والطمع يا رفيق

ولبنان متلي هيك غيّابو

لا تقول إنت بعيد يا سليمان
ما زال دربك ذاتها دربي
صرلك زمان بعيد عن لبنان
لا شلحت توبو ولا صرت غربي
ويللي بينحت متلك القصدان
وبالصين عايش بقشعوا بقربي
مش بالمسافي القرب بالوجدان
في ناس برا وعايشي معنا
وفي ناس معنا وعايشي بغربي

شاعر عرفتك بالورد منحوت

وعطرك قصيدة مطعّمي بياقوت

من هيك صارت غربتي مشوار

وما ضل حلمي برحلتي مزتوت

فادي يا نور القافية والنار

بلا أذن منا عا القلب بتفوت

لا تخاف رح نرجع وجايي نهار

نعمل مواقع شعرنا منابر

وألــــــله ...؟يقدّرنا قبل ما نموت

» اهلا بالشاعر فادي فيّاض
» قلة وكثرة وينك يا فادي فيّاض ضجرنا ههههههههههههههه
» فادي
» فادي فياض و هاني ناصيف
» اهلا بخي فادي فياض