فداء مطر والتاتا لطيفة ههههههههههههههه ضيف الشرف ياسر حجار

Fidaa K Mattar
يا بحر جيت عليك إسأل بالمحيط ----- متل ما بيسأل الوافر عالبسيط
ومن بعد ما تسائلت جاوبني المحيط-----هينو بالمطبخ عم بيعمل خليط
شي خيار شي حمص شي أكلي خرطبيط--- شي بتنجان مخلل وشي قرنبيط
وما زال بتحب الأكل شو ما يكون ---- شو رأيك لعندي تجي تاكل خبيط

واللة مشتقلك
ألشاعر سليمان طراد

لولا بأحساسك ربطت الزنبرك***ما كان منخارك بها ال|أيد انفرك.
بحر الزجل بيضل مرجع منبرك***تا تقطعو جايي بنقل المشترك
جوعان ريتك تضرب وشو أخرك***قبالك السفره قوم عبي عنبرك
ان ما لقيت كوساوبيتنجان وقرنبيط***التاتا لطيفة عاملتلك شيشبرك

ههههههههههههههههههههههههههه
بحر الزجل
اشتقنالك يا مضروب
Fidaa K Mattar

بتعرف أنا بالشعر أكبر حربجي---------ولوما اشتقت إضحك لعندك ما بجي
وعندي عرايش عاسهولي منتجي ----------والليل عاسفرة مسايي قهوجي
ومش متلك بحب التباهي وحكوجي---------ولا ديك عم ينطر دجاجي متلّجي
وانكان عالسانك مرقت بمنهجي -------- تاجلسو وقبلت أعمل مكوجي
مش بعيد انشفتك متلّت معي -------- فرمتلك دماغك وعيد البرمجي

حلوي هي قصة الديك والدجاجي......هههه
لو رحت ورجعت بجيوش مدججي ----- بالمعركي بخلّيك عفوي ترتجي
وحجّار من بطشة سيوفي لو نجي ----- بيبقي مصيرو بغير دولي ملتجي

حبيبي يا ياسر......ههه


Hajjar Yasser ياهالمطر لو كنت عصفة عاصفي
ببقى أنا اللمعه للي ضهرك قاصفي
بيني وبين بوشربل سنين الزمان
قسمناهن بعمر التحدي مناصفه
منعيد ومنزيد
يامعمعه أقلام مجدك واصفه
كيف النجوم بليلتي متراصفه
.. ياسر
ألشاعر سليمان
طراد اوووف كرمال ياسر رح نزيد

ياسر على المنبر اذا بيقعد وليك*** وياما بدفك زوومك الأحمر سقيك
لاتجيب سيرة ياسر بلحظه بيجيك *** ومابتلمحو إلا وبشي خرقة محيك

بتلبس ورق تشرين من شعر الركيك***وبتصيح فوق المزبله تاتصير ديك
جلدك سميك وهيك حبّوك التشيك *** تايصنعو الجزمات من جلد السميك
وعاقد ماتدبّك مابيفيد الدبيك *** مازال طولك سنبله وراسك فريك
ومش بس طشي بالأدب والفيزيا***متيّس كمان بنعرف بإنفورمتيك

بحر الزجل
Fidaa K Mattar
حبال الهوا مرجوحتي عليها بفيق --- وبنام بالغيمي كتر منّي رقيق
من هيك يا حجّار بالبحر العميق ---- لا تشد بحبال الهوا وتبقى غريق
لنّو استحي من دمعتي البتبل ريق ---- ولا تولّع بغابات أشجاري حريق
ما زال عم بتحارب جيوش الهوا ----- بالبرق ... رح تكسر سيوفك عالطريق

شو باك عم ترجف قبالي يا رفيق ---- يا ولّع بحالك يا موت من الدنيق

لابس ورق تشرين من نبعة وعين ---- عم بطعم قرابين شعري الضفتين
وساعة ما بالوادي عرفتك إنت وين ----- لفّيت عاخصري المشانق لفتين
وكرمال ما إخسر يا سوسو دكتين -----وقّفت ياسر بيك ما بينك وبين
بوز البارودي اللي مصوبها عليك----- بلكي بضرب واحد منقضي عالتنين

بالفيزيا وبالكيميا وفّيت دين ---- ومش بس فارة شرّحت أكبر بسين
لكن لأني بالأدب غضّيت عين ---- ما كنت زين بحيث ما عاشرت زين
Yasser شاعر أنا واللمع عالي المستوى -- ولما لمع ضهرك ماعرفولك دوا

بضوي الزمان وكل ماسيفي ضوا --بخلي الليالي عالليالي تنطوى

ياشاعر العمرك اذا صوتي دوى -- بتهبط حجارو لأوطى مستوى

الطاقه للي منها الريح فلتت عالزجل -- عبيتها شراطيط تاسد الهوا..
ألشاعر سليمان طراد
ياساحب بواريد ..!!مي ..بكل حال***بترشني ..!بغسّل يديّي بهالمجـــال
وبكرا وقت تكبر ...؟بتعرف بالجبال *** ليش الرجال بترفض تقوّس غزال
مع كل دكه بتقتل اتنين الجمال***لاكن أنا تافهمك بالارتجال
فيي تلاتا و أربعا وجمعه وخميس***وسبت وأحد قفلو بوجك ألف غال

منزيد

ياسر بيمدّ الغيم عتلالك جلال ***وبيسرج خيول البطوله للقتال
والمتلك مدندل بيخاف من الخيال***وبيرجع مربّط عبيتو بالحبال
ههههه

Fidaa K Mattar
حجّار مش طالع بإيدي قب إيد ---- لا خدّك بيحمل ولا قلبي حديد
الودّاك ليي ساذج وطبعو بليد ---- متل اللي ودّالي خروف بيوم عيد
وعبّيت شو عبّيت يمكن عالأكيد ---- من بعد ما إحشيك رز بهار زيد
وتقدر تعبّي الطنجرة والباعتك ---- يركض على الدكان تايجبلي نبيد

عاخدمتي عم جيب بالجوز العبيد ---- تاعيد معهن عصر هارون الرشيد
واللي بكون بخدمتي وراسو عنيد ---- رح إجبرو ياكل هوا ويشرب أسيد
يا عد جرّب عن جديد وعدنا ---- تانعيد جمعتنا متل ما بدنا
نحنا اللي طلّقنا المزح من جدنا ---- بحكم التلاتي تحرّم على غدنا
ومن بي بيي وجد جدّو لجدنا ---- عالأربعة بيمشي قدرنا حدنا
وتخمّسو عيون الفراسي بردنا ----- متل ما تخمّس الفرد بيدنا
من هيك يا بتطلب رضايي يا طراد ---- يا سبتك بيمرق عاعنقو حدنا

اعتدنا نراعي بجزرنا وبمدنا ----- حيث التواضع كان عم بيشدنا
ومش بس لولا تنين كنتو ضدنا ---- ميّة إذا صرتو ما صرتو قدنا

.Hajjar Yasser

خدها على راسك بضربه قاضيه
لامرافعه بتردها ولاقاضيه
سيوفك إذا انكسرت برده ماضيه
مش رح بترجع تاتصفي ماضيه
وهالطنجره للي كل همك حاضيه
انزرعت على راسك ومنها راضيه
ولوماحشيت الطنجره بإيدي فكار
كانت لهلق رح بتبقى فاضيه
منزيد
الناس عن ضعفك اذا متغاضيه
تاتشوف ملح و رز منها فاضيه


ألشاعر سليمان طراد

زكرتني بطليع ساحاتنا وحفلاتنا ههههههههههههه
ولك خايف تصير طائفي يا مقصوف الرقبة خود تا قلك ولعت

يا ألف عيب الشوم وبشهر الصيام***جايي لعندي بهيك ردة يا سلام
بتحكي كلام بلا فعل بس الكلام ***العندك رخيص ومـــابيزيدك احترام
ويوم السبت ياطائفي بهاليوم نام***الله بلا ماتهين الله بهالمقام
ومابين جمعه و حد راسك بعصرو ***تتصير تفهم بالتعايش والسلام
هههههههههههه
بحر الضو الفلسفي


Fidaa K Mattar يلا يا ياسر

عامسن حرفي كل معنى بيذبحك -----شرشحت شعري وصار لازم إنصحك
من قبل ما تعبّي الكراسي بمسرحك ----- المفروض عالكرسي تعبّي مطرحك
ومفروض كلما تقول ردّي تهزني ------ ومش كل ما تجمّع خيالك إطرحك
ومع الزودي

بجنينتك فضّيت ميّة مسبحك ----- شو جابرك تاتشك أللة يسامحك

وهي لحبيب القلب سليمان

سبتك يا كافر غير سبت المؤمنين ----- وغير اللي بقيو عالوصايا ماشيين
بتكذّب وبتشبّح ويا رب عين ---- لا تصير آخرتك عاحبلي وغصن تين
وما زال فهماتك عاقدّك يا فطين ---- وبتلف دغري من الشمال على اليمين
رح ركعك بالشّعر تاتصلّي معي ----- ما دام عندي الشعر يا سليمان دين


Hajjar Yasser

يازغير يافاضي أنابزندي الملان
بعبّي الدني عزّ وتحدي وعنفوان
البحر عبيتو بدمك أرجوان
وفضيت راسك زبل تحت السنديان
ولما ماعاد يساعني ضيق المكان
والأرض حدّي بينت حبّة زوان
عملو السما كرسي تآخد راحتي
واقعد شمس للشعر عم عبّي الزمان

.ألشاعر سليمان طراد

سبيّت سبتي وجيت تعمول مشكلة***وعملت حالك مؤمن بها المسألة
ان شفت الشمس صارت بإيدي قنبله***بتعرف مقامي الفوق أحلامك علي

وان شفتني صليت درب الجلجه ***بليل الصلا بيسأل محمد عن علي
وانت البتمشي عاطريقك فشكله *** وضهرك مطعوج متل ضهر المنقله
لما قشعت فارس الكلمه الأولي ** والخوف زتك تحت مهره محنجلي
اركعت تاشيلك من الجوره الإنت ***فيها وقعت .وطلّعك تركع إلي

بحر الضو..

Fidaa K Mattar قاعد تفضي زبل تحت السنديان
وتنبّش الفاضي وتبرم بالملان
وبترجع تقلّي تحدي وعنفوان
فسّر إذا بتريد أكتر يا فلان
وما زالك من المزبلي تركت المكان
وعبّيت كرش وركّبت وجبة سنان
شو وصّلك عالشمس وبأيا تران
طالع تاتوصل هيك دغري يا تران
مش حق علّي قلّك تطوّل لسان
الحق عاللي قلّك عليك الأمان
عبّيت وقتي فيك والوقت انتهى
وصار الوقت هلّق نفضّي بالزمان

ركابي أنا بعلبك بيهزّوا بيوقعوا ---- بيتكسّروا لكن ما فيهن يركعوا
وما زال كل واحد عادينو مرجعو ---- ولا إنت أللة ولا من لأّلة دعوا
إيّاك تتمسكن تاتمكّن معو ------ دموع التماسيح انتبه ما بينفعوا
مش كل ما يوسف وقع مرّة يجي ---- مطلق حدا ويقول هوّي مطلعو

Hajjar Yasser
بعبّي البحر تولاد فكري يسبحو -- بفضّي الفضا تاصير كون بمطرحو
بعبّي سلال الغيم تيصير الصحو -- كل مافضي بالو يقوم يصبّحو
بفضيك تنكة زفت حتى يسرحو -- الطرقات وبشعرك الأملس يفرحو
وهلق يافاضي وبالحساب منطرحو -- ومافي إلك إعراب بدروس النحو
مازال خالص وقتك بعتلي حدا -- ماتكون خلصت مدتو تاابطحو
..خخخخخخخخخخخخخ ***يا حبيب القلب يا فداء هلا بربك ***


Fidaa K Mattar حاجي تشيل تحط بيّن مستواك --- لا شاعر ولا في حدا قلّك عفاك
شو رأيك نفرّغ سويي محتواك ---- ونجرب نغيّر بقالب ما احتواك
ونشلّك عيونك نحطّن عاقفاك ---- تاتصير ماشي وقادر تطلّع وراك
بلكي إذا بتفهم شو بقصد بالحكي---- اللي قايلو بتقول يسعدلي مساك

بعرف أنا شو علتك عندي دواك ---- يا بلطو للبحر يا طرشلي سماك
يا قوم فل وكف عن حالي بلاك ---- ما زال ماشي المسألي فيك وبلاك
Hajjar Yasser
ياشعرمهما تكون نجماتك بعاد
ياسر قطفها من سجر صحرا الحماد

قلبك معبى حقد لاتفضي المواد
القتلت شعب بالموصل وحيدر أباد
وراسك الفاضي فيه ضاع السندباد
والعنكبوته بس منو بتستفاد

فرغت حالي تراب تاتبقى البلاد
متل السما تزهّر بأحلامي الجداد
وفضيت من صدري ضلع صار المرا
وعبّيت عينين الدني بأحلى ولاد
.. ****ما زالك بعدك سهران يا فوفو خخخخخخخخخ *****

ألشاعر سليمان طراد

ياشعر صلي ميل شيعه وميل روم *** وكل مادخلت عاخلوتي زيح الهموم
بحر الزجل بالحرب عموره وسدوم ***ومافي مطر بالبحر رح يعرف يعوم
شعري قيامه بقوم وبشيل الغيوم *** شراشف وحي وبحط عكتافي النجوم
مازال بالجوره انت مبسوط هيك *** خليك عمرك من الجوره ماتقوم

بدنا شعر يا فوفو غمّق اعمق من الجورة هههههههههههه
وأووف أوووف
با حج مهما تحج تا تصد الهجوم***بتضل انتي وحج فوفو حص توم
هههههههههههههه
ياشعر صلي ميل شيعه وميل روم *** وكل مادخلت عاخلوتي زيح الهموم
بحر الزجل بالحرب عموره وسدوم ***ومافي مطر بالبحر رح يعرف يعوم
شعري قيامه بقوم وبشيل الغيوم *** شراشف وحي وبحط عكتافي النجوم
مازال بالجوره انت مبسوط هيك *** خليك عمرك من الجوره ماتقوم

Fidaa K Mattar

يا ملكوت الشعر صلّي صلاتي
أنا وصّيت فيكي آلهاتي
لأني بحبّك وفيكي متيّم
تأبنيلك بشعري معلّقاتي

أنا شعري متل طفل الميتّم
لأنّو العصر بعدو مش مؤاتي
ولأني متل عيسى إبن مريم
والله ..مش تنين ومش تلاتي

ولأنّو بالشعر ديني بيرحم
فضّيت المدى ومن معجزاتي
جوّي بالسّما تايصير أكرم
عبّيت الصحو بغيوم شاتي

ولأني بحب شوف الكون أعظم
عاكبكوب الأرض فضّيت ذاتي
تاصارت أجمل وأحلى وأنعم
على برمة صباحي وأمسياتي

ويا إنت الشو إنت أللة وأعلم
تعى من جورتي لم الشماتي
أنا جورة بقنايي ما بتسلم
تاتسلم زرعتي ويسلم نباتي

أنا جورة بصخر أكتر بيفهم
من حضرة جنابك يا حياتي
حفظت الست سارة بيوم حتّم
عليي كان قوم بواجباتي

أنا جورة نظر بعيون ملهم
طبق جفنو عليي ومن سباتي
قمت عبّي الحلم تاصار يحلم
بحلمو يوم يوصل عاسواتي

ولأنو بالشعر موتك محرّم
ما بدّي يكون جهلك أستماتي
أنا بدّي بأمر اليوم تعلم
يا أمّا حضرتك ساكت بتبفى
يا بتحقق بشعرك أمنياتي


Fidaa K Mattar
كانت جولي مهضومي .... عقبال ما تجمعنا شي قعدة قريبا انشاللة

Hajjar Yasser

ياشعر عبّي الليل بالسله -- نجومك لبيدر منبري الغلّه
عاقد ماعبيت فيك الريح -- صار الفضا ع كتافك يعلّي
عبيت مكتوبي بصدى التلميح -- فضّو حبيبي الأسمر وقلّي
فضيت بالي وصرت نام منيح -- وعبيت وقتي بزنبقه وفلّه
وفضيت صحن الشمس صار يصيح -- ومع كل صيحه تركض التلّه
تعبي فناجين البشر وتزيح -- الغبشه و تفلش ضوها شلّه
وعبيت مرج الفكر لوز وشيح -- حلّه خيال وفلسفه حلّه
صار الشعر يتعلق مراجيح -- ويطير من مله على ملّه
وإنت للي فضيت الحقد تصريح -- وعبيت خيط الكره بمسله
عبيت كل قصايدك تجريح -- وماقبلت مطرح طيب تخلي
وقضيتها ضرب وشتم وفحيح -- وبينت عن عقلك الترْللّي
لكن أنا ببقى بنص الزيح -- فضي مبارح نهر بالنسيان
وعبي العبكره مبخره وصلي
.. يعطيك الف عافية فداء انت شاعر وانا حبيتك ومتل ما قلت انشالله منلتقي قريبا ...وكمان ابو شربل الك تحيه من القلب ومنكبر بامتالك

ألشاعر سليمان طراد

أووف أوووف أوووف

الجوره إذا ماكان بتكفّي
بحطّك متل أيوب بالقفّه
بخليك تبكي حظك التعبان
وجلد وعضم من همك تصفي

ولوكنت مطرح حضرتك يافلان
بمدح الجوره و زيتها بصفّي
راس البيصلي بشرعك وفهمان
لفّت الجوره قرعتو لفّه

وطفل الخلق بمغارة الرعيان
المذود إلو جوره والملفّه
الإيام جوره بتطمر الأحزان
وجمر الفرح بالناس بتطفي

والدهر جوره والعمر غرقان
وبيروح من ضفه على ضفه
وتختك إلك جوره وكيف ماكان
فيها بتتدفّى وبتدفّي
هههههههههههه

وجاط العنب جوره وإذا مليان
منو بيشبع كفك وكفي
والبحر جوره وانحنى لبنان
يشرب من الشاطي الحلو شفي

وحتى الزجل يطلع مع الألحان
بينزل بجورة دفك ودفي
الجوره بطن للأم ياإنسان
فيها خلقت من بيضة العفه

من هيك يا فوفو اذا سليمان
حطّك بجورة وطمّك بخفّي
بكره بيجي وبيمرق النسيان
وبتصير كف تراب بالجوره
ودين الأرض للأرض بتوفي

بحر الضو
جولة حلوة والكاتب ها الدرر اجمل ياسر انت شاعر صار ينحسبلك حساب
فاجأتني بقوة سبكك احلا تنين فداء وياسر تعلموا يا شعار العتم عا الزجل